Dje, në ora 12:30, në Stacionin Policor Tetovë, një 32-vjeçare nga Kërçova, e cila kishte qenë për vizitë në Tetovë, ka denoncuar se nga shtëpia është larguar vajza e saj 14-vjeçare. Po ndërmerren masa për gjetjen e personit.

……    Dje , në ora 13:00, në Departamentin e Policisë Rostushë, një 42-vjeçar nga fshati Skudrinjë ka denoncuar se rreth orës 12:30, në vendin e quajtur “Vinigraishtat” mbi rrugën lokale për në fshatin Skudrinjë, është sulmuar fizikisht nga një 38 vjeçar nga po i njëjti fshat për shkak të një mosmarrëveshjeje të mëparshme. Pas dokumentimit të plotë të rastit, do të pasojë parashtresë përkatëse.

……Dje, në ora 17:20, në SPB Tetovë, një 60-vjeçar nga një fshat i Tetovës ka denoncuar se ka vënë re se përmes aplikacionit të bankës në celular nga llogaria e tij e transaksioneve mungojnë 139.474 denarë. Pas kontrollit të kryer në raportin e detajuar nga banka, është konstatuar se në periudhën nga 01.10.2026 deri më 20.10.2026 janë realizuar disa transaksione të paautorizuara në platforma të huaja interneti. Po ndërmerren masa për zbulimin e kryerësit dhe zbardhjen e rastit.

……Dje, në ora 01:40, në bulevardin “Vëllezërit Gjinoski” në Gostivar, punonjës policie nga DPB Gostivar kanë privuar nga liria një 22 vjeçar nga fshati Vrapçisht, rajoni i Gostivarit. Gjatë një kontrolli trafiku është ndaluar një automjet pasagjerësh “Audi” me targa të Kërçovës, të cilin ai e drejtonte, me ç’rast është konstatuar se e drejtonte pa patentë shoferi të vlefshme, ndërsa automjeti kishte regjistrim të skaduar. Automjeti është konfiskuar dhe pas dokumentimit të plotë të rastit ndaj tij do të pasojë kallëzim përkatës.

…….Dje, në ora 17:10, në SPB Tetovë, një 25 vjeçare nga fshati Reçicë e Vogël ka denoncuar se rreth orës 15:30, një 20-vjeçar ka ardhur në oborrin e saj dhe e ka sulmuar fizikisht. Po ndërmerren masa për zbardhjen dhe dokumentimin e rastit.

Advertisement

Për herë të parë në Maqedoninë e Veriut është kryer transplantimi i veshkës nga nëna te fëmija me sindromën Alport, një sëmundje e rrallë trashëguese që dëmton veshkat dhe, në rastet më të rënda, mund të çojë në insuficiencë renale.

Pas ekzaminimeve mjekësore, është konstatuar përputhshmëri mes nënës dhe fëmijës, ndërsa ajo është vlerësuar si dhuruese e përshtatshme e gjallë.

“Ky është një shembull i më të mirës që ofron shëndetësia jonë – profesionalizëm, punë ekipore dhe humanizëm. Çdo veshkë e transplantuar nënkupton një mundësi të re për jetë”, deklaroi ministri i Shëndetësisë, Sasho Klekovski.

Transplantimi është një nga tri ndërhyrjet e kryera së fundmi në Klinikën Universitare të Urologjisë. Te dy pacientë është transplantuar veshkë nga dhurues të ndjerë, ndërsa te pacienti i tretë është përdorur organ nga dhurues i gjallë.

Me këto ndërhyrje, numri i transplantimeve të veshkave në Klinikë këtë vit ka arritur në 15. Për krahasim, gjatë gjithë vitit 2025 ishin kryer 11 transplantime.

Advertisement

Sindroma Alport është një sëmundje gjenetike e trashëguar që prek indet e veshkave, por mund të shkaktojë edhe dëmtim të dëgjimit dhe shikimit. Në rastet më të rënda, ajo çon në insuficiencë renale, duke bërë që pacientët të kenë nevojë për dializë ose transplantim.

“Shprehim mirënjohje për familjen për besimin dhe për pëlqimin që ky rast të ndahet publikisht, si dhe për të gjithë ekipin mjekësor të përfshirë pandërprerë në këtë procedurë komplekse”, deklaroi prof. dr. Biljana Kuzmanovska, koordinatore kombëtare për transplantim.

Në Maqedoninë e Veriut jetojnë 23.847 qytetarë të përkatësisë etnike serbe, ndërsa lista e Aleksandar Vuçiqit mori vetëm 994 vota në zgjedhjet parlamentare serbe në dy vendvotimet e hapura në vend. Ndërkohë, lista studentore mori 185 vota. Sipas rezultateve të publikuara nga ministri për Vetëqeverisje Lokale, Ivan Stoilkoviq, lista e Vuçiqit mori 507 vota në Shkup, ndërsa studentët 150. Në Kumanovë, lista e Vuçiqit fitoi 487 vota, kundrejt 35 votave për listën studentore.
Rezultati në Maqedoninë e Veriut ndryshon nga ai në Serbi, ku, sipas të dhënave paraprake të raportuara, lista studentore mori më shumë vota.
BIRN: Të paktën 111.700 euro për tri shoqata
Një hulumtim i BIRN-it, i publikuar para zgjedhjeve, zbulon se shteti serb, që nga viti 2023, u ka ndarë të paktën 111.700 euro tri shoqatave në Maqedoninë e Veriut, përfaqësuesit e të cilave publikisht kanë mbështetur Partinë Progresive Serbe (SNS) dhe presidentin Aleksandar Vuçiq.
Të dhënat për financimin e shoqatave janë pjesë e hulumtimit të BIRN-it, ndërsa rezultatet zgjedhore dhe numri i qytetarëve serbë bazohen në të dhënat e publikuara nga institucionet dhe med