Lajme nga vendi
MEXHITI: PO FINALIZOJMË PROPOZIM-LIGJIN PËR VEPRIM KLIMATIK
Zëvendëskryeministri i parë dhe ministës i Mjedisit Jetësor dhe Planifikimit Hapësinor, Izet Mexhiti, sot mori pjesë dhe kishte paraqitje në ngjarjen përmbyllëse të projektit “Ngritja e kapaciteteve drejt zhvillimit të qëndrueshëm të kapitalit njerëzor në Maqedoninë e Veriut”, organizuar nga Shoqata Gjermane për Bashkëpunim Ndërkombëtar – GIZ.
Në takimin përmbyllës, ku folën edhe ministri i Politikës Sociale, Demografisë dhe Rinisë, Fatmir Limani, koordinatori qeveritar për Fondin e Gjelbër për Klimën, Dame Dimitrovski dhe menaxheri i projektit në Zyrën e GIZ-it në Shkup, Mark Barret, Mexhiti theksoi rëndësinë e luftës kundër ndryshimeve klimatike, që siç tha ai, nuk ka të bëjë vetëm me teknologjitë, por edhe me infrastrukturën, dhe politikat.
‘Bëhet fjalë për ti siguruar individët, komunitetet dhe institucionet me njohuri, aftësi dhe mënyra të të menduarit, të nevojshme për të nxitur ndryshime të rëndësishme dhe të qëndrueshme. Ndryshimet klimatike, si një qëllim i veçantë i zhvillimit të qëndrueshëm, paraqesin një nga sfidat më të mëdha të kohës sonë. Për ti trajtuar në mënyrë efikase këto sfida, duhet të investojmë në kapitalin njerëzor – aftësinë tonë kolektive për t’u përshtatur, për të inovuar dhe për të ndërtuar shoqëri të qëndrueshme’, tha Mexhiti.
Para së gjithash, shtoi zëvendëskryeministri i parë Mexhiti, arsimi luan një rol kyç në ndërtimin e qëndrueshmërisë klimatike dhe njohuritë i fuqizon individët të marrin vendime të informuara dhe të zbatojnë zgjidhje të qëndrueshme.
Në aktivitet u diskutua edhe për krijimin e “profesioneve të gjelbra” të reja, të cilat do t’u japin të rinjve mundësinë për të punuar në sektorë që janë në përputhje me tendencat më të fundit klimatike.
“Ne jemi veçanërisht krenarë që ky projekt ka hedhur themelet për nxitjen e vendeve të gjelbra të punës dhe avancimin e politikave të përfshirjes sociale. Në këtë kontekst, është e rëndësishme të theksohet se Plani Kombëtar i veprimit për mbështetjen e zhvillimit të punësimit të gjelbër, inteligjent ndaj klimës, punësimit të ndjeshëm ndaj gjinisë dhe gjithëpërfshirës në sektorët kyç ekonomik në vend përmban masa specifike për përshtatjen e tregut të punës me tranzicionin e gjelbër”, tha Fatmir Limani, Ministër i Politikës Sociale, Demografisë dhe Rinisë.
Koordinatori i Qeverisë për Fondin e Gjelbër për Klimën, Dame Dimitrovski, vuri në dukje se ndryshimet klimatike janë të vendosura lartë në agjendën e qeverisë dhe se sektori i arsimit, mbrojtjes sociale dhe shëndetësisë njihen si sektore kyçe të agjendës së gjelbër.
Mark Barrett, menaxher projekti i Agjencisë Gjermane të Bashkëpunimit Ndërkombëtar GIZ, vuri në dukje se një e treta e portofolit është në të vërtetë zbatimi i projekteve që kontribuojnë në përshtatjen e sektorëve të bujqësisë dhe transportit, dekarbonizimin e sektorit të energjisë, përmirësimin e efiçencës energjetike të ndërtesave publike dhe menaxhimin e përmbytjeve si dhe forcimin e sektorit privat.
Çmimi i lartë i naftës dhe benzinës në Shqipëri po shtyn gjithnjë e më shumë qytetarët e zonave të juglindjes që t’i drejtohen pikave të furnizimit në Maqedoninë e Veriut, me qëllim uljen e kostove financiare për blerjen e karburanteve.
Ditët e fundit, në pikën kufitare të Qafë Thanës është vërejtur një rritje e ndjeshme e fluksit të automjeteve që udhëtojnë drejt Strugës dhe Ohrit.
Në pikat e karburantit në Maqedoninë e Veriut, nafta tregtohet deri në 1.4 euro për litër, çka e bën dukshëm më të leverdishme, rreth 60 lekë më pak për litër në krahasim me atë që tregtohet në Shqipëri.
“Po ta llogarisësh, kursen më shumë në krahasim me Shqipërinë”, tha një qytetar.
“Njëherë në muaj vij. Më ulët është këtej, ia vlen”, u shpreh një tjetër.
Ndërkohë, interesi i shtuar i qytetarëve shqiptarë për t’u furnizuar përtej kufirit konfirmohet edhe nga banorët e Maqedonisë së Veriut.
“Vijnë furnizohen në Strugë me naftë”, shprehet një qytetar nga Maqedonia e Veriut.
“Çdo ditë shohim makina me targa të Shqipërisë që vijnë te ne dhe furnizohen”, shton një tjetër.
Në kushtet e diferencave të ndjeshme të çmimeve, ky trend pritet të vijojë, duke përfshirë jo vetëm blerjen e karburanteve, por edhe produkteve ushqimore në Maqedoninë e Veriut.
Është ndarë nga jeta aktivisti Rauf Ramadani nga Tetova. Lajmin e kanë bërë të ditur miq dhe familjarë të Raufit.
Rauf Ramadani ka qenë aktivist politik në PDSH, një periudhë ka udhëhequr Ndërmarjen publike komunale të Tetovës.
Poashtu njihet si afarist. Ishte pronar i marketeve Erzana kurse së fundmi i kompanisë “Swiss bakery”.
Stafi i Televizionit Koha u shpreh ngushëllime familjes Ramadani , miqve dhe shokëve të të ndjerit.
Institucionet bullgare po vendosin se çfarë të bëjnë me gjashtë lopë, të cilat para pak ditësh kaluan kufirin nga Maqedonia në afërsi të fshatit Gjueshevë të Qustendilit, njofton Radioja Kombëtare Bullgare.
Kafshët janë kapur dhe janë vendosur në një objekt të përkohshëm blegtoral të komunës, ndërsa një komision i shërbimeve të autorizuara bullgare dhe maqedonase po vendos se si do të veprohet në këtë rast.
Nuk dihet nëse këto gjashtë lopë janë pjesë e gjedheve që lëvizin lirshëm në zonën e Koritës së Kriva Pallankës, duke shkaktuar tension të madh mes banorëve dhe pronarëve, problem ky që autoritetet kompetente maqedonase ende nuk po arrijnë ta zgjidhin.
Kafshët janë vërejtur në tokën e fshatit Gjueshevë, ndërsa kryetarja e fshatit e ka denoncuar rastin në komunë. Ato janë kapur dhe janë transportuar në një objekt të përkohshëm për blegtori.
Komisioni rajonal për kontrollin e ushqimit, autoritetet kufitare dhe ato komunale do të marrin vendimin përfundimtar për fatin e tyre.
Para disa vitesh, lopa Penka shkeli kufirin duke hyrë nga Serbia në afërsi të fshatit Oltomanci të Qustendilit.
Sipas rregulloreve evropiane, pas hyrjes nga një vend jashtë BE-së, ajo duhej të asgjësohej.
Ky rast u kthye në një problem ndërkombëtar – në fund, lopa u kursye dhe pronari i saj nga fshati Kopillovci u kujdes për të në kopenë e tij për vite me radhë.
NAFTA MË E LIRË, QYTETARËT E SHQIPËRISË DREJT MAQEDONISË SË VERIUT!
FFK ME VIDEO MOTIVUESE – ËSHTË KOHA JUAJ, FORCA DARDANË!
SHQIPËRIA E MOTIVUAR NË POLONI – ATMOSFERË POZITIVE!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi2 months agoRrjeti i madh i dyqaneve për produkte të shtëpisë Comodita Home po rritet akoma më tepër, tash me dyqanin më të madh në Re Mall, Tetovë
-
Sport2 months agoOLIMPIADA DIMËRORE ‘’MILANO CORTINA 2026’’ FILLON MË 6 SHKURT
-
Lajme nga vendi2 months agoVLEN: Me Fetain në krye, nis goditja reale ndaj pasurisë së paligjshme