Lajme nga vendi
Komisioni i Listës Pozitive po shqyrton terapinë për pacientët onkologjikë
Komisioni i listës pozitive është duke e shqyrtuar terapinë për pacientët onkologjikë, thotë Ministria e Shëndetësisë për MIA. Duke iu përgjigjur pyetjeve tona lidhur me terapinë për pacientët onkologjikë, ata theksojnë se edhe kjo kategori barnash merret në shqyrtim nga komisioni, sipas aplikimeve të marra nga kompanitë farmaceutike.
Pritet që në seksionin e listës pozitive të spitalit të futen medikamente të reja që janë pjesë e trajtimeve moderne për këtë kategori pacientësh. Terapia moderne e onkologjisë është tashmë e disponueshme për pacientët përmes buxheteve të kushtëzuara nga Fondi për objektet shëndetësore dhe vendosja e tyre në listën pozitive do të përshpejtojë proceset për prokurimin e tyre, nënvizon Ministria e Shëndetësisë.
Në muajin kushtuar luftës kundër kancerit të gjirit, duke iu përgjigjur pyetjeve tona, Ministria bën me dije se në vitin 2023, në kuadër të depistimit për zbulimin e hershëm të kancerit të gjirit, janë kontrolluar gjithsej 4987 gra, ndërsa që nga fillimi i vitit 2024, deri më tani janë kontrolluar 4987 gra gjithsej 9152 gra.
Skriningu këtë vit bëhet në gjithsej 14 institucione publike shëndetësore, përkatësisht në Institutin Universitar të Radiologjisë, Klinikën për Sëmundje Kirurgjike “Sveti Naum Ohridski”, në QOB “8 Shtatori”, në tri spitalet klinike në Tetovë, Shtip dhe Manastir, poliklinika “Zhelezara”, në poliklinikat “Bukuresht”, “Jane Sandanski” dhe “Çair”, si dhe në spitalet në Kavadar, Veles, Kumanovë dhe Strumicë, sqaron Ministria.
Ndryshe, shtojnë ata, sipas rrugës së re për referimin e pacientëve, nga fillimi i vitit në “Termin im” janë regjistruar gjithsej 13705 ekzaminime.
Sa i përket eko ekzaminimeve të gjirit, vetëm në Institutin e Radiologjisë në vitin 2023 janë kryer gjithsej 1618 ekzaminime, ndërsa në vitin 2024 deri më tani janë kryer gjithsej 888 ekzaminime. Në nivel të gjithë vendit, në vitin 2023 janë kryer gjithsej 18.886 eko ekzaminime dhe 16.421 ekzaminime mamografike, ndërsa këtë vit deri më tani janë kryer gjithsej 11.676 eko ekzaminime dhe 6.693 mamografi, njofton Ministria.
Nga pikëpamja e pajisjes së institucioneve shëndetësore publike me aparatura diagnostikuese, theksojnë se me mbështetjen e Bankës Evropiane për Rindërtim dhe Zhvillim, u siguruan mamuth dhe aparate eko për Institutin e Radiologjisë, “8 Shtatori”, Spitalin Klinik – Tetovë dhe spitalet e përgjithshme në Kumanovë, Strumicë, Strugë dhe Dibër. Të gjitha aparaturat u vunë në funksion dhe bëhej fjalë për aparaturat diagnostikuese më moderne, tre prej tyre me tomosintezë dhe biopsi stereotaksike.
Gjithashtu, me mjete të Ministrisë së Shëndetësisë, në Klinikën Universitare për sëmundje kirurgjikale “Sveti Naum Ohridski” është pajisur plotësisht edhe ambulanca e re për skrining mamografik.
Ministria filloi një fushatë kombëtare nën moton “Karvani rozë tetori – Parandalimi është mbrojtja më e mirë”
Njëkohësisht, ata rikujtuan se aktiviteti kryesor i fushatës është mbajtja e tribunave publike të udhëhequra nga ekspertë panelistë, mjekë në institucionet publike shëndetësore në mbarë vendin, me qëllim të ndërgjegjësimit për rëndësinë e parandalimit dhe diagnostikimit të hershëm të kanceri i gjirit.
Ndryshimi i listës pozitive të barnave, protokollet e reja të Klinikës së Onkologjisë për të përmirësuar kushtet për pacientët, por edhe për të lehtësuar punën e mjekëve, këto janë kërkesat e pacientëve onkologjikë. Ata janë në kërkim të terapive të reja siç ka në të gjitha vendet e zhvilluara evropiane, botërore, kërkojnë terapi të reja moderne, një mënyrë moderne të depistimit dhe diagnostikimit.
Katerina Canevska Arsovska, gazetare dhe paciente onkologjike, në një deklaratë për MIA tha se shteti duhet të veprojë më i organizuar ndaj pacientëve onkologjikë, të ketë mjaft mjekë dhe personel tjetër mjekësor dhe barna.
Të ketë mjaftueshëm mjekë, infermierë, shtretër. Shteti duhet të veprojë në mënyrë shumë më të organizuar ndaj pacientëve onkologjikë, drejt plotësimit të kushteve për trajtimin e tyre. Kur shkojnë për të marrë terapi, nuk duhet të kenë frikë nëse terapia do të jetë në dispozicion apo jo. Është e vështirë të mos kesh terapi për dikë nga Shkupi, i cili do të shkojë dhe të kthehet, pastaj të vijë përsëri, por imagjinoni që kjo t’i ndodhë dikujt që është me kilometra larg kryeqytetit. Prandaj, të gjitha llojet më të mira të terapisë duhet të sigurohen dhe të merren nga të gjithë pacientët që kanë nevojë për të. Këtë duhet të bëjë shteti si një nga hapat e parë, si për pacientët onkologjikë që po luftojnë me sëmundjen më të vështirë, ashtu edhe për familjet e tyre, të cilët së bashku me ta udhëheqin atë betejë dhe duhet të ndihmojnë në shërim, na u përgjigj ajo.
Dje, në orën 13:30 në Tetovë, zyrtarët policorë kanë privuar nga liria një 47-vjeçar nga Tetova. Paraprakisht, në orën 12:40 në Stacionin Policor të Tetovës, babai i tij 76-vjeçar ka denoncuar se për një periudhë të gjatë kohore ai dhe bashkëshortja e tij janë viktima të dhunës në familje nga ana e djalit të tyre. Sipas denoncimit, 47-vjeçari, në gjendje të dehur, çdo ditë ka thyer sende në shtëpi dhe ka drejtuar kërcënime serioze për jetën e tyre. Pas privimit nga liria, te ai janë matur 2,14 promilë alkool në gjak dhe ai është ndaluar në stacionin policor për procedurë të mëtejshme, ndërsa pas dokumentimit të rastit do të dorëzohet kallëzimi përkatës.
……Dje në orën 15:30 në një fshat të Gostivarit, zyrtarët policorë kanë privuar nga liria një 27-vjeçar i cili ishte denoncuar nga ish-partnerja e tij jashtëmartesore se pasi ajo kishte ndërprerë lidhjen, ai kishte shkuar para shtëpisë së prindërve të saj me automjetin e udhëtarëve “BMV” dhe u kishte drejtuar kërcënime serioze për jetën.
……Dje, në orën 15:40 në Stacionin Policor të Tetovës, një 30-vjeçar nga Tetova ka denoncuar se në rrugën “Ilinden”, derisa po lëvizte me bashkëshorten e tij, është sulmuar fizikisht nga vëllai i tij 26-vjeçar. Pas dokumentimit të plotë të ngjarjes do të dorëzohet parashtresa përkatëse.
…..Dje në orën 16:30 në rrugën rajonale Tetovë-Jazhincë, në fshatin Tearcë, zyrtarët policorë nga Stacioni Policor për Siguri në Trafikun Rrugor Tetovë kanë privuar nga liria një 69-vjeçar nga i njëjti fshat. Ai po drejtonte automjetin “BMË” me shpejtësi prej 114 km në orë, në një vend ku kufizimi i shpejtësisë është 50 kilometra në orë. Ai është ndaluar në stacionin policor dhe pas dokumentimit të rastit do të vijojë parashtresa përkatëse.
……Dje, në orën 14:55, në SPB Tetovë është denoncuar se në Spitalin Klinik të Tetovës është pranuar një fëmijë 10-vjeçar, i cili sipas denoncimit, kishte pirë një sasi të madhe ilaçesh. Është njoftuar prokurori publik dhe Qendra për Punë Sociale dhe po ndërmerren masa për zbardhjen e rastit.
Dje, zyrtarët policorë kanë privuar nga liria një 49-vjeçar nga një fshat i komunës së Bërvenicës, pas denoncimit nga bashkëshortja e tij, me të cilën janë në procedurë divorci, se ai i kishte drejtuar kërcënime për jetën.
…….Sot pas mesnate rreth orës 01:30, në Stacionin Policor të Tetovës, një 31-vjecare nga Tetova ka denoncuar se është sulmuar fizikisht nga vëllai i saj 26-vjecar në afërsi të qendrës rekreative “Banjishtë”. Ai është privuar nga liria, ndërsa gjatë kontrollit tek ai është gjetur marihuanë.
……Dje, në orën 15:10 në stadiumin e futbollit në fshatin Tearcë, në ndeshjen midis ekipeve të KF Tearca nga fshati Tearcë dhe KF Dardania nga fshati Neproshten, zyrtarët policorë të Njësisë Policore të Tearcës kanë arrestuar një 27-vje nga fshati Tearcë, i cili është sjellë në mënyrë agresive dhe në disa raste ka tentuar të sulmojë fizikisht lojtarët e ekipit mysafir. Ai është ndaluar në stacionin policor dhe pas dokumentimit të rastit do të vijojë parashtresa përkatëse.
…….Dje në orën 19:15, zyrtarët policorë nga Stacioni Policor për Mbikëqyrje Kufitare Rogaçevë kanë privuar nga liria një 47-vjecar nga Tetova. Gjatë kontrollit tek ai është gjetur dhe konfiskuar një lëndë pluhur me ngjyrë kafe. Ai është ndaluar në stacionin policor dhe pas dokumentimit të rastit do të vijojë parashtresa përkatëse.
……Sot në mëngjes në orën 02:45, zyrtarët policorë nga Stacioni Policor për Mbikëqyrje Kufitare Kodra e Diellit kanë privuar nga liria personin një 24-vjecar nga fshati Poroj. Gjatë kontrollit tek ai është gjetur dhe konfiskuar marihuanë.
Nga mesnata hyjnë në fuqi masat e reja të Qeverisë për uljen e çmimeve të derivateve të naftës.
Sipas tyre, çmimi i naftës (dizelit) do të mbetet i pandryshuar, ndërsa benzina do të ulet për dy denarë për litër.
Qeveria ka vendosur të ulë akcizën për dizelin me katër denarë, ndërsa për benzinat me dy denarë.
Njëkohësisht, vazhdon të zbatohet masa për uljen e TVSH-së për karburantet nga 18% në 10%.
Gjithashtu, me kompaninë OKTA është arritur marrëveshje që të vazhdojë edhe zbritja shtesë – dy denarë për benzinat dhe tre denarë për dizelin, të paktën deri në fund të muajit prill.
Sipas Qeverisë, këto masa synojnë të zbusin presionin e çmimeve mbi qytetarët dhe të ruajnë standardin jetësor.
Ai theksoi se, pavarësisht rritjes së ndjeshme të kërkesës – veçanërisht në rajonet kufitare, ku është trefishuar shitja e derivateve të naftës – për momentin nuk ka nevojë për kufizimin e sasisë së karburanteve që blejnë shtetasit e huaj.
Nëse kriza vazhdon, Qeveria po shqyrton edhe masa shtesë, përfshirë uljen e TVSH-së për produktet bazë ushqimore nga 5% në 0%, si dhe riaktivizimin e masës për ngrirjen e marzheve.
Gjithashtu po analizohet mundësia që efektet e kësaj mase të zgjasin edhe pas heqjes së saj formale, me qëllim që të parandalohet një rritje e menjëhershme e çmimeve.
Ministria e Punëve të Brendshme njoftoi se nga 10 Prilli fillon evidenca elektronike dhe kontrolli në pikat kufitare për shtetasit e vendeve jashtë Bashkimit Evropian. Siç thuhet në komunikatë, si pasojë, mund të ketë rritje të kohës së pritjes në pikat kufitare gjatë hyrjes në BE.
Ministria e Punëve të Brendshme njofton qytetarët se nga data 10.04.2026 fillon zbatimi i plotë i sistemit të hyrje-daljes në Bashkimin Evropian (EES – Entry/Exit System).
Ky sistem sjell një mënyrë të re, të digjitalizuar të regjistrimit dhe kontrollit të shtetasve nga vendet që nuk janë anëtare të BE-së, të cilët udhëtojnë për qëndrim afatshkurtër.
Me vendosjen e sistemit EES, hyrjet dhe daljet do të regjistrohen në mënyrë elektronike, ndërsa sistemi do të përpunojë edhe të dhëna bazë biometrike (gjurmë gishtash dhe fotografi), me qëllim identifikimin më të shpejtë dhe monitorimin më efikas të qëndrimit të lejuar sipas rregullit “90 ditë brenda 180 ditëve”.
Si pasojë, mund të ketë rritje të kohës së pritjes në pikat kufitare gjatë hyrjes në BE.
Njëkohësisht, bëhet e ditur se Policia Kufitare e vendit ka ndërmarrë të gjitha masat dhe aktivitetet e nevojshme, duke vënë në funksion të gjitha kapacitetet teknike dhe njerëzore, për të siguruar një qarkullim sa më të shpejtë dhe të pandërprerë të udhëtarëve në pikat kufitare.
Policia Kufitare do të jetë me angazhim të shtuar në terren, do të monitorojë vazhdimisht situatën, do të ndërmarrë masa për ruajtjen e rrjedhshmërisë së trafikut dhe do të informojë qytetarët për çdo zhvillim të rëndësishëm lidhur me zbatimin e këtij sistemi.
Studentët shqiptarë protestojnë në Shkup, Spiropali apelon për respekt të gjuhës
SPB ; Kronika e zezë për ditën e djeshme 05 Prill Tetovë dhe Gostivar
ULJA E AKCIZAVE: LIROHET BENZINA, DIZELI ME ÇMIM TË NJËJTË!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga rajoni2 weeks agoZbardhet dëshmia e autorit të vrasjes së Liridonës, Plava: Kisha marrëveshje me Murselin, më tha se Behgjet Pacolli ka qenë në dijeni
-
Lajme nga bota2 weeks ago“Do jem makthi i Iranit”, Trump ‘kërcënon’ sërish: Nëse nuk ulen në negociata, bombardimet do të shtohen
-
Lajme nga vendi2 months ago20-vjecari nga fshati Novo Sellë е Tetovës drejtonte mjetin pa leje i sekuestohet përkohësisht “BMV”