Lajme nga vendi
Pas vitit të ri ulet çmimi i veturave të përdorura – vetura që tani kushton 10 mijë euro, do të kushton 8 mijë
Ulja e taksës së importit për veturat e përdorura, e paralajmëruar për fillimin e vitit të ardhshëm, hap mundësi të reja për blerësit në Maqedoni.
Sipas analizave ekonomike dhe trendeve të tregut, çmimet e makinave të përdorura pritet të ulen me 15 deri në 20 për qind, veçanërisht çmimet e tomjeteve më të vjetra se 10 vjet, shkruan Radar.mk.
Kjo rënie e çmimeve është rezultat i vendosjes së taksave më të ulëta për emetimin e dioksid karbonit, si dhe uljes së taksës së vlerës së shtuar (TVSH) për importin e makinave, e cila do të jetë e vlefshme nga viti i ri, transmeton Zhurnal.
Ndryshime në politikën tatimore
Në periudhën e kaluar, qeveria ka punuar në mënyrë aktive në përmirësimin e kushteve për importin e makinave të përdorura.
Një nga masat më të rëndësishme është ulja e taksës së emetimit të CO2, e cila ndikon drejtpërdrejt në çmimin përfundimtar të automjeteve.
Kjo masë pritet të mundësojë uljen e çmimeve të automjeteve që tashmë kanë një histori të gjatë në treg, pra atyre më të vjetra se dhjetë vjet, të cilat shpesh janë më të përballueshmet për nga çmimi për një pjesë të madhe të blerësve në Maqedoni.
Ulja e TVSH-së për makinat e reja do të përmirësojë gjithashtu tregun për ata që kërkojnë të blejnë automjete me emetim më të ulët dhe standarde më të larta mjedisore.
Ky kombinim masash pritet të krijojë mundësi të reja ekonomike si për qytetarët ashtu edhe për tregtarët e makinave të përdorura.
Tregu në Evropë: motivim shtesë
Në këtë trend kanë ndikuar edhe lëvizjet e tregut evropian, veçanërisht në Gjermani, vend që konsiderohet si një nga eksportuesit kryesorë të automjeteve të përdorura.
Çmimet e makinave në Gjermani tregojnë një trend stabil të uljes – edhe për modelet më të përdorura.
Sipas të dhënave të fundit, çmimet e makinave më të johura të përdorura kanë rënë për rreth 300 euro muajt e fundit, transmeton Zhurnal.
Kjo rënie lidhet me ndryshimet në kërkesë, si dhe me presionin global për të reduktuar gazrat e dëmshëm të shkarkimit, duke rezultuar në një rritje të ofertës së automjeteve më pak të dëmshme në treg./Zhurnal
Lajme nga vendi
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
Pronari i spitalit privat “Sante Plus”, Bilal Kara, është një prej personave të arrestuar në operacionin e zhvilluar në Maqedonisë së Veriut, në kuadër të një hetimi për abuzime me Fondin e Sigurimeve Shëndetësore.
Ai ishte shpallur në kërkim edhe nga autoritetet shqiptare që prej muajit shtator të vitit të kaluar, me dyshimin se nuk kishte deklaruar të ardhurat e përfituara në vlerën e 1 milion eurove, ndërsa në klinikë u gjetën edhe medikamente, të cilat dyshohet se kishin skaduar, por që përdoreshin nga stafi shëndetësor.
Sipas mediave maqedonase, bashkë me Bilal Kara u arrestuan edhe shtatë persona të tjerë, të cilët dyshohen për përfshirje në abuzime me procedurat e operacioneve në sy. Sipas hetimeve, dyshohet se për këto ndërhyrje kirurgjikale janë kryer pagesa si nga Fondi i Sigurimeve Shëndetësore, ashtu edhe nga vetë pacientët. Mes personave të arrestuar, sipas mediave maqedonase është edhe Geriana Arapi, ish-drejtoresha e spitalit “Sante Plus”, e cila po ashtu ishte në kërkim prej më shumë se një viti nga autoritetet shqiptare, që pas bllokimit të klinikës “International Medicare” në Tiranë. Arrestimi i tyre në Maqedoninë e Veriut pritet të pasohet nga zhvillime të tjera lidhur me procedurat ligjore dhe kërkesën e autoriteteve shqiptare për ta.
Moti sot në Maqedoninë e Veriut do të jetë i ndryshueshëm me vranësira dhe reshje lokale të shiut. Në disa lugina do të ketë kushte për shfaqjen e mjegullës së mëngjesit. Do të fryjë erë e dobët deri mesatare nga veriu.
Temperatura minimale do të jetë në intervalin nga 6 deri në 12 gradë, ndërsa maksimale do të arrijë nga 12 deri në 19 gradë.
Në Shkup, moti do të jetë kryesisht me vranësira, në orët e mëngjesit do të ketë kushte për shfaqjen e mjegullës së lehtë. Do të fryjë erë e dobët deri mesatare nga veriu. Temperatura minimale do të ulet në 10, ndërsa maksimale do të arrijë në 15 gradë.
Komunikacioni në rrugët shtetërore po zhvillohet pa probleme, në rrugë të thata, njofton LAMM. Intensiteti i trafikut në rrugët jashtë zonave urbane është mesatar.
Nuk ka vonesa të gjata në pikat kufitare në anën RMV-së për hyrje dhe dalje nga vendi.
LAMM rekomandon përshtatjen e shpejtësisë së lëvizjes, respektimin e sinjalistikës së vendosur të trafikut dhe menaxhimin e kujdesshëm të automjeteve, veçanërisht në rrugët nëpër lugina, lugina lumenjsh dhe gryka, ku ekziston mundësia e rrëshqitjeve të dheut. Kjo vlen veçanërisht për seksionet Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.
Pamje dramatike/ Babai e harroi mbi çatinë e makinës dhe u nis në rrugë, foshnja në Meksikë shpëton falë ndërhyrjes së motoçiklistit
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
LIGA E DYTË: NDESHJA KAMJANI – TETEKSI NË QENDËR TË VËMENDJES
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni2 months agoFilloi në Hagë seanca për deklaratat përfundimtare ndaj Thaçit dhe të tjerëve
-
Lajme nga rajoni2 months agoKa ndërruar jetë Flora Brovina, një nga figurat e njohura të jetës politike dhe shoqërore në Kosovë
-
Lajme nga rajoni2 months agoThaçi e Krasniqi dënohen me nga 25 vjet burgim, Veseli 18 e Selimi 13