Lajme nga vendi
Çashka vend i gabuar për t’i “vajtuar” shqiptarët sepse nxënësit e këtij vendi u lanë të mësojnë në maqedonisht!
Çashka është vend i dëgjuar shumë herë përshkak të diskriminimit permanent të nxënësve shqiptarë të cilët me vite të tëra janë detyruar të mësojnë në gjuhën maqedonase. Sepse, lidershipi shqiptarë në Maqedoninë e Veriut ishin të paaftë të sigurojnë një paralele që ata nxënës të vijojnë mësimin në gjuhën e tyre amtare. E për këtë sigurisht barra bie mbi partinë që ka qenë në pushtet BDI, të cilët pasi kaluan në opozitë po “vajtojnë” nga Çashka për gjendjen e shqiptarëve, shkruan Zhurnal.
Çashka po keqpërdoret për pikë politike, me dekada nxënësit shqiptarë mësuan maqedonisht –
Në nenin 5 paragrafi parë në ligjin për arsimin fillor thuhet “Në edukimin dhe arsimin fillor ndalohet çdo diskriminim i drejtpërdrejtë ose i tërthortë pavarësisht përkatësive të ndryshme etnike, sociale, nacionale, racore..”etj. Që i bie qysh në fillim institucionet arsimore bien në kundërshtim dhe shkelin me dy këmbë ligjin për arsimin fillor, sepse nxënësve të Çashkës u mohet arsimimi në gjuhën amtare, pra janë të diskriminuar në bazë etnike, edhe pse janë shqiptarë ata duhet dhe janë të detyruar të mësojnë në gjuhën maqedonase.
Mes tjerash e drejta për arsim në gjuhën amtare është e drejtë e garantuar me ligj dhe Kushtetutë, por tani kur flasim për nxënësit e Çashkës të cilët ende vijojnë mësimin në gjuhën maqedonase a po shkelet Kushtetuta? A kemi shkelje të Kushtetutës, apo kur flasim për diskriminim të shqiptarëve edhe nëse nuk respektohet Kushtetuta nuk është punë e madhe! Për disa vite me radhë kjo çështje nuk gjeti akord mes të gjitha palëve sepse pengesa kryesore janë bordi i shkollës dhe këshilli i prindërve, dhe rezultati përfundimtar nxënësit shqiptarë të Çashkës duhet të mësojnë maqedonisht.
BDI edhe pse kishte ministra nga partia e tyre në Arsim nuk arriti ta zgjidh këtë problematikë shqetësuese, por nuk u bëhet vonë të flasin për shqiptari nga Çashka –
Gjenda e arsimit shqip në Maqedoninë e Veriut lë për të dëshiruar nga niveli fillor deri te ai i lartë. Shkollat fillore e ato të mesme janë të lëna pas dore, e Universitetet po shndërrohet në vende ku prodhohen diploma prej letra. E këtë më së miri e dëshmojnë rezultatet e testeve ndërkombëtare si PISA e të ranglistave botërore të cilësisë në arsimin e lartë.
Për keqardhje apo për ironi gjatë kohës më të gjatë me Ministrinë e Arsimit kanë qeverisur shqiptarët, kryesisht kuadro nga Bashkimi Demokratik për Integrim. Pra, edhe kur shqiptarët mësojnë në maqedonisht, edhe kur shkolla në Bllacë bëhej histori, edhe kur nxënësit shqiptarë mësojnë në baraka, e me një varg problemesh tjera sërish ministrat e BDI-së vazhdonin në krye të këtij institucioni të qëndronin sikurse gjendja lulëzonte.
Por, me ndryshimet politike BDI kaloi në opozitë, e tani nga opozita po e sheh më mirë gjendjen e katandisur të shqiptarëve në Maqedoninë e Veriut.
“Maqedonia e Veriut nuk është shtet vetëm i një bashkësie etnike, por është shtet i të gjithë qytetarëve të saj. Të gjithë duhet të ndihen si në shtëpinë e tyre, dhe asnjë qytetar nuk duhet të ndihet si qiraxhi. Kjo është një e drejtë që nuk mund ta mohojmë. Ky shtet është edhe i shqiptarëve, por jo i shqiptarëve që duan të mbeten të nënshtruar, pa gjuhë, pa flamur, si barinj. Kjo periudhë ka kaluar! Ne do të vazhdojmë të angazhohemi për barazi të plotë, për të drejtat tona dhe për një të ardhme më të mirë për çdo qytetar”, ka thënë Ali Ahmeti nga Çashka.
Pra, nuk i bëhet vonë Ahmetit të flas për dështimet e kuadrove të tij. Pa çka se fajin më të madh e mbartin ata që pranuan të qëndrojë në kolltuqe të Ministrive edhe pse gjendja e shqiptarëve prej ku vet buronin ishte për keqardhje.
Për nxënësit e Çashkës mësimi në gjuhën shqipe u bë çështje historike –
Para fillimit të çdo viti shkollor, banorët shqiptarë të komunës së Çashkës kërkojnë nga shkolla fillore “Todor Janev” që fëmijët e tyre të mund të mësojnë në gjuhën e tyre amtare, ashtu siç ua garanton kushtetuta, në gjuhën shqipe. Prej kur është premtuar shkolla në fshatin Çashkë po të ishte realizuar tani do të ishte koha të flitej për renovimin e kësaj shkolle, por ja që mbetet ende temë që duhet të flitet për ndërtimin e kësaj shkolle që është jetike për nxënësit e këtij fshati që të vijojnë mësimin në gjuhën e tyre amtare, shqipe. Politikanët tanë e kanë kuptuar se më e lehtë se të premtosh është të mos realizosh, sepse në këtë vend askush për asgjë nuk kërkon llogari.
Nxënësit e fshatit Çashkë, nuk kanë kërkuar laboratorë e as tabela digjitale, thjesht vetëm atë për të cilën kanë nevojë një shkollë që të mësojnë në fshatin e tyre e në gjuhën e tyre. E tani kur flitet për ndryshim të statusit të gjuhës shqipe në Kushtetutë, e për atë se sa është e zbatueshme gjuha shqipe në RMV kemi ende raste që nxënësve shqiptarë nuk u garantohet mësimi në gjuhën shqipe. Rasti i tillë, është në fshatin Çashkë që nuk po gjinden dot një zgjidhje e përshtatshme që nxënësit të mos mësojnë në gjuhën maqedonase, sepse elementi kryesor i asimilimit është gjuha. Si zgjidhje e përkohshme është gjetur hapja e një paralele në gjuhën shqipe por as kjo nuk po funksionon pasi prindër të shumtë maqedonas me muaj të tërë protestojnë kundër këtij vendimi.
Ndryshe, numri i nxënësve që presin zgjidhje është 72. Se a do t’ia marrë MASH kompetencat komunës nëse nuk rregullohet kjo çështje, mbetet të shihet në ditët në vijim. Sepse, ka qenë praktikë e MASH të marrë kompetencat në arsim në Komunën e Gostivarit kur bëhej fjalë për shkarkime dhe emërime të drejtorëve të shkollave, tani kur flitet për të siguruar të drejtën elementare për arsimim pritet të veprohet sa më parë, komfor gjitha mekanizmave që i ka kjo Ministri. /Zhurnal.mk
Stuhia e shoqëruar me shi të rrëmbyeshëm dhe erëra të forta që e goditi Shkupin pasdite në orën 17:00 shkaktoi dëme materiale, me çati dhe pemë që ranë mbi automjete dhe semaforë të rrëzuar. Një pjesë e rrugëve janë të bllokuara për trafik. Moti i keq ka përfshirë edhe Kumanovën gjatë asaj periudhe, ku gjithashtu ka pemë dhe shtylla të rrëzuara, ndërsa në disa vende janë shembur edhe strukturat e çative.
Kryetari i Qytetit të Shkupit, Orce Gjorgjievski, njoftoi se për shkak të stuhisë së fortë që përfshiu Shkupin, Shtabi i krizës i Qytetit të Shkupit, së bashku me të gjitha shërbimet kompetente dhe ndërmarrjet publike, është plotësisht i mobilizuar dhe i përgatitur për ndërhyrje të shpejtë dhe në kohë.
Ai në një postim në Fejsbuk, theksoi se janë në koordinim të vazhdueshëm me Qendrën për Menaxhim të Krizave, Ministrinë e Punëve të Brendshme, EVN-në, Brigadën e Zjarrfikësve të Qytetit të Shkupit dhe të gjitha institucionet kompetente.
Nga DPHM informojnë se moti i lig me erë të fortë, reshje të rrëmbyeshme dhe bubullima në orën 18 e ka përfshirë edhe Shtipin dhe Koçanin dhe drejtimi i lëvizjes është Vinica.
Qeveria ka shpallur gjendje krize 30-ditore në Komunën e Gostivarit më 21 korrik 2026, pasi vetëqeverisja lokale nuk ka kapacitet të përballet në mënyrë të pavarur me ndotjen serioze të ujit të pijshëm dhe përhapjen e epidemisë në qytet.
Çfarë do të thotë shpallja e gjendjes së krizës?
Gjendja e krizës shpallet kur ekzistojnë rreziqe që kërcënojnë seriozisht të mirat materialo-teknike, shëndetin dhe jetën e njerëzve, kurse parandalimi i tyre kërkon volum më të madh të burimeve dhe menaxhim të centralizuar. Në rastin e Gostivarit, ky vendim nënkupton:
-Marrja e kontrollit: Qeveria qendrore merr përgjegjësinë për menaxhimin e krizës, pasi ndërmarrjet lokale dështuan në sanimin e situatës.
-Mobilizimi maksimal: Të gjitha institucionet shtetërore, ndërmarrjet publike dhe burimet në dispozicion vihen në funksion të zgjidhjes së problemit me furnizimin me ujë.
-Aktivizimi i QMK-së: Aktivizohet Shtabi Kryesor pranë Qendrës për Menaxhim me Kriza, i cili mblidhet vazhdimisht dhe koordinon të gjitha aktivitetet në terren.
Cilat masa po ndërmerren në Gostivar?
Qëllimi i gjendjes së shpallur të krizës është vënia urgjente në funksion e një sistemi të sigurt të furnizimit me ujë përmes këtyre masave:
-Sanim urgjent: Inxhinierët dhe ekspertët shtetërorë marrin menjëherë përsipër pastrimin, dezinfektimin dhe aftësimin e ujësjellësit të qytetit.
-Sigurimi i ujit alternativ: Vazhdon shpërndarja urgjente e 50.000 litrave ujë të pijshëm falas në ditë përmes pikave të posaçme për qytetarët.
-Inspektime dhe hetime të rrepta: Inspektoratet shtetërore kryejnë kontrolle të jashtëzakonshme në punën e ndërmarrjes lokale, ndërsa Prokuroria Publike po zhvillon një hetim të detajuar për të përcaktuar përgjegjësinë penale për rrezikimin e shëndetit të qytetarëve.
-Angazhimi i burimeve: Nëse lind nevoja, shteti mund të angazhojë edhe burimet e Direksionit për Mbrojtje dhe Shpëtim (DMSH) dhe të Armatës.
Kur shpallet ligjërisht gjendja e krizës?
Sipas Ligjit për Menaxhim me Kriza, Qeveria me propozim të Komitetit Drejtues e merr këtë vendim kur plotësohen kushtet e mëposhtme:
-Intensitet i lartë i rrezikut: Kur ka rrezik akut për shëndetin (epidemi, burime të helmuara), katastrofa natyrore (zjarre, përmbytje) ose kërcënime të sigurisë.
-Ezaurimi i burimeve lokale: Kur organet e vetëqeverisjes lokale (komuna dhe shtabi i krizës i qytetit) nuk kanë kapacitet, makineri ose financa të mjaftueshme për të lokalizuar dëmin vetë.
-Nevoja për procedura të shpejta administrative: Mundëson furnizimin urgjent me materiale (klor, filtra, gypa) pa procedura të gjata dhe të ndërlikuara burokratike apo tendera, me qëllim që të parandalohen pasojat e mëtejshme.
-Gjendja e krizës në një rajon mund të zgjasë më së shumti 30 ditë, ndërsa nëse ka nevojë për zgjatjen e saj, Qeveria duhet të kërkojë miratimin e Kuvendit.
Në mbledhjen e sotme të 195-të, Qeveria, me propozim të Komitetit Drejtues, të përbërë nga ministri i Mbrojtjes Vlado Misajllovski, ministri i Punëve të Jashtme dhe Tregtisë së Jashtme Timço Mucunski, ministri i Punëve të Brendshme Pançe Toshkovski, ministri i Shëndetësisë Sasho Klekovski, ministri i Transportit Aleksandar Nikolloski dhe drejtori i Drejtorisë për Mbrojtje dhe Shpëtim Stojançe Angellov, si dhe anëtarët e jashtëm – ministri i Mjedisit Jetësor dhe Planifikimit Hapësinor Muhamed Hoxha, ministri i Bujqësisë, Pylltarisë dhe Ekonomisë së Ujërave Borçe Serafimovski, drejtori i Shërbimit për Punë të Përgjithshme dhe të Përbashkëta Ivica Tomovski, drejtoresha e Institutit të Shëndetit Publik Marija Andonovska, drejtori i Agjencisë për Ushqim dhe Veterinari Oliver Milanov, drejtoresha e Inspektoratit të Mjedisit Jetësor Ivana Ginovska dhe kryetari i BNJVL-së dhe njëherësh kryetar i Qytetit të Shkupit Orce Gjorgjievski, mori vendim për shpalljen e gjendjes së krizës në Komunën e Gostivarit për një periudhë prej 30 ditësh.
Duke qenë se vetëqeverisja lokale nuk është në gjendje të përballet me situatën e krijuar në Komunën e Gostivarit, sic thuhet në komunikatë, Qeveria mori këtë vendim me qëllim të koordinimit më të shpejtë të institucioneve, rikthimit në funksion të sistemit të furnizimit me ujë dhe sigurimit të ujit të pijshëm për qytetarët në afatin sa më të shkurtër.
Shëndeti i qytetarëve të Komunës së Gostivarit mbetet prioritet i Qeverisë dhe institucionet janë të përkushtuara për zgjidhjen e plotë të këtij problemi – thuhet në komunikatën e Qeverisë.
Njëkohësisht, Qeveria pret që Prokuroria Publike të zhvillojë një hetim të detajuar dhe ta zbardhë plotësisht rastin, duke theksuar se duhet të ketë përgjegjësi për secilin që ka rrezikuar shëndetin dhe jetën e qytetarëve të Gostivarit.
Çati, pemë dhe semaforë të rrëzuar dhe rrugë të bllokuara nga moti i keq në Shkup
ÇFARË DO TË THOTË SHPALLJA E GJENDJES SË KRIZËS NË GOSTIVAR ?
QEVERIA SHPALL GJENDJE KRIZE 30-DITORE NË KOMUNËN E GOSTIVARIT
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
