Më 02.08.2026 në orën 14:30 në fshatin Gradec, zyrtarë policorë nga Stacioni Policor Gallatë kanë privuar nga liria një 44 dhe një 20 vjeçar dhe dy të mitur, të gjithë nga fshati Gradec, për shkak të dyshimit të bazuar për kryerjen e veprës penale „vjedhje“ e produkteve bujqësore, e raportuar një ditë më parë. Pas dokumentimit të plotë të rastit, do të vijojë parashtresa përkatëse.
…….
Dje në orën 12:00 në lagjen Drenovec, Tetovë, zyrtarë policorë nga SPB Tetovë kanë privuar nga liria një 35-vjeçar nga Tetova, për shkak të dyshimit të bazuar për vepër penale të kryer më parë nga neni 236 i Kodit Penal, e raportuar rreth dy muaj më parë, ku u vjedhën olluqet e gjithë shtëpisë në lagjen Drenovec. Ai është ndaluar në stacionin policor dhe pas dokumentimit të rastit ndaj tij do të vijojë parashtresa përkatëse.
…….
Dje, në bazë të një telegrami të lëshuar nga SPB Tetovë, në Vendkalimin Kufitar „Aeroporti i Shkupit“ është privuar nga liria një 27-vjeçar nga fshati Prelubishtë, në lidhje me veprën penale „rrezikim i sigurisë“. Personi është marrë nga zyrtarët policorë të Stacionit Policor Jegunovcë dhe është dërguar në SPB Tetovë për procedurë të mëtejshme. Pas dokumentimit të rastit ndaj tij do të vijojë parashtresa përkatëse.
…….
Sot në mëngjes, në orën 02:30 në magjistralen Gostivar–Tetovë, te nyja „Tumçevisht“, zyrtarë policorë nga Stacioni Policor për Sigurinë në Komunikacionin Rrugor Gostivar kanë vërejtur një këmbësor i cili po lëvizte në korsinë e rrugës. Gjatë marjes së masave është ndaluar një 50-vjeçar nga fshati Negotinë, te i cili është bërë alkooltestimi dhe është konstatuar prania e 1,65 promilëve alkool në gjak, si dhe gjatë ndërmarrjes së veprimeve zyrtare i njëjti ka nënvlerësuar dhe poshtëruar zyrtarin policor. Ai është ndaluar në stacionin policor dhe pas dokumentimit të rastit ndaj tij do të vijojnë parashtresat përkatëse.
…….
Sot në mëngjes në orën 02:40 në fshatin Negotinë, zyrtarë policorë nga Stacioni Policor Gallatë kanë ndaluar automjetin e pasagjerëve „Fiat“ me targa të Gostivarit, i drejtuar nga një 30-vjeçarnga fshati Negotinë. Gjatë kontrollit është konstatuar se personi e drejtonte automjetin pa marrë të drejtën e drejtimit, gjegjësishtë pa leje drejtimi, me çka ka kryer veprën penale nga neni 297-a i Kodit Penal „Drejtim i papërgjegjshëm i automjetit motorik“. Automjeti është sekuestruar përkohësisht dhe pas dokumentimit të rastit do të vijojë parashtresa përkatëse.
…….
Dje në orën 16:00 në DPB Gostivar është raportuar se në rrugën „Hekurudhat“ në Gostivar ka ndodhur një aksident komunikacioni ndërmjet automjetit të pasagjerëve „Ford Kuga“ me targa zvicerane, i drejtuar nga një 35-vjeçar nga fshati Çegran, i cili ka goditur një këmbësor, një fëmijë katërvjeçar nga Shkupi. Në aksidentin e komunikacionit fëmija ka pësuar lëndime të rënda trupore dhe pas ndihmës së dhënë mjekësore është transferuar në Kompleksin e Klinikave „Nënë Tereza“ në Shkup. Këqyrjen e vendit të ngjarjes e ka kryer ekipi nga DPB Gostivar.
……
Dje në orën 23:00 në DPB Gostivar është raportuar se në rrugën lokale fshati Rostushë – fshati Bitushë ka ndodhur një aksident komunikacioni ku motocikleta „Piaggio“ me targa të Shkupit, e drejtuar nga një 52-vjeçar nga Shkupi, ka dalë nga rruga. Shoferi me automjet të Ndihmës Mjekësore Urgjente nga Shtëpia e Shëndetit Rostushë është transferuar në Spitalin „8 Shtatori“ në Shkup për dhënien e ndihmës mjekësore. Këqyrjen e vendit të ngjarjes e ka kryer ekipi nga DPB Gostivar.
……
Dje në orën 23:40 në SPB Tetovë është raportuar një automjet i djegur i pasagjerëve „Golf“ me targa të Tetovës në rrugën rajonale Tetovë – fshati Bërvenicë. Automjeti drejtohej nga një 30-vjeçar nga fshati Tenovë, e cila ka deklaruar se zjarri ka shpërthyer në pjesën e përparme te motori ndërsa ishte në lëvizje. Nuk ka persona të lënduar, ndërsa zjarri është shuar plotësisht nga ekipi i Njësisë Territoriale Kundër Zjarrit Tetovë. Këqyrjen e vendit të ngjarjes e ka kryer ekipi i SPB Tetovë.
…….
Dje në orën 19:20 në Stacionin Policor Gostivar, një 26-vjeçar nga Egjipti, me vendqëndrim në Gostivar, ka raportuar se rreth orës 19:00 në rrugën „Ilinden“, përpara një tezge pemësh dhe perimesh, është sulmuar fizikisht nga shitësi i tezgës. Sulmit i është bashkuar edhe një femër. Po ndërmerren masa për zbardhjen e rastit.
……
Dje në orën 22:20 në Stacionin Policor Gostivar, një 22-vjeçar nga Gostivari ka raportuar se po atë ditë rreth orës 02:30 në rrugën „Borçe Jovanoski“ në Gostivar, ai dhe shoku i tij janë sulmuar fizikisht nga tre persona të panjohur meshkuj të moshës rreth 25 vjeç. Sipas raportimit, ata gjatë sulmit kanë përdorur edhe sende të ndryshme të forta e druri. Është njoftuar prokurori publik kujdestar dhe po punohet në identifikimin e kryerësve dhe zbardhjen e rastit.
…….
Pas mesnate në orën 00:40 në Stacionin Policor Gostivar, një 28-vjeçar nga Gostivari ka raportuar se më 02.08.2026 rreth orës 17:00 në rrugën e „Balindollit“, pas një fjalosjeje paraprake verbale rreth pastrimit të kanalizimit mes nënës së tij dhe një personi, një person tjetër me një send metalik e ka goditur raportuesin në zonën e krahut të majtë dhe i ka dëmtuar telefonin celular. Po ndërmerren masa për zbardhjen e rastit.
……
Pas mesnate në orën 02:15 në Stacionin Policor Gostivar, një baba 80-vjeçar nga fshati Lakavicë ka raportuar se më 02.08.2026 rreth orës 22:00, pas një fjalosjeje të shkurtër verbale në shtëpinë e tij, është sulmuar fizikisht nga djali i tij J.A.. Po ndërmerren masa për dokumentimin e rastit.
…….
Sot në mëngjes në orën 05:20 në Stacionin Policor Gallatë, një 43-vjeçar nga fshati Negotinë ka raportuar se rreth orës 04:00, ndërsa po rrinte në një restorant në fshat, është sulmuar fizikisht nga një person nga i njëjti fshat. Po ndërmerren masa për zbardhjen e ngjarjes.

Moti sot në Maqedoninë e Veriut do të jetë me diell dhe vranësira.

Në vend do të fryjë një erë e lehtë nga drejtimi verior.

Temperaturat minimale do të lëvizin nga 9 deri 19, ndërsa temperaturat maksimale do të lëvizin nga 33 deri 39 gradë celsius.

Nën ndikimin e një mase të ngrohtë ajri nga jugu, moti do të jetë me diell dhe shumë i ngrohtë me vranësira lokale të lehta deri në mesatare gjatë fundjavës së zgjatur dhe deri në fund të javës së ardhshme.

Instituti i Shëndetit Publik (ISHP) u ka përsëritur qytetarëve thirrjen për të treguar kujdes dhe për të zbatuar masat mbrojtëse, pasi gjatë këtyre ditëve temperaturat pritet të ngjiten mbi 40 gradë Celsius.

Sipas rekomandimeve të ISHP-së, nga ora 11:00 deri në 17:00 duhet evituar qëndrimi drejtpërdrejt nën rrezet e diellit, si dhe kryerja e aktiviteteve fizike në ambiente të hapura, sepse në këtë interval rrezatimi diellor arrin intensitetin më të lartë.

Për daljet jashtë këshillohet përdorimi i veshjeve të holla dhe me ngjyra të çelëta, syzeve mbrojtëse dhe një kapeleje me strehë të gjerë. Kur ekziston mundësia, preferohet qëndrimi në ambiente me ajër të kondicionuar, ndërsa personat që duhet të qëndrojnë jashtë duhet të pushojnë shpesh në vende me hije.

Marrja e lëngjeve, sidomos e ujit, duhet të jetë e rregullt dhe të mos shtyhet deri në shfaqjen e etjes. ISHP rekomandon evitimin e alkoolit, sasive të mëdha të kafeinës dhe pijeve tepër të ftohta. Gjithashtu, duhen shmangur ushqimet e rënda, me shumë yndyrë dhe me përmbajtje të lartë kalorike.

Gjatë ditës rekomandohet që perdet dhe dritaret të mbahen të mbyllura, kurse ajrosja e dhomave të bëhet gjatë natës, atëherë kur temperaturat bien. Për të freskuar trupin mund të përdoren kompresa të ftohta ose të bëhet një dush me ujë të vakët.

Advertisement

ISHP tërheq vëmendjen se fëmijët, të moshuarit dhe kafshët shtëpiake nuk duhet të lihen në automjete të parkuara, pasi brenda një kohe të shkurtër temperatura në kabinë mund të rritet deri në nivele të rrezikshme.

Vëmendje e shtuar kërkohet për njerëzit që vuajnë nga sëmundje kronike, në veçanti nga probleme kardiovaskulare, pulmonare dhe neurologjike. Këta persona duhet ta përdorin rregullisht terapinë e përshkruar dhe, nëse vërejnë ndonjë ndryshim në gjendjen shëndetësore, të kontaktojnë pa vonesë mjekun e kujdesit parësor./Telegrafi/