Lajme nga vendi
Ndryshimi i emrave të rrugëve në Tetovë merr formë institucionale
Në komunën e Tetovës vitin e kaluar është krijuar një grup pune i cili kishte për qëllim të identifikojë të gjithë rrugët në qytetin e Tetovës. Me këtë rast, Tetova është ndarë në 14 zona me qëllim që të dihet numri i saktë i rrugëve. Sipas të dhënave, në qytetin e Tetovës ekzistojnë 297 rrugë, prej të cilave 81 kanë emra, ndërsa 216 rrugë duhet të emërtohen dhe ata janë të evidentuara me numra. Më pas, këshilli i komunës së Tetovës ka krijuar një komision prej 11 anëtarëve për riemërtimin e rrugëve në qytetin e Tetovës që tashmë kanë emërtim të përcaktuar dhe emërtimi i rrugëve të cilave emri u është caktuar me numër. Në ndërkohë, partitë politike që kanë këshilltarë në këshillin e komunës së Tetovës, në mbledhjen e fundit të këtij komisioni kanë dhënë propozimet e tyre. Janë propozuar personalitete dhe figura të njohura nga vendi dhe jashtë, duke përfshirë Shqipërinë dhe Kosovën,personalitete botërore dhe kryeqytete të vendeve të ndryshme botërore.Veton Faton Nga Lëvizja Besa e cila ka shumicë në këshillin e komunës së Tetovës thonë se pas përfundimit të këtij procesi, propozimet do të dërgohen në qeveri dhe pas marrjes së pëlqimit nga qeveria së bashku me propozimet e miratuara në këshillin e komunës në vitin 2007,do të miratohen në këshill dhe të njejtit dërgohen në regjistrin qendror.Deklarata Argjend Veliu-Edhe këshilltarët por edhe në disa raste edhe kryetari i komunës së Tetovës Bilall Kasami ka thënë se për këtë vendim nuk duhet parim i badinterit për shkak se në regjistrimin e fundit maqedonasit në Tetovë janë vetëm 17 përqind. Sipas informacioneve zyrtare, tashmë në grupin e punës, këshilltarët e të gjitha partive politike shqiptare kanë konsensus që ky proces të avancohet dhe do të përkrahet edhe me votim në këshill kur të vijë në rend dite. “Në fillim është diskutuar që të ndahet në disa faza kjo procedurë, që fillimisht të emërtohen rrugët që kanë vetëm numra, por të gjithë ne kemi pasur një konsensus, pasi që ne si këshilltarë të BDI-së, kemi insistuar që edhe emrat e vjetër të ndryshohen dhe në baz ëtë mbledhjes së fundit, mendoj se kemi një pajtueshmëri, që edhe kjo të përfshihet prandaj ne japim përkrahje, marrim pjesë aktivisht në këtë proces dhe mendoj se nuk do të ketë problem të kalohen këto procedura”, Veton Murati –BDI. “Unë mendoj se vetë përbërja e grupit të punës tregon shumë në vetvete, sepse aty kemi përfaqësues nga të gjitha partitë që janë të përfaqësuara në këshillin komunal kanë deleguar nga një përfaqësues, ka historian dhe vetë kjo përbërje tregon se ne jemi mbledhur që të gjitha palët të japin propozime dhe të arrijmë në një konsensus, që përfundimisht Tetova të ndryshojë emrat që kanë ngelur dhe vetë koha e tregon se duhet të ndryshohet.Shpresoj dhe uroj dhe apeloj tek kolegët maqedonas që të ketë mirëkuptim për të gjitha propozimet që të mbahemi mend si përbërje e këshillit që kemi bërë ndryshime” tha Faton Selami-Alternativa.
Pjesëmarrësit në grupin e punës njoftuan se javën e ardhshme do të ketë thirrje publike, ku qytetarët ose shoqatat e ndryshme do të mund të propozojnë emra për rrugët. Krahas kësaj,do të ketë edhe debat publik në komunën e Tetovës ku qytetarët do të mund të japin propozimet e tyre.Ndryshe, në Tetovë, shumë rrugë, sheshe, parqe, shkolla, bulevarde kanë emra edhe nga periudha e mbretërisë serbo-kroate sllovene, nga koha e komunizmit dhe nuk përkojnë aspak me realitin etnik dhe kohor në Tetovë, ku shumicë dominante janë shqiptarët.TV KOHA
Shkollat duhet t’i respektojnë protokollet për punë gjatë temperaturave tepër të larta, porositi ministrja e Arsimit dhe Shkencës, Vesna Janevska. Rregullat përcaktojnë edhe se kur duhet të hapen apo të mbyllen dritaret dhe cilat aktivitete duhet t’i zhvillojnë nxënësit. Protokollet janë publikuar në ueb-faqen e Ministrisë së Arsimit dhe Shkencës (MASH), ndërsa u janë dorëzuar edhe të gjitha shkollave. Janevska tha se drejtuesit e shkollave dhe mësimdhënësit duhet ta përshtatin mësimin me kushtet atmosferike.
A do të shkurtohen orët mësimore në ditët kur moti do të jetë shumë i nxehtë, ishte një pyetje e gazetarëve drejtuar Ministres së Arsimit, Vesna Janevska, lidhur me vapën afrikane që ka kapluar vendin edhe në fillim të vitit shkollor dhe sipas paralajmërimeve do të vazhdojë edhe më tej.
Ministrja potencoi se shkollat duhet të veprojnë konform protokolleve për situata të këtilla, duke shtuar se nuk mund t`u ikim ndryshimeve klimatike pasi ato janë të njëjta për të gjithë fëmijët në Evropë dhe në botë.
“Udhëheqësit e shkollave dhe vet mësimdhënësit. Është pjesë e punës së tyre. Të adaptohen konform kushteve. Nëse është nxehtë, nuk do të zhvillojnë edukatë fizike, do të kenë pushim, art figurativ, muzikë, diçka tjetër… Unë nuk dua të ndërhyj në punën e tyre, por ja, kjo mund të jetë një ide. Nëse është më freskët, mund të bëjnë edhe ndonjë ushtrim fizik. Në protokolle përcaktohet kur duhet të hapen dhe kur të mbyllen dritaret, si dhe cilat aktivitete duhet t’i kenë fëmijët. Duhet të përshtatemi me çdo gjë që do të jetë sfidë”
E pyetur nëse në shkolla do të sigurohen kondicionerë për freskim gjatë ditëve të nxehta në fillim dhe në fund të vitit shkollor, ministrja u përgjigj se do të ketë kondicionerë kur si shtet do të jemi në gjendje të sigurojmë kondicionerë në të gjitha shkollat.
Nga ana tjetër, Kryetari i Komunës së Aerodromit, Dejan Miteski, deklaroi se në shkollat e kësaj Komune, orët mësimore do të shkurtohen vetëm nëse aktivizohet “faza e verdhë” për shkak të temperaturave të larta.
Dje në orën 11:00 në SPB Tetovë, një 52-vjeçar nga Republika e Kosovës, me banim në Norvegji, ka raportuar se në fshatin Dobrosht të Tetovës i është marrë motoçikleta e tij „BMV“, e cila ishte e parkuar në fshat. Po merren masa për gjetjen e motoçikletës dhe për zbardhjen e rastit.
…….Dje në orën 19:15 në Tetovë, zyrtarët policorë kanë privuar nga liria personin një 44 vjeçar nga Tetova, duke vepruar sipas raportimit paraprak nga vëllai i tij 46-vjeçar se, pas një debati të shkurtër në shtëpinë familjare, e ka sulmuar fizikisht dhe i ka dëmtuar telefonin celular. Pas dokumentimit të plotë të rastit, do të vijojë parashtresa përkatëse.
……Dje rreth orës 19:50 në SPB Tetovë është raportuar se në Spitalin Klinik në Tetovë, një 24 vjeçar nga fshati Pallatcë i Tetovës, pasi i është kërkuar të kryejë një pagesë për shërbim mjekësor, është sjellë në mënyrë agresive dhe ka thyer xhamin e sportelit të pranimit, me ç’rast ai dhe dy punonjës të tjerë kanë pësuar lëndime. Pas ndërhyrjes së zyrtarëve policorë, ai ka sulmuar fizikisht edhe një zyrtar policor, e më pas, për shkak të seriozitetit të lëndimeve, është transportuar në Kompleksin e Klinikave „Nënë Tereza“ në Shkup për t’iu ofruar ndihmë mjekësore. Është kryer këqyrje e vendit të ngjarjes dhe pas dokumentimit të plotë të rastit do të dorëzohet kallëzimi përkatës.
……Dje në orën 22:00 në rrugën „107“ në Tetovë, zyrtarët policorë nga SPB Tetovë kanë privuar nga liria një 24 vjeçar nga Tetova sepse gjatë kontrollit të ushtruar ndaj tij është gjetur dhe konfiskuar marihuanë. Personi është ndaluar në stacionin policor dhe pas dokumentimit të rastit do të vijojë parashtresa përkatëse.
……..Dje në orën 22:20 në rrugën „Iliria“ në Tetovë, zyrtarët policorë nga SPB Tetovë kanë privuar nga liria një 42-vjeçare nga Velesi, me banim në Tetovë, sepse gjatë kontrollit të ushtruar ndaj saj është gjetur dhe konfiskuar një substancë e bardhë pluhur. Personi është shoqëruar në polici dhe pas dokumentimit të rastit do të dorëzohet kallëzimi përkatës.
Pas mesnate në orën 01:50 në rrugën „107“ në Tetovë, zyrtarët policorë nga SPB Tetovë kanë arrestuar një 30-vjeçar nga Tetova, i cili kërkohej me urdhëresë gjyqësore për vuajtjen e dënimit me burg për vepër penale të kryer sipas nenit 130 paragrafi 1 të Kodit Penal. Personi është dërguar në Institucionin Ndëshkues-Përmirësues Burgu i Tetovës për vuajtjen e dënimit.
Lajme nga vendi
Arlinda Hasani Sinani u zgjodh zëvendësguvernatore e re e Bankës Popullore të Maqedonisë së Veriut
Kuvendi i Maqedonisë së Veriut votoi Arlinda Hasani Sinanin në pozitën e re të zëvendësguvernatores së Bankës Popullore, pas propozimit të dorëzuar nga kreu i BPM.
Arlinda Hasani Sinani vjen në këtë detyrë të rëndësishme shtetërore me një përvojë të bujshme prej 22 vitesh në sektorin bankar, ku përgjatë karrierës së saj ka ushtruar funksione udhëheqëse në fushën e kreditimit, menaxhimit të rrezikut dhe bankingut afarist.
Ajo ka nisur rrugëtimin e saj profesional si analiste krediti në ProCredit Bank, duke avancuar në pozita të larta drejtuese si drejtoreshë e ekspoziturës, e Qendrës së Biznesit dhe e Sektorit për Ndërmarrje të Vogla dhe të Mesme, ndërsa nga viti 2023 ka mbajtur pozitën e drejtoreshës rajonale për rajonin veriperëndimor në Stopanska Banka SH.A. Shkup.
Ajo është ekonomiste e diplomuar në Universitetin Shtetëror të Tetovës dhe ka përfshirë në formimin e saj profesional trajnime të specializuara në ProCredit Academy në Frankfurt të Gjermanisë.
Arlinda Hasani Sinani merr zyrtarisht detyrën e re, duke pasuar në këtë post zëvendësguvernatorin e deritanishëm, Fadil Bajrami, mandati i të cilit përfundon më 14 shtator 2026.(INA)
VAPA AFRIKANE: A DO TË SHKURTOHEN ORËT MËSIMORE?!
ATLETËT E KAMJANIT DINJITOZ NË LOJËRAT EVROPIANE TË ATLETIKËS PËR FËMIJË
SHAH: KLUBI I SHAHUT “ANPASAN” KA SIGURUAR MBIJETESËN NË ELITË
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
