Lajme nga vendi
Murtezani: Ndryshime kushtetuese do ketë kur të jemi të sigurt se nuk do kemi veto potenciale nga Bullgaria
Seriozisht punojmë për tejkalimin e problemit me integrimet tona evropiane, ndërsa ndryshime kushtetuese do të ketë kur do të jemi të sigurt se nuk do të kemi veto potenciale nga Bullgaria dhe kur do të gjejmë zgjidhje e cila do ta garantojë përfundimin e këtij procesi, porositi sot ministri i Çështjeve Evropiane dhe kryenegociator me Bashkimin Evropian, Orhan Murtezani.
“Edhe në gjuhën maqedonase kam deklaruar se asnjëherë nuk kam thënë se do të dalim nga Qeveria nëse nuk ka ndryshime kushtetuese në fund të vitit. Kur e formuam Qeverinë nuk e bëmë këtë me një këmbë jashtë, ndërsa me tjetrën brenda dhe jo me shantazhe se do të dalim nga Qeveria”, tha Murtezani në përgjigjen e pyetjes në mbledhjen e sotme në kuvend kushtuar pyetjeve të deputetëve.
Theksoi se nuk mban qëndrimi se Qeveria e re e ka bllokuar rrugën drejt Bashkimit Evropian.
“Kjo është sikur ju t’i kishit hapur të gjithë kapitujt dhe tani ne jemi ata që e sabotojmë këtë proces që nuk është e vërtetë. Ka vetëm dallim në qasjen të cilën e kemi ne nga ajo që është bërë deri më tani. Ne nuk shërbehemi me PR si ju, por themi se do të bëjmë përpjekje të gjejmë zgjidhje”, tha Murtezani.
Se Qeveria e re punon në gjetjen e zgjidhjes, siç tha, kanë konfirmuar të gjithë përfaqësuesit evropianë dhe amerikanë të cilët e kanë vizituar vendin.
“Qeveria nuk punon vetëm në mënyrë deklarative, por punon seriozisht për tejkalimin e problemit. Nuk është me rëndësi se sa muaj do të zgjasë kjo. Kur do të jemi të sigurt se nuk do të kemi veto potenciale nga Bullgaria atëherë ndryshimet kushtetuese do të vijnë para jush në Kuvend dhe do të jenë vetëm çështje teknike që të sigurojmë 80 deputetë”, potencoi Murtezani.
Moti sot në Maqedoninë e Veriut do të jetë me vranësira dhe reshje të shiut.
Në vend do të fryjë një erë e lehtë nga drejtimi verior.
Temperaturat minimale do të lëvizin nga 9 deri 18, ndërsa temperaturat maksimale do të lëvizin nga 20 deri 27 gradë celsius.
Gjatë fundjavës moti do të jetë i qëndrueshëm.
Rasti në Gostivar nuk është i izoluar, por bëhet fjalë për dobësi sistematike dhe joefikasitet institucional, deklaroi kryetari i LSDM-së, Venco Filipçe.
Në konferencën e sotme për media ai tha se ka informacione se edhe në vende të tjera të vendit ka probleme me cilësinë e ujit, ndërsa institucionet nuk po reagojnë.
Duke iu referuar një raporti të siguruar nga informatorë, Filipçe deklaroi se uji në Spitalin e Specializuar për Sëmundje të Mushkërive dhe Tuberkuloz në Leshkë ka rezultuar i ndotur.
“Askush nuk ka reaguar. Bëhet fjalë për dokumente zyrtare të Qendrës për Shëndet Publik në Tetovë. Mostra e marrë nga çezma e spitalit në Leshok, ku trajtohen pacientët, ka treguar 51 baktere koliforme në 100 mililitra ujë. Në raport thuhet se uji nuk i plotëson standardet e cilësisë për ujë të pijshëm. A e dinë këta njerëz se çfarë po bëjnë? Çfarë lloj menaxhimi i institucioneve është ky? A është qëllimi të rrezikohet shëndeti i të gjithë qytetarëve në vend?”
Lideri socialdemokrat bëri thirrje që analizat dhe kontrollet të kryhen menjëherë, ndërsa kërkoi dorëheqje dhe përgjegjësi penale për drejtuesit e Ministrisë së Shëndetësisë, Institutit të Shëndetit Publik, Agjencisë së Ushqimit dhe Veterinarisë, si dhe të Prokurorisë, duke i akuzuar se kanë vënë në rrezik shëndetin e qytetarëve.
Dje në orën 08:10 në DPB Gostivar, një 21-vjeçare nga një fshat i Gostivarit ka denoncuar se, pas një mosmarrëveshjeje paraprake në shtëpinë familjare, bashkëshorti i saj kundërligjshëm dhe pa pëlqimin e saj ka marrë fëmijën e tyre 10-muajsh për në Zvicër. Për rastin janë njoftuar shërbimet kompetente dhe Qendra për Punë Sociale në Gostivar për zbardhjen e plotë të rastit.
Moti sot në Maqedoninë e Veriut
FILIPÇE: INSPEKTIME NË TË GJITHA SISTEMET E UJËSJELLËSIT NË VEND
Pas zënkës me gruan, merr fëmijën 10-muajsh pa leje dhe largohet për në Zvicër
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
