Lajme nga vendi
Gashi: Deputetët e “VLEN-it” edhe sot do të votonin ndryshimet kushtetuese, por në proces duhet marrëveshje politike
“Ndryshimet kushtetuese për përfshirjen e bullgarëve do të ndodhin kur koalicioni qeverisës të jetë i sigurt se do të ketë një shumicë parlamentare dhe kur të ketë parashikueshmëri në proces, që nuk do të thotë bllokadë e re e vendit për anëtarësim në Bashkimin Evropian”.
Ky është qëndrimi i kryetarit të Kuvendit, Afrim Gashi, pak ditë para Vitit të Ri, afat ky i cili shpeshherë theksohej si periudha në të cilën do të miratoheshin ndryshimet kushtetuese para ardhjes në pushtet të koalicionit të ri.
“Koalicioni ‘VLEN’, të gjithë deputetët janë pas tij dhe ne po të ishin në rend dite do të votonim sot amendamentet kushtetuese, por mendojmë se duhet të pajtohemi bashkë kur është më e mira për shtetin, për të gjithë. qytetarë, prandaj ne bëjmë të gjitha përpjekjet si shumicë parlamentare që të kalojmë ndryshimet kushtetuese kur është më e mira për vendin tonë, kur ka një marrëveshje politike për të dhe kur jemi të bindur se kemi parashikueshmëri në proces. Kjo do të thotë se nuk do të kemi më veto për tre muaj, për gjashtë muaj e kështu me radhë”, tha kryetari i Kuvendit, Gashi.
Gashi është i gatshëm të vendosë në rend dite ndryshimet kushtetuese sapo dikush ta kërkojë, ndonëse qëndrimi i shumicës qeverisëse është se duhet të presim parashikueshmërinë e procesit.
“Procedura për ndryshime kushtetuese është e paraparë edhe në Kushtetutë edhe në Rregullore. Kushdo që i plotëson kushtet mund të paraqesë një iniciativë, por ne si shumicë parlamentare mendojmë se duhet të ketë vullnet politik dhe marrëveshje politike që kur të nisë procedura të zbatohet. Ju e dini që ndryshimet kushtetuese miratohen kur dy të tretat e Kuvendit tonë e votojnë atë dhe kur të jemi të sigurt se do të pranohet nga shumica e deputetëve në Kuvendin tonë, atëherë do të fillojmë procedurën. Në një rast tjetër nuk mund ta ndalojmë askënd, por mendojmë se nuk është mirë të eksperimentohen procedura të tilla”, ka shpjeguar Gashi./Telegrafi/
Kreu i komunës së Tetovë, Bilall Kasami ka njoftuar që nga sot në qytet do të operojnë 100 trotinetë elektrikë, të cilët qytetarët mund t’i marrin me qira për relacione të shkurtra. Kasami tha se minuti do të kushtojë 6 denarë, ndërsa përdoruesit duhet të jenë mbi moshën 13 vjeçe, ndërsa shpejtësia është e kufizuar në 25 km/h.
“Me vetëm një aplikacion në dorë, ti lëviz lirshëm në qytet, vetëm 6 denarë për minut. Përdoruesi duhet të jetë mbi 13 vjeç. Helmetë dhe jelek reflektues të detyrueshëm në kushte të caktuara. Shpejtësia e kufizuar në 25km/h, sepse siguria është mbi të gjitha. Ndalohen: vozitja nga më shumë se një person, heqja e duarve nga timoni si dhe transporti i sendeve!”, ka shkruar Kasami.
Kryeministri Hristijan Mickoski sot në debatin në qeveri, me temë “Trende demografike, sfida dhe zgjidhje të mundshme” – Zhvillimi i dokumenteve strategjike për rezistencë demografike, njoftoi se po mendojnë për vendosje të tatimit shtesë për personat e pamartuar. Mickoski tha se kjo mund të bëhet për të stimuluar rritjen e popullsisë.
“Këtu seriozisht mendojmë për vendosjen e tatimeve shtesë për të pamartuarit. Të nderuar, nuk ka asgjë më të shenjtë se jeta, dhe nuk ka asgjë më të trishtë nga ajo që sot shteti ynë ngadalë po zbrazet. Por gjithashtu, nuk ka asgjë më të guximshëm sesa populli që zgjohet. Për këtë themi, koha është për të ardhmen, për shtetin ku do të lindin më tepër fëmijë. Këtë e kemi imperativ kryesor, më shumë të rinj të hyjnë në martesë dhe të lindin më tepër fëmijë”, deklaroi Mickoski.
Deri më tani janë dorëzuar 6.026 aplikime për masat aktive nga Plani Operativ për punësim dhe ka nisur përzgjedhja e kandidatëve. Këtë e ka bërë të ditur ministri i Ekonomisë dhe Punës, Besar Durmishi.
Ai prezantoi masën për praktikë profesionale për të rinjtë deri në moshën 29 vjeç, e cila synon të përfshijë 1.352 persona të papunë me së paku arsim të mesëm, për t’i ndihmuar ata të fitojnë aftësi praktike dhe përvojë pune.
Për herë të parë do të zbatohet edhe praktika virtuale për 40 pjesëmarrës – trajnim në distancë i përshtatur me nevojat moderne të tregut të punës që nuk kërkon prani fizike. Pjesëmarrësit do të marrin kompensim mujor prej 12.000 denarë për tre muaj, me sigurim shëndetësor dhe tatim personal të përfshirë.
Durmishi theksoi se ky Plan Operativ përfshin një fond rekord prej 40 milionë euro, të dedikuar për më shumë se 10.000 qytetarë që kërkojnë punë, dëshirojnë të hapin biznes ose të trajnohen në një profesion konkret.
Ndihma financiare për përfituesit përfshin:
Deri 70.000 euro për hapjen e biznesit për të rinjtë deri në 29 vjeç,
Deri 10.000 euro për ide inovative të të rinjve,
Deri 20.000 euro për biznes të përbashkët nga së paku dy persona.
Sipas tij, këto nuk janë vetëm shifra, por shpresë dhe mundësi reale për qytetarët.
Kasami: 100 trotinetë të rinj elektrik në Tetovë
Mickoski paralajmëron tatim shtesë për të pamartuarit në Maqedoni
6.026 aplikime deri tani nga plani për vetëpunësim në Maqedoninë e Veriut
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve