Connect with us

Lajme nga vendi

Izet Zeqiri: AKADEMIA TË DEL NGA ZONA E KONFORTIT

Published

10 months ago

on

Kuotat në universitete publike në afatin e parë u realizuan 33%, programe jo atraktive apo mungesë e studentëve
Edhe pse më herët parajmërova se universitetet publike nuk mundet të realizojn as 50% të kuotave të dhënat nga regjistrimi në afatin e parë janë shqetësuese të gjitha universitetet publike kanë aritur vetëm 33% të redalizojn regjistrimin e studentëve sipas kuotave nga 23.229 student të miratuar nga qeveria kanë regjistruar 7.665 student.
Akademia gjegjësishtë stafi akademik duhet të del nga zona e konfortit sepse në shumë programe studimore nuk ka student dhe vështirë se do ta arsyetojn pagën mujore që e marin. Arsyet duhet të studijohen, a janë programet studimore jo atraktive, rrënia e natalitetit apo migrimi. Pikërishtë ne si intelektual duhet të japim përgjigje të argumentuar në bazë të një studimi sepse detyra e profesorit nuk është vetëm të mban ligjerata para studentëve por edhe të jep përgjigje dhe drejtime se ka po shkon arsimi në përgjithësi.
Të dhënat për realizim të kuotave të regjistrimit duhet të jenë alarm për qeverinë që të fillojë reforma serioze në arsimin e lartë; sfidat me të cilat duhet përballet janë:
E para, numër shumë i madhë i institucioanve të arsimit të lartë. Në vendin tonë kemi mbi 18 institucione të arsimit të lartë edhe atë 6 publike dhe 12 private që i bjen gati në 100.000 banor kemi një universitet që është shumë! Kemi mbi 150 fakultete respektivisht, mbi 1500 programe studimore në shumicën e të cilave nuk ka studentë aktiv të regjistruar.
Është e nevojshme një strategji e konsolidimit dhe zvogëlimit të numrit të universiteteve private pse jo edhe publike (kryesisht përmes integrimit të disa universiteteve ekzistuese) shembujt nga vendet skandinave, por edhe ato në Belgjika, Gjermania dhe Holanda). Arsyet e bashkimit të disa institucioneve në një (shkrirje) përveç atyre financiare lidhen edhe me përmirësimin e cilësisë së punës së vetë universiteteve dhe forcimin e pozicionit dhe identitetit të tyre ndërkombëtar (sidomos në tërheqjen e studentëve). Vendet me kapital human të kufizuar sic jemi ne me rënie të natalitetit, migrimit të popullësisë, zvogëlim i numrit të studentëve, mjete financiare të limitura na obligon në reforma urgjente.
Reformat në arsimin universitar janë të nevojshme edhe nga shkaku se se numri i studentëve në gjashtë universitet publike është mbi 43.000 kurse në mbi 12 universitetet private dhe private publike është diku 8.600 dhe ditat ditës ky numër zvogëlohet. Shumë universitete private nuk kanë qëndrueshmëri financiare dhe kanë problem me kuadër por ajo që është më rëndësishme është cilësia e studimit diskutabile psh në universitet publike diplomimi i studentëve është diku 13% kundrejtë universiteteve private është mbi 26%, numri i të diplomuarve që fletë shumë për mos implementim të mekanizmave dhe standarve të cilësisë.
E dyta është financimi i arsimit të lartë, qeveria të miratojë një model të ri financimi për të cilin është e nevojshme të miratojë një strategji për financimin e arsimit të lartë në përputhje me analizat dhe nevojat e shtetit për financim dhe sigurim të cilësisë në arsimin e lartë.
Të miratohen kriteret e qarta për financimin e veprimtarisë së institucioneve të arsimit të lartë. Të sigurohet autonomi më e madhe e universiteve në menaxhimin financiar përveç kritereve të hyrjes apo inputeve, duhet të përdoret edhe kriteri i autputit për financimin e institucioneve të arsimit të lartë. Formula për financim të përfshinë kriteriumet hyrëse dhe dalëse: studentët e regjistruar, të diplomuar, punësimi, hulumtimet, studentët e doktoratës, publikimet dhe citimet.
Në të dhënat mundet të ketë gabime deri në 2% sepse janë nxjerë nga web faqet.
Related Topics:
Advertisement

Lajme nga vendi

Arrestohet polici nga Gostivari, dyshohet se ka vjedhur 25,000 € dhe ar në vlerë të 50,000 € nga Stacioni Policor

Published

12 hours ago

on

July 4, 2025

By

Nga Ministria e Punëve të Brendshme njoftojnë se gjatë ditës së djeshme është arrestuar një zyrtar policor nga Gostivari, pasi i njëjti dyshohet se ka vjedhur ar dhe para që ishin sekuestruar gjatë bastisjeve të Policisë. Nga MPB thonë se është arrestuar edhe një person, i cili dyshohet se e ka blerë arin.

“Më 03.07.2025, në orën 17:50, zyrtarët policorë nga SPB Gostivar kanë arrestuar zyrtarin policor D.S. (51) nga Gostivari, për shkak të dyshimeve të bazuara se ka kryer vepër penale sipas nenit 353 dhe 354 – “keqpërdorim i pozitës dhe autorizimit zyrtar” nga Kodi Penal. Ai nga dollapi në Stacionin e Policisë, ku ruheshin gjësendet e marra nga bastisjet, në të cilat kishte marrë pjesë si i punësuar në krim-teknikë në SP Gostivar, ka vjedhur rreth 25.000 euro dhe stoli ari në vlerë prej rreth 50.000 euro. Kontrolli në objektin e Stacionit Policor të Gostivarit u krye nga një prokuror publik nga Prokuroria Themelore Publike Gostivar, në prani të ekipit hetimor dhe udhëheqësisë së SPB Gostivar. Po ashtu, në orën 20:30 në rrugën “18 Nëntori” në Gostivar, zyrtarët policorë nga SPB Gostivar arrestuan I.Sh. (32) nga Gostivari, për shkak të dyshimeve se ka kryer veprën penale “fshehje”, përkatësisht se ka blerë stolitë e arit të vjedhura”, thonë nga MPB.

Continue Reading

Lajme nga vendi

Kasami: 100 trotinetë të rinj elektrik në Tetovë

Published

12 hours ago

on

July 4, 2025

By

Kreu i komunës së Tetovë, Bilall Kasami ka njoftuar që nga sot në qytet do të operojnë 100 trotinetë elektrikë, të cilët qytetarët mund t’i marrin me qira për relacione të shkurtra. Kasami tha se minuti do të kushtojë 6 denarë, ndërsa përdoruesit duhet të jenë mbi moshën 13 vjeçe, ndërsa shpejtësia është e kufizuar në 25 km/h.

“Me vetëm një aplikacion në dorë, ti lëviz lirshëm në qytet, vetëm 6 denarë për minut. Përdoruesi duhet të jetë mbi 13 vjeç. Helmetë dhe jelek reflektues të detyrueshëm në kushte të caktuara. Shpejtësia e kufizuar në 25km/h, sepse siguria është mbi të gjitha. Ndalohen: vozitja nga më shumë se një person, heqja e duarve nga timoni si dhe transporti i sendeve!”, ka shkruar Kasami.

Continue Reading

Lajme nga vendi

Mickoski paralajmëron tatim shtesë për të pamartuarit në Maqedoni

Published

13 hours ago

on

July 4, 2025

By

Kryeministri Hristijan Mickoski sot në debatin në qeveri, me temë “Trende demografike, sfida dhe zgjidhje të mundshme” – Zhvillimi i dokumenteve strategjike për rezistencë demografike, njoftoi se po mendojnë për vendosje të tatimit shtesë për personat e pamartuar. Mickoski tha se kjo mund të bëhet për të stimuluar rritjen e popullsisë.

“Këtu seriozisht mendojmë për vendosjen e tatimeve shtesë për të pamartuarit. Të nderuar, nuk ka asgjë më të shenjtë se jeta, dhe nuk ka asgjë më të trishtë nga ajo që sot shteti ynë ngadalë po zbrazet. Por gjithashtu, nuk ka asgjë më të guximshëm sesa populli që zgjohet. Për këtë themi, koha është për të ardhmen, për shtetin ku do të lindin më tepër fëmijë. Këtë e kemi imperativ kryesor, më shumë të rinj të hyjnë në martesë dhe të lindin më tepër fëmijë”, deklaroi Mickoski.

Continue Reading

Më të lexuarat