Lajme nga vendi
Mos shënimi i vijave “ngatërron” vozitësit Stacioni i autobusëve përdoret për parkim
Në fillim të kësaj jave në disa pjesë të bulevardit “Ilinden” dhe “Iiiria” në Tetovë janë vendosur shenja komunikacioni të cilët sinjalizojnë stacione për ndalim të autobusëve.Këto shenja janë vendosur në vendet ku deri më tani është lejuar parkimi zonal me pagesë, por përveç shenjës se bëhet fjalë për stacion të autobusëve nuk ka asnjë sinjalizim horizontal dhe vozitësit vazhdojnë të parkohen aty duke mos qenë të informuar mirë se parkimi është i ndaluar. Ditëve të fundit, respektivisht pas vendosjes së sinjalizimit vertikal, shërbimi i merimangës i largon këto vetura, gjë e cila ka shkaktuar revoltë tek qytetarët, sepse dënimi që ata marrin është nga 45 deri 180 euro gjobë dhe 1800 denarë duhet të paguajnë për shërbimin e merimangës. Nga Ndërmarrja Publike “Tetova Transport” thonë se janë në komunikim me komunën e Tetovës që të shënohet sinjalizimi horizontal dhe vozitësit të jenë më të informuar.Nga komuna e Tetovës thonë se pritet që të fillojë edhe shënimi i vijave me të cilët saktë do të përcaktohet vendi për nënstacion të autobuësve. Më tej kanë nga pushteti lokal apeluar deri tek vozitësit që të jenë të kujdesshëm se ku parkojnë veturat e tyre dhe kërkojnë që para se ti parkojnë veturat të shohin mirë shenjat e trafikut.
Nga Sektori për Punë të Brendshme në Tetovë thonë se në rastet e përcaktimit të stacioneve për autobusët ose vendosjen e shenjave, përgjegjëse është komuna dhe se në këto raste, komuna nuk duhet të merr leje por vetëm e njofton policinë. “Pjestarë të policisë nga Stacioni Policor për Siguri në Komunikacionin Rrugor Tetovë, ndërmarrin masa dhe aktivitete sipas shenjave të vendosura të komunikacionit në zonën që mbulojnë, të cilat janë të vendosura sipas planit dhe nevojave për rrjedhë normale të komunikacionit, për çka njoftohet SPB Tetovë, gjegjësisht pëlqim nga SPB Tetovë kërkohet vetëm nëse ndryshohet regjimi i komunikacionit, kurse sa i përket pyetjes suaj në lidhje me shenjën vertikale të komunikacionit për vendndalim të autobusëve dhe mungesën e shënjimit horizontal të stacionit dhe shndërrimit të hapësirës së parkimit në vendndalim të autobusëve, kjo është nën kompetencë të pushtetit vendor dhe për të njëjtën do të drejtoheni tek ata” tha Fatmir Rexhepi, zëdhënës i Sektorit për Punë të Brendshme në Tetovë. Dhe përderisa ende nuk ka shenja horizonatale se ky vend është stacion për autobusa, vozitësit ende parkojnë veturat e tyre, ndërsa kjo u shkakton probleme vozitësve të autobusëve, të cilët për zbritur dhe marrë udhëtarë në këto nënstacione duhet të ndalojnë në mes të rrugës duke shkaktuar probleme në mbarëvajtjen e trafikut.TV KOHA
Sot në mesditë, në rrugën e Ilindenit në Tetovë ka ndërruar jetë një 46 vjeçar (1979) nga Tetova me inciale B.I nga Tetova. Sipas informacioneve të policisë, I njejti ka qenë ulur në një kafene dhe në një moment I është përkeqësuar gjendja shëndetësore dhe ka ndërruar jetë. Në vendngjarje kanë dalur ekipet e Ndihmës së Parë dhe Policisë së Tetovës. Mjeku nga Ndihma e Shpejtë vetëm ka konstuar vdekjen e 46 vjeçarit. Priten që gjatë ditës të ketë detaje tjera rreth këtij rasti tragjik.
Prej sot deri më 31 gusht vendoset ndalesë e plotë për lëvizje në pyll dhe toka pyjore në territorin me të cilin ekonomizon NP “Pyjet Kombëtare”. Ndalesa, siç informojnë vendoset duke marrë parasysh rrezikur e rritur nga paraqitja dhe përhapja e zjarreve në ambient të hapur për periudhën kohore në terminin nga ora 00:00 deri në 24:00. Lëvizja do të jetë e mjaftueshme vetëm me leje me shkrim të lëshuar nga filialja e NP “Pyjet e Maqedonisë”-Shkup për rajonin me të cilin ekonomizon Drejtoria.
Për mosrespektimin e kësaj ndalese, individët që kapen duke lëvizur në pyje dhe toka pyjore, në përputhje me nenin 106 të Ligjit për Pyjet, do të gjobiten me gjobë prej 1500 deri në 2000 euro në kundërvlerë të denarit.
Ministria e Bujqësisë, Pylltarisë dhe Ekonomisë së Ujërave, siç informojnë nga NP “Pyjet Kombëtare” – Shkup, më 26 qershor sipas nenit 57, paragrafi 3, ka dhënë pëlqim për ndalesë të plotë për lëvizje në pyje dhe tokë pyjore që do të hyjë në fuqi nga 01.07.2025 dhe do të zgjasë deri më 31.08.2025.
Ndalesa e plotë e lëvizjes në pyje dhe toka pyjore nuk vlen për punonjësit e NP “Pyjet Kombëtare” – Shkup dhe degët e saj, si dhe për punonjësit e Ministrisë së Punëve të Brendshme (MPB), Ministrisë së Mbrojtjes, Policisë Pyjore, Qendrës për Menaxhimin e Krizave, Drejtorisë për Mbrojtje dhe Shpëtim (DMSH), Inspektoratit Shtetëror për Pylltari dhe Gjueti (ISHPGJ), subjektet që kryejnë aktivitete pyjore – prerje, furnizim dhe transport të drurit dhe asortimenteve të drurit në zonat e menaxhuara nga NP “Pyjet Kombëtare” – Shkup, anëtarët e shërbimit të rojeve të gjahut dhe zyrtarët nga përdoruesit e gjahut në vendet e gjuetisë që kryejnë punë për përdoruesin e gjahut në vendin e gjuetisë dhe për personat që kanë leje me shkrim për të lëvizur në pyjet e menaxhuara nga NP “Pyjet Kombëtare” – Shkup.
Ndalesën e zbatojnë të punësuarit nga NP “Pyjet Kombëtare” të cilët kryejnë veprimtari mbrojtëse, Policia Pyjore, MPB dhe ISHPGJ.
Tre autobusë dhe një furgon u dogjën mbrëmë në një parking në dalje të Koçanit pranë një pompe benzine pranë Orizarës.
Sipas MPB-së, zjarri u shua nga Njësia Territoriale e Zjarrfikësve nga Shtipi, ndërsa nuk pati të lënduar.
Një ekip nga Departamenti i Zjarrfikësve të Koçanit do të kryejë inspektim gjatë ditës për të përcaktuar shkaqet e zjarrit.
Vdes tetovari në një kafene në Tetovë
Vendoset ndalesë e plotë për lëvizje në pyje nga sot deri më 31 gusht
Digjen tre autobusë dhe një furgon në Koçan
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve