Zëvendësministri i Bujqësisë, Albrim Hoxha, sot ka pritur në takim drejtorin e ri të Drejtorisë së Farërave dhe Materialit Mbjellës, Ali Alili.

Në një postim publik, Hoxha theksoi se Ali Alili është një profesionist me përvojë të gjatë në sektorin e bujqësisë, i cili është i përkushtuar për t’u shërbyer qytetarëve dhe për të ngritur standardet në këtë fushë kaq të rëndësishme për fermerët dhe prodhuesit bujqësorë.

“Jam i bindur se me angazhimin dhe përkushtimin e tij, do të arrijmë rezultate të prekshme për fermerët dhe prodhuesit bujqësorë,” – u shpreh zëvendësministri Hoxha.

Emërimi i Ali Alilit në krye të kësaj drejtorie shihet si një hap i rëndësishëm për fuqizimin e sektorit të farërave, materialit mbjellës dhe cilësisë së prodhimit bujqësor në vend.

VLEN më në fund ka siguruar kushte për realizimin e projektit për zgjerimin e bulevardit Cvetan Dimov në Komunën e Çairit. Bashkëpunimi i pushtetit lokal me Qeverinë e Republikës së Maqedonisë së Veriut po jep rezultate të rëndësishme, për herë të parë sigurohet një investim serioz dhe i madh për Komunën e Çairit dhe për anën e majtë të Shkupit.

Të gjitha qeveritë e BDI-së, për më shumë se 20 vite, nuk i kanë dhënë Çairit dhe komunave me shumicë shqiptare aq mbështetje sa kjo Qeveri e VLEN-it ka dhënë vetëm për një vit.

Projekti për zgjerimin dhe transformimin e bulevardit Cvetan Dimov, me vlerë prej 10 milionë eurosh, përfaqëson ndërhyrjen më të rëndësishme infrastrukturore në këtë pjesë të kryeqytetit gjatë dekadave të fundit. Me këtë projekt, kërkesat dhe nevojat shumëvjeçare të mbi 100.000 banorëve marrin përgjigje-Çairi dhe lagjet përreth më në fund do të kenë një bulevard modern, të sigurt dhe funksional, të ndërtuar sipas standardeve evropiane. Çairi do të lidhet në mënyrë të sigurt me pjesët tjera të Shkupit.
Ky projekt historik është rezultat i punës së përbashkët të pushtetit lokal dhe Qeverisë së VLEN-it, me një vizion të qartë për zhvillim dhe me qëllim përparimin urban të balancuar të të gjithë qytetit. Çairi nuk është më i lënë pas dore.

Me këtë investim dërgohet një mesazh i qartë: qytetarët e Çairit nuk do të jenë më të harruar. VLEN dëshmon se kur politika është e orientuar drejt qytetarëve, rezultatet janë të dukshme dhe konkrete.

Bulevardi “Cvetan Dimov” do të bëhet simbol i një epoke të re të investimeve urbane-të barabarta për të gjithë qytetarët, pavarësisht në cilën pjesë të Shkupit jetojnë.

Advertisement

Njëzet e dy persona në një azil pleqsh në Berovë kanë pasur diarre dhe të vjella pasi kanë ngrënë ushqim që më vonë rezultoi pozitiv për Escherichia coli, raportoi Instituti i Shëndetit Publik (ISHP) në buletinin e tij mbi lëvizjen e sëmundjeve akute infektive për korrikun. Instituti raportoi gjithashtu se përveç këtij rasti të një epidemie të gastroenterokolitit akut, është regjistruar një tjetër epidemi e helmimit nga ushqimi, me 6 persona të sëmurë që hëngrën akullore nga një dyqan në fshatin Zrnovc, të cilët të gjithë përfunduan në spital, transmeton Portalb.mk.

“Mes të sëmurëve nga azili i pleqve nuk ka pacientë të hospitalizuar. Nuk u zbuluan patogjenë në mostrat e jashtëqitjes të marra nga të gjithë 22 pacientët. Në bashkëpunim me AUV, IShSS dhe përfaqësues nga ISHP, Qendra Qendrore e Shëndetit Publik në Koçan ku krye kontroll sanitar dhe higjienik në kuzhinën e shtëpisë dhe u morën mostra për ekzaminim mikrobiologjik nga mjedisi i gjallë dhe jo i gjallë. Prania e Escherichia coli u vërtetua në një mostër ushqimore”, thuhet në buletinin e ISHP.

Autoritetet kanë propozuar masa të përshtatshme sanitare, higjienike dhe antiepidemike, si dhe mirëmbajtje të rregullt dhe të vazhdueshme të higjienës personale, kontrollimin e ushqimit të sjellë nga vizitorët dhe raportimin e çdo rasti të dyshimtë të ankesave gastrointestinale.

“Kuzhina e shtëpisë ishte e mbyllur derisa të merreshin rezultate negative nga materialet e marra. Pasi u morën të gjitha masat e nevojshme epidemiologjike nga Qendra e Shëndetit Publik të Koçanit, epidemia u shpall e përfunduar më 28 korrik”, thuhet në buletin.

Lidhur me rastin e helmimit nga akullorja, ISHP informon se të 6 personat u shtruan në spital, dhe u morën mostra të jashtëqitjes nga 2 persona të sëmurë dhe ato rezultuan negative.

Advertisement

“Në bashkëpunim me AUV, IShSS dhe përfaqësues të ISHP-së, Qendra e Shëndetit Publik të Koçanit inspektoi objektin, gjatë së cilës u morën mostra për ekzaminim mikrobiologjik nga mjedisi i gjallë dhe jo i gjallë. Nga analizat laboratorike të marra, u zbuluan enterobaktere nga mostrat e akullores dhe stafilokoku aureus nga tamponët e duarve të punonjësve”, shton informacioni nga ISHP.