Sport
FABRICE TAMBA PËRFORCIM I EKIPIT SHKËNDIJA
Klubi i futbollit Shkëndija në pritje të pjesës pranverore të kampionatit ku edhe do të vendoset për renditjen e përgjithshme të ekipeve, nga dita e sotme në radhët e veta ka sjell ish futbollistin e Shkupit senegalezin Fabricie Tamba. Sulmuesi 21 vjeçar te skuadra e Shkupit erdhi në fillim të kampionatit 2024/2025 dhe ka luajtur si titullar në 12 ndeshje dhe ka regjistruar 3 gola. Pas firmosi për ekipin e Shkëndijës për kanalin zyrtar të klubit është shprehur tepër i kënaqur që i bashkëngjitet ekipit tetovar
‘’Mirë fillimisht ishte befasi . Në fillim unë nuk e dija se do të luaj me këtë ekip. Kam luajtur kundër Shkëndijës, mendoj ishte në fillim të sezonit, ishte ndeshje e vështirë, dolëm me barazim 1-1. Por sigurisht unë pashë vërtet cilësi të mirë. Sigurisht se kur kam dëgjuar se ky ekip më dëshiron mua isha shumë i lumtur sepse unë vërtet dua të luaj për këtë për këtë skuadër’’
Përforcimi më i ri i Shkëndijës senegalezi Tamba ka pohuar se nuk ka njohuri për historikun e Shkëndijës por e dinë që është skuadër e madhe.
“Mirë, vërtet nuk e di storjen e plotë, por sigurisht se do të tentoj të mësoj sa më shumë që do të mundem. E di se është ekip i madh, ambicie të mëdha, edhe presion i madh. Por e di se ekipi dëshiron të jetë kampion, të fitojmë ligën sigurisht. Mendoj tani jemi në krye të renditjes dhe e di se jam këtu për atë. Jam këtu të ndihmoj ekipin sa më shumë që do të jetë e mundur, të ndihmoj ekipin të realizojë ambiciet. Mirë, mendoj se ne do t’ia dalim.”
Futbollisti Fabrice Tamba I cili nga sot edhe zyrtarisht është pjesë e ekipit tetovar që nga dita e sotme do të udhëton në Antalia për t’iu bashkangjitur ekipit në përgatitje për pjesën pranverore të kampionatit
Shaban Sinani / TV Koha
FIFA ka nisur një hetim disiplinor ndaj incidenteve që ndodhën pas finales së Kupës së Botës 2026, ku Spanja mposhti Argjentinën me rezultat 1:0, ndërsa disa futbollistë argjentinas rrezikojnë pezullime të gjata.
Pamjet pas përfundimit të ndeshjes në stadiumin “MetLife” në Nju Jersey shfaqën përplasje mes lojtarëve të të dyja kombëtareve. Sipas raportimeve, Leandro Paredes dhe Nahuel Molina ishin ndër protagonistët kryesorë të incidenteve. Paredes dhe Thiago Almada rrëzuan në tokë mesfushorin spanjoll Gavi, ndërsa Paredes u pa gjithashtu duke e kapur për fyti mbrojtësin Eric Garcia. Nga ana tjetër, Molina dyshohet se goditi me grusht Rodrin, ndërsa Nicolas Otamendi pati një përplasje të ashpër verbale me mesfushorin spanjoll.
Gjatë ndeshjes, Enzo Fernandez u përjashtua me karton të kuq pas dy kartonëve të verdhë, ndërsa fillimisht u raportua se edhe Paredes ishte ndëshkuar pas fishkëllimës përfundimtare. Megjithatë, FIFA sqaroi se kartoni i kuq për Paredes nuk figuron në raportin zyrtar të arbitrit Slavko Vinçiç, duke e hequr atë nga evidencat disiplinore.
Pavarësisht kësaj, organi qeverisës i futbollit botëror ka konfirmuar hapjen e një procedure disiplinore. Në një deklaratë zyrtare, FIFA bëri të ditur se, pas shqyrtimit të raporteve të ndeshjes dhe në përputhje me nenin 36 të Kodit Disiplinor, është emëruar një prokuror disiplinor dhe etik për të hetuar shkeljet e mundshme që lidhen me incidentet pas finales. Vendimi përfundimtar do të merret pasi të përfundojë raporti i hetimit.
Kupa e Botës me 64 ekipe po bëhet gjithnjë e më shumë realitet. Në një postim në llogarinë e tij X, Alejandro Dominguez, president i CONMEBOL (Federata e Futbollit të Amerikës së Jugut), njoftoi zgjerimin me 64 ekipe për edicionin e ardhshëm: “Edicioni tjetër do të luhet në shtëpi. Uruguai, Argjentina dhe Paraguai do të presin Kupën e Botës 2030. Një mundësi e shkëlqyer për futbollin, për të festuar 100-vjetorin e Kupës së Botës me një garë me 64 ekipe”. Këto fjalë tingëllojnë si një njoftim zyrtar, duke pasur parasysh se vetë Dominguez është një nga mbështetësit kryesorë të garës së zgjeruar.
Koha e njoftimit është praktikisht perfekte, duke pasur parasysh se disa ditë më parë, Presidenti i FIFA-s, Gianni Infantino, konfirmoi se ideja po diskutohet dhe se ka një hapje të madhe ndaj mundësisë për një numër të tillë: “Të gjithë duhet të jenë në gjendje të marrin pjesë në Kupën e Botës, jo vetëm Evropa apo Amerika Latine. Kjo është sigurisht një çështje që do të shqyrtohet dhe diskutohet brenda komiteteve përkatëse pas këtij Botërori”.
Ndërsa CONMEBOL po shtyn përpara një Kupë Bote me 64 ekipe (ideja u hodh për herë të parë në mars 2025 nga presidenti i Federatës së Futbollit të Uruguait, Ignacio Alonso), ka nga ata, siç është Presidenti i UEFA-s, Ceferin, të cilët argumentojnë se është “një ide e keqe”. Për më tepër, presidenti i CONCACAF, Victor Montagliani, kishte shprehur gjithashtu kundërshtimin e tij. Përtej një zgjedhjeje sportive, është edhe politike: në fakt, CONMEBOL, mbështetësi kryesor i Kupës së Botës të zgjeruar, tashmë ka mbështetur Infantinon në përpjekjen e tij për t’u rizgjedhur në vitin 2027. Kjo është arsyeja pse tema e zgjerimit të Kupës së Botës 2030 mund të bëhet një çështje kyçe.
Garat e UEFA Konferencë Liga vazhdojnë nga dita e nesërme me disa ndeshje të raundit të dytë kualifikuese. Vardari nesër është nikoqire e ekipit Riga të Letonisë
Kujtojmë se ekipi i Vardarit në xhiron e parë në garat kualifikues në Ligës së Kampionëve u eliminua nga kampioni i Finlandës KUPS, ndërsa tani vazhdon garat në Konferencë Liga.
Ndeshja e parë zhvillohet nesër në stadiumin e qytetit në Shkup ndërsa ajo kthyese pas një jave në Riga. Nga ekipi Vardarit kanë njoftuar opinionin se nëse skuadra kualifikohet në raundin e tretë të këtij kompeticioni të garave do të ketë premio nga 10 mijë euro për çdo futbollist!
Shkëndija e Tetovës e cila është bartëse e grupit të enjten me fillim në ora 20:30 është mysafire e ekipit NK Bravo të Sllovenisë.
Skuadra Kuqezi nga dita e sotme ka udhëtuar për në Lubjanë , ndërsa nesër në stadiumi ‘‘Stozhice’ do të zhvillon seancën zyrtare për ndeshjen e së enjtes.
Ndërkohë Shkëndija ka mësuar kundërshtarin e mundshëm në raundin e tretë të Ligës së Konferencës së UEFA-së.
Në rast të kalimit të NK Bravo-s, kuqezinjtë do të përballen me fituesin e duelit ndërmjet Malishevës dhe Hibernianit.
ÇFARË DO TË THOTË SHPALLJA E GJENDJES SË KRIZËS NË GOSTIVAR ?
QEVERIA SHPALL GJENDJE KRIZE 30-DITORE NË KOMUNËN E GOSTIVARIT
“TETOVA N`FESTË”: TETOVA FESTOI ME FËMIJËT!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
