Lajme nga vendi
Kallëzim penal për dy zyrtarë të MPB-së për prokurim të kundërligjshëm publik prej 47 milionë denarësh
Drejtoria për Polici Financiare në Prokurorinë Publike për Ndjekjen e Krimit ka bërë kallëzim penal ndaj Zh. T. në cilësinë e ndihmës ministrit në Ministrinë e Punëve të Brendshme dhe kundër A.S në cilësinë e Udhëheqësit të Departamentit për Prokurim, Menaxhment dhe Logjistikë në Ministrinë e Punëve të Brendshme për shkak të ekzistimit të dyshimit të bazuar për kryerjen e veprës penale Keqpërdorim i pozitës zyrtare dhe autoritetit nga Kodi Penal i Republikës së Maqedonisë së Veriut, transmeton Portalb.mk.
“I denoncuari i parë Zh. T. në cilësinë e personit përgjegjës, ndihmësministër në Ministrinë e Punëve të Brendshme të RMV-së, duke mos ushtruar kompetencat e tij zyrtare me vetëdije dhe me qëllim të paracaktuar, nuk ka marrë vendim për prokurimin publik nga një procedurë e hapur për prokurimin e Shërbimeve për servisimin e automjeteve në pronësi të Ministrisë së Brendshme në vitin 2018, megjithëse në dhjetor është miratuar një plan për plotësimin e Planit Vjetor për ta zbatuar atë në dhjetor 2018, nuk ka ndërmarrë veprime për fillimin dhe publikimin në kohë të procedurës së rregullt dhe ka rrezikuar sigurinë e punonjësve të MPB-së, gjë që ka sjellë automjetet në gjendje defekti dhe pamundësi që të njëjtat të servisohen në atë mënyrë që nuk ka sjellë vendim në periudhën sa më të shpejtë të mundshme pas sjelljes së Planit të ri Vjetor për prokurimin publik për vitin 2019 dhe kështu me vetëdije i ka sjellë të gjithë në gjendje të jashtëzakonshme me qëllim të zbatimit të procedurës emergjente duke miratuar Vendim për zbatimin e procedurës emergjente me negocim pa shpallur shpallje për Riparimin dhe servisimin e PMV dhe TMV në të cilën procedurë u janë dërguar vetëm operatorëve të caktuar ekonomik”, thonë nga Policia Financiare.
I denoncuari i dytë A. S. në cilësinë e Udhëheqësit të Departamentit për Prokurim, Menaxhment dhe Logjistikë në Ministrinë e Punëve të Brendshme të RMV-së, detyrë e të cilit ishte të zbatonte vendimet e marra nga ndihmësministri, ndonëse ishte i obliguar që të obligojë një person i cili do të shpallë thirrje për prokurimit publik nga një procedurë e hapur, nuk e ka bërë këtë dhe kështu nuk ka lejuar operatorët e tjerë ekonomikë të interesuar të marrin pjesë në të njëjtën procedurë, bazuar në atë që i denoncuari i parë Zh. T. ka lidhur marrëveshje kornizë pas procedurës urgjente me negocim pa shpallje të thirrjes, në të cilën i pandehuri i parë së bashku me të pandehurin e dytë kanë mundësuar përfitime pasurore të kundërligjshme për bartësit e prokurimit Kop Company DOOEL Shkup, Përzho Avtokompleks DOOEL Manastir, Automakedonija ShA Shkup, DTU Auto servis Rade DOOEL eksport-import f. Tearcë Tetovë dhe MI – DA Grand Motors DOO Shkup, 9.440.000,00 denarë individualisht për secilin person juridik, gjegjësisht në total 47.200.000,00 denarë me TVSH.
Kujtojmë se pak ditë më parë, Policia Financiare ngriti padi kundër një udhëheqësje të një kompanie nga Shkupi pasi ka dëmtuar buxhetin e FSSH-së me 140 mijë euro. Në këtë mënyrë, siç thotë Policia Financiare, ajo ka mashtruar Fondin për të lidhur kontratë për blerjen dhe dorëzimin e mjeteve ndihmëse ortopedike të papërshtatshme të quajtur “Ortoza e hipit me nyje” në periudhën 1.1.2014 deri më 31.12.2016.
Kryetari i Komunës së Çairit, Izet Mexhiti, ka vlerësuar rëndësinë e ruajtjes dhe zhvillimit të sportit të mundjes, duke theksuar se Shkupi vazhdon të jetë një nga qendrat më të rëndësishme të këtij sporti në vend.
Përmes një postimi në rrjetin social Facebook, Mexhiti tha se aktiviteti “Vera Kulturore dhe Sportive” ka bashkuar traditën, të tashmen dhe të ardhmen e sportit të mundjes, duke rikujtuar emrat e mëdhenj që kanë lënë gjurmë në historinë sportive shqiptare.
“Shkupi, qyteti që i dha sportit emra të mëdhenj si Mentaz Allajbegu, Shaban Tërstena dhe Shaban Sejdiu, vazhdon të mbetet vatër e traditës së lavdishme të mundjes”, ka shkruar Mexhiti.
Ai ka veçuar edhe kontributin e mundësit dhe trajnerit Besir Alili, për të cilin tha se po e mban gjallë këtë trashëgimi me përkushtim dhe profesionalizëm, duke bërë që fryma e kampionëve të vazhdojë të jetojë dhe të frymëzojë brezat e rinj.
Sipas Mexhitit, fëmijët që janë pjesë e aktiviteteve sportive përfaqësojnë shpresën për kampionët e së ardhmes, duke dëshmuar se tradita e mundjes në Shkup vazhdon të kultivohet dhe të zhvillohet.
“Këta fëmijë, plot ëndrra dhe vullnet, përfaqësojnë brezin e ri dhe shpresën për kampionët e nesërm”, theksoi ai.
Hekurudha e dëmtuar në rrugën që të shpie drejt fshatit Falishtë do duhet të pres deri sa të bëhet rruga e re, nga Bervernica përmes lagjes Jashtë Vardarit e që të shpie deri te fabrika e Teteksit. Pavarësisht se ky kalim po ua shkatëron veturat banorëve dhe bizneseve që gravitojnë në këtë zonë por edhe kalimtarëve të rastit, kreu i Komunës së Tetovës Bilall Kasami thotë se janë të njoftuar për problemin dhe se për këtë janë në komunikim me Hekurudhat e Maqedonisë.
BILALL KASAMI – Kryetar i Komunës së Tetovës
“Në atë pikë do të dal edhe rruga që është duke u ndërtuar nga rruga për në Bërvenicë, përmes lagjes jashtë vardarit, fabrikës së Teteksit dhe do të dal rreth hekurudhës dhe do të dal në atë pikë aty. Fazën finale të realizimit të rrugës do të shohim edhe mundësinë që bashkë të rregullohet edhe hekurudha. Kemi kërkesë edhe deri te Komuna, kemi një komunikim edhe me hekurudhat e Maqedonisë” tha Kasami.
Kasami tha se qëllimi është që projekti i rregullimit të kësaj pjese të bëhet i plotë dhe me të gjitha standardet e jo gjysmak andaj ai apeloi për durim dhe mirëkuptim deri në përfundimin e plotë të punimeve që sipas tij nuk do të zgjasin shumë.
BILALL KASAMI – Kryetar i Komunës së Tetovës
“Jemi duke kërkuar zgjidhje se si të rregullohet ajo çështje shkaku se aty me projektin për hapjen e rrugës ka edhe kanalizim atmosferik dhe fekal dhe aty do të shohim edhe rregullimin e kanalizimeve. Pra edhe aty nuk është thjeshtë merremetimi i rrugës por është një projekt serioz me gjithë infrastrukturën mbitokësore dhe nëntokësore. Sepse janë projekte të cilat ne nuk duam t’i bëjmë shkel e shko por duam t’i bëjmë edhe stuktrën përciellëse. Pra po kemi kërkesë dhe jemi duke e shqyrtuar mënyrën se si ta realizojmë të njëjtën” shtoi Bilall Kasami, Kryetar i Komunës së Tetovës.
Përndryshe Televizioni Koha ka raportuar disa herë për këtë rrugë dhe problemet që hasin qytetarët gjatë kalimit të hekurudhës. Banorët madje i thanë ekipit të Kohës se kanë bërë kërkesë deri te drejtoria e hekurudhave që ta rregullojnë këtë kalim me vetëiniciativë por nuk kanë marr fare përgjigje.
Përndryshe, ka vite të tëra që në këtë herkurudhë nuk kalon asnjë tren, megjithatë, kalimi ka mbetur i dëmtuar dhe për vite me rradhë nuk është ndërmarr asgjë./Tv Koha/
Pas shënimit të ditëlindjes së VMRO-DPMNE-së, Izet Mexhiti, Bilall Kasami dhe Maksim Dimitrievski pritet që në fund të javës të ulen në një tryezë të përbashkët me Kryeministrin Mickoski për të diskutuar përbërjen e re të Qeverisë. Sipas partnerëve të koalicionit të VMRO-DPMNE-së, në takim do të marrin pjesë edhe sekretarët e përgjithshëm të partive ose koordinatorët e grupeve parlamentare.
Pas 17 qershorit, pas festimit të ditëlindjes së VMRO-DPMNE-së, pritet të nisin bisedimet e Kryeministrit Hristijan Mickoski me partnerët e koalicionit qeveritar lidhur me rikonstruimin e Qeverisë.
Kryeministri deklaroi se gjërat do të bëhen më të qarta pasi të ulet në një tryezë të përbashkët me drejtuesit e VLEN-it dhe ZNAM-it për të diskutuar ndarjen e resorëve dhe rotacionet e mundshme në disa ministri.
Ai theksoi se qëllimi nuk është që me çdo kusht të shkohet në zgjedhje të parakohshme parlamentare, por nëse kundërshtarët politikë i provokojnë ato, qeveria është e gatshme edhe për atë skenar.
Mediat njoftojnë se takimet do të zhvillohen me liderët e VLEN-it dhe ZNAM-it, përkatësisht me Izet Mexhitin dhe Bilall Kasamin si përfaqësues të bllokut politik shqiptar në qeveri, si dhe me Maksim Dimitrievskin nga ZNAM, i cili do të shoqërohet nga sekretari i përgjithshëm i partisë ose koordinatori i grupit parlamentar.
Çështja e rikonstruimit ka hapur edhe dilema rreth asaj se kush do ta zërë vendin e Arben Fetait në resorin e Qeverisjes së Mirë, pasi ai dha dorëheqje pas reagimeve të opinionit publik dhe opozitës se nuk paraqitej në punë, ndërsa më pas u emërua nga kryeministri si përfaqësues i lartë i vendit në Bruksel.
Rikonstruimi i ri ka hapur debat edhe për Ministrinë e Politikës Sociale, Demografisë dhe Rinisë, pasi Ministri Limani deklaroi se nuk është më pjesë e VLEN-it, ndërsa kjo koalicionon këmbëngul se ministria u takon atyre.
Përveç VLEN-it dhe ZNAM-it, të dyja palët presin t’i mbajnë resorët e tyre, por nuk e përjashtojnë mundësinë e rokadave të caktuara.
Në opinion është spekuluar se ekziston mundësia që zëvendëskryeministri Bekim Sali të kalojë në krye të Ministrisë së Shëndetësisë, një sektor që ai e ka drejtuar edhe në periudhën 2022–2023. Gjithashtu, nuk përjashtohet mundësia e ndryshimeve të tjera mes partnerëve të koalicionit në këtë resor.
Spekulimet për largimin e ministrit të Drejtësisë, Igor Filkov, janë hedhur poshtë nga lideri i ZNAM-it, Maksim Dimitrievski, megjithatë fjalën e fundit do ta ketë mandatari dhe kryeministri Hristijan Mickoski.
Megjithatë, nëse rikonstruimi do të jetë i vogël apo i gjerë do të varet kryesisht nga planet e qeverisë për zgjedhje të mundshme të parakohshme parlamentare.
Kryeministri ka deklaruar disa herë se zgjedhjet po afrohen dhe mund të mbahen edhe vitin e ardhshëm.
Për këtë arsye, nuk përjashtohet mundësia që rikonstruimi të jetë më i kufizuar, megjithëse priten edhe emra të rinj, veçanërisht nga VLEN-i për ministritë e përmendura./Tv Koha/
Mexhiti: Shkupi vazhdon të mbetet vatër e traditës së lavdishme të mundjes
KASAMI PREMTON RREGULLIMIN E KALIMIT TË HEKURUDHËS PËR NË FALISHTË
NBA: NEW YORK KNICKS KAMPION PAS 53 VITEVE!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
