Lajme nga vendi
“Gjuha shqipe nuk preket – Ali Ahmeti mbjellë tension dhe ankth të sajuar”, intervistë me Arben Taravarin në prag të mbledhjes së dy qeverive
Në një intervistë për Albanian Post, Arben Taravari ka treguar për qëllimin e mbledhjes së përbashkët të dy qeverive, i është përgjigjur akuzave të opozitës shqiptare, ka folur për ndryshimet kushtetuese, procesin e integrimit evropian, mundësinë e zgjedhjeve të parakohshme dhe të arriturat e “VLEN”-it si pjesë e qeverisë së Mickoskit.
Këto komente, Taravari i ka bërë në një intervistë për Albanian Post, në ditën kur në Prishtinë do të mbahet mbledhja e përbashkët mes Qeverisë së Kosovës dhe asaj të Maqedonisë së Veriut.
Në këtë mbledhje që do të udhëhiqet nga kryeministri i Kosovës, Albin Kurti, dhe homologu maqedonas, Hristijan Mickoski, Taravari ka treguar se do të nënshkruhen marrëveshje për Pikat e Përbashkëta Kufitare, Marrëveshje Energjetike dhe Memorandum për Arsim, Shkencë dhe Inovacion.
“Fakti që shqiptarët janë shtetformues dhe VLEN është pjesë e Qeverisë së Maqedonisë së Veriut dhe përkushtimi i kryeministrit tonë Mickoski ndaj platformës tonë si VLEN, e bën këtë mbledhje organike dhe të pritshme”, tha ai, kur pyetet se cili është qëllimi i kësaj mbledhje.
Lideri i Bashkimit Demokratik për Integrim (BDI), Ali Ahmeti, të premten kërkoi që në mbledhjen e përbashkët Qeveria e Kosovës të ngritë shqetësimin për cenimin e gjuhës shqipe në RMV, pas paralajmërimeve se Gjykata Kushtetuese mund të shfuqizojë disa nene të Ligjit për gjuhë, të cilat do të cilat do ta afektonin derjtëprejdet përdorimin e gjuhës shqipe.
Por, sipas mjekut të shndërruar në politikan, krejt çuditshëm, “ndonëse jo papritur”, Ahmeti është duke “mbjellë tension dhe ankth të sajuar”.
Taravari tha se ndien “keqardhje” që lideri i BDI-së është katandisur “në një gjendje paniku të vazhdueshme”, derisa dha garanci se gjuha shqipe nuk do të rrezikohet në asnjë rrethanë.
“Ai [Ahmeti] dhe cilido që është shqetësuar për gjuhën shqipe, të jetë i qetë, sepse askush nuk mund ta cenojë atë. ‘VLEN’ është garanci se gjuha shqipe nuk preket!” theksoi ai.
Opozita shqiptare në RMV dhe jo vetëm, vazhdimisht janë duke e cilësuar Qeverinë e Mickoski-t si “anti-shqiptare”, sidomos pas shfuqizimit të Balancuesit (mekanizëm që rregullonte përfaqësimin e drejtë të komuniteteve), zëvendësimin e shqiptarëve nëpër institucionet publike kryesisht me maqedonas, etj.
Por, përsëri, nga prizmi i një prej akterëve kryesor shqiptar në qeverinë e Mickoski-t, këto akuza janë të paqëndrueshme.
“Është shqetësuese se çfarë gjendje po tregon opozita shqiptare. E frikësuar nga pasojat e bëmave të veta po përpëlitet midis gënjeshtrash dhe sajimesh. BDI-ja, po vazhdoi kështu, do të shkojë drejt një eliminimi total nga fusha politike”, shtoi ai.
Koalicioni “VLEN” gjatë fushatës zgjedhore për zgjedhjet e 8 majit, si kusht për t’u bërë pjesë e qeverisë, kishte paraqitur miratimin e ndryshimeve kushtetuese, si futjen e bullgarëve në preambulën e Kushtetutës – kërkesë eksplicite e Sofies zyrtare për të zhbllokuar procesin e integrimit evropian të RMV-së.
Mirëpo, deri më tani, qeveria e Mickoski-t, ku bën pjesë edhe “VLEN”-i, nuk ka ndërmarrë asnjë hap në këtë drejtim, derisa Taravari shprehet optimist se do të ndodhin, paçka se nuk ka datë konkrete.
“Sigurisht që kryeministri e ka pjesë të agjendës së tij ndryshimet kushtetuese. Këto ndryshime varen nga disa faktorë të tjerë që nuk janë në dorën tonë, por jemi krejtësisht të bindur se këto ndryshime do të ndodhin së shpejti”, deklaroi ministri shqiptar në qeverinë e RMV-së.
Intervista e plotë e Arben Taravarit për Albanian Post:
Albanian Post: Z. Taravari cili është qëllimi i mbledhjes së dy qeverive dhe çka konkretisht dëshironi të arrini përmes saj?
Arben Taravari: Në kemi një lidhje të fortë të natyrshme dhe të kuptueshme midis dy shteteve tona, që madje shkon përtej fqinjësisë së mirë. Fakti që Shqiptarët janë shtetformues dhe VLEN është pjesë e Qeverisë së Maqedonisë së Veriut dhe përkushtimi i kryeministrit tonë Mickovski ndaj platformës tonë si VLEN, e bën këtë mbledhje organike dhe të pritshme. Në këtë mbledhje ne do të bëjmë marrëveshje për Pika të Përbashkëta Kufitare, Marrëveshje Energjetike dhe Memorandum për Arsim, Shkencë dhe Inovacion.
Albanian Post: Si ndër akterët kryesorë shqiptar në Qeverinë e Maqedonisë së Veriut, a mund të na thoni se ku qëndrojnë marrëdhëniet mes Kosovës dhe Maqedonisë së Veriut?
Arben Taravari: Në nivelin më të mirë që kanë qenë ndonjëherë.
Albanian Post: Pjesë e Qeverisë së RMV-së, në postin e zëvendëskryeministrit është edhe Ivan Stoilkoviç, një kundërshtar i pavarësisë së Kosovës dhe proklamues i politikave fashiste serbe. A e keni ngritur shqetësimin në lidhje me qëndrimet e tij tek kryeministri Mickoski dhe a do të jetë ai pjesë e delegacionit të qeverisë të hënën në Prishtinë?
Arben Taravari: Mos harroni se Qeveria jonë vjen të nënshkruajë bashkëpunime të ngushta me shtetin e Kosovës.
Koalicioni Qeveritar është një marrëveshje shumë më serioze se sa opinioni i një njeriu e sidomos kur opinioni i tij i përket një mentaliteti sa të vjetër po edhe aq të gabuar.
Në dijeninë time z.Stoilkoviç nuk do të jetë i pranishëm në Mbledhjen e Prishtinës por edhe nëse po, do të ishte super, sepse ai do të ishte dëshmitar në vetë të parë se Kosova dhe Maqedonia e Veriut janë më afër se kurrë.
Albanian Post: Kryetari i BDI-së, Ali Ahmeti, kërkoi nga Qeveria e Kosovës që në mbledhjen e përbashkët ta diskutojë çështjen e cenimit të Gjuhës Shqipe në RMV. Cila është përgjigja juaj për këtë temë dhe sa ka rrezik cenimi i Gjuhës Shqipe, pas paralajmërimeve se Gjykata Kushtetuese mund t’i shfuqizojë disa nene të Ligjit për Gjuhë?
Arben Taravari: Më vjen keq që opozita e z.Ahmetit është katandisur në një gjendje paniku të vazhdueshme. Krejt çuditshëm por jo edhe papritur, ai është duke mbjellë tension dhe ankth të sajuar. Dërgon letra të mbushura me shqetësime imagjinare, trillon dhe sajon kinse Maqedonia po rrezikon stabilitetin e nuk e di çmos! Latinët e quajnë Panem et Circenses-Bukë dhe Cirk, është një shprehje që i dedikohet politikanëve që duan të zhvendosin vëmendjen e Popullit diku tjetër.
Kështu edhe z.Ahmeti duke ditur se çfarë ka bërë dhe sa keq ka i ka bërë shumë punë, shpik e sajon që të harrohen punët e tij.
Ai dhe cilido i shqetësuar për gjuhën Shqiptare të jetë i qetë sepse askush nuk mund ta cenojë atë. VLEN është garanci se gjuha shqipe nuk preket!
Albanian Post: Cili do të jetë qëndrimi i juaj, por edhe i koalicionit “VLEN” nëse shfuqizohet gjuha shqipe?
Arben Taravari: Është pyetje retorike. Ne jemi shqiptarë dhe platforma jonë para së gjithash është pro-shqiptare. VLEN vetëm nëse Shqiptarët janë të përfaqësuar denjësisht.
Albanian Post: Ka akuza të vazhdueshme, posaçërisht nga opozita shqiptare në RMV, se Qeveria e Mickoski-t ka një qasje “anti-shqiptare”, kjo pasi që një numër i konsiderueshëm i punonjësve shqiptarë në administratën publike u zëvendësuan kryesisht me maqedonas, por edhe pas shfuqizimit të Balancuesit. Si i përgjigjeni ju këtyre akuzave?
Arben Taravari: Po e thashë më lart, është shqetësuese se çfarë gjendje po tregon opozita shqiptare. E frikësuar nga pasojat e bëmave të veta po përpëlitet midis gënjeshtrash dhe sajimesh. BDI-ja po vazhdoi kështu do të shkojë drejt një eliminimi total nga fusha politike.
Albanian Post: Një nga kushtet për t’u bërë pjesë e qeverisë që e keni përmendur gjatë fushatës zgjedhore kanë qenë ndryshimet kushtetuese. Kur priten të bëhen, a ka datë, por edhe a ka vullnet kryeministri Mickoski për t’i shtyrë përpara?
Arben Taravari: Sigurisht që kryeministri ka pjesë të agjendës së tij ndryshimet kushtetuese. Këto ndryshime varen nga disa faktorë të tjerë që nuk janë në dorën tonë, por jemi krejtësisht të bindur se këto Ndryshime do të ndodhin së shpejti.
Albanian Post: Si e keni parë ndarjen e RMV-së nga Shqipëria në procesin e integrimit në Bashkimin Evropian?
Arben Taravari: Si një moment të pakëndshëm, por të rikuperueshëm. Jam konfident se së shpejti do të ecim prapë së bashku.
Albanian Post: Së fundmi, BDI-ja është duke kërkuar zgjedhje të parakohshme, pasi që e konsiderojnë qeverinë “pa legjitimitet etnik”. Sa ka gjasa që të mbahen zgjedhje të parakohshme?
Arben Taravari: Zgjedhjet lokale janë pas disa muajsh, aty BDI-ja ka mundësi të demonstrojë muskujt e saj etnik.
Ne dalim që nesër në zgjedhje por organizimi i tyre ka kosto financiare, dhe nuk mund të lejojmë që të plotësojmë lajthitjet e BDI-së në kurriz të buxhetit modest të shtetit.
BDI-ja është në gjendje paniku dhe asnjë kërkesë apo mendim i saj nuk është i udhëhequr nga arsyeja e shëndoshë. Më vjen keq se si po i lënë Shqiptarët pa opozitë.
Albanian Post: Për fund, në këtë kohë të shkurtër në qeverisje, sa ka arritur koalicioni “VLEN” t’i zbatojë politikat e tij dhe çka konsideroni si sukses deri më tani?
Arben Taravari: Po, ne kemi një kohë të shkurtër në Qeveri por kemi bërë punë të konsiderueshme. Kështu kemi arritur të sigurojmë 30 milionë euro për komunat shqiptare.
Kemi siguruar buxhet të dedikuar për universitetin “Nënë Tereza”, kemi bërë investime në institucionet publike shëndetësore në komunat shqiptare, kemi hapur çerdhe te reja në Maqedoninë Perëndimore, kemi rifilluar punimet e Korridorit 8.
Dhe mbi të gjitha kemi arritur të çrrënjosim sistemin e ndryshkur 22 vjeçar që e kishte prangosur zhvillimin e vendit. Tashmë mandati ynë priret nga motivi që e kemi titulluar drejt më t’mirës.
Drejt më t’mirës është kauza jonë.
Lajme nga vendi
Kasami shpalosi programin zgjedhor: Dal ballëhapur para jush, për katër vite kam dhënë gjithçka për Tetovën
Kandidati i VLEN-it për kryetar të Tetovës, Bilall Kasami, sot para mediave ka shpalosur programin zgjedhor me moton ”Një zë për Tetovën 2025=2029”.
Kasami filimisht iu referua besimit të marrë nga qytetarët para katër vite përmes së cilit ai thotë se kanë ngarkuar me përgjegjësi për ta nxjerrë Tetovën nga errësia në dritë, dhe nga kaosi në normalitet.
Para katër viteve dola para jush që ta kërkoj besimin tuaj për ta ndalur shkatërrimin e Tetovës. Ishte treni i fundit i shpëtimit përpara se qyteti ynë të zhytej në kaos të pakthyeshëm. Ju gjykuat drejt dhe iu përgjigjët thirrjes sonë. Na e dhatë besimin dhe na ngarkuat me përgjegjësinë që ta nxjerrim Tetovën nga errësira në dritë, nga kaosi në normalitet institucional, nga borxhi drejt zhvillimit dhe nga shëmtia në rend dhe pastërti”, tha Kasami.
Ai tha se del ballëhapur para qytetarëev sepse për këto katër vite ka dhën gjithçka për Tetovën
”Për këtë dëshmojnë qindra projekte të përfunduara me sukses që ia ndërruan pamjen qytetit tonë. Nuk ka lagje në Tetovë e rrethinë ku nuk kemi zgjidhur të paktën një problem apo një nevojë të qytetarëve tanë. E gjithë kjo punë dhe projekte u realizuan me sukses dhe në të njëjtën kohë kemi arritur të shlyejmë borxh prej 9 milion euro”, theksoi Kasami
AI tha se mandati i parë ishte mandat i ndërhyrjeve emergjente, i zgjidhjeve të problemeve elementare dhe i rregullimit të infrastrukturës bazë.
”Ne jemi gati që Tetovën ta çojmë në një nivel tjetër me Kapitullin e Dytë të zhvillimit. Sepse Tetova nuk guxon të kthehet në epokën e anarkisë, kaosit, keqmenaxhimit dhe korrupsionit. Tetova duhet të vazhdojë të zhvillohet edhe më hovshëm. Prandaj, kam kënaqësinë që tua prezantoj planin e detajuar, me projekte dhe masa konkrete, për vazhdimin e këtij zhvillimi.
Kasami tha se planin e ka punuar duke bashkëpunuar me ekspertë, afaristë, qytetarë, dhe organizata joqeveritare.
”Tetova do të jetë komunë e hapur dhe transparente, me komunikim të rregullt me gazetarët, platformë online për ankesa dhe ide si dhe raporte pune 6-mujore për çdo sektor të komunës. Qytetari aplikon online, merr përgjigje pa radhë dhe ndjek statusin e kërkesës me numër reference e afat përgjigjeje. Këshillat e prindërve, bashkësitë lokale dhe Unioni i tyre do të kenë rol aktiv në vendimmarrje në Tetovën tonë”, premtoi Kasami
Mbi të gjitha Kasami tha se prioritet numrë një do të jetë sigurimi i ujit të pijshëm për 24 orë.
”Ndërmarrjet publike do t’i zhvillojmë edhe më tej, ndërsa shërbimet e tyre do t’i profesionalizojmë dhe digjitalizojmë. Prioritet gjatë këtij mandate: ujë 24/7, kanalizim modern, mbulim i çdo vendbanimi me ndriçim publik, mirëmbajtje rrugësh, menaxhim efikas i mbetjeve komunale, transport publik funksional dhe strategji parkimi, që do të ulë trafikun në qendër, si dhe do ta zgjidh problemin me parkimin në qytetin tonë. Për ujin parashikojmë instalim dhe modernizim të infrastrukturës me ujëmatës digjitalë, rrjete primare dhe sekondare të rinovuara, sigurimin e sasive shtesë të ujit si dhe rezervuar sedimentues për pastimin e ujit që vjen nga burimet e Leshnicës. Kolektor I ujërave të zeza si dhe impjant (filter stacion) për pastimin e ujërave të zeza si dhe kolektor për ujërat atmosferike në pikat dalëse të qytetit për të shmangur përmbytjet dhe bllokimet e nënkalimeve”, theksoi Kasami
Për transportin publik Kasami tha sa do të ndertohet stacion i ri i autobusave ndërsa për problmet me parkimin do të ketë garazh me kate dhe të gjitha shërbimet do të jenë digjitale.
Transporti publik ngrihet në standarde evropiane: stacion i ri autobusësh, korsi të dedikuara për transport publik, flotë e re me autobusë e minibusë elektrikë dhe nënstacione ekologjike, duke mbuluar linjat urbane e lidhjet me fshatrat e malësisë. Dhe lajmi më i mirë për qytetarët, transport publik falas. Menaxhimin e mbetjeve do ta profesionalizojmë edhe më tej, me impiant trajtimi, infrastrukturë të re grumbullimi, pika për mbetje inerte, siguri për punonjësit dhe edukim qytetar.Parkimi organizohet me Park & Ride në hyrje, garazhe me kate e zgjerim kapacitetesh në blloqet e planifikuara; të gjitha të menaxhuara përmes një aplikacioni digjital”, tha Kasami
Ai premtoi arsim gjithëditor dhe investime në projekte kapitae për shkolla të mesme, çerdhe, laboratorë si dhe subvencione prje 100 euro për çdo fëmijë që regjistrohet për herë të parë në shkollë.
Zbatojmë arsimin gjithëditor dhe investojmë në kushte moderne në çdo nivel: projekte kapitale për shkollat fillore e të mesme dhe çerdhet; laboratorë STEM, teknologji në klasa, edukim joformal dhe përkrahje të nxënësve ekselentë dhe atyre në nevojë. Rrisim përfshirjen në vendimmarrje, luftojmë politizimin, përforcojmë zhvillimin profesional të mësimdhënësve dhe sigurojmë qasje të barabartë për fëmijët me aftësi të kufizuara e komunitetet minoritare.Për ta bërë barrën e shkollimit më të lehtë për familjet tona, do të subvencionojmë me 100 euro çdo fëmijë që regjistrohet në klasë të parë.Kapitulli i Dytë do të jetë edhe kapitulli i transformimit urban dhe infrastrukturor të Tetovës. Tetova bëhet qytet kompakt, i lidhur dhe i gjelbër. Miratojmë Planin Gjeneral Urbanistik 2025–2035, paketa planesh detale urbanistike nga qendra te stadiumi dhe përgjatë bulevareve Iliria e Ilinden, plane për Kodrën e Diellit, Bllokun Urban 57, Qendrën Sportive dhe qendrën tregtare. Përshpejtojmë procedurat për dhënien e lejeve, ndërtojmë Sheshin me parking nëntokësor, përfundojmë bulevardet kryesore, lidhjet rrugore me fshatrat dhe nënkalimet për këmbësorë. Teleferiku Tetovë–Lisec–Kodra e Diellit bëhet realitet në bashkëpunim me Qeverinë, theksoi Kasami
Ai premtoi se Tetovëm do ta kthej në hartën e turizmit global duke tërhequr investitorë strategjikë për Kodrën e Diellit si dhe do të mbështesë agroturizmin dhe kulinarinë tetovare.
Mjedisi jetësor do të jetë gjithashtu në qendër të fokusit tone. Sektor komunal i dedikuar për mjedisin, monitorim modern i ajrit, ujit dhe tokës, rregullim shtratit të lumit në Reçicë të Vogël dhe Poroj, sanksione për ndotësit dhe raporte mujore publike. Zgjerim i hapësirave të gjelbra, krijimi i kadastrës së gjelbër, mbjelljen e 5.000 fidaneve të reja, efikasitet energjetike në objekte publike dhe infrastrukturë e gjelbër.Tetovën do ta kthejmë edhe në hartën e turizmit global, me vizion të qartë për zhvillim ekonomik të komunës sonë. Do të sigurojmë investitor strategjik për Kodrën e Diellit, që xhevahiri ynë turistik ta arrijë potencialin maksimal. Me infrastrukturë turistike gjithëvjetore, Tetova do të pozicionohet si destinacion kryesor në rajon. Do të mbështesim agroturizmin dhe promovojmë traditën kulinare lokale; krijojmë Udhëzues Investimesh, Regjistër Digjital të Bizneseve dhe Info Qendër për biznesin për ta lidhur komunën me ndërmarrësit, diasporën dhe investimet në energji të ripërtëritshme, bujqësi moderne e teknologji. Fshatrat e malësisë Bozovcë dhe Veshallë i shpallim zona me interes strategjik për zhvillim socio-ekonomik, kulturor e turistik”, tha Ksami
Kasami premtoi edhe ndërtimin e një qind banesave sociale përmes një plani social të përgatitur paraprakisht. Ndërkaq për kulturën Kasami tha se do të punojë në drejtimin të rritjes së festivaleve, dhe sigurimin bibliotekave moderne.
Komuna do të përkujdeset edhe për pjesën më të ndjeshme të shoqërisë sonë, me Planin Social që përfshin 100 banesa sociale, qendra për të moshuarit dhe shërbime “Ndihmë dhe kujdes në shtëpi”. Thellohet mbështetja për familjet e reja, për personat me aftësi të kufizuara, si dhe për gratë e fëmijët viktima të dhunës.Ringjalljen kulturore të Tetovës që e filluam në mandatin e parë do ta zgjerojmë e thellojmë me festivale, qendra kulturore, bibliotekë moderne dhe program të gjerë aktivitetesh. Ruajmë trashëgiminë materiale e shpirtërore, ndërtojmë Sahat Kullën dhe restaurojmë objektet historike. Tetova identifikohet me rininë, prandaj i kushtojmë rëndësi të veçantë ardhmërisë tonë.Hapësira kulturore dhe programe për të rinjtë, punësim praktik me bizneset, integrim ndëretnik dhe aktivitete kundër gjuhës së urrejtjes. Në sport, përfundojmë Stadiumin e Qytetit, hapim terrene atletike, vëmë në funksion sallat ekzistuese, mbështesim ligën shkollore dhe ndërtojmë parqe e fusha në lagje. Qendra Rinore institucionalizohet si hapësirë moderne për nevojat e brezit të ri, tha Kasami.
.Për të gjitha këto projekte Kassami tha se kan plane konkrete, vizion të qartë dhe konstrukt financiar.
”Ato nuk janë premtime elektorale, por program pune që buron nga analiza të thella e të detajuara që i kemi bërë gjatë këtyre 4 viteve, të materializuara në dokumente si Strategjia e arsimit 2025-2030, Plani i mobilitetit 2025-2035, Programi zhvillimor 2025-2029, Masterplani i ujësjellsit 2024-2027, Plani strategjik për zhvillim ekonomik lokal 2023-2027, Strategjia e turizmit 2025-2029, Plani social 2024-2027 dhe Strategjia për zhvillimin e vullnetarizmit në Komunën e Tetovës 2024-2027, përfundoi Kasami
Dy mërgimtarë nga Tetova, të cilët jetojnë në Zvicër, njëri prej të cilëve ushtron profesionin e zjarrfikësit atje kanë sjellë donacion, uniforma, pajisje dhe tuba për zjarrfikësit e Tetovës. Harbin Jakupi shpreson që nëpërmjet këtij donacioni të ndihmohen zjarrfikësit e Tetovës të cilët për ç’do ditë përballen me flakët dhe zjarrin.
Udhëheqësi i Njësitit Territorial kundër Zjarrit në Tetovë, Avni Ameti theksoi se pajisje të tilla u kanë munguar zjarrfikësve të Tetovës dhe do të jenë një ndihmë e madhe për të gjithë zjarrfikësit. Ameti deklaron se kjo nuk është hera e parë që ky njësit pranon donacione të tilla të mbështetura nga mërgimtarët shqiptarë.
Përndryshe, Njësia Territoriale Kundër Zjarrit – Tetovë, është njësi e cila mbulon territorin e Komunës së Tetovës dhe pesë komunat rurale që gravitojnë në të. Njësiti është i pajisur me 13 automjete speciale kundër zjarrit dhe 75 zjarrfikës – shpëtimtarë./Tv Koha/
Këto zgjedhje do të mbahen pa miratimin e asnjë prej rekomandimeve të fundit të OSBE-ODIHR-së, organizatës që monitoron zbatimin e zgjedhjeve. Propozim-ndryshimet nga rekomandimet e ODIHR-së ngecën në Kuvend, bashkë me propozim-ndryshimet e tjera ligjore.
ODIHR-ja nisur monitorimin që në 5 shtator. Misioni drejtohet nga Matteo Mecacci dhe përbëhet nga 13 ekspertë me seli në Shkup. 24 vëzhgues afatgjatë janë vendosur në të gjithë vendin nga 11 shtatori, dhe ODIHR ka njoftuar gjithashtu që 250 vëzhgues afatshkurtër do të mbërrijnë në vend një ditë para ditës së votimit. ODIHR-ja publikon raportin e parë ku evidentohen parregullsitë që detektojnë gjatë vëzhgimit dhe kërkojnë mënjanimin e tyre përmes raporteve të veçanta dhe rekomandimeve që u japin autoriteteve vendase.
Parregullsitë dhe shkeljet eventuale ndiqen edhe nga institucionet vendase.
Prokuroria dy javë më parë ka formuar Komisionin e përkohshëm për ndjekjen e veprimeve rreth shkeljeve dhe parregullsive eventuale zgjedhore të cilën e drejton Xhelal Bajrami kurse në të janë edhe 5 prokurorë të tjerë nga të gjithë prokuroritë e larta publike. Komisione të ngjashme në të kaluarën nuk kanë proceduar asnjë shkelje serioze zgjedhore e cila do të kishte rezultuar me dënime ose gjoba më serioze për shkelësit.
Aktivitete për ndjekjen e parregullsive eventuale zgjedhore ka ndërmarrë edhe Komisioni për parandalimin e korrupsionit.
Antikorrupsioni ndjek fushatën e filluar para kohë, financimet, keqpërdorimin e veturave zyrtare dhe institucioneve publike për përfitime të fushatës. Ky institucion njoftoi se nga 1514 institucione që janë të detyruara të dorëzojnë të dhëna per vëturat, të dhëna kanë dorëzuar vetëm 635 ose 42%. 66% e institucioneve raportuan më shumë ose më pak automjete sesa janë të regjistruara në të dhënat e MPB-së. Nga 879 institucionet që nuk dorëzuan informacione, sipas të dhënave të Ministrisë së Brendshme, Antikorrupsioni ka zbuluar se 192 institucione kanë 2,028 automjete, por nuk kanë dorëzuar asnjë informacion për to.
Kandidatët firmosën deklaratën për zgjedhje fer dhe demokratike, pa presione ndaj administratës, megjithatë retorika përkeqësohet gjithmonë me afrimin e zgjedhjeve. Nga gjuha e papërshtatshme në foltore ndaj kundërshtarit e deri te mesazhet me presione me urdhra për pjesëmarrje në aktivitete politike, qarkullojnë vazhdimisht në rrjetet sociale.
Edhe keqpërdorimi i fëmijëve nga kandidatët në fushatë tashmë është bërë praktikë, kurse OJQ-të dhe shoqatat për mbrojtjen e fëmijëve e kanë dënuar atë. / Alsat.mk
Kasami shpalosi programin zgjedhor: Dal ballëhapur para jush, për katër vite kam dhënë gjithçka për Tetovën
NJTKZ – TETOVË, PRANON DONACION UNIFORMA NGA ZVICRA
Zgjedhjet do të monitorohen nga mijëra vëzhgues të vendit dhe të huaj
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi3 years ago
Kovaçevski paralajmëroi drejtor të ri të Drejtorisë për Zbatimin e Sanksioneve