Lajme nga vendi
Nuk dihet kush do ta zëvendësojë Ilire Dautin
Fronti Europian ende nuk ka vendosur se kush do të jetë kryetar në Komisionin për Politikë Sociale, pas dorëheqjes së Ilire Dautit.Koordinatori i Frontit Europian, Blerim Bexheti siguron se kushdo që vjen në atë pozitë do të vazhdojë ta bllokojë ligjin e Branitellave, siç e bënte Ilire Dauti.Sipas Bexhetit, skenari i djeshëm është për shkak të pafuqisë së Afrim Gashit. Potencon se Gashi është vetëm formalitet në atë pozitë.Për VMRO-DPMNE-në, cështja Dauti është e përfunduar dhe me atë komision duhet të udhëheqë zëvendësi Ilir Demiri.“Nëse flasim për emrin konkret, mendoj se është tregim i përfunduar sepse ajo tashmë ka dhënë dorëheqje sepse interpelanca u votua. Interpelanca nënkupton dorëheqje morale të personit që I nënshtrohet të njëjtës. Në këtë moment, sipas regullores mund të vazhdojë me punë sepse deputeti, doktor Ilir Demiri është nënkryetarë dhe ka të drejtë të udhëheqë me komisionin. Presim veprimin e Frontit Europian dhe emrin se kë do ta propozojnë për kryetar të ri dhe më pastaj mund edhe të diskutojmë.” tha Bojan Stojanovki nga VMRO-DPMNE.Ndërkaq, Fatmir Bytiqi nga LSDM-ja thotë se fajtor për gjithë këtë situatë është shumica parlamentare. Shton se Dauti kryente me zell punën e kryetares, gjersa ishte në atë pozitë.“Nëse ajo do kandidon ose Fronti Europian do e kandidon atë për pozitën e njëjtë në të ardhmen do të shofim. Unë mendoj se ajo me zell e ka bë punën e sajë dhe kapricot e dikujtë që nuk është në gjendje të jetë në funksionin e tij, është cështje tjetër.” tha Bytyqi.Për dorëheqjen e Dautit kanë folur mbrëmë edhe nga Koalicioni VLEN, sipas koalicionit që është pjesë e shumicës parlamentare, Ilire Dauti tregoi dobësitë e sajë me aktin e dorëheqjes. Potencuan se meritat për mos miratimin e ligjit të “Branitellave” shkojnë për Afrim Gashin.Kujtojmë, pozita “kryetar i komisionit për Politikë Sociale” do t’i takojë përsëri Frontit Europian, dhe pritet që brenda këtyre ditëve koalicioni opozitar të caktojë përsëri se cili do të jetë emri I cili do të propozohet për atë pozicion. Për momentin në atë komision zv.kryetar është Ilir Demiri, po nga Fronti Europian, ndërkaq nga Levica kanë potencuar se në rast se propozohet përsëri Ilire Dauti, do të propozojnë përsëri interpelancë, për shkarkimin e saj.
Lajme nga vendi
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
Pronari i spitalit privat “Sante Plus”, Bilal Kara, është një prej personave të arrestuar në operacionin e zhvilluar në Maqedonisë së Veriut, në kuadër të një hetimi për abuzime me Fondin e Sigurimeve Shëndetësore.
Ai ishte shpallur në kërkim edhe nga autoritetet shqiptare që prej muajit shtator të vitit të kaluar, me dyshimin se nuk kishte deklaruar të ardhurat e përfituara në vlerën e 1 milion eurove, ndërsa në klinikë u gjetën edhe medikamente, të cilat dyshohet se kishin skaduar, por që përdoreshin nga stafi shëndetësor.
Sipas mediave maqedonase, bashkë me Bilal Kara u arrestuan edhe shtatë persona të tjerë, të cilët dyshohen për përfshirje në abuzime me procedurat e operacioneve në sy. Sipas hetimeve, dyshohet se për këto ndërhyrje kirurgjikale janë kryer pagesa si nga Fondi i Sigurimeve Shëndetësore, ashtu edhe nga vetë pacientët. Mes personave të arrestuar, sipas mediave maqedonase është edhe Geriana Arapi, ish-drejtoresha e spitalit “Sante Plus”, e cila po ashtu ishte në kërkim prej më shumë se një viti nga autoritetet shqiptare, që pas bllokimit të klinikës “International Medicare” në Tiranë. Arrestimi i tyre në Maqedoninë e Veriut pritet të pasohet nga zhvillime të tjera lidhur me procedurat ligjore dhe kërkesën e autoriteteve shqiptare për ta.
Moti sot në Maqedoninë e Veriut do të jetë i ndryshueshëm me vranësira dhe reshje lokale të shiut. Në disa lugina do të ketë kushte për shfaqjen e mjegullës së mëngjesit. Do të fryjë erë e dobët deri mesatare nga veriu.
Temperatura minimale do të jetë në intervalin nga 6 deri në 12 gradë, ndërsa maksimale do të arrijë nga 12 deri në 19 gradë.
Në Shkup, moti do të jetë kryesisht me vranësira, në orët e mëngjesit do të ketë kushte për shfaqjen e mjegullës së lehtë. Do të fryjë erë e dobët deri mesatare nga veriu. Temperatura minimale do të ulet në 10, ndërsa maksimale do të arrijë në 15 gradë.
Komunikacioni në rrugët shtetërore po zhvillohet pa probleme, në rrugë të thata, njofton LAMM. Intensiteti i trafikut në rrugët jashtë zonave urbane është mesatar.
Nuk ka vonesa të gjata në pikat kufitare në anën RMV-së për hyrje dhe dalje nga vendi.
LAMM rekomandon përshtatjen e shpejtësisë së lëvizjes, respektimin e sinjalistikës së vendosur të trafikut dhe menaxhimin e kujdesshëm të automjeteve, veçanërisht në rrugët nëpër lugina, lugina lumenjsh dhe gryka, ku ekziston mundësia e rrëshqitjeve të dheut. Kjo vlen veçanërisht për seksionet Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.
Pamje dramatike/ Babai e harroi mbi çatinë e makinës dhe u nis në rrugë, foshnja në Meksikë shpëton falë ndërhyrjes së motoçiklistit
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
LIGA E DYTË: NDESHJA KAMJANI – TETEKSI NË QENDËR TË VËMENDJES
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni2 months agoFilloi në Hagë seanca për deklaratat përfundimtare ndaj Thaçit dhe të tjerëve
-
Lajme nga rajoni2 months agoKa ndërruar jetë Flora Brovina, një nga figurat e njohura të jetës politike dhe shoqërore në Kosovë
-
Lajme nga rajoni2 months agoThaçi e Krasniqi dënohen me nga 25 vjet burgim, Veseli 18 e Selimi 13