Lajme nga vendi
Posta shtetërore për dy vite ka çuar llogarinë në minus 4 milionë euro
Posta e Maqedonisë as për vete e as për qytetarët. Nuk është fitimprurëse, por as efikase. Të dhënat financiare që dalin nga raporti vjetor i Agjencisë së Postës për vitin 2024, i cili u gjet para deputetëve në seancën e Komisionit për Transport, tregojnë se në dy vitet e fundit Posta shtetërore punon me humbje, shkruan Alsat.
Në tremujorin e parë të vitit 2024, Posta ka dalë me minus 2.9 milionë euro, ndërsa një vit më parë humbja ka arritur në rreth 1 milion euro.
Situata është krejt ndryshe te 35 postat private në vend, të cilat i bëjnë konkurrencë postës shtetërore. Derisa Posta shtetërore për dy vite ka çuar në minus buxhetin për gjithsej rreth 4 milionë euro, postat private në po të njëjtën periudhë kanë dalë me fitim të përgjithshëm rreth 3.5 milionë euro.
Edhe atë, çuditërisht në rrethana kur në Postën shtetërore numri i të punësuarve është rreth 40% më i lartë se në postat private.
Sipas të dhënave, në krahasim me postat private, Posta e Maqedonisë ka marrë vetëm 2% të kulaçit të përgjithshëm të dërgesave të pakove.
Gjatë vitit 2023, posta shtetërore ka dërguar gjithsej rreth 160 mijë pako, ndërkaq ato private gjithsej rreth 7,4 milionë pako.
Në raport, gjithashtu janë të dhënat edhe për ankesat e qytetarëve, të cilat më të shpeshta janë për humbjen ose dëmtimin e dërgesave, por edhe mosfunksionimin e filialeve të Postës shtetërore. Informata, kanë kërkuar edhe për dërgesat e trafikut ndërkombëtar të cilat, procedurat doganore, por edhe statusin e dërgesave.
Ndër vite, qytetarët ankohen për mungesën e cilësisë së shërbimeve postare nga Posta shtetërore, për shkak të joefikasitetit dhe vonesës së dërgesave. Megjithatë, përveç qytetarëve edhe punëtorët e Postës ankohen për kushtet në të cilat punojnë.
Alsat, në tetor të vitit të kaluar vizitoi Qendrën Logjistike të Postës së Maqedonisë në Shkup, e njohur si Posta 2, e cila është baza kryesore prej ku bëhet shpërndarja e pakove dhe letrave. Objekti është i ndërtuar që në kohën e ish Jugosllavisë dhe prej atëherë nuk është investuar asnjë qindarkë. Madje, kulmi i objektit është prej materialit kancerogjen azbest.
Punëtorët u ankuan për mungesë të kushteve elementare për punë. Mungonte ngrohja përkatëse gjatë dimrit, nuk kishin uniforma, ndërkaq paguheshin mesatarisht me pagë minimale. Kjo, është dhe arsyeja që ky sektor përballet me mungesë të fuqisë punëtore, pasi të rinjtë nuk dëshirojnë të bëhen postierë./ Alsat.mk
Lajme nga vendi
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
Pronari i spitalit privat “Sante Plus”, Bilal Kara, është një prej personave të arrestuar në operacionin e zhvilluar në Maqedonisë së Veriut, në kuadër të një hetimi për abuzime me Fondin e Sigurimeve Shëndetësore.
Ai ishte shpallur në kërkim edhe nga autoritetet shqiptare që prej muajit shtator të vitit të kaluar, me dyshimin se nuk kishte deklaruar të ardhurat e përfituara në vlerën e 1 milion eurove, ndërsa në klinikë u gjetën edhe medikamente, të cilat dyshohet se kishin skaduar, por që përdoreshin nga stafi shëndetësor.
Sipas mediave maqedonase, bashkë me Bilal Kara u arrestuan edhe shtatë persona të tjerë, të cilët dyshohen për përfshirje në abuzime me procedurat e operacioneve në sy. Sipas hetimeve, dyshohet se për këto ndërhyrje kirurgjikale janë kryer pagesa si nga Fondi i Sigurimeve Shëndetësore, ashtu edhe nga vetë pacientët. Mes personave të arrestuar, sipas mediave maqedonase është edhe Geriana Arapi, ish-drejtoresha e spitalit “Sante Plus”, e cila po ashtu ishte në kërkim prej më shumë se një viti nga autoritetet shqiptare, që pas bllokimit të klinikës “International Medicare” në Tiranë. Arrestimi i tyre në Maqedoninë e Veriut pritet të pasohet nga zhvillime të tjera lidhur me procedurat ligjore dhe kërkesën e autoriteteve shqiptare për ta.
Moti sot në Maqedoninë e Veriut do të jetë i ndryshueshëm me vranësira dhe reshje lokale të shiut. Në disa lugina do të ketë kushte për shfaqjen e mjegullës së mëngjesit. Do të fryjë erë e dobët deri mesatare nga veriu.
Temperatura minimale do të jetë në intervalin nga 6 deri në 12 gradë, ndërsa maksimale do të arrijë nga 12 deri në 19 gradë.
Në Shkup, moti do të jetë kryesisht me vranësira, në orët e mëngjesit do të ketë kushte për shfaqjen e mjegullës së lehtë. Do të fryjë erë e dobët deri mesatare nga veriu. Temperatura minimale do të ulet në 10, ndërsa maksimale do të arrijë në 15 gradë.
Komunikacioni në rrugët shtetërore po zhvillohet pa probleme, në rrugë të thata, njofton LAMM. Intensiteti i trafikut në rrugët jashtë zonave urbane është mesatar.
Nuk ka vonesa të gjata në pikat kufitare në anën RMV-së për hyrje dhe dalje nga vendi.
LAMM rekomandon përshtatjen e shpejtësisë së lëvizjes, respektimin e sinjalistikës së vendosur të trafikut dhe menaxhimin e kujdesshëm të automjeteve, veçanërisht në rrugët nëpër lugina, lugina lumenjsh dhe gryka, ku ekziston mundësia e rrëshqitjeve të dheut. Kjo vlen veçanërisht për seksionet Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.
Pamje dramatike/ Babai e harroi mbi çatinë e makinës dhe u nis në rrugë, foshnja në Meksikë shpëton falë ndërhyrjes së motoçiklistit
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
LIGA E DYTË: NDESHJA KAMJANI – TETEKSI NË QENDËR TË VËMENDJES
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni2 months agoFilloi në Hagë seanca për deklaratat përfundimtare ndaj Thaçit dhe të tjerëve
-
Lajme nga rajoni2 months agoKa ndërruar jetë Flora Brovina, një nga figurat e njohura të jetës politike dhe shoqërore në Kosovë
-
Lajme nga rajoni2 months agoThaçi e Krasniqi dënohen me nga 25 vjet burgim, Veseli 18 e Selimi 13