Lajme nga vendi
VOLEJBOLLË NESËR NË PROGRAM NDESHJET E XHIROS SË DYTË, SKËNDIJA KUNËR BORECIT
Kampionati në Ligën e parë të volejbollit për meshkuj vazhdon këtë fundjavë me ndeshjet e xhiros së dytë të sezonit vjeshtor, ku ka disa ndeshje interesante, ndërsa derbi i javës zhvillohet në Tetovë mes klubit të volejbollit Shkëndija dhe Borecit të Velesit.
Klubi i volejbollit Shkëndija këtë sezon të ri e nisi me fitore që në xhiron e parë dhe atë në transfertë kundër Vesna Probishtip, ndërsa të shtunën në ora 19:00 në sallën e sportit te Gjimnazit të Tetovës është nikoqire e Borecit të Velesit. Trajneri Durim Luma për Televizionin Koha tha se ekipi është maksimalisht i përgatitur prandaj presim që të vazhdojmë rrugëtimin e fitoreve
‘’ Do të jetë një ndeshje jashtëzakonisht e vështirë pasi Boreci ka një ekip cilësore dhe është derbi i kësaj jave, pra javës së dytë. Ne do të bëjmë maksimumin që edhe këtë ndeshje ta fitojmë pasi e kemi konkurrentë të drejtpërdrejtë për hyrje në play off dhe besoj që edhe me angazhimin e lojtarëve por edhe me ndihmën e publikut se ne do t’ia dalim që edhe këtë ndeshje ta fitojmë dhe të vazhdojmë rrugëtimin tonë ‘’deklaroi trajneri Durim Luma
Kur jemi te volejbolli duhet të theksojmë se në Kuvendin zgjedhor të Federatës së Volejbollit pikërisht një anëtarë i këtij klubi është zgjedhur nën kryetar i Federatës. Trajneri Luma tha se Habil Ajeti është zgjedhur me plotë meritë dhe pretë që ai të jepi kontributin e tij për ngritjen e nivelit të këtij sporti
‘’Sigurisht se kjo ka të bëjë edhe me klubin e volejbollit Shkëndija, por edhe me tërë sportin shqiptar këtu në Maqedoni veçanërisht këtu në Tetovë. Besoj se Habil Ajeti është një figurë që meriton një post të tillë. Ne kemi shpresa që Habil Ajeti në të ardhmen të përfaqësojë volejbollin shqiptarë këtu në Maqedoni. Pra zgjedhja e tij si nënkryetar besoj se ky post të vazhdoj edhe disa mandate pasi në mandatin tjetër presim të ripërtërihet edhe më tej federata e Volejbollit dhe unë besoj që Habil Ajeti i cili ishte propozim i klubit tonë të përfaqësojë me dinjitet të gjitha klubet volejbollistike veçanërisht ato shqiptare ‘’tha trajneri Luma
Në ndeshjet tjera të xhiros së dytë në Ligën e parë të Volejbollit takohen:
Universiteti Tetovës – Vesna Probishtip
Liriia – Vardari
Janta Volej – Strumica
Susheva – Skopje
Rabotniçki – Universiteti “Goce Dell[ev” Shtip
Makedonija Xhio është e lirë./TV KOHA/
Një lajm i hidhur ka ardhur nga Struga. Ka ndërruar jetë biznesmeni i njohur Berat Beqiri, pronar i hotelit “Prestige”, një figurë e respektuar në fushën e hotelerisë dhe biznesit lokal.
Beqiri për vite me radhë ishte aktiv në zhvillimin e sektorit të turizmit dhe shërbimeve në Strugë dhe Ohër, duke u dalluar për profesionalizëm, korrektësi dhe përkushtim në punën e tij. Përmes aktivitetit të tij afarist, ai krijoi bashkëpunime të shumta dhe kontribuoi në promovimin e ofertës turistike të rajonit.
Lajmi për ndarjen e tij nga jeta ka pikëlluar familjarët, miqtë, bashkëpunëtorët dhe komunitetin më të gjerë.
Ngushëllime familjes dhe të afërmve të të ndjerit.
Nëse në vitin 2021 një lirë ari kushtonte 350 euro, sot çmimi i saj arrin 970 euro, ndërsa para disa ditësh ishte 1080 euro.
Në Çarshinë e Vjetër të Shkupit, dy familje që së shpejti do ta kurorëzonin djalin dhe vajzën. Shkonin nga dyqani në dyqan për të kërkuar çmimet më të lira të arit.
”Shumë çmimet e larta. Keni dasmë? – Po, për djalë. Dhe sa arë duhet të blini? Diku 20 apo 30 mijë euro. Çmimi i arit është i lartë dhe shkon në rritje” tha një qytetar .
(”Erdhëm nga Koçani që të blejmë arë por shumë shtrenjtë. Çmimet janë shumë të larta. ”Keni dasmë? Po, bëhemi gati për dasmë, martojmë vajzën”, u shpreh një qytetar.
Shitësit ankohen se për shkak të çmimeve të larta të arit është ulur ndjeshëm shitja.
”Momentalisht ari në bursë është 145 dhe për tre a katër orë ka lëvizur dhe kjo ka ndikuar edhe tek shitja por edhe tek blerja. Pra nuk ka blerje si më herët? Po nuk ka shitje”, tha shitësi.
”Blejnë por çmimi momentalisht është shumë i lartë, më herët me 100 euro blinin tre apo katër gram”, u shpreh shitësi, shkruan Alsat.mk.
Lajme nga vendi
Jurisprudenca vetëm në maqedonisht, Bashkim Selmani: Ministrat kanë qenë shqiptarë, dikush nuk i ka kryer obligimet
Selmani thotë se gjuha shqipe është kategori kushtetuese dhe Ligji për përdorimin e gjuhëve e mundësojnë që provimi i jurisprudencës të jepet edhe në gjuhën shqipe.
“Fatkeqësisht kjo e drejtë u është mohuar studentëve shqiptarë pa të drejtë për arsye se gjuha shqipe është zyrtare gjithë aty ku flitet dhe komunikohet në gjuhën shqipe dhe shteti është i detyruar t’i përshtatet të drejtës ligjore”, tha Selmani.
Ai thotë se ky diskriminim është bërë në bazë gjuhësore dhe është cenim i barazisë para ligjit.
Megjithatë ai kritikon se ka pasur neglizhencë të ekspertëve gjuhësorë dhe subjeketeve, pasi me sjelljen e Ligjit për përdorimin e gjuhëve, i njëjti ligj për gjuhën shqipe duhej të përfshihej edhe në ligjet tjera.
Për arsye, ai thotë se ligji i gjuhëve nuk përfshi edhe në sistemin gjyqësor dhe kjo e ka vështirësuar ushtrimin e të drejtës gjuhësore.
Ai thotë se ministrat e drejtësisë kanë qenë shqiptarë, dhe se nuk e kanë kryer këtë detyrim ashtu siç e parasheh kushtetuta dhe ligji.
“Institucionet, në këtë rast Ministria e Drejtësisë mban një përgjegjësi jashtëzakonisht të lartë dhe janë të detyruara tu mundësojnë dhënien e provimit në gjuhën shqipe, të harmonizohen aktet nënligjore me kushtetutë dhe ligjin për gjuhë dhe të garantohet barazi reale dhe jo formale në sistemin e drejtësisë. Drejtësia nuk matet vetëm me ligje, por me barazi dhe qasje reale. Pa gjuhën shqipe në provimin e gjyqësorit nuk ka drejtësi gjithëpërfshirëse dhe as shtet multietnik”, tha Selmani.
Ai thotë se mos ofrimi i provimit të jurisprudencës në gjuhën shqipe ndikon direkt edhe në Akademinë për Prokurorë dhe Gjykatës.
“Nëse merret për bazë dëmi që është shkaktuar do të shohim në emërimet e fundit prej 120 studentëve maqedonas 1 ose 2 janë shqiptarë, për sa i përket emërimeve është 19 me 1, sa u përket bashkëpunëtorëve profesionalë është 19 me 1, sa u përket praktikantëve e kështu me radhë, pra shqiptarët nuk kanë qasje në sistemin gjyqësor”, tha Selmani.
Ai thotë se pasi gjuha shqipe të zbatohet në proceset e lartpërmendura, faza e dytë është edhe mbajtja e seancave gjyqësore në shqip.
“Ne kemi raste kur i gjithë trupi gjykues janë shqiptarë ndërsa procedurat mbahen në gjuhën maqedonase. Detyrimisht duhet aty ku është 20% i paraparë në bazë të aspektit ligjor, të gjitha seancat dhe zhvillimet kanë të drejtë të zhvillohen në gjuhën shqipe”, tha Selmani.
Profesori thotë se sistemi i drejtësisë është baza me të cilën funksionojnë të gjitha të drejtat dhe detyrimet, dhe nëse neglizhohet ajo pse vendi të pretendojë Bashkimin Evropian.
“Janë disa procese me të cilat detyrimisht duhet të ndërhyhet dhe të mundësohet që studentët të japin provimin e gjyqësorit në gjuhën shqipe, provimin e përmbaruesit dhe provimin e noterëve, sepse është kategori kushtetuese”, përfundoi Selmani.Portalb.mk
Ndërroi jetë biznesmeni i njohur strugan
Ndryshimi i vazhdueshëm i çmimit të arit, ja sa kushton një lirë sot
Jurisprudenca vetëm në maqedonisht, Bashkim Selmani: Ministrat kanë qenë shqiptarë, dikush nuk i ka kryer obligimet
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
