Me  ndeshjet e  xhiros së 13-të, nesër  përfundon  pjesa vjeshtore e kampionatit në Ligën e parë të Volejbollit, ku  përfundimisht do të mësohen  ekipet  që do të garojnë në play off  dhe ato në play out   

 Të shtunën përfundon pjesa vjeshtore e kampionatit në Ligën e parë të volejbollit në kategorinë e meshkujve . Derbi e kësaj jave zhvillohet në sallën e gjimnazit të Tetovës mes  Shkëndijës vendase dhe ekipit  UGD Shtipi. Skuadra mysafire në këtë përballje konsiderohet  favorite por lojtarët e trajnerit Durim Luma nuk do të dorëzohen pasi do të kenë edhe përkrahjen e tifozëve

  ‘’Pa marrë para sysh rezultatin përfundimtar të kësaj ndeshje ne  si klub i volejbollit Shkëndija ia arritëm qëllimit dhe objektivin e vënë në  fillim të sezonit meqë hymë në play off-in përfundimtar dhe pozicionohemi  në pozitën e katërt. Ky pozicion do të mbetet deri në fund  të stinorit vjeshtor. Sa  i përket ndeshjes me  Shtipin  do të jetë një derbi që luan  i dyti me të katërtin, ne  jemi vendas  do të bëjmë çmos që këtë ndeshje ta kalojmë në favoritë tonë, por edhe pse Shtipi ka një ekip cilësorë  dhe mund të them më kualitativ se ne, mirëpo volejbolli është i tillë po që se angazhohemi çdo gjë mund të ndodhë‘’deklaroi trajneri i KV Shkëndija  Durim Luma

 Klubi i volejbollit Universiteti i Tetovës ka  siguruar play off-in dhe kundër Vardarit  do të luan për të dëshmuar se pjesa e epërme e tabelës nuk është rastësi. Kapiteni Hamza Veseli tha se  me pozitën e pestë ne  renditjen  tabelore  neve  i kemi arritur  pretendimet që kishim para  fillimit të kampionatit

 ‘’Meqenëse është ndeshja e fundit, është një ndeshje që nuk ka presion ndaj nesh, mirëpo por siç thash vardari është një ekip aty diku nga mesi i tabelës, ne mendojmë një fitore të lehtë dhe të pozicionohemi në pozitën e pestë në tabelë, aty ku ishim edhe parashikimet tona‘’, deklaroi kapiteniiI KV Universitei i  Tetovës Hamza veseli

Advertisement

  Liria e Zherovjanit  e cila në pjesën pranverore të kampionatit do të jetë në grupin e ekipeve që do të luajnë për të siguruar ekzistencën  në Ligën e parë, nesër  përballet me Janta Volejn ku pritet të arkëtojnë tri pikë.  Në xhiron e 12-të  takohen: Liria – Janta Volejn, Universiteti Tetovës – Vardari, Shkëndija – UGD Shtipi, Susheva – Vesna Probishtipi, Rabotniçki – Strumica  dhe Makedoinia Xhio – Boreci     Shaban Sinani/ TV Koha