Lajme nga vendi
RMV, ia dha të porsalindurin një çifti për 4000 euro, më pas ndryshoi mendje – pesë persona nën hetim për trafikim fëmijësh
Pesë persona janë nën hetim nga Prokuroria Themelore Publike për Ndjekjen e Krimit të Organizuar dhe Korrupsionit (PNKOK) nën dyshimin se kanë kryer veprën penale të trafikimit të fëmijëve. Mes të dyshuarve është edhe nëna e fëmijës.
Sipas prokurorisë, rasti ka filluar në mesin e vitit të kaluar kur dy nga të dyshuarit dhe një person i panjohur mashkull, pas marrëveshjes paraprake me nënën e dyshuar të fëmijës, e cila në atë moment e mbante në bark, kanë ndërmarrë veprime për adoptimin e paligjshëm të të porsalindurit për një shumë prej përafërsisht 5000 euro.
Dy të dyshuarit, njëri prej të cilëve ishte i regjistruar si kujdestar për fëmijë, vazhdimisht e kishin ndihmuar financiarisht të dyshuarën shtatzënë, e cila përndryshe ishte në gjendje të vështirë financiare, duke mbajtur fëmijën e saj të shtatë. Shtatzënës i paguheshin nga 250 deri në 270 euro për shpenzime mujore dhe organizohej për kontrolle gjinekologjike në Shkup dhe Kumanovë për të monitoruar gjendjen e foshnjës.
Paralelisht e kanë prezantuar atë me çiftin e dyshuar që është dashur ta birësojnë foshnjën në mënyrë të paligjshme.
“Pas lindjes, çifti e çoi atë në një noter ku ajo nënshkroi një deklaratë ku e njihte të dyshuarin kryesor si babanë e të porsalindurit dhe i jepej kujdestaria, duke e lënë vullnetarisht nën kujdesin, edukimin dhe mbështetjen e tyre. Menjëherë më pas çifti i dyshuar i ka paguar 4 mijë euro”, shtoi Prokuroria.
Kur ajo kërkoi t’i kthehej fëmija, i dyshuari i parë refuzoi, duke i ofruar 1000 euro të tjera, duke theksuar se me deklaratën noteriale të nënshkruar, ajo tashmë kishte hequr dorë nga fëmija.
“Duke marrë parasysh rrethanat dhe peshën e veprës së kryer, prokurori publik i Prokurorisë Publike NKOK, gjyqtarit të procedurës paraprake në Gjykatën Themelore Penale Shkup i propozoi masa, të cilat gjykata i pranoi dhe caktoi masën e paraburgimit për të dyshuarin e parë dhe gruan që shiti fëmijën, ndërsa tre personave të tjerë iu caktua arrest shtëpiak”, njofton Prokuroria Publike.
Lajme nga vendi
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
Pronari i spitalit privat “Sante Plus”, Bilal Kara, është një prej personave të arrestuar në operacionin e zhvilluar në Maqedonisë së Veriut, në kuadër të një hetimi për abuzime me Fondin e Sigurimeve Shëndetësore.
Ai ishte shpallur në kërkim edhe nga autoritetet shqiptare që prej muajit shtator të vitit të kaluar, me dyshimin se nuk kishte deklaruar të ardhurat e përfituara në vlerën e 1 milion eurove, ndërsa në klinikë u gjetën edhe medikamente, të cilat dyshohet se kishin skaduar, por që përdoreshin nga stafi shëndetësor.
Sipas mediave maqedonase, bashkë me Bilal Kara u arrestuan edhe shtatë persona të tjerë, të cilët dyshohen për përfshirje në abuzime me procedurat e operacioneve në sy. Sipas hetimeve, dyshohet se për këto ndërhyrje kirurgjikale janë kryer pagesa si nga Fondi i Sigurimeve Shëndetësore, ashtu edhe nga vetë pacientët. Mes personave të arrestuar, sipas mediave maqedonase është edhe Geriana Arapi, ish-drejtoresha e spitalit “Sante Plus”, e cila po ashtu ishte në kërkim prej më shumë se një viti nga autoritetet shqiptare, që pas bllokimit të klinikës “International Medicare” në Tiranë. Arrestimi i tyre në Maqedoninë e Veriut pritet të pasohet nga zhvillime të tjera lidhur me procedurat ligjore dhe kërkesën e autoriteteve shqiptare për ta.
Moti sot në Maqedoninë e Veriut do të jetë i ndryshueshëm me vranësira dhe reshje lokale të shiut. Në disa lugina do të ketë kushte për shfaqjen e mjegullës së mëngjesit. Do të fryjë erë e dobët deri mesatare nga veriu.
Temperatura minimale do të jetë në intervalin nga 6 deri në 12 gradë, ndërsa maksimale do të arrijë nga 12 deri në 19 gradë.
Në Shkup, moti do të jetë kryesisht me vranësira, në orët e mëngjesit do të ketë kushte për shfaqjen e mjegullës së lehtë. Do të fryjë erë e dobët deri mesatare nga veriu. Temperatura minimale do të ulet në 10, ndërsa maksimale do të arrijë në 15 gradë.
Komunikacioni në rrugët shtetërore po zhvillohet pa probleme, në rrugë të thata, njofton LAMM. Intensiteti i trafikut në rrugët jashtë zonave urbane është mesatar.
Nuk ka vonesa të gjata në pikat kufitare në anën RMV-së për hyrje dhe dalje nga vendi.
LAMM rekomandon përshtatjen e shpejtësisë së lëvizjes, respektimin e sinjalistikës së vendosur të trafikut dhe menaxhimin e kujdesshëm të automjeteve, veçanërisht në rrugët nëpër lugina, lugina lumenjsh dhe gryka, ku ekziston mundësia e rrëshqitjeve të dheut. Kjo vlen veçanërisht për seksionet Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.
Pamje dramatike/ Babai e harroi mbi çatinë e makinës dhe u nis në rrugë, foshnja në Meksikë shpëton falë ndërhyrjes së motoçiklistit
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
LIGA E DYTË: NDESHJA KAMJANI – TETEKSI NË QENDËR TË VËMENDJES
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni2 months agoFilloi në Hagë seanca për deklaratat përfundimtare ndaj Thaçit dhe të tjerëve
-
Lajme nga rajoni2 months agoKa ndërruar jetë Flora Brovina, një nga figurat e njohura të jetës politike dhe shoqërore në Kosovë
-
Lajme nga rajoni2 months agoThaçi e Krasniqi dënohen me nga 25 vjet burgim, Veseli 18 e Selimi 13