Lajme nga vendi
Ngrohja me dru më e volitshme për qytetarët
Në prag të dimrit, pjesa më e madhe e dibranëve kanë siguruar drutë dhe peletat për ngrohje të shtëpive të tyre. Një pjesë më e vogël edhe gjatë këtij dimri do të ngrohen me rrymë elektrike. Edhe pse ka një rritje të numrit të familjeve të cilët janë furnizuar me peleta, përsëri edhe këtë dimër dominant është druri për ngrohjen e shtëpive, thonë burime të ndërmarrjes shtetërore “Pyjet e Maqedonisë”, njësia në Dibër. Jozyrtarisht merret vesh se në Dibër nuk kanë siguruar dru dhe peleta një numër i theksuar i familjeve me probleme sociale.
Sipas të dhënave të njësisë “Stogova” pranë Ndërmarrjes shtetërore “Pyjet e Maqedonisë”, deri tani janë shpërndarë mbi 6500 metër kub druri për konsumatorët. Burimi i njëjtë potencon se Plani vjetor ka qenë 11 mijë metër kubik, por ai është realizuar 60 për qind. Këtu duhet potencuar edhe faktin se nga pyjet private janë shpërnda mbi 1 mijë metër kub dru, thotë drejtori i ri i njësisë në Dibër Marjan Partalovski. Ai shton se çmimi i drurit për metër kub edhe më tej është 2.850 denarë. Problemi kryesor në lidhje me eksploatimin e drurit në lokalitetet, Manastirec, Banjisht – Kosovrast, Modriç –Stogovë dhe Jamë – Melniçan është sigurimi krahut të punës, prandaj janë siguruar edhe punëtorë nga Shqipëria. Dibrani 74 vjeçar Besim A. informoi se për këtë dimër ka siguruar 12 kubikë dru. Sipas tij kjo sasi e druve të blerë nga njësia e “Stogovës” do të jetë e mjaftueshme për një dimër të ngrohtë. “Jemi një familje 6 anëtarëshe dhe kjo sasi e drurit mjafton”, thotë ai.
Në rrjetin tregtar në Dibër informojnë se ka një rritje të interesit tek dibranët për të siguruar peleta. “Në krahasim me një vjet më parë rritja e shitjes të peletave në prag të dimrit në kompaninë tonë tregtare është 15 për qind më shumë. Konsumatorët që i takuam thonë se këtë dimër ata do të ngrohen me peleta. Në shitoret e peletave potencojnë se kërkesat janë më të mëdha. Interesi për blerjen e peletave është jo vetëm në Dibër por edhe në komunat fqinje Qendër Zhupë dhe Mavrovë – Rostush. Në një nga kompanitë tregtare në Dibër takuam Ramazan M. Ai për gazetën KOHA thotë se nga ky vit ka vendosur që shtëpinë e tij ta ngrohë gjatë dimrit me peleta. “Mendoj se çmimi i peletave është më i volitshëm, në krahasim me çmimin e drurit. Para një muaj bleva edhe një koftor që funksionon me peleta dhe pres një dimër të ngrohët në familjen time. Deri vitin e kaluar jam ngrohur me dru, por fëmijët e mi që tani janë të martuar preferojnë ngrohjen me peleta”, thotë bashkëbiseduesi jonë.
Vërehet se në qytet në krahasim me fshatrat ka një rritje të përdorimit të peletave për ngrohje, thonë tregtarët. Kur jemi tek mënyra e ngrohjes këtë dimër ka edhe familje që do të ngrohen me rrymë elektrike. Qeram N. thotë se mbi tre dekada ngrohet gjatë dimrit me rrymë elektrike. Më parë me termo e tani me kondicioner modern. “Çmimi është i lartë i rrymës por unë dhe bashkëshortja jemi në punë. Duam apo nuk duam ngrohjen e bëjmë me rrymë. Jemi familje katër antarëshe dhe kemi vendosur të vazhdojmë të përdorim rrymën për ngrohje”, thotë ai. Por, edhe këtë dimër ka gjasa pa ngrohje të mbeten disa familje dibrane të cilët kanë probleme ekstreme sociale. (koha.mk)
Lajme nga vendi
‘Fitonin’ 34 mijë euro me mallverzimeve gjatë shit-blerjes së veturave të konfiskuara
Drejtoria e Policisë Financiare ngriti kallëzim penal në Prokurorinë Themelore Publike në Shkup kundër personave N.I., B.G. në cilësinë e tyre si drejtues të personave juridikë, kundër dy personave juridikë, si dhe kundër pesë personave të punësuar në Agjencinë për Menaxhimin e Pasurisë së Sekuestruar F.A., G.A., P.K., F.J. dhe A.B., për shkak të ekzistencës së bazave të dyshimit për kryerjen e veprës penale “Keqpërdorim i procedurës për thirrjes publike, dhënie të kontratës së prokurimit publik ose partneritetit publik-privat” sipas nenit 275-c të Kodit Penal të Republikës së Maqedonisë së Veriut.
Të denoncuarit N.I. dhe B.G., si drejtues të dy personave juridikë, gjatë vitit 2021 me vetëdije dhe me qëllim të paracaktuar kanë shkelur rregulloret e procedurës për thirrje publike dhe dhënie të kontratës së prokurimit publik, me marrëveshje paraprake dhe veprime të koordinuara kanë shkelur konkurrencën në procedurën për shitjen e automjeteve të shkatërruara – skrap metali, të organizuar nga Agjencia për Menaxhimin e Pasurisë së Sekuestruar. Një person juridik u paraqit si konkurrent formal, dhe gjatë ankandit publik u paraqit një ofertë me një gabim teknik të qëllimshëm në një shumë monetare joreale, e cila i pengoi pjesëmarrësit e tjerë të vazhdonin më tej me ofertat.
Të pandehurit G.A., P.K. dhe F.J., si anëtarë të komisionit për zbatimin e procedurës, në kundërshtim me dispozitat ligjore të parashikuara në Ligjin për Menaxhimin e Pronës së Konfiskuar, Përfitimit Pasuror dhe Objekteve të Sekuestruara në Procedurën Penale dhe Kundërvajtje, dhe bazuar në një akt nënligjor dhe mendim ligjor të përgatitur nga A.B., me vetëdije ndihmuan në zbatimin e kësaj skeme të dakorduar dhe mundësuan lidhjen e një marrëveshjeje për shitjen e automjeteve të sekuestruara të shkatërruara si skrap metali midis Agjencisë për Menaxhimin e Pronës së Sekuestruar, të përfaqësuar nga F.A., dhe personit juridik të menaxhuar nga N.I., gjë që i mundësoi personit juridik të fitonte përfitim pasuror të paligjshëm në shumën prej 2.128.352 denarë.
Lajme nga vendi
Siljanovska: Balancuesi krijoi pushtet të korruptuar, ligjet duhet të miratohen me procedurë të rregullt
Presidentja Gordana Siljanovska Davkova sot deklaroi se heqja e balancuesit ishte e domosdoshme për shkak të rreziqeve korruptuese që i ka krijuar, duke theksuar njëkohësisht se çështjet e shtetësisi jorezidente, marrëdhëniet me Bullgarinë dhe politikat energjetike janë komplekse dhe duhet të zgjidhen përmes parimeve kushtetuese, debatit publik dhe respektimit të standarE madhee njerëzore dhe ekologjike.
Në një deklaratë për mediat pas hapjes së “Fundjavës për pastrim të përgjithshëm”, presidentja Gordana Siljanovska Davkova deklaroi se i a.q. balancuesi, në formatin që ka ekzistuar, në thelb çoi në korrupsion dhe kriminalizim.
Në lidhje me çështjen për shtetësinë jorezidente, ajo u përgjigj se zgjidhja duhet të miratohet përmes argumenteve.
“Çështja është komplekse. Ka vende ku ekziston shtetësia e dyfishtë, ka vende ku nuk ekziston. Sot të gjithë po përballemi me një eksod dhe mungesë të fuqisë punëtore, dhe po flasim për qenie njerëzore që kanë edhe të drejtën e jetës”, tha presidentja, duke shtuar se zgjidhjet duhet të merren pas një debati të gjerë publik dhe duke peshuar argumentet “pro” dhe “kundër”.
Lidhur me pritjet e saj për marrëdhëniet me qeverinë e re të Bullgarisë, Siljanovska Davkova deklaroi se pritjet duhet të drejtohen nga qeveria e re bullgare dhe kryeministri Rumen Radev, duke theksuar se populli bullgar pret stabilitet, reforma dhe luftë kundër korrupsionit dhe krimit.
Lidhur me kërkesat e organizatave joqeveritare për të vënë veton ndaj Ligjit për Burimet Minerale, presidentja theksoi se ato kanë një rol të rëndësishëm në shoqëri dhe meritojnë, siç e tha ajo, një “vend të gjelbër” në parlament.
Sipas saj, garancitë për mbrojtjen e mjedisit nuk përmbahen në këto ligje.
“Ato ligje, nëse keni parasysh Ligjin për burimet minerale, merren kryesisht me çështjet e energjisë. Ne kemi Kushtetutë, kemi edhe Ligj për mbrojtjen e mjedisit – ky është çelësi i qëndrimit ndaj këtyre ligjeve”, shtoi Siljanovska Davkova.
Ajo theksoi se shteti duhet të përgatitet njëkohësisht për sfidat e ardhshme energjetike dhe të kujdeset për natyrën.
Për ditë me radhë koalicioni VLEN ka ngritur intensitetit e aktivitetit publik duke paralajmëruër Kongresin e Bashkimit.
Sipas tyre e shtuna, do të kurorëzojë përpjekjet për unifikimin e faktorit politik shqiptar.
Koalicioni VLEN, nesër më 9 Maj – në Ditën e Evropës, do të mbajë Kongresin e bashkimit, ku 5 subjekte politike formalisht duhet të miratojnë vendimin për të vepruar si subjekt i vetëm politik në kuadër të bllokut politik shqiptar në vend. Në prag të Kongresit, VLEN doli me mesazhin se procesi i bashkimit ka qenë i gjatë dhe përplot me sfida politike, dyshime dhe tentativa për të parandaluar këtë process. Sipas VLEN-it, ky bashkim ka peshë historike dhe se ky është premtimi që VLEN ua dha shqiptarëve. Por, si e shohin qytetarët, këtë Kongres dhe këtë bashkim të VLEN-it?
“Çdo bashkim është i mirë. Madje unë kisha thënë se që të bashkohen të gjitha partitë”
“Edhe atë gajle do ia mbajë VLEN-it, unë jam plak”
“Më mirë me u bashkuar”
“Më mirë është. Deri tani Bilall Kasami ka punuar mirë. Jam i gëzuar”
“Mendoj se është mirë. Bilall Kasami duhet të jetë Kryetar”
“Është më mirë për shqiptarët. Cili të jetë Kryetar vet le ta vlerësojnë”
“Normalisht se është mirë. Sa më të bashkuar aq më mirë. Vet si do të vendosin organmet partiake, mendoj se Izeti do të ishte më mirë”
Pas Kongresit, VLEN, si pjesë e Qeverisë, do të duhet të përballet me shumë sfida që prekin drejtpërdrejtë qytetarët.
Situata ekonomike, migrimi i të rinjve, pozita e shqiptarëve, gjuha shqipe, eurointegrimet evropiane e shumë çështje tjera duhet që nga premtimet të shndërrohen në rezultate të prekshme./Tv Koha/
‘Fitonin’ 34 mijë euro me mallverzimeve gjatë shit-blerjes së veturave të konfiskuara
Siljanovska: Balancuesi krijoi pushtet të korruptuar, ligjet duhet të miratohen me procedurë të rregullt
KONGRESI I VLEN – QYTETARËT MIRËPRESIN BASHKIMIN!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
