Lajme nga vendi
Nuk ka grup të organizuar që rrëmben fëmijë në Shkup
Vërtetmatësi ka kërkuar deklaratë nga MPB-ja për të sqaruar nëse ekziston apo jo grup i organizuar që rrëmben fëmijët në mes të ditës në Shkup, siç pretendon postimi. Zëdhënësi i Ministrisë së Punëve të Brendshme, Goce Andreevski, ka mohuar se ka një gjë të tillë.
Po analizojmë një postim në Facebook që pretendon se në Shkup ka një grup i organizuar që ka vjedhur fëmijët në mes të ditës.
Paralajmërim për të gjithë prindërit!!! Dje ne luhatëset në Gjorçe Petrov prinderit e mi ishin me vajzen time teksa luanin me të ndërkohë një e moshuar se bashku me një vajzë 13-14 vjeçare tentuan të vidhnin një fëmijë 3 vjeçar i cili ishte gjithashtu në shesh lojërash!
Fatmirësisht gruaja që ishte me fëmijën në një sekondë nisi të bërtiste dhe u hodh nga stoli pas gruas që e mbante për dore dhe tentoi të ikte me vajzën 3-vjeçare!
Gruaja filloi të justifikohej me një gjuhë të dobët maqedonase (me theks shqip) se fëmija vetëm e kapi për dore dhe iku menjëherë së bashku me një vajzë adoleshente që ishte me të. Menjëherë është lajmëruar policia dhe është në kërkim të gruas! SYTE HAPUR 10 ME FËMIJËT TUAJ, SIÇ DUKET NË SHKUP KA NJË GRUP TË ORGANIZUAR QË VJEDH FËMIJËT NË MES TË DITËS!!!, thuhet në postim.
Rasti i përshkruar në njoftim është shënuar edhe në buletinin ditor të Ministrisë së Punëve të Brendshme të datës 3 nëntor 2024, por nuk përmendet ndonjë grup i organizuar që vjedh fëmijët në mes të ditës në Shkup dhe as tentativë për rrëmbim.
Dje rreth orës 14, A.B (40) nga Shkupi ka raportuar në SP Gjorçe Prtrov se në parkun në Gjorçe Petrov pas komunës, derisa ishte me dy fëmijët e saj, M.M (46) nga Shkupi, e cila ishte me fëmijën e saj kishte thirrur fëmijën e A.B të ulej me fëmijën e saj dhe t’u jepte diçka për të ngrënë. Më pas M.M me fëmijën e A.B është nisur drejt tregut, pas së cilës A.B vrapoi pas tyre dhe mori fëmijën. Me M.M është bërë një intervistë zyrtare në SP Gjorçe Petrov dhe ajo ka treguar se kishte dashur ta dërgoj fëmijën te fëmijët e saj derisa të gjejë prindin. M.M është paralajmëruar me shkrim dhe është njoftuar prokurori publik, njoftoi MPB.
Vërtetmatësi ka kërkuar deklaratë nga MPB-ja për të sqaruar nëse ekziston apo jo grup kriminal që rrëmben fëmijët në mes të ditës në Shkup, siç pretendon postimi. Zëdhënësi i MPB-së, Goce Andreevski, ka mohuar të ketë një gjë të tillë.
Nuk ka asnjë grup kriminal që rrëmben fëmijët. Apelojmë që të mos përhapet panik i panevojshëm në rrjetet sociale. U fol me gruan. Po ashtu, Prokuroria Publike do ta marrë përsipër rastin dhe do të konstatojë nëse gruaja ka gënjyer në deklaratën e dhënë në polici apo jo, tha Andreevski për Vërtetmatësin.
Është e qartë se postimi ka për qëllim dezinformimin dhe përhapjen e panikut. Në Gjorçe Petrov nuk ka asnjë grup kriminal që vidhte fëmijët në mes të ditës.
Dezinformata të ngjashme se fëmijët po kidnapohen në Shkup janë përhapur edhe më parë dhe Vërtetmatësi i ka debankuar.
Për të gjitha sa më sipër, vlerësojmë se postimi që po analizojmë është pjesërisht i pavërtetë. Vërtetmatësi nuk është marrë me pjesën e parë të njoftimit për sqarimin e rastit, pasi hetimet për atë çështje ende nuk janë mbyllur. Por ajo që është e sigurt dhe e rëndësishme të dihet për të mos panik dhe dezinformata, është se nuk ka asnjë grup të organizuar që rrëmben fëmijët në kryeqytet.
Lajme nga vendi
Pas shkumës së bardhë në lumin Vardar, analizat paraprake brenda normave, priten rezultatet përfundimtare
Shkuma e bardhë u shfaq më 24 korrik, ndërsa Inspektorati Shtetëror për Mjedisin Jetësor, në koordinim me institucionet kompetente, ndërmori inspektime të jashtëzakonshme në terren dhe analiza laboratorike për të përcaktuar shkakun e rastit.
Sipas Inspektoratit, gjatë kontrolleve të kryera te subjektet industriale në zonën që janë nën kompetencë shtetërore nuk janë konstatuar parregullsi ligjore. Autoritetet bëjnë të ditur se subjektet kanë vepruar në përputhje me kushtet e përcaktuara në lejet ekologjike për menaxhimin e ujërave të ndotura.
Institucioni thekson se cilësia e ujit në këtë pjesë të Vardarit ndikohet nga faktorë të shumtë, përfshirë ujërat komunale dhe atmosferike, si dhe aktiviteti i një numri të madh subjektesh afariste në zonën përreth, prandaj të gjitha institucionet kompetente po veprojnë në mënyrë të koordinuar.
Raporti paraprak i Ndërmarrjes Publike “Ujësjellësi dhe Kanalizimi” – Shkup, i dorëzuar më 29 korrik në Ministrinë e Mjedisit Jetësor dhe Planifikimit Hapësinor, konstaton se parametrat fiziko-kimikë të analizuar nuk i tejkalojnë vlerat kufitare të lejuara.
Njëkohësisht, me kërkesë të Inspektoratit Shtetëror për Mjedisin Jetësor, mostra janë analizuar edhe nga një laborator i akredituar. Raporti përfundimtar pritet t’i dorëzohet Inspektoratit dhe Ministrisë më 4 gusht, pas së cilës institucionet kanë paralajmëruar se do ta informojnë opinionin për rezultatet përfundimtare.
Inspektorati Shtetëror për Mjedisin Jetësor bëri të ditur se do të vazhdojë me inspektime të rregullta dhe të jashtëzakonshme për të siguruar mbrojtjen e mjedisit jetësor dhe shëndetit të qytetarëve.
Ndryshe, në lumin Lepenc, i cili e furnizon Lumin Vardar, u shfaq një vëllim i madh i shkumës së bardhë në rrjedhjen e tij në Shkup. Shkuma u raportua si ndotje e madhe e lumit, lum i cili në Karposh bashkohet me Vardarin. Rasti ishte raportuar në orën 14:10./portalb.mk/
Një fëmijë dyvjeçar nga Kumanova është helmuar pasi ka konsumuar një mjet për tretjen e ngjyrës, njofton Ministria e Punëve të Brendshme.
Sipas policisë, rasti është raportuar dje rreth orës 14:00, kur Spitali i Përgjithshëm i Kumanovës ka njoftuar SPB Kumanovë se tek ta ishte sjellë për trajtim një fëmijë dyvjeçar nga Kumanova me shenja helmimi.
Pas marrjes së ndihmës së parë mjekësore, fëmija është transferuar në Kompleksin e Klinikave “Nëna Terezë” në Shkup për trajtim të mëtejshëm.
Nga SPB Kumanovë bëjnë të ditur se po ndërmerren masa për zbardhjen e plotë të rrethanave të rastit.
Ky nuk është rasti i parë i helmimit të fëmijëve në rajonin e Kumanovës. Gjatë vitit të kaluar u regjistruan disa raste të ngjashme, ku fëmijë të moshave të ndryshme u helmuan pasi konsumuan mjete për pastrim, dezinfektues ose tableta të lëna në vende të arritshme për ta.
Autoritetet shëndetësore dhe institucionet kompetente apelojnë që produktet kimike, barnat dhe substancat e rrezikshme të ruhen gjithmonë jashtë mundësisë së fëmijëve, për të parandaluar raste të tilla.
Gjatë muajit korrik, mesatarisht janë regjistruar rreth 15 zjarre në hapësira të hapura në ditë. Falë ndërhyrjeve të shpejta të zjarrfikësve dhe mbështetjes nga mjetet ajrore të Drejtorisë për Mbrojtje dhe Shpëtim (DMSH), të gjitha zjarret janë vënë me sukses nën kontroll dhe janë shuar. Reshjet e shiut gjatë periudhës së kaluar ndikuan në uljen e numrit të zjarreve dhe ngadalësuan përhapjen e tyre, njoftojnë nga DMSH-ja. Megjithatë, periudha me reshje ka përfunduar. Mjafton vetëm një shkëndijë! – thonë autoritetet.
Zjarri në Leshnicë të Tetovës është lokalizuar –thuhet në njoftimin në Facebook të Komandantit të Zjarrfikësve të Tetovës, Avni Ameti, I cili thotë se në koordinim të plotë me të gjitha institucionet përgjegjëse, në terren intervenuan dy avionë të Drejtorisë për Mbrojtje dhe Shpëtim, si dhe ekipet e zjarrfikësve të Tetovës, të cilat punuan pa ndërprerje dhe me përkushtim maksimal.
“U bëj apel të gjithë qytetarëve që gjatë ditëve në vijim të tregojnë kujdes maksimal, të mos ndezin zjarr në ambiente të hapura dhe të raportojnë menjëherë çdo tym apo vatër zjarri në numrin emergjent 112” – thotë Avni Ameti.
Por, jo vetëm kaq!
Sipas tij, pas çdo zjarri që shuhet, fshihet një histori sakrifice, guximi dhe përkushtimi.
Zjarrfikësit përballen çdo ditë me rrezikun për të mbrojtur jetën, familjet dhe pronën e qytetarëve. Nuk është thjesht një profesion – është një mision që kërkon zemër, disiplinë dhe vendosmëri.
Shumica e zjarreve shkaktohen pa qëllim. Qytetarët zakonisht nuk synojnë të shkaktojnë zjarr, por një pakujdesi e vetme mund të ketë pasoja të rënda.
Prandaj bëhet thirrje që të mos hidhen bishta cigaresh në hapësira të hapura, veçanërisht nga automjetet në lëvizje.
-Mos ndizni zjarr apo skara në pyje dhe në vende me bimësi të thatë.
-Pastroni barin e tharë dhe shkurret rreth shtëpive dhe uikend-shtëpizave -dhe krijoni një brez mbrojtës.
-Mos digjni kashtën dhe kullotat. –
-Tregoni kujdes gjatë përdorimit të veglave që krijojnë shkëndija, si gurët prerës dhe aparatet e saldimit.
-Fermerët të jenë të kujdesshëm gjatë përdorimit të pajisjeve për largimin e shpendëve, të cilat mund të shkaktojnë zjarr.
U bëhet thirrje qytetarëve që çdo sjellje të dyshimtë ta raportojnë menjëherë në stacionin më të afërt policor ose në numrin 112.
Raportoni persona që mbajnë lëndë të dyshimta të lëngshme, pishtarë, fishekzjarre të mëdha ose mjete e aktivitete të tjera që mund të shkaktojnë zjarr.
Në kushtet e temperaturave jashtëzakonisht të larta kërkohet kujdes maksimal.
Një shkëndijë mund të shkaktojë një tragjedi të madhe!” – apelojnë nga Drejtoria për Mbrojtje dhe Shpëtim./Tv Koha/
Pas shkumës së bardhë në lumin Vardar, analizat paraprake brenda normave, priten rezultatet përfundimtare
Dyvjeçar nga Kumanova helmohet me tretës ngjyre, dërgohet në Klinikën “Nëna Terezë”
KUJDES MAKSIMAL NGA ZJARRET: NJË SHKËNDIJË MUND TË SHKAKTOJË TRAGJEDI!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
