Lajme nga vendi
Mickoski: Bujar Osmanit shiti identitetin tim, s’e respekton as gjuhën shqipe
BDI-ja edhe një herë po tenton të kryejë sulm në sistemin e drejtësisë, tha kryeministri Hristijan Mickoski në lidhje me paralajmërimet e Ahmetit dhe Osmanit për bojkot të zgjedhjeve lokale, por edhe për krizë politike. Deklaratat e tilla të liderëve të BDI-së vijnë në prag të seancës përgatitore të Gjykatës Kushtetuese për ligjin për gjuhët. Deklarata e Osmanit për krizë politike, për kryeministrin Mickoski është ndërhyrje e drejtpërdrejtë në sistemin e drejtësisë, por siç tha ai, “njeriu që e shiti identitetin tim nuk e respekton as gjuhën e tij shqipe”.
“Supozoj se kryetari e ka qortuar nënkryetarin e tij sepse po i shkakton dëm të parikuperueshëm me atë deklaratë për dy arsye. Nën një, është ndërhyrje e drejtpërdrejtë në sistemin gjyqësor të një shteti, që është në kundërshtim me çdo demokraci të njohur nga bota bashkëkohore. Njeriu që negocioi dhe shiti identitetin tim maqedonas dhe gjuhën time maqedonase ka kredibilitetin më të ulët për të folur për shkak se nëse nuk më respekton mua, nuk respekton as gjuhën e tij amtare shqipe”, tha Hristijan Mikoski.
Nga VLEN thotë se paralajmërimet për bojkotin e zgjedhjeve janë për të shpërqendruar nga problemet që i kanë në Fronti Europian dhe frikën e disaftës për shkak të kalkulimeve të brendshme.
“Prandaj, në vend që të de fokusojë opinionin me shqetësim të rrejshëm për gjuhën shqipe, BDI duhet të përgjigjet: A i ka thënë Ahmeti Selës se nuk mund të heqë dorë nga shërbimet e Ramiz Merkos? Skenari i bojkotit nuk ka asnjë lidhje me të ashtuquajturin “deshqiptarizim”, për të cilin BDI po mashtron”, thotë VLEN.
Ekspertët me qëndrim se paralajmërimet e Ahmetit dhe Osmanit janë kërcënim serioz që ka disa porosi. Sefer Selimi vlerëson se me këtë dërgohet porosi deri te faktori ndërkombëtar por edhe koalicioni shqiptar në pushtet i cili, siç thotë, arsyeton gjithçka, vetëm e vetëm për të marrë mbështetje nga VMRO-DPMNE-ja në zgjedhjet lokale. Ndoshta duhet të ketë krizë politike që të shqiptarët të mos përfundojnë si pakicë e margjinalizuar, tha Selimi.
Në disa tubime partiake kreu i BDI-së, Ali Ahmeti, tha se po bëhet degradim i shqiptarëve por edhe gjuhës shqipe me çka shtoi se mund të ketë edhe bojkot të zgjedhjeve lokale. Ndërsa Osmani shkoi edhe një hap më tej dhe paralajmëroi krizë të mundshme politike.
Lajme nga vendi
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
Pronari i spitalit privat “Sante Plus”, Bilal Kara, është një prej personave të arrestuar në operacionin e zhvilluar në Maqedonisë së Veriut, në kuadër të një hetimi për abuzime me Fondin e Sigurimeve Shëndetësore.
Ai ishte shpallur në kërkim edhe nga autoritetet shqiptare që prej muajit shtator të vitit të kaluar, me dyshimin se nuk kishte deklaruar të ardhurat e përfituara në vlerën e 1 milion eurove, ndërsa në klinikë u gjetën edhe medikamente, të cilat dyshohet se kishin skaduar, por që përdoreshin nga stafi shëndetësor.
Sipas mediave maqedonase, bashkë me Bilal Kara u arrestuan edhe shtatë persona të tjerë, të cilët dyshohen për përfshirje në abuzime me procedurat e operacioneve në sy. Sipas hetimeve, dyshohet se për këto ndërhyrje kirurgjikale janë kryer pagesa si nga Fondi i Sigurimeve Shëndetësore, ashtu edhe nga vetë pacientët. Mes personave të arrestuar, sipas mediave maqedonase është edhe Geriana Arapi, ish-drejtoresha e spitalit “Sante Plus”, e cila po ashtu ishte në kërkim prej më shumë se një viti nga autoritetet shqiptare, që pas bllokimit të klinikës “International Medicare” në Tiranë. Arrestimi i tyre në Maqedoninë e Veriut pritet të pasohet nga zhvillime të tjera lidhur me procedurat ligjore dhe kërkesën e autoriteteve shqiptare për ta.
Moti sot në Maqedoninë e Veriut do të jetë i ndryshueshëm me vranësira dhe reshje lokale të shiut. Në disa lugina do të ketë kushte për shfaqjen e mjegullës së mëngjesit. Do të fryjë erë e dobët deri mesatare nga veriu.
Temperatura minimale do të jetë në intervalin nga 6 deri në 12 gradë, ndërsa maksimale do të arrijë nga 12 deri në 19 gradë.
Në Shkup, moti do të jetë kryesisht me vranësira, në orët e mëngjesit do të ketë kushte për shfaqjen e mjegullës së lehtë. Do të fryjë erë e dobët deri mesatare nga veriu. Temperatura minimale do të ulet në 10, ndërsa maksimale do të arrijë në 15 gradë.
Komunikacioni në rrugët shtetërore po zhvillohet pa probleme, në rrugë të thata, njofton LAMM. Intensiteti i trafikut në rrugët jashtë zonave urbane është mesatar.
Nuk ka vonesa të gjata në pikat kufitare në anën RMV-së për hyrje dhe dalje nga vendi.
LAMM rekomandon përshtatjen e shpejtësisë së lëvizjes, respektimin e sinjalistikës së vendosur të trafikut dhe menaxhimin e kujdesshëm të automjeteve, veçanërisht në rrugët nëpër lugina, lugina lumenjsh dhe gryka, ku ekziston mundësia e rrëshqitjeve të dheut. Kjo vlen veçanërisht për seksionet Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.
Pamje dramatike/ Babai e harroi mbi çatinë e makinës dhe u nis në rrugë, foshnja në Meksikë shpëton falë ndërhyrjes së motoçiklistit
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
LIGA E DYTË: NDESHJA KAMJANI – TETEKSI NË QENDËR TË VËMENDJES
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni2 months agoFilloi në Hagë seanca për deklaratat përfundimtare ndaj Thaçit dhe të tjerëve
-
Lajme nga rajoni2 months agoKa ndërruar jetë Flora Brovina, një nga figurat e njohura të jetës politike dhe shoqërore në Kosovë
-
Lajme nga rajoni2 months agoThaçi e Krasniqi dënohen me nga 25 vjet burgim, Veseli 18 e Selimi 13