Lajme nga vendi
Rritja edhe e depozitave edhe e kreditimit, qytetarët më shumë marrin kredi konsumatore dhe për banim
Rritja vjetore e depozitave të përgjithshme në tetor arrin 11,0%, ndërsa del nga depozitat e rritura të dy sektorëve, me kontribut më të shprehur në sektorin e amvisërisë. Kreditë e përgjithshme, në batë vjetore janë rritur për 9,2 %, si rezulat i kreditimit të rritur të dy sektorëve, gjatë konributit më të theksuar drejt rritjes së kredive të sektorit korporativ, njoftoi Banka Popullore.
Në tetor të vitit 2024, masa e fondeve është rritur për 1,6% në bazë mujore, si rezulat i rritjes së parave depozitare, depozitave afatshkurtër dhe depozitave afatgjatë deri në dy vite, gjatë rënies së realizuar të parave kesh në qarkullim. Analizuar në nivel vjetor, vlera e të hollave shënon rritje prej 9,1%, në pjesën më të madhe për shkak të rritjes së parave depozitare, gjatë kontributit pozitiv dhe depozitave afatgjatë deri në dy vite dhe paratë kesh në qarkullim, ndërsa depozitat afatgjatë kanë shënuar rënie.
Depozitat e përgjithshme në tetor, kanë vërejtur rritje mujore prej 1,7% për shkak të rritjes së depozitave tek dy sektorët, i cili është më i shprehur tek sektori korporativ. Rritja vjetore e depozitave tëp përgjithshme prej 11.0% del nga depoziat e rritura të dy sektorëve, me kontribut më të shprehur të sektorit “amvisëri”.
Në tetor, kreditë e përgjithshme kanë shënuar rritje prej 1,8% dhe 9,2% në muaj dhe në bazë vjetore, përkatësisht. Ndryshimi mujor dhe vjetor janë rezultat i kreditimit të rritur të dy sektorëve, gjatë kontributit të rritur drejt rritjes së kredive të sektorit korporativ.
Në gjithsej depozitat e sektorit të korporatave, në tetor është shënuar rritje mujore prej 3,2%, e cila kryesisht ka ardhur si rezultat i rritjes së parave depozituese dhe depozitave afatshkurtra në denarë, ndërsa rritje kanë shënuar edhe depozitat afatgjata, ndërsa depozitat afatshkurtra në valutë shënuan rënie. Krahasuar me nivelin vjetor, depozitat e sektorit të korporatave janë më të larta për 10,0%, më së shumti si rezultat i rritjes së parave depozituese, ndërsa kontribut pozitiv shtesë kanë depozitat afatgjata dhe ato afatshkurtra në denarë, ndërsa depozitat afatshkurtra në valutë të huaj shënojnë rënie.
Këtë muaj, kredia për sektorin e korporatave shënoi rritje mujore prej 2.8%, me një rritje vjetore përkatësisht prej 10.4%. Në të njëjtën kohë, ndryshimet mujore dhe vjetore janë në tërësi si pasojë e rritjes së kreditimit në denarë, ndërsa kreditë në valutë janë ulur.
Depozitat e përgjithshme të ekonomive familjare, në muajin tetor, kanë shlnuar rritje për 0,7% në baza mujore, tërësisht si rezultat i rritjes së depozitave afatgjata në denarë dhe në valutë, në kushtet e rënies së vërejtur të depozitave dhe parave depozitave afatshkurtra. Rritja vjetore prej 11,7% vjen si pasojë e rritjes së parave depozituese dhe depozitave afatgjata në denarë dhe në valutë, ndërsa depozitat afatshkurtra shënuan rënie.
Kreditë e amvisërove në tetor kanë shënuar rritje mujore dhe vjetore prej 0,9% dhe 8,2%. Ndryshimi tek të dyja bazat del nga rritja e kredive në denarë dhe në valutë të huaj, me kontribut më të madh të kredive në denarë.
Shikuar sipas qëllimit të kredisë për individët, kredia konsumatore dhe ajo për banim si kategoritë më të përfaqësuara shënuan rritje mujore përkatësisht 0,9% dhe 1,1%, si dhe rritje vjetore përkatësisht 7,2% dhe 11,3%. Këtë muaj, rritje mujore dhe vjetore prej 0,9% dhe 13,6% u arrit për kreditë për vetura.
Kreditë e miratuara katelat kreditore dhe saldot e llogarisë rrjedhëse, në muajin tetor, rezultuan më të larta me përkatësisht 0,2% dhe 1,5% në bazë mujore, ndërsa në bazë vjetore shënuan rënie përkatësisht prej 8,5% dhe 0,8%. Për kreditë e miratuara për baza të tjera, u shënua një rritje mujore prej 0,4%, në kushtet e një rënie vjetore prej 16,1%.
Lajme nga vendi
Pas shkumës së bardhë në lumin Vardar, analizat paraprake brenda normave, priten rezultatet përfundimtare
Shkuma e bardhë u shfaq më 24 korrik, ndërsa Inspektorati Shtetëror për Mjedisin Jetësor, në koordinim me institucionet kompetente, ndërmori inspektime të jashtëzakonshme në terren dhe analiza laboratorike për të përcaktuar shkakun e rastit.
Sipas Inspektoratit, gjatë kontrolleve të kryera te subjektet industriale në zonën që janë nën kompetencë shtetërore nuk janë konstatuar parregullsi ligjore. Autoritetet bëjnë të ditur se subjektet kanë vepruar në përputhje me kushtet e përcaktuara në lejet ekologjike për menaxhimin e ujërave të ndotura.
Institucioni thekson se cilësia e ujit në këtë pjesë të Vardarit ndikohet nga faktorë të shumtë, përfshirë ujërat komunale dhe atmosferike, si dhe aktiviteti i një numri të madh subjektesh afariste në zonën përreth, prandaj të gjitha institucionet kompetente po veprojnë në mënyrë të koordinuar.
Raporti paraprak i Ndërmarrjes Publike “Ujësjellësi dhe Kanalizimi” – Shkup, i dorëzuar më 29 korrik në Ministrinë e Mjedisit Jetësor dhe Planifikimit Hapësinor, konstaton se parametrat fiziko-kimikë të analizuar nuk i tejkalojnë vlerat kufitare të lejuara.
Njëkohësisht, me kërkesë të Inspektoratit Shtetëror për Mjedisin Jetësor, mostra janë analizuar edhe nga një laborator i akredituar. Raporti përfundimtar pritet t’i dorëzohet Inspektoratit dhe Ministrisë më 4 gusht, pas së cilës institucionet kanë paralajmëruar se do ta informojnë opinionin për rezultatet përfundimtare.
Inspektorati Shtetëror për Mjedisin Jetësor bëri të ditur se do të vazhdojë me inspektime të rregullta dhe të jashtëzakonshme për të siguruar mbrojtjen e mjedisit jetësor dhe shëndetit të qytetarëve.
Ndryshe, në lumin Lepenc, i cili e furnizon Lumin Vardar, u shfaq një vëllim i madh i shkumës së bardhë në rrjedhjen e tij në Shkup. Shkuma u raportua si ndotje e madhe e lumit, lum i cili në Karposh bashkohet me Vardarin. Rasti ishte raportuar në orën 14:10./portalb.mk/
Një fëmijë dyvjeçar nga Kumanova është helmuar pasi ka konsumuar një mjet për tretjen e ngjyrës, njofton Ministria e Punëve të Brendshme.
Sipas policisë, rasti është raportuar dje rreth orës 14:00, kur Spitali i Përgjithshëm i Kumanovës ka njoftuar SPB Kumanovë se tek ta ishte sjellë për trajtim një fëmijë dyvjeçar nga Kumanova me shenja helmimi.
Pas marrjes së ndihmës së parë mjekësore, fëmija është transferuar në Kompleksin e Klinikave “Nëna Terezë” në Shkup për trajtim të mëtejshëm.
Nga SPB Kumanovë bëjnë të ditur se po ndërmerren masa për zbardhjen e plotë të rrethanave të rastit.
Ky nuk është rasti i parë i helmimit të fëmijëve në rajonin e Kumanovës. Gjatë vitit të kaluar u regjistruan disa raste të ngjashme, ku fëmijë të moshave të ndryshme u helmuan pasi konsumuan mjete për pastrim, dezinfektues ose tableta të lëna në vende të arritshme për ta.
Autoritetet shëndetësore dhe institucionet kompetente apelojnë që produktet kimike, barnat dhe substancat e rrezikshme të ruhen gjithmonë jashtë mundësisë së fëmijëve, për të parandaluar raste të tilla.
Gjatë muajit korrik, mesatarisht janë regjistruar rreth 15 zjarre në hapësira të hapura në ditë. Falë ndërhyrjeve të shpejta të zjarrfikësve dhe mbështetjes nga mjetet ajrore të Drejtorisë për Mbrojtje dhe Shpëtim (DMSH), të gjitha zjarret janë vënë me sukses nën kontroll dhe janë shuar. Reshjet e shiut gjatë periudhës së kaluar ndikuan në uljen e numrit të zjarreve dhe ngadalësuan përhapjen e tyre, njoftojnë nga DMSH-ja. Megjithatë, periudha me reshje ka përfunduar. Mjafton vetëm një shkëndijë! – thonë autoritetet.
Zjarri në Leshnicë të Tetovës është lokalizuar –thuhet në njoftimin në Facebook të Komandantit të Zjarrfikësve të Tetovës, Avni Ameti, I cili thotë se në koordinim të plotë me të gjitha institucionet përgjegjëse, në terren intervenuan dy avionë të Drejtorisë për Mbrojtje dhe Shpëtim, si dhe ekipet e zjarrfikësve të Tetovës, të cilat punuan pa ndërprerje dhe me përkushtim maksimal.
“U bëj apel të gjithë qytetarëve që gjatë ditëve në vijim të tregojnë kujdes maksimal, të mos ndezin zjarr në ambiente të hapura dhe të raportojnë menjëherë çdo tym apo vatër zjarri në numrin emergjent 112” – thotë Avni Ameti.
Por, jo vetëm kaq!
Sipas tij, pas çdo zjarri që shuhet, fshihet një histori sakrifice, guximi dhe përkushtimi.
Zjarrfikësit përballen çdo ditë me rrezikun për të mbrojtur jetën, familjet dhe pronën e qytetarëve. Nuk është thjesht një profesion – është një mision që kërkon zemër, disiplinë dhe vendosmëri.
Shumica e zjarreve shkaktohen pa qëllim. Qytetarët zakonisht nuk synojnë të shkaktojnë zjarr, por një pakujdesi e vetme mund të ketë pasoja të rënda.
Prandaj bëhet thirrje që të mos hidhen bishta cigaresh në hapësira të hapura, veçanërisht nga automjetet në lëvizje.
-Mos ndizni zjarr apo skara në pyje dhe në vende me bimësi të thatë.
-Pastroni barin e tharë dhe shkurret rreth shtëpive dhe uikend-shtëpizave -dhe krijoni një brez mbrojtës.
-Mos digjni kashtën dhe kullotat. –
-Tregoni kujdes gjatë përdorimit të veglave që krijojnë shkëndija, si gurët prerës dhe aparatet e saldimit.
-Fermerët të jenë të kujdesshëm gjatë përdorimit të pajisjeve për largimin e shpendëve, të cilat mund të shkaktojnë zjarr.
U bëhet thirrje qytetarëve që çdo sjellje të dyshimtë ta raportojnë menjëherë në stacionin më të afërt policor ose në numrin 112.
Raportoni persona që mbajnë lëndë të dyshimta të lëngshme, pishtarë, fishekzjarre të mëdha ose mjete e aktivitete të tjera që mund të shkaktojnë zjarr.
Në kushtet e temperaturave jashtëzakonisht të larta kërkohet kujdes maksimal.
Një shkëndijë mund të shkaktojë një tragjedi të madhe!” – apelojnë nga Drejtoria për Mbrojtje dhe Shpëtim./Tv Koha/
Pas shkumës së bardhë në lumin Vardar, analizat paraprake brenda normave, priten rezultatet përfundimtare
Dyvjeçar nga Kumanova helmohet me tretës ngjyre, dërgohet në Klinikën “Nëna Terezë”
KUJDES MAKSIMAL NGA ZJARRET: NJË SHKËNDIJË MUND TË SHKAKTOJË TRAGJEDI!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
