Lajme nga vendi
Radev para takimit me Siljanovskën: Presim që RMV t’i përmbushë të gjitha obligimet e saj
Presidenti bullgar, Rumen Radev konfirmoi sot në mëngjes, para vizitës së presidentes Gordana Siljanovska Davkova në Sofje, se do të kenë bisedime zyrtare, por tha se Qeveria e Republikës së Maqedonisë së Veriut ende nuk e ka braktisur retorikën parazgjedhore dhe se duhet të kthehet drejt realizmit të obligimeve të tyre, përcjell Telegrafi Maqedoni.
“Është e vërtetë që muzika dhe kultura janë sfera që na bashkojnë. Bullgaria ka qenë gjithmonë e hapur për dialog me Republikën e Maqedonisë së Veriut dhe pret që ky dialog jo vetëm të ndihmojë në afrimin tonë kulturor dhe t’i japë shtysë bashkëpunimit ekonomik, por edhe të hapë një dialog për zgjidhjen përfundimtare të çështjeve të hapura mes nesh”, tha Radev.
Ai theksoi se bashkë me marrëveshjet e nënshkruara, përfshirja e lidershipit të Maqedonisë së Veriut në ndërtimin e Korridorit 8 do të jetë tregues i qartë i ambicieve reale evropiane të RMV-së për lidhje më të madhe në rajon.
“Pres që vullneti i treguar për dialog dhe mirëkuptim nga ana e presidentes Siljanovska të bëhet një politikë konsistente edhe e Qeverisë së RMV-së”, tha Radev.
Radev tha se Qeveria e RMV-së ende nuk ka dal retorika parazgjedhore.
“Qeveria e Republikës së Maqedonisë së Veriut ende nuk e ka braktisur retorikën e saj parazgjedhore. Le të kthehen në realizëm. Marrëdhëniet tona do të bazohen në marrëveshjet e lidhura. Ne presim që RMV t’i përmbushë të gjitha obligimet e saj, si ndaj nesh ashtu edhe ndaj Bashkimit Evropian. Ne respektojmë me përpikëri protokollin, tani është radha ime të vij në një vizitë zyrtare në Republikën e Maqedonisë”, tha Radev./Telegrafi/
Lajme nga vendi
Bilall Kasami sot zyrtarisht shpall kandidaturën për mandatin e dytë në Komunën e Tetovës
Sot, kryesia qendrore e koalicionit VLEN mbajti mbledhjen e radhës, ku ndër temat kryesore ishte diskutimi për përgatitjet për zgjedhjet e ardhshme lokale, raporton SHENJA.
Në një konferencë për shtyp nga VLEN theksojnë se prioritet mbetet përzgjedhja e kandidatëve më të pranuar për qytetarët, duke u përqendruar në figura që do të jenë në funksion të interesave lokale dhe zhvillimit komunal.
Pas diskutimeve, kryesia ka miratuar listën e mëposhtme të kandidatëve për kryetarë komunash:
Tetovë: Bilall Kasami
Çair: Izet Mexhiti
Strugë: Mendi Qyra (kandidat i pavarur)
Kërçovë: Fatmir Limani
Dibër: Fisnik Mela
Shkup: Bashkim Bakiu
Saraj: Muhamed Elmazi
Likovë: Nexhmedin Sadiku
Haraçinë: Daut Beqiri
Zhelinë: Blerim Sejdiu
Tearcë: Daut Memishi
Bogovinë: Feti Abazi
Bërvenicë: Haqim Ramadani
Dollnen: Blerim Islami
Nga VLEN gjithashtu është bërë e ditur se ende nuk ka një vendim përfundimtar për kandidaturat në komunat e Gostivarit, Vrapçishtit, Studeniçanit dhe Çashkës, ndërsa vendimet për këto pritet të merren në ditët në vijim.
Lajme nga vendi
Aksidenti në Tetovë – i riu jashtë rrezikut për jetë! Nga fillimi i vitit në Tetovë 8 persona e kanë humbur jetën në aksidente
Adoleshenti që u lëndua gjatë aksidentit të djeshëm është në gjendje të qëndrueshme dhe po trajtohet në shtëpi. Trupat e tre viktimave janë dërguar në Institutin e Mjekësisë Ligjore dhe pas autopsisë do t’i dorëzohen familjarëve për varrim, bëjnë të ditur nga Spitali i Tetovës.
Aksidenti i djeshëm ndodhi si pasojë e humbjes së kontrollit nga drejtuesi i mjetit Opel Astra, njoftojnë nga Sektori për Punë të Brendshme i Tetovës. Informacione shtesë për shkaqet që çuan në humbjen e kontrollit priten nga mjekësia ligjore dhe prokuroria. Por sipas të dhënave fillestare, nga ajo që shihet në video-incizimet e kamerave të sigurisë, dyshohet se drejtuesi mund të ketë pësuar sulm në zemër.
Nga SPB Tetovë thonë se që nga fillimi i vitit 2025, në rajonin që mbulohet prej tyre, nga aksidentet rrugore kanë humbur jetën tetë persona. Po aq viktima ka pasur edhe gjatë vitit 2024.
Bilall Kasami sot zyrtarisht shpall kandidaturën për mandatin e dytë në Komunën e Tetovës
VLEN publikon listën e kandidatëve për zgjedhjet lokale
Aksidenti në Tetovë – i riu jashtë rrezikut për jetë! Nga fillimi i vitit në Tetovë 8 persona e kanë humbur jetën në aksidente
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi3 years ago
Kovaçevski paralajmëroi drejtor të ri të Drejtorisë për Zbatimin e Sanksioneve