Qendra pë Hulumtime “Alternativa”, ka publikuar sondazhin e fundit për zgjedhjet 2025, sondazh ky i cili nxjerr Lëvizjen Vetëvendosje të parën me 52.7 për qind, pasuar nga PDK si e dyta, e partia e tretë nga ky sondazh del të jetë LDK.
LVV në rritje dhe fituese, PDK dhe LDK shënon rënie, AAK e NISMA e kalojnë prgaun, ndërsa Lista për Familjen rrezikon pragun!
Sipas Qendres për Hulumtime Sociale Ekonomike Politike “ALTERNATIVA”, observator i matjeve të opinionit publik, i realizuar përfunduar këtë fundjavë, e nxjerr firuese Lëvizjen Vetvendosje (LVV) në pyetjën drejtuar qytetarëve për “Zgjedhjet Parlamentare 2025”, e cila ka realizuar sondazhin për partitë politike në Kosovë me një pyetje të vetme, drejtuar të anketuarëve, se; Cilit subjekt politik në Kosovë do ti besonit, pas dy javë fushate për ditën e diel 09 shkurt 2025? Përgjigja ka rezultuar me rënie sasiore të subjekteve politike PDK dhe LDK, dhe gjithashtu AAK –së, krahasuar me rezultatet e zgjedhjeve parlamentare të vitit 2021. Patria në Pushtet VV ka rriur një epërsi të lehtë në vlerë respoduese prej VV – 52.7%, derisa vlerat numerike për partitë opozitare si: PDK – 16.8%, LDK – 14.2%, AAK – Nisma, Intelektualët dhe Konservatorët – 7.6% dhe Lista për Familjen – 3.5%, derisa këto subjeke tregojne rezultat më të ultë tani se në zgjedhjet e kaluara, e që ishin PDK – 19%, LDK – 15% dhe AAK 8%.
Sondazhi është mbajtur me të anketuar të profileve dhe të grup moshave të ndryshme, të cilët janë përgjigjur me pjesëmarrje në grup mosha të respodentëve është në (5) pesë kategori moshash, duke filluar prej 18-25, 26-35, 36-45, 46-55, 56-65 vjet.
Rezultatet e sondazhit tregojnë një përfaqësim të ndryshëm të mbështetjes për partitë në varësi të grupmoshave, rajoneve dhe komunave. LVV, e cila ka arritur një mbështetje të fuqishme prej 52.7%, ka marrë mbështetje të madhe në rajonet më të urbanizuara dhe në komunat më të mëdha, ku qytetarët janë më të angazhuar politikisht.
PDK, me 16.8% të mbështetjes, mbetet e fortë në disa rajone të caktuara, përfshirë ato ku janë më të pranishëm votuesit e grupeve të moshuara, të cilët kanë një lidhje të thellë historike me këtë parti. LDK, e cila ka arritur 14.2% të mbështetjes, ka pësuar një rënie të konsiderueshme, veçanërisht në komunat ku më parë kishte qenë e fortë, duke reflektuar humbjen e besimit nga një pjesë e elektoratit.
AAK, së bashku me partitë Nisma, Intelektualët dhe Konservatorët, ka arritur 7.6%, është përqendruar kryesisht në komunat e vogla dhe ato rurale, ku politikat e saj kanë rezonuar më shumë me nevojat lokale. Lista për Familjen, me 3.5%, ka pasur mbështetje të dukshme në disa zona ku çështjet sociale dhe familjare janë prioritet, ndërsa partitë e tjera, që përbëjnë 5.2% të mbështetjes, kanë arritur një përkrahje të përhapur në disa rajone specifike dhe komuna minoritare më të vogla.
Në përgjithësi, ky rezultat tregon se mbështetja për partitë është e ndarë jo vetëm sipas ideologjisë, por edhe sipas territorit dhe grupeve demografikë, ku çdo rajon dhe komunë ka influencën e vet në rezultatet e përgjithshme të votës nacionale.
