Lajme nga vendi
Përsëri është bllokuar puna e Komisionit kuvendor për Politikë Sociale, Demografi dhe Rini
Kryetarja e Komisionit për politikë sociale, demografi dhe rini, Ilire Dauti sot përsëri e ndërpreu mbledhjen pasi deputetja Jovana Trençevska nga LSDM kërkoi si pikë e parë e rendit të ditës të jetë Propozimi i ligjit për të drejtat e veçanta të pjesëtarëve të forcave të sigurisë dhe familjet e tyre – Ligjit për branitellat. Në komision duhej të debatohej për Propozimin e ligjit për ndryshimin dhe plotësimin e Ligjit për sigurimin e detyrueshëm pensional të financuar nga kapitali në lexim të dytë.
Në kërkesën e Trençevskës, kryetarja e Komisionit, Dauti theksoi se nuk mundet të vihet në votim propozimi i saj sepse ky propozim-ligj i ka kaluar të gjitha afatet ligjore. Dhe në fund, Dauti e ndërpreu seancën e sotme të Komisionit.
“Debati për këtë ligj është debat për të cilin janë shpjeguar të gjitha palët. Nuk dua të shkoj më tej dhe të hyj në detaje. Ju e dini që propozimi juaj nuk i plotëson kërkesat e Rregullores së Kuvendit dhe ne nuk mund ta pranojmë propozimin tuaj. Ju e dini shumë mirë që ligjet që duhej të kalonin në Komisionin tonë kaluan nëpër komisione të tjera. Nuk e kam vënë re që ju shkoni atje për të bllokuar punën e komisioneve apo seancave plenare kur ato kalojnë. Ju vazhdoni të insistoni në pengimin e punës së këtij Komisioni, edhe pse edhe ju edhe unë, edhe të gjithë e dimë se ai ligj i ka kaluar të gjitha afatet e parapara me Rregulloren e punës. Dhe ligji që propozova për rendin e ditës të seancës së sotme kaloi në seancë plenare”, tha Dauti.
Ajo kërkoi që të mundësohet puna e Komisionit pa pengim. Për këtë foli Trençevska, e cila tha se si deputete sipas Rregullores të Kuvendit ka të drejtë të propozojë që të vihet në rende dite ky Propozim-ligj.
“E kam theksuar disa herë se ligji është ende në sistem dhe nuk është tërhequr. Dhe në përputhje me nenin 131 të Rregullores së Kuvendit, rendi i ditës së seancave dhe pjesa e punës përcaktohet në fillim të seancës, ashtu siç e keni filluar dhe në rend dite mund të përfshihen edhe pyetjet e propozuara nga deputetët, kryetari të Kuvendit ose të Qeverisë . Sipas Rregullores, unë kam të drejtë ta fus në rend dite këtë Propozim ligj, ndërsa ju keni obligim që këtë propozim timin ta vendosni në votim, kështu që nëse kalon do të jetë në rend dite dhe nëse nuk kalon, pastaj vazhdoni me rendin e ditës që e sugjeruat”, tha Trençevska.
Dauti përsëriti se kërkesa e Trençevskës është në kundërshtim me Rregulloren e Kuvendit.
“Ju vazhdoni me të njëjtin këmbëngulje si më parë, dhe unë duhet të vazhdoj me të njëjtën këmbëngulje si më parë, jo sepse them kështu, por sepse Rregullorja na detyron ta bëjmë këtë. Kërkesa juaj është në kundërshtim me Rregulloren e Kuvendit, nuk kam mundësi ta bëj as si propozim, sepse po flisni për një ligj që nuk i plotëson kriteret kohore dhe të tjera. Unë po e ndërpres këtë seancë”, tha Dauti.
Lajme nga vendi
Kallëzim penal kundër 35-vjeçarit nga Tetova, nën dyshimin për kryerje “dhunë” dhe “denoncim i rremë i veprës penale”.
Sektori i Punëve të Brendshme në Tetovë ka ngritur kallëzim penal kundër 35-vjeçarit me iniciale P.I. nga Tetova, nën dyshimin për kryerjen e veprave penale “dhunë” dhe “denoncim i rremë i veprës penale”.
Më 9 janar 2026, i denoncuari kishte raportuar rrejshëm në polici se në një hapësirë parkingu para një ndërtese në Tetovë, ishte sulmuar fizikisht nga një burrë dhe ishte goditur me një send të fortë nga një grua.
Megjithatë, pas ndërmarrjes së masave hetimore nga ana e policisë, u vërtetua se e vërteta ishte krejt ndryshe. U konstatua se ishte vetë P.I. ai që kishte nisur një zënkë me një person tjetër dhe e kishte sulmuar atë fizikisht. Për këtë arsye, ai tashmë do të përballet me drejtësinë jo vetëm për dhunën e ushtruar, por edhe për tentativën për të mashtruar organet e rendit.
Ministri për Çështje Evropiane, Bekim Sali, mori pjesë në takimin ministror kushtuar Mekanizmit për Rregullimin e Karbonit në Kufij (CBAM), ku theksoi përkushtimin e Maqedonisë së Veriut ndaj objektivave evropiane për dekarbonizim dhe përafrim me legjislacionin klimatik dhe energjetik të BE-së.
Takimi u organizua nga Komisioni Evropian për të informuar vendet e Ballkanit Perëndimor mbi zhvillimet e fundit lidhur me zbatimin e Mekanizmit për Rregullimin e Karbonit në Kufij (CBAM), i cili ka hyrë në fuqi më 1 janar 2026 dhe ka ndikim të drejtpërdrejtë në procesin e zgjerimit dhe në sektorët energjetikë të rajonit.
Ai theksoi se në janar 2026 Qeveria miratoi projekt-Ligjin për Veprim Klimatik, i cili vendos bazën ligjore për sistemin e monitorimit, raportimit, verifikimit dhe akreditimit të emetimeve, si hap kyç drejt vendosjes së çmimit të karbonit.
Ministri Sali theksoi se vendi po punon aktivisht edhe për integrimin e tregut të energjisë elektrike me sistemin evropian, si pjesë e integrimit gradual në tregun e përbashkët evropian të energjisë.
Sa i përket CBAM-it, ai theksoi se Maqedonia e Veriut i mbështet objektivat e mekanizmit, por është e nevojshme të merren parasysh veçoritë specifike të vendeve kandidate dhe palëve të Komunitetit të Energjisë, veçanërisht për shkak të ekspozimit ndaj dallimeve të çmimeve dhe sfidave teknike në tregtinë ndërkufitare të energjisë.
Ai bëri thirrje për një zbatim të kujdesshëm dhe gradual, përfshirë zgjatjen e periudhës tranzitore, me qëllim shmangien e efekteve negative në tregjet rajonale dhe mbështetjen e integrimit të burimeve të rinovueshme të energjisë.
Ministri Sali theksoi se Maqedonia e Veriut mbetet fuqishëm e përkushtuar ndaj agjendës së gjelbër evropiane dhe futjes graduale të instrumenteve për çmimin e karbonit, me synimin përfundimtar të një tregu energjetik evropian të integruar, të sigurt dhe të dekarbonizuar.
Lajme nga vendi
Aftësitë e fituara përmes mësimit joformal dhe përvojës praktike do të mund të validohen përmes Qendrave Rajonale për Arsim Profesional dhe Trajnim
Të gjitha shtatë Qendrat Rajonale për Arsim Profesional dhe Trajnim, krahas funksionimit si institucione arsimore për arsimin e mesëm të detyrueshëm, nga sot do të mund të validojnë edhe njohuritë dhe aftësitë e popullsisë më të rritur, të fituara përmes mësimit joformal dhe përvojës praktike.
Nëntëmbëdhjetë këshilltarë për arsim joformal dhe mësim nga përvoja dhe 20 vlerësues nga Qendrat Rajonale për Arsim Profesional dhe Trajnim në Mansastir, Tetovë, Kumanovë, Veles, Ohër, Strumicë dhe Shtip, e përfunduan me sukses trajnimin që gjatë periudhës së kaluar u realizua nga ana eQendrës për Arsimin e të Rriturve dhe sot, në Ministrinë e Arsimit dhe Shkencës, morën certifikatat me të cilat do të mund të validojnë njohuritë dhe aftësitë e qytetarëve më të rritur.
“Kjo është edhe një dëshmi për funksionimin e suksesshëm të Qendrave Rajonale për Arsim Profesional dhe Trajnim. Në të ardhmen, të gjithë qytetarët që do të dëshirojnë të marrin një dokument formal për njohuritë dhe aftësitë e fituara ndër vite jashtë shkollës do të mund ta bëjnë këtë në njërën nga shtatë qendrat. Certifikata që do të marrin do t’u shërbejë për avancim të mëtejshëm profesional dhe në karrierë”, theksoi ministrja e Arsimit dhe Shkencës, Prof. Dr. Vesna Janevska.
Kjo risi është përcaktuar në Ligjin për Arsimin e të Rriturve, ndërsa përveç validimit të arsimit joformal, Qendrat Rajonale për Arsim Profesional dhe Trajnim do të zhvillojnë edhe procese rikualifikimi dhe kualifikimi shtesë të punëtorëve.
Kallëzim penal kundër 35-vjeçarit nga Tetova, nën dyshimin për kryerje “dhunë” dhe “denoncim i rremë i veprës penale”.
Ministri Sali në takimin ministror të KE-së për zbatimin e CBAM
Aftësitë e fituara përmes mësimit joformal dhe përvojës praktike do të mund të validohen përmes Qendrave Rajonale për Arsim Profesional dhe Trajnim
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
