Lajme nga vendi
Burim Latifi: Linja e transmisionit me Shqipërinë ka rëndësi strategjike për të gjithë rajonin
Ndërtimi i linjës së transmisionit 400 kV midis Maqedonisë së Veriut dhe Shqipërisë është një nga projektet më të rëndësishme infrastrukturore që aktualisht po realizon SH.A MEPSO. Në një intervistë për Faktor.mk më 11 shkurt 2025, drejtori i gjeneral i MEPSO, Dr. Burim Latifi, theksoi se kjo linjë ka një rëndësi të madhe jo vetëm për Maqedoninë e Veriut, por për të gjithë rajonin.
“Ndërtimi i linjës interkonektive me Shqipërinë është një nga projektet më të rëndësishme për lidhjen energjetike në rajon dhe ne jemi të vendosur ta përfundojmë me sukses,” ka deklaruar Latifi, duke theksuar se ky projekt do të mundësojë një lidhje më të mirë të sistemit energjetik të Maqedonisë së Veriut me tregun evropian dhe do të rrisë sigurinë në furnizim.
Projekti është pjesë e një iniciative më të gjerë për rritjen e integrimit rajonal të energjisë elektrike, e cila do të kontribuojë për një përdorim më efikas të energjisë. Burim Latifi shpjegoi se me këtë interkoneksion do të krijohen kushte për uljen e varësisë nga burimet e shtrenjta të energjisë në kohë krizash, gjë që do të jetë një përfitim i madh për qytetarët dhe konsumatorët industrial.
“Ky projekt jo vetëm që do të përmirësojë sigurinë e furnizimit, por gjithashtu do të mundësojë një shkëmbim më efikas të energjisë elektrike mes dy vendeve, gjë që ka rëndësi jetike për tranzicionin energjetik të të gjithë rajonit. Me masat e marra dhe përkushtimin tonë, jemi të bindur se do të kapërcejmë sfidat dhe do ta realizojmë projektin sipas planit,” shtoi Latifi.
Sipas të dhënave zyrtare, ndërtimi i linjës së transmetimit mbështetet nga Banka Evropiane për Rindërtim dhe Zhvillim (BERZH) dhe realizimi i saj do të zgjasë disa vite. Me këtë investim, Maqedonia r Veriut do të përfitojë kushte ndjeshëm të përmirësuara për menaxhimin e furnizimit dhe mundësi për një integrim më të mirë me shtetet fqinje.
SH.A MEPSO do të vazhdojë të investojë në projekte që do të sigurojnë furnizim stabil dhe të qëndrueshëm me energji elektrike, çka është thelbësore për të ardhmen energjetike të vendit.
Lajme nga vendi
Nga viti i ardhëshëm drejtimet Informatikë dhe Programim në Gjimnazin “7 Marsi” – Tetovë. Propozimi i këshilltarit të ASH, Arlind Murtezani, mirëpritet dhe pranohet nga Komuna e Tetovës
Nga viti i ardhëshëm drejtimet #Informatikë dhe #Programim në #Gjimnazin “7 Marsi” – Tetovë. Propozimi i këshilltarit të ASH, Arlind Murtezani, mirëpritet dhe pranohet nga Komuna e Tetovës!, theksohet në komunikatën e ASH-së, të cilën MIA e transmeton në formë integrale.
Këshilltari i Aleancës për Shqiptarët, Arlind Murtezani, në mbledhjen e fundit të Këshillit Komunal të Tetovës, propozoi që nga viti i ardhëshëm shkollor, në Gjimnazin “7 Marsi” të hapen dy drejtime të reja për Informatikë dhe Programim. Në arsyetimin e tij, Murtezani tha se janë mbi 400 nxënës që ndjekin kurse private në këto drejtime dhe se hapja e paraleleve në shkollë të mesme do tu ndihmonte nxënësve të avansojnë në këto drejtime inovative që janë trend botëror dhe do ti përgadit ata për studime të suksesshme universitare dhe arritje të larta në Informatikë dhe Programim. Ai ftoi edhe Këshillin komunal dhe Kryetarin e Komunës që të mbështesin iniciativën për të mirën e të rinjëve dhe qytetarëve të Tetovës dhe bashkërisht të realizojnë këtë projekt. Iniciativa e këshilltarit Arlind Murtezani u mirëprit edhe nga udhëheqësia e Komunës së Tetovës, ndërsa përgjegjësi për arsim në përgjigjen e tij tha se para vitit të ardhëshëm shkollor do të dërgojnë kërkesë në ministri për të siguruar miratimin final dhe nga shtatori i ardhëshëm të fillojnë dy drejtimet e reja në Gjimnazin “7 Marsi” në Tetovë.
Një grua 39-vjeçare nga Tetova ka rënë pre e një mashtrimi përmes aplikacioneve celulare, Më 01.01.2026 në ora 16:20, ajo ka denoncuar në SPB Tetovë se është mashtruar për shumën prej 280 eurosh nga personi A.K. nga Serbia. Sipas denoncimit, i dyshuari i kishte premtuar ndihmë financiare për fëmijën e saj, por fillimisht i kërkoi para si “garanci”. Pasi paratë u transferuan, ai kërkoi edhe më shumë, moment kur viktima kuptoi se ishte mashtruar. Rasti po hetohet.
Lajme nga vendi
Durmishi: Ligjet e reja i japin goditje ekonomisë gri dhe mbështetjes të fortë ekonomisë formale
Formalizimi i ekonomisë gri është një nga përcaktimet më të larta strategjike të Qeverisë dhe segment kyç i agjendës reformuese, meqë ndikon drejtpërdrejt në rritjen ekonomike, stabilitetin e financave publike dhe mbrojtjen e punëtorëve”, tha ministri i Ekonomisë dhe Punës, Besar Durmishi.
Ai vuri në dukje se sipas të dhënave të Entit Shtetëror të Statistikës, në vitin 2024 në vend ka pasur rreth 694.000 të punësuar, nga të cilët përafërsisht 85.000 kanë qenë të angazhuar në mënyrë informale, gjë që, siç theksoi ai, paraqet sfidë serioze që kërkon zgjidhje sistemore, e jo ad-hok.
Ministri Durmishi përkujtoi se Ministria tashmë edhe deri më tani ka ndërmarrë masa përmes Planit Operativ për Punësim, por analizat kanë treguar se disa nga personat vazhdojnë të mbeten jashtë rrjedhave formale.
“Pikërisht për këtë arsye është miratuar Ligji për Angazhimin me Punë të Personave, i cili fillon të zbatohet nga 1 janari i vitit 2026 dhe paraqet reformë thelbësore në mënyrën e angazhimit të rastësishëm dhe sezonal të punëtorëve”, tha ai
Sipas tij, me këtë ligj, vendoset model më fleksibël dhe të thjeshtuar për punësimin legal të fuqisë punëtore, me kornizë të qartë juridike dhe procedura elektronike për lajmërim, çlajmërim dhe arkëtim të kontributeve. Durmishi theksoi se Ligji mundëson angazhimin me punë e të punësuarve, të papunëve, studentëve, nxënësve dhe pensionistëve, pa humbur me këtë rast të drejtat e tyre tashmë të përvetësuara.
Në fazën e parë, siç informoi ministri, janë përfshirë veprimtaritë ku ekonomia gri është më e theksuar – bujqësia, pylltaria, peshkimi, objektet akomoduese, veprimtaritë e shërbimit të ushqimit dhe veprimtaritë në amvisëri.
“Me zbatimin e ligjit pritet formalizimi i rreth 17.400 persona, nga të cilët deri në 12.000 punëtorë sezonalë në bujqësi dhe rreth 5.400 punëtorë të palajmëruar në turizëm, hotelieri dhe shërbime,” tha Durmishi.
Ai theksoi se reforma sjell përfitime edhe për punëtorët edhe për punëdhënësit, përmes procedurave të thjeshtuara administrative, pagesës në orë, pagesës së kontributeve dhe mbrojtjes së qartë juridike të të drejtave të punëtorëve.
Paralelisht me këtë, ministri përkujtoi se nga 1 janari i vitit 2026, fillon të zbatohet Ligji për Mbështetjen Financiare të Investimeve, gjë që siguron mbështetje financiare për kompanitë që investojnë, krijojnë vende të reja pune dhe realiziojnë rritje të të ardhurave.
“Kombinimi i këtyre dy ligjeve nënkupton njëkohësisht luftimin e ekonomisë gri dhe mbështetjen aktive të ekonomisë formale, me çka shteti krijon klimë të qëndrueshme, të parashikueshme dhe të drejtë afariste”, tha ministri i Ekonomisë dhe Punës, Besar Durmishi.
Nga viti i ardhëshëm drejtimet Informatikë dhe Programim në Gjimnazin “7 Marsi” – Tetovë. Propozimi i këshilltarit të ASH, Arlind Murtezani, mirëpritet dhe pranohet nga Komuna e Tetovës
Mashtrim online në Tetovë: Gruaja humb 280 euro pas premtimit për “ndihmë”
Durmishi: Ligjet e reja i japin goditje ekonomisë gri dhe mbështetjes të fortë ekonomisë formale
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
