Lajme nga vendi
Çka pasi që Siljanovska-Davkova konteston përdorimin e gjuhës shqipe në provimet për licenca për edukatore?
Pasi që Presidentja Gordana Siljanovska-Davkova nuk e nënshkroi Dekretin e Ligjit për Mbrojtjen e Fëmijëve, Qeveria mbrëmë në një deklaratë për MIA-në ka bërë të ditur se ligji do të përpunohet dhe se do t’i dorëzohet Kuvendit brenda afateve ligjore.
“Si Qeveri, ju njoftojmë se Ligji do të finalizohet dhe do t’u prezantohet deputetëve sipas procedurave legjislative”, thuhet në përgjigjen e Qeverisë.
Deputetët e votuan këtë ligj më 24 dhjetor në kuadër të seancës së 27-të plenare, me shumicë të zakonshme dhe Badinter. Me mosnënshkrimin e Dekretit, tashmë ndryshimet ligjore i rikthehen Kuvendit dhe nëse votohen sërish, presidenti do të jetë i detyruar ta nënshkruajë dekretin, përcjell INA.
Siljanovska-Davkova në sqarimin e saj ka shkruar se ndryshimet ligjore përmbajnë disa dispozita kontroverse dhe se pas një analize të thellë dhe konsultimit me ekspertë, kërkohet që dispozitat e neneve 9 dhe 10 të Projektligjit të të rishqyrtohet.
“Besoj se Kuvendi, si bartës i autoritetit legjislativ, do t’i marrë parasysh vërejtjet dhe sugjerimet e mia me rastin e rishqyrtimit të dispozitave të nenit 9 dhe nenit 10 të Ligjit për ndryshimin dhe plotësimin e Ligjit për mbrojtjen e fëmijëve, të cilat u miratua më 24 dhjetor 2024 dhe do të krijojë zgjidhje të qarta, të sakta dhe të paqarta në përputhje me Kushtetutën”, thuhet në dokument.
Presidentja thekson se nenet e përmendura të ligjit duhet të rishqyrtohen në prizmin e Amendamentit 5 të Kushtetutës dhe Ligjit ekzistues për përdorimin e gjuhëve.
“Ju kujtoj se mënyra e përdorimit të gjuhës maqedonase dhe shkrimit të saj cirilik dhe gjuha që flasin së paku 20% e qytetarëve dhe shkrimi i saj tashmë janë të rregulluara me ligj”, thuhet në sqarim.
Presidentja thekson edhe dispozitën e nenit 182, paragrafi 5 i Ligjit për mbrojtjen e fëmijëve, i cili rregullon mënyrën e marrjes, vazhdimit dhe revokimit të licencës së punës, formën dhe përmbajtjen e formularit të licencës të përcaktuar nga ministri.
Mosnënshkrimi i Dekretit është përshëndetur sot nga LSDM-ja opozitare dhe lideri i së majtës, ndërsa me anë të një komunikate ka reaguar Bashkimi Demokratik për Integrim, ku thuhet se kjo është një përpjekje për të cenuar të drejtat e shqiptarëve. (INA)
Në kuadër të manifestimit tradicional“ TETOVA N`FESTË”, kërkojmë të bëheni pjesë e një spektakli sportiv me plot energji, disiplinë dhe emocione!
-Demonstrime të Boksit dhe Kik boksit
-Garues të rinj dhe kampionë vendorë te klubit Shkëndija boks dhe të shteteve nga Shqipëri a Kosova etj.
-Promovim i sportit, shëndetit dhe frymës garuese
-Atmosferë festive për të gjithë qytetarët
Shkëndija Boks ju pret të festojmë së bashku sportin, talentin dhe krenarinë e Tetovës. Le ta kthejmë Verën Tetovare në një arenë force, respekti dhe suksesi! Manifestimi ” Tetova n`festë” tradicionalisht përfshin aktivitete sportive krahas programeve kulturore dhe artistike në Tetovë. Ky manifestim sportiv në boks organizohet me qëllim forcimin e miqësisë, respektit dhe bashkëpunimit ndërmjet pjesëtarëve të etniteteve të ndryshme. Për mes frymës sportive dhe garës së ndershme, synojmë të promovojmë tolerancën, mirëkuptimin dhe vlerat e bashkëjetesës, duke dëshmuar se sporti është një urë që bashkon njerëzit pa dallim gjuhe, kulture apo përkatësie etnike.
• Turneu do të zhvillohet me datë:2.08.2026 ne Tetovë.
Matja zyrtare fillon ne ora 11-00 te salla e këshillit Komunës së Tetovës.
• Manifestimi do të ketë përmbajtje Kulturo sportive,90% do të jetë e mbuluar me sport –BOKS, KICKBOX dhe tjetra me muzike.
• Në këtë turne janë paraparë të ketë 12meçe Boks me boksierë amatorë grupmosha ,Kadet Junior dhe Senior , 5 duele Kickbox.
• Boksierët mysafir do të jenë nga shtetet e, Kosovës, Shqiperise , Maqedonisë dhe vende tjera .
• Kemi ftuar boksierë eminent ShqiptardheMaqedonastëcilëtkanfituarmedaljenëshumkompeticionetërangutbotëror.
Boksierët nga KB SHKENDIJA BOKS të paraqitur për meçe zyrtare: Kadet – REJAN QAZIMI 52KG, JUNIOR – ILIR SELMANI 52 KG, GONAT HASANI 54 KG, YOUTH SENIOR (U-19)- SEMI ELMAZI 60 KG, SLAVÇO TRPESKI 65KG, ERDI RAKIPI 70 KG, DONJET RAMANI 75KG dhe SENIOR – MUHAREM MUAREMI 80 KG.
Turneu do te mbikëqyret nga delegate bashkë me referat te Federatës B.M. e cila do ketë peshë të turneut zyrtare e njohur ndërkombëtarisht nga Asociacioni i boksit Evropian dhe ai Botërore.
Lajme nga vendi
Mali Sharr është kapital strategjik ujor, por menaxhimi mbetet sfida kryesore, tregon analiza e IDSCS-së
Sipas analizës, ujërat sipërfaqësore dhe nëntokësore të Malit Sharr janë baza e furnizimit me ujë për Tetovën dhe Gostivarin, kontribuojnë në mbushjen e burimit Rashçe, prej nga furnizohet me ujë të pijshëm pjesa më e madhe e Shkupit, si dhe sigurojnë ujë për funksionimin e sistemit hidroenergjetik të Mavrovës.
Megjithatë, autorët theksojnë se problemet e vazhdueshme me furnizimin me ujë në Tetovë dhe ndotja e fundit e sistemit të ujësjellësit në Gostivar dëshmojnë se burimet natyrore, sado të pasura të jenë, nuk mjaftojnë për të garantuar ujë të sigurt për konsum.
Në analizë thuhet se siguria ujore nuk varet vetëm nga sasia e ujit në dispozicion, por nga mënyra se si menaxhohet i gjithë sistemi ujor. Për këtë arsye, Mali Sharr cilësohet si një infrastrukturë natyrore strategjike, nga e cila varen furnizimi me ujë, siguria energjetike, shëndeti publik dhe aftësia e vendit për t’u përballur me ndryshimet klimatike.
IDSCS vlerëson se nevojiten investime në infrastrukturë të besueshme, monitorim të vazhdueshëm të cilësisë së ujit, mbrojtje të burimeve dhe zonave mbrojtëse ujore, si dhe një menaxhim më efikas institucional. Analiza rekomandon që menaxhimi i ardhshëm i burimeve ujore të bazohet në një qasje të integruar, në përputhje me Direktivën Kuadër për Ujërat të Bashkimit Evropian, e cila e organizon menaxhimin sipas pellgjeve lumore dhe kërkon koordinim ndërmjet të gjithë përdoruesve të burimeve ujore.
Sipas institutit, në shekullin XXI uji nuk mund të trajtohet më vetëm si burim për zhvillim ekonomik ose prodhim energjie. Ai përfaqëson një të drejtë themelore të njeriut, infrastrukturë kritike, garanci për shëndetin publik, kapital natyror dhe një nga burimet kryesore për përshtatjen ndaj ndryshimeve klimatike.
Analiza përfundon se sfida kryesore nuk është nëse Mali Sharr ka ujë të mjaftueshëm, por nëse institucionet do të arrijnë ta menaxhojnë këtë kapital ujor në mënyrë të qëndrueshme dhe ta ruajnë atë për brezat e ardhshëm.
Kujtojmë se Gostivari prej disa ditësh po përballet me një nga incidentet më të rënda të ndotjes së ujit të pijshëm në vend. Mbi 3.150 persona kërkuan ndihmë mjekësore me simptoma të gastroenteritit, ndërsa më 19 korrik u shpall epidemi. Hetimet e Prokurorisë tregojnë se për rreth 22 ditë në rrjetin e ujësjellësit ishte futur ujë i ndotur me fekale përmes pompave të vendosura pranë sistemit të furnizimit me ujë, çka çoi në ndotjen e ujit të pijshëm. Për rastin janë nën hetim drejtoresha e NP “Komunalec” dhe dy drejtues të tjerë të ndërmarrjes, të dyshuar për vepra të rënda kundër mjedisit dhe natyrës.transmeton Portalb.mk
Moti sot në Maqedoninë e Veriut do të jetë i ndryshueshëm me vranësira dhe periudha me diell. Do të ketë jostabilitet lokal me shira të rrëmbyeshëm, bubullima, erëra të forta dhe kushte për stuhi të izoluara me breshër. Do të ketë erëra të dobëta deri në mesatare, dhe përgjatë lumit Vardar herë pas here të forta nga veriu.
Në pjesët perëndimore do të fryjë erë e dobët deri në mesatare, herë pas here e fortë perëndimore. Temperatura minimale do të jetë në intervalin prej 12 deri në 21 gradë, ndërsa maksimale do të arrijë 27 deri në 33 gradë.
Në Shkup, moti do të jetë i ndryshueshëm me vranësira dhe periudha me diell. Në pjesë të luginës do të ketë jostabilitet me shira të rrëmbyeshëm, bubullima dhe erëra të forta. Temperatura minimale do të bjerë në 17, ndërsa maksimale do të arrijë 30 gradë.
” KULTURA TETOVARE 2026 – BOKS & KIKBOKS
Mali Sharr është kapital strategjik ujor, por menaxhimi mbetet sfida kryesore, tregon analiza e IDSCS-së
Moti sot në Maqedoninë e Veriut
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
