Lajme nga vendi
Lejet e vjetra të vozitjes do të vlejnë deri në fund të vitit, Toshkovski u bëri thirrje qytetarëve që t’i ndërrojnë
Të gjithë qytetarët që kanë leje vozitjeje me emrin e vjetër të shtetit, duhet t’i ndërrojnë, bëri thirrje ministri i Punëve të Brendshme, Pançe Toshkovski, duke kujtuar se lejet e vjetra të vozitjes do të vlejnë deri në fund të këtij viti.
“Deri tani janë dhënë 750 mijë patentë shoferë me emrin e ri kushtetues. Rreth një milion patentë të tjera shoferi duhet të lëshohen me emrin e ri. Kërkoj që në periudhën e ardhshme disa mujore të gjithë ata që kanë patentë shoferë me emrin e vjetër t’i rinovojnë, sepse sipas ndryshimeve të ligjit, patentë shoferët e vjetër do të vlejnë deri në fund të këtij viti”, tha Toshkovski.
Ministri bëri me dije gjithashtu se dhënia e dokumenteve personale është kthyer në normalitet.
“Nga kjo javë e tutje, çdo qytetar që paraqet kërkesë për pajisjen me dokument të ri udhëtimi, patentë shofer, letërnjoftim, do të mund ta bëjë këtë brenda 15 ditëve në kuadër të së drejtës ligjore”, theksoi ai.
I pyetur nëse do të rriten kapacitetet në drejtim të makinerive prodhuese nëse do të krijohet një situatë e ngjashme në të ardhmen, ai u përgjigj se po punohet për zgjidhjen e përhershme të problemit.
“Për dallim nga ato të mëparshmit, ne i zgjidhim problemet dhe përpiqemi ta thjeshtojmë sa më shumë të gjithë procedurën, jo vetëm në lidhje me dokumentet personale, por në lidhje me çdo të drejtë që mund ta fitojë një qytetar i Maqedonisë. Në të ardhmen do të fokusohemi në fuqizimin nga aspekti i të drejtave diskrecionale, gjithçka që flasim për digjitalizim në kuadër të punës së MPB-së do të drejtohet ekskluzivisht në atë drejtim”, tha Toshkovski.
Ai shtoi se pika “Prolet” do të përdoret për një periudhë të caktuar kohore të nevojshme për renovimin e objekteve të Radio Televizionit të Maqedonisë, i cili, siç tha ai, do të fillojë për një muaj e gjysmë.
“Qëllimi është krijimi i kushteve normale të punës për punonjësit e policisë dhe kushte normale ku qytetarët nuk do të kenë turp të afrohen në objekte të caktuara”, shtoi ministri.
Kujtojmë se më 1 shkurt të këtij viti, Kuvendi miratoi në procedurë të shkurtuar ndryshimet ligjore sipas të cilave afati për ndërrimin e patentë shoferëve me emërtimin “Republika e Maqedonisë” do të jetë deri në fund të vitit, përkatësisht 31 dhjetor 2024.
Ndryshimi i dokumenteve buron nga Marrëveshja e Prespës, e nënshkruar ndërmjet Maqedonisë së Veriut dhe Greqisë më 17 qershor 2018, e cila u dha fund mospajtimeve të kamotshme mes dy shteteve. Portalb.mk
Në ndeshjen e parë kontrolluese që zhvillohet në kuadër të përgatitjeve për pjesën pranverore Shkëndija mundi AP Brerën me rezultatin 3-0
Shkëndija e Tetovës në kuadër të përgatitjeve për pjesën pranverore të kampionatit, krahas seancave intensive stërvitore, sot zhvilluan edhe kontrolluesen e parë me ekipin AP Brera nga Strumca. Në ndeshjen e parë kontrolluese që sot u zhvillua në terrenin e kompleksit sportiv të FFM-së në Shkup, pas 90 minutave lojë ku trajneri Jeton Beqiri në lojë inkuadroi pjesën më të madhe të lojtarëve që ka në disponim ndeshja përfundoi me rezultatin 3-0
Autor të golave për ekipin kuqezi ishin Atdhe Mazari në pjesën e parë , ndërsa Besart Ibraimi realizoi dy gola në pjesën e dytë
Shkëndija pas kësaj ndeshje të shtunën do të zhvendoset në Antalia të Turqisë ku do të vazhdoj fazën kryesore të përgatitjeve deri më 1 shkurt ku parashihen edhe katër ndeshje kontrolluese ndërsa e para është më 20 janar kundër ekipit ukrainas Oleksandrya.
Shaban Sinani – TV KOHA
Kryetari i njërit krah të Aleancës për Shqiptarët, Arben Taravari, deklaroi se ish-bashkëpartiaku i tij, Ziadin Sela, si dhe kryetari i Partisë Demokratike Shqiptare, Menduh Thaçi, po qëndrojnë “para derës së Qeverisë”, duke pritur të bëhen pjesë e kabinetit qeveritar.
“E shihni, Sela dhe Menduh po qëndrojnë para derës së Qeverisë, ndërsa unë në vitin 2024 e lashë Qeverinë për të sjellë ndryshim. E lashë Ministrinë e Shëndetësisë për shkak të përgjegjësisë. Po ashtu, mendova se ishte e arsyeshme të zhvilloja partinë. Brenda VLEN-it ka sa të duash thika pas shpine, shqiptarët nuk po avancojnë, ndërsa eurointegrimi nuk shihet askund. Dy herë e lashë Qeverinë dhe sakrifikova shumë, por nuk e dija se ka njerëz që japin gjithçka vetëm për poste,” tha Taravari, ndër të tjera, në emisionin “Klik Plus”.(INA)
SHKËNDIJA ME FITORE NISI CIKLIN E NDESHJEVE KONTROLLUESE
Në Zvicër nis gjyqi ndaj imamit biznesmen nga Kosova! Dyshohet për mashtrim, pastrim parash dhe evazion fiskal
ASH (Sela): Kur vasali, Taravari akuzon për veprimet që i bën vetë
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
