Lajme nga vendi
Vazhdon debati i Komisionit për propozim-buxhetin për vitin 2025
Në Kuvend sot duhet të vazhdojë mbledhja e Komisionit për financim dhe buxhet në ditën e katërt të rendit të ditës është Propozim-buxheti për vitin 2025, ndërsa mbledhje duhet të mbajnë edhe Komisioni për Sistem politik dhe Marrëdhënie Ndërmjet Bashkësive, Komisioni për Kulturë dhe Turizëm dhe Komisioni Juridik-Ligjvënës i Kuvendit.
Debati i Komisionit për Propozim-buxhetin zgjat 10 ditë dhe duhet të përfundojë më së voni deri më 30 nëntor pas së cilës vazhdon në seancë plenare. Për propozim-buxhetin për vitin 2025 janë dorëzuar gjithsej 308 amendamente nga të cilat 204 nga LSDM-ja opozitare. Sipas ligjit, Buxheti për vitin 2025 duhet të votohet deri më 31 dhjetor.
Me propozim-buxhetin për vitin 2025, të ardhurat e përgjithshme janë planifikuar në nivel prej 358,8 miliardë denarë, ndërsa shpenzimet në nivel prej 400,2 miliardë denarë. Deficiti buxhetor është projektuar në vlerë absolute prej 41,350 milionë denarë ose në nivel prej 4 për qind nga PBB-ja e planifikuar, ndërsa parashikohet rritje e ekonomisë prej 3,7 për qind.
Gjatë debatit të deritanishëm, deputetët e pushtetit besojnë se Propozim-buxheti është zhvillimor dhe do t’i përmirësojë kushtet e jetesës së qytetarëve, sepse parashikohet rritja e pensioneve, do të respektohen marrëveshjet kolektive, ndërsa do të ketë edhe rritje pagash në disa sektorë, ndërsa nga opozita vlerësojnë se nuk do të ketë standard më të mirë jetesë për qytetarët, ndërsa Propozim-buxheti i Qeverisë është manipulues dhe nuk ka kurrfarë vizioni, nuk është zhvillimor por i kushtueshëm, jo familjar, parazgjedhor dhe parashikon rritje joreale të PBB-së prej 3,7 për qind.
Në Komisionin për Sistem Politik dhe Marrëdhënie Ndërmjet Bashkësive në rend dite janë Propozim-ligji për ndryshime dhe plotësime të Ligjit për evidencë amë – Lexim të parë, si dhe Raportet vjetore të Agjencisë për mbrojtje të së drejtës të qasjes së lirë te informatat nga karakteri publik për vitin 2023, për punën e Këshillit Inspektues për vitin 2023, për punën e Agjencisë për mbrojtjen e të dhënave personale për vitin 2023 dhe Raporti vjetor për punën e Këshillit Shtetëror për Parandalimin e Delikuencës së Fëmijëve dhe për gjendjet në fushën e të drejtave të fëmijëve dhe delikuencës së fëmijëve për vitin 2023.
Komisioni për Kulturë dhe Turizëm do të debatojë për Propozim-ligjin për ndryshime dhe plotësime të Ligjit për kulturë në lexim të parë dhe për Grupin themelor të punës për përgatitjen e Propozim-programit për shënimin e përvjetoreve jubilare të ngjarjeve të rëndësishme dhe personaliteteve të shquara për vitin 2025. Sot do të mbajë mbledhje Komisioni-juridik-ligjvënës ku janë disa propozim-ligje.
Në Tetovë, Bashkësia Islame e Maqedonisë së Veriut dhe Myftinia e Tetovës organizuan Manifestimin fetar, “Mirë e vjen Ramazan”. Ky manifestim bëri bashkë përfaqësues të jetës fetare, politike e shoqërore, organizuar në në shenjë respekti për ardhjen e muajit të bekuar të Ramazanit.
Ilahi, ligjërata fetare, monolog teatror, lexim të Kuranit famëlartë, fëmijë e të rritur pjesë e manifestimit, ishte kryefjala e Manifestimit të mbrëmshëm fetar “Mirë se vjen Ramazan”.
Si zakonisht në kësi eventesh Pallati I Kulturës në Tetovë ishte I stërmbushur me të pranishëm.
Myftinia e Tetovës njoftoi se për muajin e shenjtë të Ramazanit ka organizuar aktivitete të larmishme që krahas shënimit Ditës së Bedrit dhe Natës së Kadrit, do të organizojë edhe aktivitete të përditshme nëpër xhamitë e Tetovës me rrethinë.
Myftiu I Tetovës, Dr.Selver ef.Xhemaili, në fjalën e rastit potencoi rëndësinë e muajit të bekuar të Ramazanit.
DR.SELVER EF.XHEMAILI – MYFTI I TETOVËS
“Në këtë muaj Kurani lexohet më shumë, xhamitë mbushen më shumë, familjet bashkohen, zemrat zbuten, faljet shtohen. Edhe njerëzit që gjatë vitit janë larg fesë në Ramazan ndjejnë dicka ndryshe. Kjo është sepse Ramazani nuk troket vetëm në dyert e shtëpisë, por troket në derën e shpirtit. Agjërimi na mëson kontrollin dhe ai nuk është vetëm për prindin dhe gjyshin. Ramazani është Shansi jonë për ta ndërtuar karakterin. Ky muaj na mëson durimin kur je I urritur, edukatën kur je I nervozuar, respektin kur dikush të provokon dhe vetkontrollin kur askush nuk të sheh”
Jetojmë në kohëra të sfidueshme globale, ku edhe shoqëria jonë nuk është imune ndaj disa devijimeve – u tha në ligjëratat fetare. Ramazani vjen për të na rikujtuar se duhet të kthehemi te origjinaliteti.
DR.QENAN EF. ISMAILI – MYFTI I SHKUPIT
“Dhe, ja. Vjen Ramazani që të na I rikujtojë të gjitha këto. Vjen Ramazani për të na kthyer në origjinalen. Vjen Ramazani për të na I rikujtuar vlerat tona, si njerëz dhe si besimtarë musliman”
Gjatë ligjëratave nuk u anashkalua edhe dobia nga Agjërimi, për të cilën u tha se nuk është vetëm uri dhe etje, por paraqet ngopje shpirtërore.
PROF.DR.MUSA MUSAI – TEOLOG
“Nga njëra anë është ajo “beteja” jonë fizike, për arsye se njeriu të investojë 11 muaj vetëm për trupin, vërtetë është kohë e gjatë për t`u çliruar prej kërkesave të trupit. Por, një muaj të investojmë për shpirtin do jetë investimi më I rëndësishëm për secilin prej nesh për ta kuptuar rëndësinë e fjalës se agjërimi nuk është vetëm uri dhe etje, por është ngopje shpirtërore, pa mëdyshje”
Për fund Myftinia e Tetovës ndau mirënjohje për të gjithë ata që kontribuan e kontribuojnë për mbarëvajtjen e këtij institucioni fetar sidomos në sferën e humanitetit por edhe mbulimit mediatik.
Në mesin e laureatëve ishte edhe Televizioni Koha, I cili gjatë muajit të bekuar të Ramazanit, përmes përmbajtjeve fetare dhe podcastit të organizuar në bashkëpunim me Myftininë e Tetovës, I cili do të emetohet çdo natë para Iftarit, do ta pasqyrojë jetën fetare në rajonin e Pollogut dhe jo vetëm.
Lidhja e Sindikatave të Maqedonisë bllokoi sot dyert e Qeverisë. Paralajmëruan se masa e ardhshme do të jetë greva e përgjitrhshme. Kërkesat e tyre mbeten të njëjta, mbështetje për propozimin për 600 euro pagë minimale dhe 100 euro rritje të pagave tjera. Sipas tyre, standardi I qytetarëve nuk mund t`u bëjë ballë rritjes së çmimeve.
Nëse nuk respektohen kërkesat e punëtorëve për rritjen e pagës minimale në 600 euro deri më shkurt, në mars paralajmërohet grevë e madhe e përgjithshme e punëtorëve. Paralajmërimi erdhi nga Lidhja e Sindikatave të cilët, pas Kuvendit dhe Odave Ekonomike, sot bllokuan Qeverinë.
Sipas tyre, jehona e dobët e protestës së sotme, është për shkak se punëtorët janë në vendet e tyre të punës. Paralajmërojnë që protesta e radhës do të mbahet në ditë jo pune në mënyrë që punëtorët ta shprehin pakënaqësinë nga paga minimale.
SLOBODAN TRENDAFILOV – LSM
“24 ministra, në seancën e sotme qeveritare duhet të propozojnë ndryshime dhe plotësime të Ligjit për pagë minimale, nëse duan të jenë me punëtorët. Deri në fillim të marsit nuk përjashtohet mundësia për bllokimin e institucioneve të targetuara në brendësi të vendit. Nëse vendosin në seancë qeveritare ta rrisin pagën minimale në 600 euro dhe pagat tjera për 100 euro, nuk do të më shohin më në TV, nëpër rrjetet sociale. Deri atëherë vazhdojmë aty ku qëndrojmë sot – në rrugë”
Lidhja e Sindikatave nuk heq dorë nga përpjekjet për të siguruar 10.000 nënshkrime që të kenë mundësi në Kuvend të dorëzohen ndryshime ligjore për uljen e pagave të funksionarëve dhe rritjen e pagës minimale.
Lajme nga vendi
Zëvendësdrejtori i Doganave zhvilloi sot një takim pune me Ambasadorin e Republikës së Turqisë në vend, Fatih Ulusoy.
Në takim u diskutua për bashkëpunimin ndërmjet institucioneve, me theks të veçantë në forcimin e marrëdhënieve ekonomike, lehtësimin e procedurave doganore dhe rritjen e shkëmbimevetregtare mes dy vendeve.
Zëvendësdrejtori Mustafa Dauti theksoi rëndësinë e komunikimit të drejtpërdrejtë institucional dhe koordinimit tëvazhdueshëm për përballimin e sfidave të përbashkëta në fushëne tregtisë dhe qarkullimit të mallrave. Ai nënvizoi gatishmërinëpër thellimin e bashkëpunimit profesional dhe krijimin e mekanizmave më efikasë që do të kontribuojnë në rritjen e transparencës dhe sigurisë në proceset doganore.
Nga ana e tij, Ambasadori Ulusoy rikonfirmoi përkushtimin e Turqisë për të mbështetur iniciativat që nxisin zhvilliminekonomik dhe partneritetin afatgjatë ndërmjet dy vendeve.
Bashkëbiseduesit vlerësuan se takime të tilla kontribuojnë nëforcimin e raporteve institucionale dhe në ndërtimin e bashkëpunimit të qëndrueshëm.
VOLEJBOLL: DISFATA E KATËRT RADHAZI E KV UNIVERSITETI I TETOVËS
SONTE NIS SPEKTAKLI I PLAY-OFF-IT NË LIGËN E KAMPIONËVE
MILANO-CORTINA: AUSTRIA FITON TË ARTËN NË GARËN KËRCIME ME SKI
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
