Lajme nga vendi
VLEN: BDI non grata në opozit, Drin Ahmeti në hollet e Prokurorisë, përfundoi epoka e ndikimit në gjykata
Kur përmendet BDI nuk mund të mendojm tjetër pos për keqpërdorime dhe korrupsion. Dëshirojmë të informojmë opinionin publik për një çështje të rëndësishme që lidhet me aktivitetin ekonomik të kompanisë “Everest JD” DOOL, e cila është pronë dhe menaxhohet nga Drin Ahmeti, nipi i liderit të partisë non grata BDI, Ali Ahmeti. Sipas informacioneve të disponueshme, kompania në fjalë nuk ka paguar tarifën e koncesionit për shfrytëzimin e burimeve minerale në lokacionin “Bukoviq”, duke shkelur kështu ligjet dhe rregulloret.
Ky veprim i papërgjegjshëm paraqet një formë të rëndë të mostransparencës dhe abuzimit me privilegjet e dhëna për shfrytëzimin e pasurive natyrore, dhe për këtë arsye, koalicioni VLEN inicion që të merren masa të menjëhershme dhe të plotapër të zbardhur këtë çështje.
Ne me krenari të plotë ndajmë këtë informim në vijim që me kalimin e BDI-së nongrata në opozitë përfunduan edhe mbrojtjen apo mbështetjet në gjykata e prokurori. Prandaj, kjo është shenjë që po përfundon epoka e ndikimit të politikës në institucionet që duhet të jenë plotësisht të pavarura dhe të pa ndikuara në punën e tyre, organet e gjyqësisë.
Pas zbulimit të këtij akti, Drin Ahmeti është ftuar nga Prokuroriapër të dhënë shpjegime dhe është duke u hetuar për këtë rast. Koalicioni VLEN si pjesë e qeverisë i bën thirrje institucionevetë drejtësisë të veprojnë në përputhje me ligjin dhe të sigurojnënjë proces të sigurt dhe transparent të hetimeve, për të shmangurçdo formë të ndikimit politik në mënyrë që vendimipërfundimtar të jetë I bazuar plotësisht nëë ligjet e vendit tone. E keqpërdoruesit sikur Drin Ahmeti ta marrin dënimin e merituar.
Koalicioni VLEN me vendosmëri të plotë dhe përgjegjësi maksimale mbështet çdo përpjekje për të siguruar që ky rast të trajtohet me prfoesionalizëm dhe paanshmëri që të vendoset rend dhe ligjshmëri në këtë fushë.
Koalicioni VLEN do të ndjek me vëmendje këtë çështje dhe do të qëndrojë stoik në luftën për transparencë dhe drejtësi dhe se nuk do të toleroj asnjëherë keqpërdorimet. Sigurojmë qytetarët që jemi këtu për ti zbuluar gjitha mashtrimet që lidhen me BDI-në non grata dhe se do të ketë përgjegjësi për gjithsecilin.
VLEN është koalicion i gjithë qytetarëve, VLEN nuk angazhohet për nipa e mbesa por për secilin për jush. Secili qytetarë gëzon respekt dhe trajtim të barabartë nga koalicioni më i madh shqiptar, VLEN.
Lajme nga vendi
Kompania turke “Cavo Otomotiv” do të investojë në ZZHTI Tetovë, do të hapen mbi 400 vende të reja pune
Drejtori i Drejtorisë për Zona Zhvillimore Teknologjike dhe Industriale, Goce Dimovski sot u takua me Kemal Amanoel, drejtor i përgjithshëm i kompanisë “Cavo Otomotiv” e cila planifikon të hapë fabrikë në ZZHTI Tetovë.
Në takim, siç informon Pres shërbimi i ZZHTI-së është folur për progresin e projektit investues i cili duhet të hapë mbi 400 vende të reja pune, potencialet që ofrojnë zonat si dhe kushtet dhe mbështetjen që ofron shteti për investitorët.
Kompania “Cavo Otomotiv” shprehu kënaqësi nga komunikimi dhe bashkëpunimi me institucionet deri më tani, si dhe interes për realizimin në kohë të investimit. Amanoel theksoi se kompania e njeh vendin si një destinacion të qëndrueshëm dhe konkurrues për investime afatgjata, me një fuqi punëtore të kualifikuar dhe pozicion të favorshëm gjeostrategjik.
“Pas diskutimeve fillestare mbi një investim të mundshëm që filluan në mars të vitit të kaluar, projekti për këtë investim është në një fazë të avancuar, me punë intensive që po bëhet për të finalizuar të gjitha parakushtet për zbatimin e tij”, thonë nga Drejtoria e ZZHTI-së.
Korporata shumëkombëshe “Cavo Otomotiv” vepron në industrinë e pajisjeve të automobilave, duke projektuar dhe prodhuar produkte sigurie, si dhe mekanizma të ndryshëm dhe kabllo operimi për shumë prodhues kryesorë të makinave. Përveç Turqisë, kompania është e pranishme edhe në Kanada, Gjermani dhe Sllovaki dhe investimi i mundshëm brenda ZZHTI-së do të jetë me rëndësi kyçe si për Maqedoninë e Veriut ashtu edhe për Evropën.
Ministrja e Arsimit dhe Shkencës Vesna Janevska thotë se ligji i ri për arsimin e lartë nuk kërcënon autonominë e universiteteve, por përkundrazi fut një detyrim për llogaridhënie ndaj Qeverisë për fondet që marrin.
“Autonomia e universiteteve me këtë ligj nuk kufizohet në asnjë mënyrë, por universitetet duhet të jenë të vetëdijshme se një pjesë e madhe e tyre duhet t’i japin llogari Qeverisë për fondet që marrin nga Qeveria. Ne nuk po ndërhyjmë fare në autonomi, por që tani e tutje do të kërkojmë llogaridhënie. Kjo ishte parashikuar nga ligji i mëparshëm i vitit 2018, por nuk u ringjall kurrë.
Aktualisht, ne po kërkojmë që llogaridhënia të ringjallet pa asnjë ndërhyrje në lirinë e tyre akademike. Ata duhet të thonë se për çfarë kanë kundërshtime, sepse asnjë organ i parashikuar në ligj nuk varet nga Qeveria, përveç Parlamentit, i cili është themeluesi.
Nuk shoh që Qeveria po ndërhyn shumë, do ta them përsëri se ata kanë detyrim të jenë të llogaridhënës dhe nuk shoh që këtu do të lindte ndonjë problem, por nëse ata trajtojnë konkretisht se cilin nen, cilin qëndrim, ne sigurisht që do ta mendojmë dhe do ta diskutojmë”, shtoi Janevska.
Lidhur me arsimin e lartë falas, Janevska tha se aktualisht nuk ka kushte për të, duke theksuar se është një çështje serioze financiare dhe sistemike që nuk mund të zgjidhet pa një bazë të qëndrueshme.
Lajme nga vendi
Deputetët e LSDM-së lëshojnë Kuvendin, nuk u vendos në votim propozimi për pagën minimale
Grupi parlamentar i LSDM-së informoi se tashmë ka paraqitur një projektligj për pagën minimale dhe rritjen e saj me 600 euro. Sipas koordinatorit të grupit parlamentar, Oliver Spasovski, ekzistojnë mundësi për burime financiare për këtë zgjidhje ligjore.
Spasovski kujtoi se në kohën kur qeveria e mëparshme erdhi në pushtet, minimumi ishte 8560 denarë, të cilin e gjeti nga qeveria e atëhershme VMRO-DPMNE. Deputeti tha se teksti ligjor është paraqitur më 31 janar.
“Kur u larguam nga pushteti, ishte 22.400 denarë. Kjo është baza mbi të cilën besojmë se ekziston një mundësi. Na duhet vetëm vullneti politik për t’u takuar me punëtorët dhe të mos kemi këto imazhe të bllokimit të Kuvendit”, tha Spasovski.
Në përgjigje, Kryetari i Kuvendit Afrim Gashi tha se nuk mund ta vinte propozimin në votim sepse nuk u ishte dorëzuar deputetëve.
Ai u kthye në arkivin e Kuvendit për punë të mëtejshme. Gashi pret që një propozim i tillë t’u dorëzohet deputetëve në seancën e ardhshme parlamentare.
“Mendoj se kjo praktikë që po e vendosni po shkatërron dinjitetin e Kuvendit dhe të deputetëve. Për këto arsye, grupi parlamentar i LSDM-së nuk do të marrë pjesë në punimet e seancës së sotme”, tha Spasovski pas pauzës njëorëshe.
Kompania turke “Cavo Otomotiv” do të investojë në ZZHTI Tetovë, do të hapen mbi 400 vende të reja pune
Grevë dy orëshe në shenjë proteste ndaj sjelljeve të disa nxënësve ka mbajtur stafi i shkollës “Pavarësia” në Prishtinë
Ministrja Janevska: Ligji i ri për arsim nuk kërcënon autonominë e universiteteve
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
