Sport

KF SHKËNDIJA SIPAS PLANIT VIJON PËRGATITJET NË ANTALI

Published

2 years ago

February 4, 2025

Shkëndija e Tetovës në kuadër të përgatitjeve të fazës kryesore të përgatitjeve për pjesën pranverore të kampionatit në Antali, ka zhvilluar ndeshjen e tretë kontrolluese në tokën turke dhe të pestën gjatë përgatitjeve. Në ndeshjen e tretë në Antali, pësoi disfatën e tretë kësaj radhe nga skuadra austriake Sent Polten me rezultatin 1-0 . Trajneri Jeton Beqiri në këtë ndeshje ka vijuar me kombinimet në formacion, duke testuar alternativa të ndryshme për gjysmë sezonin pranveror dhe e ka vlerësuar si ndeshje më të mirë në krahasimi me dy ndeshjet tjera por vazhdon shpërdorimi i rasteve.

‘’Mendoj se nga ndeshja që kemi lozur sot kemi luajtur më mirë. Është situatë e përsëritshme d.m.th shpërdorojmë para portës pastaj pranojmë gola po më e rëndësishme është tu jepet mundësia të gjithë futbollistëve, që të gjithë të angazhohen të marrin minutazhin dhe pastaj duke mos pasur dëmtime që unë jam i kënaqur. Në këtë aspekt ekipi qëndron mirë dhe përgatitemi që të jemi të përgatitur maksimalisht për fillimin e kampionatit’’ deklaroi Jeton Beqiri trajner i KF Shkëndija

Trajneri Beiqiri duke komentuar rezultate nga pesë ndeshjet kontrolluese theksoi se në këto momente rezultatet nuk janë në plan të parë por qëllimi është të gjithë futbollistët të jenë ,maksimalisht të përgatitur.

‘’Normalisht rezultatet në këto moment nuk janë në plan të parë për shkak se kampionatit në krahasim me ndeshjet miqësore kanë totalisht ide tjetër. Për ne e rëndësishme është të punohet mirë të ketë intensitet dhe futbollistët të japin maksimumin dhe të jemi me fat ashtu siç kemi qenë deri në këtë moment sa i përket çështjes së lëndimeve’’deklaroi trajneri Beqiri

Shkëndija deri në fund të fazës përgatitore në Antalia do të zhvillon edhe një ndeshje përgatitjeve kontrolluese kësaj radhe kundër gjigantit ukrainas Dinamo Kievit që do të zhvillohet më 6 shkurt.

Shaban Sinani – TV Koha

Sport

LIGA E KATERT: KF BESA RRUGËTON FUQISHËM – KATËR FITORE RADHAZI

Published

20 hours ago

October 27, 2026

TetovaExpres

Java e katërt në Ligën e katërt rajoni i gjashtë karakterizohet me tre fitore të vendasve, një barazim dhe një fitore e e mysafirëve dhe me 24 gola të shënuar. KF Besa vazhdon startin perfekt me katër fitore në po aq ndeshje.

Sezoni vjeshtor në Ligën e Katërt – Rajoni i Gjashtë, ka vazhduar me ndeshjet e xhiros së katërt.

Në pesë ndeshje e zhvilluara vendasit kanë regjistruar tre fitore një ndeshje ka përfunduar me barazim, ndërsa në një ndeshje ka fituara skuadra mysafire ku janë shënuar 24 gola.

Besa e Çellopekut vazhdon rrugëtimin e fitoreve, kësaj radhe në transfertë në stadiumin e Zhelinës mundi ekipin e Treboshit me rezultat të thellë 0-5.

Për Besën kjo ishte fitorja e katërt nga po aq ndeshje të zhvilluara në sezonin vjeshtor.

Ndeshja e vetme që ka përfunduar me barazim 1-1 është takimi Nerashti – Dardania.

Në tre ndeshjet tjera fitore kanë regjistruar ekipet vendase dhe atë Flamurtari – Rinia 6-3, Renova – Genç Kalemler Sport 4-2 dhe Pallatica – Piroku 2-0.

Tabelën e kryeson Besa me 12 pikë.

SHABAN SINANI – TV KOHA

Sport

FUTBOLL I FEMRAVE: LUBOTENI VAZHDON TË MBAN PRIMATIN NË RENDITJE

Published

21 hours ago

October 27, 2026

TetovaExpres

Një fitore e vendasve dhe katër tw atyre mysafire është epilogu i javës së 10-të në Ligën e Parë të futbollit për femra. Luboteni kryeson me 25 pikë.

Java e 10-të e sezonit vjeshtor në Ligën e Parë të futbollit për femra ka prodhuar një fitore për vendaset dhe katër fitore për mysafiret dhe 16 gola të shënuar.

Lideri në renditjen e tabelës Luboteni i Tetovës kthehet me fitore 2-1 dhe tre pikë nga transferua me Kamenica Kamenicë duke vazhduar të mbanë pozitën e parë.

Fitore të thellë 0-7 në transfertë ka regjistruar Skopje 2014 ndaj Koçanit .

Tiverija Brera ka shënuar fitore minimale 0-2, por shumë të rëndësishme ndaj Pelisterit Pro 2026, ndërsa Vardari 2023 ka mposhtur 0-1 ekipin Istatov 2015 Skopje .

Pas kompletimit të ndeshjeve të xhiros së 10-të, tabelën e kryeson Luboteni me 26 pikë para Skopjes 2014 me 23 dhe Tiverija Brera me 22 pikë.

SHABAN SINANI – TV KOHA

Sport

HARI KEJN FITUES I TOPIT TË ARTË – URON EDHE KF SHKËNDIJA!

Published

21 hours ago

October 27, 2026

TetovaExpres

Hari Kejn është fitues i Topit të Artë të revistës „France Football“ për vitin 2026! Sulmuesi i Bajernit të Mynihut mori më së shumti vota në konkurrencë me Lamin Jamalin, Kilijan Mbapenë, Majkëll Olisen, Hviça Kvaratshelian dhe yjet e tjerë të futbollit botëror, duke fituar çmimin më prestigjioz individual në futbollin botëror.

Heri Kejn anglezi 33-vjeçar shkroi histori, duke u bërë futbollisti i parë anglez pas Majkëll Ouenit, në vitin 2001, që fiton këtë çmim. Ceremonia solemne e edicionit të 70-të të ndarjes së Topit të Artë u mbajt në sallën „Palladium“ në Londër, ku u mblodhën emrat më të mëdhenj të futbollit botëror.

Pas këtij vlerësimi historik qëndron një nga sezonet më të mira të karrierës së sulmuesit anglez. Kejn shënoi gjithsej 73 gola në 65 ndeshje gjatë sezonit 2025/26, për Bajernin e Mynihut dhe përfaqësuesen e Anglisë.

Në konkurrencën e femrave, Topi i Artë për vitin 2026 i takoi futbollistes spanjolle Aleksia Puteljas.

Lamin Jamal fitoi çmimin „Kopa“ për futbollistin më të mirë të ri, në konkurrencë me Pau Kubarsin, Uoren Zair-Emery, Lenart Karl dhe Jan Diomande.

Çmimin ia dorëzoi fituesi i mëparshëm i Topit të Artë, Andrij Shevçenko. Pas pranimit të trofeut, Jamali u shpreh me modestinë se bashkëlojtari i tij te Barcelona dhe përfaqësuesja e Spanjës, Pau Kubarsi, e meritonte më shumë këtë vlerësim.

Në konkurrencën e femrave, çmimi i takoi Viktoria Lopezit nga Barcelona.

Për herë të parë u ndanë edhe çmimet për trajnerët më të mirë në konkurrencën e meshkujve dhe femrave, të emërtuara në nder të legjendës Johan Cruyff.

Në konkurrencën e femrave, çmimin e fitoi trajneri i Barcelonës, Pere Romeu.

Te meshkujt, çmimi i takoi përzgjedhësit të Spanjës, Luis de la Fuente, i cili e udhëhoqi përfaqësuesen drejt titullit botëror.

Çmimi „Lev Yashin“, që i ndahet portierit më të mirë të sezonit, në konkurrencën e femrave i takoi Kata Kolit nga Barcelona.

Në konkurrencën e meshkujve, fitues ishte Unai Simon, portieri i Atletik Bilbaos dhe i përfaqësueses së Spanjës.

Bukajo Saka nga Arsenali fitoi çmimin „Sokrates“, i cili ndahet për kontribut të veçantë humanitar dhe aktivitete jashtë fushave të futbollit.

Barcelona u shpall klubi më i mirë i vitit në konkurrencën e femrave, kurse PSG në atë të meshkujve.

Heri Kejn përjetoi atë që ëndërron çdo fëmijë. Teksa po merr urime nga të gjitha anët, vlen të veçohet edhe mesazhi i Shkëndijës së Tetovës, e cila në të kaluarën e kishte Harrin si kundërshtar.

„Krenarë që rrugët tona u kryqëzuan me fituesin e Topit të Artë! Urime, Hari Kejn!“, thuhet në urimin e Shkëndijës.