Lajme nga vendi
Këtë sezon gripi jep simptoma intensive, deri më tani në RMV vaksinën e kanë marrë 72.288 persona
Në një kohë kur mjekët paralajmërojnë për simptoma intensive të virusit të gripit dhe sëmundje të ngjashme me gripin dhe pacientët që ankohen se simptomat e tyre zgjasin me javë të tëra, dozat e vaksinës katërvalente të gripit, e cila mbron kundër katër llojeve të gripit, janë ende në dispozicion. Vaksinimi ka nisur më 21 tetor të vitit të kaluar dhe deri më tani (nga java e gjashtë e sezonit) vaksinën e kanë marrë gjithsej 72.288 persona.
“Për sezonin 2024/2025, Ministria e Shëndetësisë ka ofruar vaksinë katërvalente falas në një sasi totale prej 70 mijë dozash, si dhe janë siguruar 10 mijë doza shtesë të vaksinës katërvalente përmes donacionit nga PIVI (Partnership for International Vaccine Initiatives). Fillimisht, dozat janë të destinuara për vaksinim falas të grupeve të rrezikut, ku përfshihen personat mbi 65 vjeç, personat me sëmundje kronike, punëtorët shëndetësorë, gratë shtatzëna dhe fëmijët nga 6 muaj deri në 5 vjeç”, informojnë për Meta.mk nga Ministria e Shëndetësisë.
Vaksina e gripit mund të jepen edhe për fëmijët nga gjashtë muaj e lart dhe duke qenë se fëmijët deri në 5 vjeç janë një nga grupet e rrezikut, Ministria i ofron vaksinat falas.
Për qytetarët që nuk bëjnë pjesë në këto grupe, por duan të mbrohen nga gripi sezonal, Qendrat e Shëndetit Publik prokurojnë vaksina komerciale, kundrejt një kompensimi të caktuar financiar. Kështu, 2600 doza vaksinash komerciale janë blerë nga qendrat e shëndetit publik si vaksina për pjesën tjetër të popullsisë që nuk bën pjesë në grupet e mësipërme.
Vaksinimi kryhet në qendrat e shëndetit publik me njësitë e tyre rajonale dhe/ose qendrat shëndetësore. Terminet për vaksina falas bëhen përmes ueb-faqes www.vakcinacija.mk.
Pacientët të cilët i drejtohen për ndihmë ordinancave të mjekëve të familjes gjatë kësaj periudhe kanë një mori simptomash të përziera. Temperatura e lartë që zgjat me ditë të tëra, pa simptoma të tjera klinike, e më pas dhimbje trupi, plogështi, dhimbje koke e deri në marrje mendsh, që zgjasin deri në katër javë, janë arsyeja që një numër i madh pacientësh mbushin orninancat e mjekëve amë.
Lajme nga vendi
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
Pronari i spitalit privat “Sante Plus”, Bilal Kara, është një prej personave të arrestuar në operacionin e zhvilluar në Maqedonisë së Veriut, në kuadër të një hetimi për abuzime me Fondin e Sigurimeve Shëndetësore.
Ai ishte shpallur në kërkim edhe nga autoritetet shqiptare që prej muajit shtator të vitit të kaluar, me dyshimin se nuk kishte deklaruar të ardhurat e përfituara në vlerën e 1 milion eurove, ndërsa në klinikë u gjetën edhe medikamente, të cilat dyshohet se kishin skaduar, por që përdoreshin nga stafi shëndetësor.
Sipas mediave maqedonase, bashkë me Bilal Kara u arrestuan edhe shtatë persona të tjerë, të cilët dyshohen për përfshirje në abuzime me procedurat e operacioneve në sy. Sipas hetimeve, dyshohet se për këto ndërhyrje kirurgjikale janë kryer pagesa si nga Fondi i Sigurimeve Shëndetësore, ashtu edhe nga vetë pacientët. Mes personave të arrestuar, sipas mediave maqedonase është edhe Geriana Arapi, ish-drejtoresha e spitalit “Sante Plus”, e cila po ashtu ishte në kërkim prej më shumë se një viti nga autoritetet shqiptare, që pas bllokimit të klinikës “International Medicare” në Tiranë. Arrestimi i tyre në Maqedoninë e Veriut pritet të pasohet nga zhvillime të tjera lidhur me procedurat ligjore dhe kërkesën e autoriteteve shqiptare për ta.
Moti sot në Maqedoninë e Veriut do të jetë i ndryshueshëm me vranësira dhe reshje lokale të shiut. Në disa lugina do të ketë kushte për shfaqjen e mjegullës së mëngjesit. Do të fryjë erë e dobët deri mesatare nga veriu.
Temperatura minimale do të jetë në intervalin nga 6 deri në 12 gradë, ndërsa maksimale do të arrijë nga 12 deri në 19 gradë.
Në Shkup, moti do të jetë kryesisht me vranësira, në orët e mëngjesit do të ketë kushte për shfaqjen e mjegullës së lehtë. Do të fryjë erë e dobët deri mesatare nga veriu. Temperatura minimale do të ulet në 10, ndërsa maksimale do të arrijë në 15 gradë.
Komunikacioni në rrugët shtetërore po zhvillohet pa probleme, në rrugë të thata, njofton LAMM. Intensiteti i trafikut në rrugët jashtë zonave urbane është mesatar.
Nuk ka vonesa të gjata në pikat kufitare në anën RMV-së për hyrje dhe dalje nga vendi.
LAMM rekomandon përshtatjen e shpejtësisë së lëvizjes, respektimin e sinjalistikës së vendosur të trafikut dhe menaxhimin e kujdesshëm të automjeteve, veçanërisht në rrugët nëpër lugina, lugina lumenjsh dhe gryka, ku ekziston mundësia e rrëshqitjeve të dheut. Kjo vlen veçanërisht për seksionet Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.
Pamje dramatike/ Babai e harroi mbi çatinë e makinës dhe u nis në rrugë, foshnja në Meksikë shpëton falë ndërhyrjes së motoçiklistit
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
LIGA E DYTË: NDESHJA KAMJANI – TETEKSI NË QENDËR TË VËMENDJES
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni2 months agoFilloi në Hagë seanca për deklaratat përfundimtare ndaj Thaçit dhe të tjerëve
-
Lajme nga rajoni2 months agoKa ndërruar jetë Flora Brovina, një nga figurat e njohura të jetës politike dhe shoqërore në Kosovë
-
Lajme nga rajoni2 months agoThaçi e Krasniqi dënohen me nga 25 vjet burgim, Veseli 18 e Selimi 13