Lajme nga vendi
Vazhdon mashtrimi i qytetarëve përmes porosive të rrejshme, Andonovski me apel: Rastet të denoncohen në MPB
SMS porositë e rrejshme në emër të postës në asnjë mënyrë nuk duhet të hapen, apo të klikohet në linkun e tyre, apeloi ministri i Transformimit Digjital, Stefan Andonovski. Sipas tij porositë e tilla qytetarët duhet t’i denoncojnë në Ministrinë e Punëve të Brendshme.
“U bëj thirrje qytetareve të cilët pranojnë këto porosi që t’i denoncojnë në MPB siç do të denonconin çdo vepër tjetër penale, të mos bien pre e porosive që marrin dhe çdoherë t’i kontrollojnë. Ndodh shpesh që sikur nga ndonjë postë të pranoni porosi dhe ndodh që çdonjëri nga ne pret ndonjë porosi apo letër dhe klikojmë menjëherë në atë link, më së shpeshti ndodhë që porositë që vijnë nga postat janë të rrejshme dhe qytetarët të kenë kujdese nga këto porosi dhe të kontrollojnë çdoherë, ky është apeli im por kompetencën e ka Ministria e Brendshme dhe të paraqesin këto raste”, deklaroi Stefan Andonovski – Ministri i Transformimit Digjital.
Ndërkohë Andonovski foli edhe për sfidat e rrezikshme që përdoren nga të rinjtë në TikTok. I pyetur se a do të ketë ndonjë kufizim në qasjen e rrjeteve të caktuara nëpër shkolla për nxënësit, ai tha se veçmë kanë përgatitur një udhëzues të cilin e kanë ndarë me shërbimin pedagogjik të MASH-it.
“Veç më kemi përgatitur një udhëzues të cilin e ndamë me shërbimin pedagogjik të MASH-it, kishim disa takime me përfaqësuesit e MASH-it dhe ky udhëzues do të jetë për të gjithë mësimdhënësit në të gjitha shkollat e mesme dhe fillore të flasin me nxënësit me sfidat që ndodhin në rrjetet sociale sepse këto janë vegla me mundësi të pa kufizuara por për fat të keq askush nga ne nuk është trajnuar si të shfrytëzohen siç duhet, u shpreh Stefan Andonovski – Ministri i Transformimit Digjital.
Andonovski tha se është kundër ndalimit të tërësishëm të TikTok-ut në vendin tonë, pasi me bllokimin e një aplikacioni ekziston mundësia që përdoruesit të shkojnë në një aplikacion të ngjashëm. Megjithatë sipas tij nëse masat që merren nga kjo ministri nuk janë të mjaftueshme atëherë nuk përjashtohet edhe mundësia e ndalimit. /Alsat.mk
Prokurori Publik i Shtetit nuk sheh pengesa që hetimi për zjarrin në Koçan, i cili mori jetën e 62 personave, të përfundojë deri më 17 qershor, siç parasheh afati ligjor prej tre muajsh. Pa zbuluar detaje, prokurori tha se hetimi është në një fazë shumë të rëndësishme dhe dëshmitarët aktualisht po merren në pyetje si në Koçan ashtu edhe në Shkup. Sipas Kocevskit, nuk ka selektivizëm në hetim. Ai përsëriti sot, siç deklaroi edhe më parë Alsat, se hetimi mund të zgjerohet për të përfshirë të dyshuar të ri.
“Dëshmitarët po merren aktualisht në pyetje, si edhe të dëmtuarit dhe persona të tjerë që dinë diçka rreth ngjarjes. Ndërkohë, ata po koordinohen edhe me ekspertët në lidhje me atë që duhet të kryhet ekspertizë. Pra, nuk ka selektivizëm deri më tani, nuk do të ketë as në të ardhmen. Unë tashmë thashë për një media, kështu që derisa të përfundojë hetimi, zgjerim i mundshëm është i mundur, megjithatë, kjo varet nga provat dhe ajo që do të sigurojnë prokurorët publikë”, tha Ljupço Kocevski, Prokuror Publik i Shtetit.
Përpara tragjedisë në Koçan, qeveria filloi procedurë për shkarkimin e Kocevskit, e cila tani është e pezulluar. Nëse kjo procedurë do të vazhdojë apo jo, për Kocevskin, është vendim politik.
“E kam thënë disa herë këtë, kështu që është vendim politik. Për momentin, që nga fillimi i procedurës, nuk kam pasur asnjë presion apo kërcënim në këtë drejtim”, theksoi Ljupço Kocevski, Prokuror Publik i Shtetit.
Hetimi në Koçan filloi menjëherë pas tragjedisë, më 17 mars, dhe prokuroria ka tre muaj kohë për të përgatitur aktakuzë. 13 prokurorë po punojnë në hetimin, i cili është zgjeruar disa herë deri më tani, dhe i cili deri më tani ka përfshirë 68 persona fizikë dhe tre juridikë. /Alsat.mk
Lajme nga vendi
Sot u mbajt prezantimi i drejtimeve dhe profileve që ofrojnë shkollat e mesme të Tetovës në “Ditën e Hapur”
68 persona dyshohen për tragjedinë në Koçan, po merren në pyetje dëshmitarët
Gjykata e Apelit ua rriti dënimet disa prej të akuzuarëve në rastin “Llaskarca”
Sot u mbajt prezantimi i drejtimeve dhe profileve që ofrojnë shkollat e mesme të Tetovës në “Ditën e Hapur”
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve