Lajme nga bota
Vishnin kostumin e ariut dhe sulmonin veturat e tyre – arrestohen katër persona në Los Angeles
Katër banorë të Los Angelesit u arrestuan dhe u akuzuan së fundmi për mashtrim me sigurimin, pasi dyshohet se përdorën një kostum ariu për të krijuar përshtypjen se automjetet e tyre luksoze ishin dëmtuar nga një kafshë e egër.
Kjo zonë ndodhet në San Bernadino, e njohur për popullsinë e madhe të arinjve të zinj, por pamjet video të paraqitura nga të dyshuarit për kompaninë e sigurimeve ishin disi të dyshimta.
Në to dukej një kafshë me gëzof duke hyrë në ulëset e pasme të Rolls Roycet dhe duke gërvishtur brendësinë e veturës, por diçka nuk përputhej.
Për fillim, Departamenti i Peshkut dhe Kafshëve të Egra të Kalifornisë konfirmoi se arinjtë e vetëm në këtë shtet janë të zinj, ndërsa ky “ari” ishte ngjyrë kafe e çelur dhe lëvizjet e tij nuk i ngjanin aspak një ariu të vërtetë.
“Pas një shqyrtimi të mëtejshëm të videos, hetimi zbuloi se ‘ariu’ ishte në fakt një person i veshur me një kostum ariu”, i tha policia NPR-së.
“Departamenti kishte angazhuar një biolog nga Departamenti i Peshkut dhe Kafshëve të Egra të Kalifornisë për të rishikuar tre videot e pretenduara me arinj, dhe ai gjithashtu vlerësoi se ishte qartësisht një njeri me kostum ariu”, shtoi policia.
Hetuesit më pas zbuluan se katër të dyshuarit kishin paraqitur edhe dy kërkesa të tjera për kompensim sigurimi duke pretenduar sulme nga arinj në makina të tjera luksoze – një Mercedes G63 AMG i vitit 2015 dhe një Mercedes E350 i vitit 2022 – dhe ishin të bindur se po përballeshin me një mashtrim.
Megjithatë, ata nuk deshën të linin asgjë rastësisht dhe vendosën të siguronin provën përfundimtare: kostumin e ariu. Oficerët e policisë së Kalifornisë ekzekutuan një urdhër kontrolli në shtëpinë e katër të dyshuarve dhe gjetën një kostum ariu të pajisur me një kokë me gëzof, putra dhe mjete metalike në formën e kthetrave që ishin përdorur për të shkaktuar dëmet.
Çështja është aktualisht nën shqyrtim, por nëse shpallen fajtorë, të dyshuarit rrezikojnë të kalojnë kohë pas hekurave për mashtrimin e kompanive me një shumë prej afro 142 mijë dollarësh (134 mijë euro).
Rusia dhe Ukraina po përgatiten për një tjetër shkëmbim të madh të të burgosurve, ndërsa zyrtarët e të dyja palëve po punojnë për finalizimin e listave të personave që mund të lirohen, raportoi të mërkurën agjencia shtetërore ruse e lajmeve Tass, transmeton Anadolu.
“Po përgatitemi për një shkëmbim tjetër mjaft të madh; listat po finalizohen”, tha Lantratova për Tass.
Shkëmbimi i fundit i madh i të burgosurve u zhvillua më 19 gusht, kur Rusia dhe Ukraina shkëmbyen nga 103 ushtarakë, pas ndërmjetësimit të Emirateve të Bashkuara Arabe.
Shkëmbimet e të burgosurve kanë mbetur një nga fushat e pakta të bashkëpunimit praktik mes Moskës dhe Kievit gjatë konfliktit të armatosur që filloi në vitin 2022.
Të paktën 14 të porsalindur kanë humbur jetën si pasojë e një zjarri që ka shpërthyer në repartin e maternitetit të një spitali në Islamabad, kryeqytetin e Pakistanit.
Ekipet e shpëtimit kanë bërë të ditur se zjarri tashmë është vënë nën kontroll dhe të lënduarit janë dërguar në repartin e kujdesit intensiv.
Zjarri ka shpërthyer në katin e tretë të repartit të nënës dhe fëmijës në spitalin PIMS, një nga spitalet kryesore shtetërore të qytetit.
Kryeministri Shehbaz Sharif ka shprehur “pikëllim të thellë” dhe ka urdhëruar një hetim të menjëhershëm.
Është ngritur një komision për të hartuar një raport brenda 24 orëve.
Lajme nga bota
Trump paralajmëron “luftë ekonomike” ndaj Iranit: Kush e ndihmon, do të përballet me pasoja
Presidenti amerikan, Donald Trump, paralajmëroi një „luftë ekonomike“ dhe izolim të Iranit në përmasa të paprecedenta, në kushtet e ngecjes së negociatave me Teheranin. Njëkohësisht, ai paralajmëroi se edhe vendet që do t’i ofrojnë mbështetje ekonomike Iranit do të përballen me pasoja të rënda ekonomike.
“Askush nuk i ka dhënë Republikës Islamike të Iranit mundësi më të madhe se unë për të arritur një marrëveshje”, shkroi Trump në platformën e tij „Truth Social“, duke shtuar se Teherani “nuk e shfrytëzoi atë”.
“Prandaj, sot po shpall OPERACIONIN EKONOMIK MË TË ASHPËR që është ndërmarrë ndonjëherë kundër cilitdo shtet”, shkroi presidenti amerikan. Trump shtoi se bëhet fjalë për “luftë ekonomike dhe izolim në përmasa të paprecedenta”.
Ai paralajmëroi se vendet, institucionet financiare, kompanitë, aeroportet apo strukturat shtetërore të të cilave do t’i ofrojnë “çfarëdo lloj ndihme shpëtimi Iranit”, do të përballen edhe vetë me “pasoja të mëdha ekonomike”.
Njoftimi paraqet një forcim të mëtejshëm të presionit amerikan ndaj Teheranit, në kushtet e ngecjes së vazhdueshme të përpjekjeve për arritjen e një marrëveshjeje.
Mediat iraniane sot nuk shfaqin shqetësim të madh lidhur me kërcënimet e Trumpit, duke vlerësuar se bëhet fjalë për vazhdimësi të politikës amerikane të presionit ndaj Teheranit, raportoi DPA.
Agjencia iraniane e lajmeve “Fars” në “Telegram” vlerësoi se deklaratat e fundit të Trumpit janë pjesë e „luftës psikologjike dhe fushatës propagandistike“ së zakonshme, duke kujtuar se presidenti amerikan edhe në të kaluarën ka paralajmëruar rënien e Iranit dhe masa me përmasa historike.
Agjencia iraniane „Tasnim“ vlerësoi se mesazhi i Trumpit “nuk përbën ndonjë zhvillim të ri”, pasi SHBA-ja prej vitesh përpiqet të bllokojë lidhjet financiare dhe ekonomike me Iranin.
Megjithatë, Irani “ka mësuar se si t’i anashkalojë këto kufizime dhe është bërë shumë i aftë në këtë drejtim”, raportoi “Tasnim” në “Telegram”.
VAPA AFRIKANE: A DO TË SHKURTOHEN ORËT MËSIMORE?!
ATLETËT E KAMJANIT DINJITOZ NË LOJËRAT EVROPIANE TË ATLETIKËS PËR FËMIJË
SHAH: KLUBI I SHAHUT “ANPASAN” KA SIGURUAR MBIJETESËN NË ELITË
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
