Lajme nga vendi
100 ditë Qeveri, Taravari: Para 100 ditëve nisi epokë e re me fuqinë në duart e popullit
Para 100 ditëve nisi një epokë e re! Një epokë ku askush më nuk e ndjen peshën e padrejtësisë, ku asnjë familje shqiptare nuk ndjehet se s’ka të ardhme. Bashkë, ne po ndërtojmë këtë të ardhme! Një të ardhme ku fuqia qëndron në duart e popullit.
Kjo u tha nga ana e kryetarit të ASH-së dhe ministër i shëndetësisë Arben Taravari me rastin e 100 ditëshit të parë të Qeverisë së re, pjesë e së cilës është koalicioni shqiptar “VLEN”.
Taravari nga SHBA-të, ku merr pjesë në Asamblenë e 79-të të OKB-së, përmes një video lidhjeje, theksoi se klikës 22 vjeçare të BDI-së më në fund i erdhi fundi dhe shprehet falënderues ndaj çdo bashkëudhëtari të ndryshimit.
“Të dashur të pranishëm, mikesha e miq – bashkëudhëtarë të ndryshimit, Edhe pse nuk jam fizikisht me ju për shkak të një vizite zyrtare në SHBA, e di se sot na ka bërë bashkë në Shkup një ndjenjë të thellë shprese, krenarie dhe triumfi. Jo për ne vetë, por për çdo shqiptar që për 22 vite jetoi nën hijen e një klike të korruptuar që zuri frymën e popullit tonë. 22 vite! Gati një çerek shekulli, ku secili prej nesh provoi padrejtësinë, ku drita e shpresës ndizej dhe shuhej përditë nga një makineri pushteti që nuk pyeste për nevojat e popullit. BDI-ja ishte një frikë mbi të cilën ndërtohej perandoria e politikanëve të korruptuar, ndërsa populli ndihej i dobët përballë arrogancës së tyre. Por e dini çfarë? Ne nuk u dorëzuam! Derisa ata ia kthyen shpinën popullit, ne u betuam se nuk do të lëmë asnjë fije shprese të vdesë. Dhe ja ku jemi sot! Me kokën lartë! Me zemrën plot! Sepse ju, ne, të gjithë bashkë, arritëm të çlirojmë shqiptarin nga një regjim që na mbajti peng për më shumë se dy dekada. Ia vlejti mundi për të hequr nga skena ata që me fytyrë të buzëqeshur, por me shpirt të errët, ia mohuan të ardhmen të rinjve tanë, që e përdorën pushtetin për t’u pasuruar, duke i lënë qytetarët në varfëri e dëshprim”, theksoi Arben Taravari, kryetar i ASH-së.
Në fjalimin e tij, ai më tej tha se sot, shqiptarët janë të lirë! Jo thjesht të lirë nga një parti politike, por të lirë nga një sistem që e përbuzi dhe e përçmoi popullin tonë. “Dhe kjo liri, kjo fitore, është e juaja. Kjo është fitore e atyre që s’u ndalën kurrë së besuari tek ndryshimi”, theksoi më tej ai, për të shtuar: “E atyre që përballë çdo lufte, përballë çdo pengese, nuk pranuan të heshtin. Sepse heshtja është armiku më i madh i lirisë”.
“Para 100 ditëve nisi një epokë e re! Një epokë ku askush më nuk e ndjen peshën e padrejtësisë, ku asnjë familje shqiptare nuk e ndjen se nuk ka një të ardhme. Bashkë, ne po ndërtojmë këtë të ardhme! Një të ardhme ku fuqia qëndron në duart e popullit, e jo në xhepat e të korruptuarve. Në këtë periudhë 100 ditëshe, qeverisja e koalicionit VLEN dëshmoi se edhe në Maqedoninë e Veriut mund të qeveriset ndryshe, mund t’i shërbehet popullit pa skandale, me nder e dinjitet, e jo interesave personale e grupore”, deklaroi kreu i ASH-së, Taravari.
Në fjalimin e tij, ai u ndal edhe te Ministria e Shëndetësisë, dikaster që e drejton vetë ai. Theksoi se Ministria e Shëndetësisë që drejton ai, ka filluar rimëkëmbjen e sistemit të shëndetësisë.
“Ky sistem tani është çliruar nga epidemia e korrupsionit dhe po u shërben qytetarëve mirëfilli. Në këtë periudhë të shkurtër ne kemi shënuar shumë rezultate. Do të veçoj vetëm disa:
1. Zhbëmë pozitën e drejtorëve ekonomikë për të zvogëluar shpenzimet e panevojshme dhe minimizuar mundësinë e korrupsionit nëpër klinika;
2. Siguruam punësimin e 600 specializantëve privatë të cilët do t’u shërbejnë qytetarëve;
3. Pas mëse 10 vitesh u azhurnua lista pozitive e barnave për 9 barna të reja gjenerike, gjithsej 87 barna në forma të ndryshme;
4. Siguruam mjete për përfundimin e Spitalit të Kërçovës dhe Shtipit, si dhe po rikonstruojmë Spitalin Klinik të Tetovës;
5. Siguruam 10 milionë euro për pastrimin e ajrit në objektet shëndetësore;
6. Blemë paisje në vlerë prej 1 milion euro për Klinikën Universitare për Kirurgji Digjestive;
7. Siguruam pajisje moderne siç janë rezonanca magnetike me vlerë 1.3 milionë euro, si dhe dhe një mikroskop kirurgjik më të avancuar për Klinikën Universitare të syrit;
8. Nisëm rikonstruimin e godinës ku do të vendoset qendra e parë ditore për adoleshentët dhe të rriturit me spektrin autik;
9. Rinovuam ambulancën neurologjike të Klinikës për sëmundje të fëmijëve”, tha Taravari.
Këto janë vetëm disa nga arritjet tona në këtë periudhë të shkurtër, ndërsa ne do të angazhohemi për të ndërtuar një shoqëri të barabartë, ku çdo individ do të ketë mundësinë të kontribuojë dhe të përfitojë, theksoi më tej kreu i ASH-së në fjalimin e tij drejtuar të pranishmëve në shënimin e 100 ditëshit të Qeverisë së re.
“Ne do të punojmë për një arsim më të mirë, një sistem shëndetësor që shërben të gjithë dhe një ekonomi që ofron mundësi për të rinjtë tanë. Do të jemi vigjilentë! Çdo ditë do të kujtojmë sakrificat që na sollën këtu. Çdo ditë do të angazhohemi për të mbrojtur lirinë tonë, për të forcuar demokracinë dhe për të siguruar një të ardhme më të ndritshme për brezat që do të vijnë”, tha Taravari.
Taravari theksoi se ia vlejti lodhja, pagjumësia dhe, siç potencoi, çdo sakrificë që të thyejmë prangat që na kishin lidhur për kaq gjatë!
Ai fjalimin e mbylli me mesazhi se: “Rezultatet flasin për vete. Ndryshimi që e kisha premtuar ka ndodhur dhe këtë ndryshim do ta prekë çdo qytetar, çdo familje dhe çdo shqiptar i vendit tonë”.
Kryetari i Komunës së Çairit, Izet Mexhiti, ka vlerësuar rëndësinë e ruajtjes dhe zhvillimit të sportit të mundjes, duke theksuar se Shkupi vazhdon të jetë një nga qendrat më të rëndësishme të këtij sporti në vend.
Përmes një postimi në rrjetin social Facebook, Mexhiti tha se aktiviteti “Vera Kulturore dhe Sportive” ka bashkuar traditën, të tashmen dhe të ardhmen e sportit të mundjes, duke rikujtuar emrat e mëdhenj që kanë lënë gjurmë në historinë sportive shqiptare.
“Shkupi, qyteti që i dha sportit emra të mëdhenj si Mentaz Allajbegu, Shaban Tërstena dhe Shaban Sejdiu, vazhdon të mbetet vatër e traditës së lavdishme të mundjes”, ka shkruar Mexhiti.
Ai ka veçuar edhe kontributin e mundësit dhe trajnerit Besir Alili, për të cilin tha se po e mban gjallë këtë trashëgimi me përkushtim dhe profesionalizëm, duke bërë që fryma e kampionëve të vazhdojë të jetojë dhe të frymëzojë brezat e rinj.
Sipas Mexhitit, fëmijët që janë pjesë e aktiviteteve sportive përfaqësojnë shpresën për kampionët e së ardhmes, duke dëshmuar se tradita e mundjes në Shkup vazhdon të kultivohet dhe të zhvillohet.
“Këta fëmijë, plot ëndrra dhe vullnet, përfaqësojnë brezin e ri dhe shpresën për kampionët e nesërm”, theksoi ai.
Hekurudha e dëmtuar në rrugën që të shpie drejt fshatit Falishtë do duhet të pres deri sa të bëhet rruga e re, nga Bervernica përmes lagjes Jashtë Vardarit e që të shpie deri te fabrika e Teteksit. Pavarësisht se ky kalim po ua shkatëron veturat banorëve dhe bizneseve që gravitojnë në këtë zonë por edhe kalimtarëve të rastit, kreu i Komunës së Tetovës Bilall Kasami thotë se janë të njoftuar për problemin dhe se për këtë janë në komunikim me Hekurudhat e Maqedonisë.
BILALL KASAMI – Kryetar i Komunës së Tetovës
“Në atë pikë do të dal edhe rruga që është duke u ndërtuar nga rruga për në Bërvenicë, përmes lagjes jashtë vardarit, fabrikës së Teteksit dhe do të dal rreth hekurudhës dhe do të dal në atë pikë aty. Fazën finale të realizimit të rrugës do të shohim edhe mundësinë që bashkë të rregullohet edhe hekurudha. Kemi kërkesë edhe deri te Komuna, kemi një komunikim edhe me hekurudhat e Maqedonisë” tha Kasami.
Kasami tha se qëllimi është që projekti i rregullimit të kësaj pjese të bëhet i plotë dhe me të gjitha standardet e jo gjysmak andaj ai apeloi për durim dhe mirëkuptim deri në përfundimin e plotë të punimeve që sipas tij nuk do të zgjasin shumë.
BILALL KASAMI – Kryetar i Komunës së Tetovës
“Jemi duke kërkuar zgjidhje se si të rregullohet ajo çështje shkaku se aty me projektin për hapjen e rrugës ka edhe kanalizim atmosferik dhe fekal dhe aty do të shohim edhe rregullimin e kanalizimeve. Pra edhe aty nuk është thjeshtë merremetimi i rrugës por është një projekt serioz me gjithë infrastrukturën mbitokësore dhe nëntokësore. Sepse janë projekte të cilat ne nuk duam t’i bëjmë shkel e shko por duam t’i bëjmë edhe stuktrën përciellëse. Pra po kemi kërkesë dhe jemi duke e shqyrtuar mënyrën se si ta realizojmë të njëjtën” shtoi Bilall Kasami, Kryetar i Komunës së Tetovës.
Përndryshe Televizioni Koha ka raportuar disa herë për këtë rrugë dhe problemet që hasin qytetarët gjatë kalimit të hekurudhës. Banorët madje i thanë ekipit të Kohës se kanë bërë kërkesë deri te drejtoria e hekurudhave që ta rregullojnë këtë kalim me vetëiniciativë por nuk kanë marr fare përgjigje.
Përndryshe, ka vite të tëra që në këtë herkurudhë nuk kalon asnjë tren, megjithatë, kalimi ka mbetur i dëmtuar dhe për vite me rradhë nuk është ndërmarr asgjë./Tv Koha/
Pas shënimit të ditëlindjes së VMRO-DPMNE-së, Izet Mexhiti, Bilall Kasami dhe Maksim Dimitrievski pritet që në fund të javës të ulen në një tryezë të përbashkët me Kryeministrin Mickoski për të diskutuar përbërjen e re të Qeverisë. Sipas partnerëve të koalicionit të VMRO-DPMNE-së, në takim do të marrin pjesë edhe sekretarët e përgjithshëm të partive ose koordinatorët e grupeve parlamentare.
Pas 17 qershorit, pas festimit të ditëlindjes së VMRO-DPMNE-së, pritet të nisin bisedimet e Kryeministrit Hristijan Mickoski me partnerët e koalicionit qeveritar lidhur me rikonstruimin e Qeverisë.
Kryeministri deklaroi se gjërat do të bëhen më të qarta pasi të ulet në një tryezë të përbashkët me drejtuesit e VLEN-it dhe ZNAM-it për të diskutuar ndarjen e resorëve dhe rotacionet e mundshme në disa ministri.
Ai theksoi se qëllimi nuk është që me çdo kusht të shkohet në zgjedhje të parakohshme parlamentare, por nëse kundërshtarët politikë i provokojnë ato, qeveria është e gatshme edhe për atë skenar.
Mediat njoftojnë se takimet do të zhvillohen me liderët e VLEN-it dhe ZNAM-it, përkatësisht me Izet Mexhitin dhe Bilall Kasamin si përfaqësues të bllokut politik shqiptar në qeveri, si dhe me Maksim Dimitrievskin nga ZNAM, i cili do të shoqërohet nga sekretari i përgjithshëm i partisë ose koordinatori i grupit parlamentar.
Çështja e rikonstruimit ka hapur edhe dilema rreth asaj se kush do ta zërë vendin e Arben Fetait në resorin e Qeverisjes së Mirë, pasi ai dha dorëheqje pas reagimeve të opinionit publik dhe opozitës se nuk paraqitej në punë, ndërsa më pas u emërua nga kryeministri si përfaqësues i lartë i vendit në Bruksel.
Rikonstruimi i ri ka hapur debat edhe për Ministrinë e Politikës Sociale, Demografisë dhe Rinisë, pasi Ministri Limani deklaroi se nuk është më pjesë e VLEN-it, ndërsa kjo koalicionon këmbëngul se ministria u takon atyre.
Përveç VLEN-it dhe ZNAM-it, të dyja palët presin t’i mbajnë resorët e tyre, por nuk e përjashtojnë mundësinë e rokadave të caktuara.
Në opinion është spekuluar se ekziston mundësia që zëvendëskryeministri Bekim Sali të kalojë në krye të Ministrisë së Shëndetësisë, një sektor që ai e ka drejtuar edhe në periudhën 2022–2023. Gjithashtu, nuk përjashtohet mundësia e ndryshimeve të tjera mes partnerëve të koalicionit në këtë resor.
Spekulimet për largimin e ministrit të Drejtësisë, Igor Filkov, janë hedhur poshtë nga lideri i ZNAM-it, Maksim Dimitrievski, megjithatë fjalën e fundit do ta ketë mandatari dhe kryeministri Hristijan Mickoski.
Megjithatë, nëse rikonstruimi do të jetë i vogël apo i gjerë do të varet kryesisht nga planet e qeverisë për zgjedhje të mundshme të parakohshme parlamentare.
Kryeministri ka deklaruar disa herë se zgjedhjet po afrohen dhe mund të mbahen edhe vitin e ardhshëm.
Për këtë arsye, nuk përjashtohet mundësia që rikonstruimi të jetë më i kufizuar, megjithëse priten edhe emra të rinj, veçanërisht nga VLEN-i për ministritë e përmendura./Tv Koha/
Mexhiti: Shkupi vazhdon të mbetet vatër e traditës së lavdishme të mundjes
KASAMI PREMTON RREGULLIMIN E KALIMIT TË HEKURUDHËS PËR NË FALISHTË
NBA: NEW YORK KNICKS KAMPION PAS 53 VITEVE!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
