Lajme nga vendi
Zbulimet arkeologjik në Koroshishtë janë të periudhës ilire, Ministria e Kulturës nuk e thotë!
Në Koroshishtë të Strugës u zbulua një nekropol i periudhës arkaike, shekulli VI p.e.s. Kështu e thotë Ministria e Kulturës e Maqedonisë së Veriut dhe nga Muzeu arkeologjik i Shkupit, por edhe Muzeu i Ohrit. U gjetën 80 objekte nga dy varre, ku kishte helmetë të bronzit, unaza ari, enë të ndryshme, fletë metalike prej ari, etj, përcjell INA.
Ministri i Kulturës dhe Turizmit, Zoran Lutkov theksoi se bëhet fjalë për një nekropol të periudhës arkaike.
“Lokaliteti i hulumtuar i këtij vendi është një nekropol i periudhës arkaike, shekulli VI p.e.s., i cili në shumë mënyra i ngjan Nekropolit të Trbeni. Brenda kompleksit të varreve janë regjistruar 80 gjetje, të cilat jo vetëm kanë një rëndësi të veçantë për aspektin shkencor e kulturor të kërkimit, por edhe plotësojnë imazhin e njohurive tona për rastet kulturo-historike dhe sociale në rajon. Jam i bindur se do të kenë një efekt pozitiv në turizmin dhe ekonominë në Maqedoni”, tha ministri Lutkov.
Gjurmimet në terren kanë nisur prej vitit 2023 kur ekipi i udhëhequr nga Pero Arxhanliev, por gjithçka kishte nisur në vitin 2020, kur Shefit Shemshedini nga Koroshishta e Strugës duke punuar arën e tij ka hasur në gurë, ndërkaq më pas ka zbuluar një helmetë bronzi, të cilën e ka dorëzuar në Muzeun e Ohrit.
Arkeologu strugan, Fitni Dalipi thotë se gjetjen i takojnë fisit Ilir të Enkelejdëve, të cilët kanë banuar në krahinat përreth liqenit të Ohrit e që kanë krijuar dinastinë e parë të mbretërisë Ilire në fund të shekullit 5 para Krishtit.
“Këtu janë gjetur deri më tani që ne i përfunduam gërmimet, mbi 100 artefakte. Erdhëm në konstatim se këto artefakte i takojnë popullatës që ka jetuar në pellgun e Liqenit të Ohrit, Ohër, Strugë Pogradec. Janë fisi i Enkelejdëve. Janë 2.600 vjet të vjetra”, theksoi për Alsat, arkeologu Dalipi.
Gazetari Marin Mema ka alarmuar lidhur me këto zbulime duke theksuar se është një zbulim me shumë rëndësi në vazhdën e varreve mbretërore ilire të zbuluara gjatë Luftës së Parë Botërore në afërsi të fshatit Trebenisht.
“Objektet e zbuluara në vitin 1918 dhe më pas në vitet 30 u morrën nga arkeologët bullgarë dhe ata serbë… Maskat e arta mbretërore ilire të fisit të Enkelejve janë sot në Sofie e Beograd… fakt ky i njohur dhe zyrtar. Tashmë nëntoka e zonës ka dhënë përsëri gjurmët e saj mbretërore ilire… Nuk jemi në kohën e Luftës së Parë Botërore, por sërish këtu nuk ka arkeologë shqiptarë! Kjo ndodh në kushtet kur arkeologjia moderne “maqedone” është vënë përposht nga nacionalizmi dhe jo shkenca! Aq e vërtetë është kjo sa në librat e historisë dhe në qëndrimet zyrtare historianët e arkeologët në vendin fqinj nuk i konsiderojnë Enkelejt dhe Dasaretët që zotëronin në lashtësi territorin e zbulimeve… si ilirë! Qesharake dhe antishkencore, pa mbështetje askund! Pra edhe këto zbulime rrezikojnë të kenë të njëjtin shtrembërim antishkencor… nga arkeologët “maqedonë” që kurrëfarë lidhje nuk kanë me Maqedoninë e lashtë dhe historinë e saj!”, reagoi Marin Mema.
Sllavica Babamova, drejtoreshë e Muzeut Arkeologjik në Shkup tha se gjetjet do të konservohen në Institutin dhe Muzeun e Ohrit. Ndërsa Ministria e Kulturës theksoi se do të vazhdojnë ekspeditat e hulumtimeve arkeologjike. (INA)
Dritat e skenës u fikën. Tingujt e fundit u shuan mes duartrokitjeve, por emocionet e “Tetova n’Festë” vazhdojnë të jetojnë.
Për 25 net me radhë, Tetova nuk ishte vetëm një qytet. Ishte zemra që rrihte në ritmin e muzikës shqiptare. Sheshi u mbush me mijëra njerëz, me mërgimtarë që shijuan pushimet me plotë kuptimin e fjalës si një ftesë që sërish të kthehen në vendlindje dhe me zëra që këndonin në një frymë dhe me artistë që dhuruan më shumë se një koncert – dhuruan kujtime.
Por çdo spektakël ka një histori që publiku nuk e sheh. Pas perdes së madhe, larg reflektorëve, lindin emocionet më të bukura. Aty ku artistët marrin frymën e fundit para se të ngjiten në skenë. Aty ku një përqafim, një buzëqeshje apo një fjalë inkurajuese vlejnë sa mijëra duartrokitje.
TV Koha ishte dëshmitare e çdo momenti. Kamera jonë nuk ndoqi vetëm koncertet, por edhe zemrën e festivalit. Ishim pranë artistëve në çastet e tyre më njerëzore, regjistruam emocionet, pritjet, gëzimin dhe rrëfimet ekskluzive të emrave që sot shkëlqejnë në skenën shqiptare.
Pas çdo fotografie që emocionoi, pas çdo interviste që preku zemrat dhe pas çdo transmetimi që solli atmosferën e “Tetova n’Festë” në shtëpitë e mijëra teleshikuesve, qëndronte një ekip që punoi me përkushtim, pasion dhe zemër.
Arbeni ishte zëri që rrëfeu historitë e festivalit. Agoni, Fisniku dhe Enesi kapën me kamerat e tyre çdo emocion, çdo buzëqeshje dhe çdo duartrokitje. Bujari me kamerën Ronin ishte gjithmonë aty ku ndodhte momenti më i rëndësishëm. Bleroni, me pamjet spektakolare nga krani dhe Okani, me fluturimet e dronit mbi Tetovë, i dhanë festivalit një dimension tjetër, duke e shndërruar çdo natë në një kujtim të paharrueshëm.
Në prapavijë, Veroni punoi pa u ndalur në montazh, duke i kthyer qindra orë material në histori që prekën publikun. Ndërsa në regji, Amiri dhe Besiani koordinuan çdo detaj me profesionalizëm, duke bërë që çdo transmetim të mbërrinte te teleshikuesit me të njëjtin emocion që përjetohej në shesh.
Ata nuk ishin në skenë. Nuk morën duartrokitje nga publiku. Por ishin njerëzit që bënë të mundur që çdo emocion, çdo tingull dhe çdo çast i “Tetova n’Festë” të jetonte përtej sheshit, në ekranet e mijëra familjeve.
Sepse spektakli nuk ndërtohet vetëm nga artistët. Ai ndërtohet edhe nga ata që punojnë në heshtje, pas kamerës, me një mision të vetëm: ta sjellin emocionin sa më afër zemrës së çdo teleshikuesi.
Çdo intervistë ishte një histori. Çdo prapaskenë një kujtim. Çdo buzëqeshje një emocion që nuk mund të shkruhet, por vetëm të përjetohet.
Qindra mijëra shikime në platformat e TV Koha dëshmuan se publiku nuk kërkon vetëm të shohë një koncert. Ai dëshiron të ndiejë emocionin, të njohë njeriun pas artistit dhe të jetojë çdo çast që nuk shihet nga skena.
“Tetova n’Festë” mbylli siparin e një vere të paharrueshme, por jo historinë e saj. Sepse përmes objektivit të TV Koha, këto çaste do të mbeten të gjalla, si dëshmi e një vere që bashkoi breza, zëra dhe zemra.
Ky përkushtim nuk është i rastësishëm; Tv Koha ka qenë është dhe do të mbetet televizioni që sjell pranë teleshikuesve çdo ngjarje që ndodh në Rajonin e Pollogut. Tashmë 33 vite Tv Koha është familjarizuar me publikun duke sjellë në çdo shtëpi ngjarje, lajme, kronika e storje, andaj ky përkushtim në Verën Tetovare përbën një mozaik që është ndërtuar me vite duke fituar besimin dhe dashurinë e opinionit.
Disa net mbarojnë me duartrokitje. Të tjerat jetojnë përgjithmonë në kujtesë. Kjo ishte vera e Tetovës. Kjo ishte historia që pati privilegjin ta rrëfente TV Koha.
Për shkak të temperaturave të paralajmëruara të larta deri më 7 gusht, Instituti për shëndet publik (ISHP) u apelon qytetarëve t’i respektojnë rekomandimet për mbrojtje nga vala e të nxehtit, posaçërisht në periudhën prej orës 11 deri 17, kur rreziku nga ekspozimi në diell është i madh.
“Kur ajri ambiental afrohet ose tejkalon temperaturën normale të trupit prej afërsisht 36,7°C, aftësia e trupit të njeriut për t’u ftohur dobësohet. Përveç kësaj, kur lagështia relative e ajrit ambiental është e lartë, djersa është edhe më e vështirë për t’u avulluar dhe si pasojë ftohja e trupit bëhet më e vështirë. Kur trupi bëhet shumë i nxehtë ose ka probleme me balancimin e temperaturës, kjo mund të çojë në një ndjenjë dobësie, gojë të thatë, marramendje, djersitje të tepërt, lëkurë të thatë, dhimbje barku. Gjatë përkeqësimit të së ashtuquajturës ‘goditje nga dielli”, mund të shfaqen edhe simptomat dhe shenjat e mëposhtme: ndërprerje e djersitjes, lëkurë jashtëzakonisht e nxehtë, konfuzion – marramendje, rrahje të shpejta të zemrës, vështirësi në frymëmarrje, të fikët dhe madje edhe me epilog të vdekjes”, njofton ISHP.
Lajme nga vendi
Mbeturina të shtuara në Tetovë! Kasami: Dyfishohet sasia, kërkojmë më shumë kujdes nga qytetarët
Në këtë periudhë vere është rritur edhe sasia e mbeturinave në Tetovë! Në terren shihen koshat e stërmbushur të cilët mbajnë erë të rëndë, edhe pse pastrohen çdo ditë përsëri nuk është e mjaftueshme. Qytetarët kërkojnë reagim të menjëhershëm dhe prani më të madhe të ekipeve në terren.
Kryetari i Komunës së Tetovës, Bilall Kasami, e pranon gjendjen e rënduar në terren, duke u kërkuar qytetarëve më shumë kujdes gjatë bartjes së mbeturinave nga shtëpitë e tyre deri tek kontejnerët.
“Sipas statistikave që i kemi, gjatë kësaj periudhe dyfishohet sasia e mbeturinave që do duhet të transferohet në stacionin, domethënë deponinë rajonale në Rusino. Ne lusim në të njëjtën kohë që qytetarët të jenë më të kujdesshëm gjatë bartjes së mbeturinave nga shtëpitë e tyre deri tek kontejnerët. Po ashtu ne jemi në komunikim të rregullt edhe me ndërmarrjen, sipërmarrjen që bën menaxhimin e mbeturinave, që të shtoje domethënë edhe të rritin frekuentimin e grumbullimit të mbeturinave. Kemi edhe përmes aplikacionit ku qytetarët, nëse ka ndonjë lokacion ku janë grumbulluar më shumë mbeturina, e denoncojnë dhe ka edhe domethënë aksione jashtë asaj që e kanë me program ndërmarrja sipërmarrëse”, tha Kasami.
TV KOHA NË ZEMËR TË “TETOVA N’FESTË” – EMOCIONE PËRTEJ SKENËS
ISHP: Të respektohen masat për mbrojtje nga vapat
Mbeturina të shtuara në Tetovë! Kasami: Dyfishohet sasia, kërkojmë më shumë kujdes nga qytetarët
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
