Lajme nga vendi
Të përgjigjen gjyqtarët dhe prokurorët të cilët e kanë penguar drejtësinë për shumë raste, kërkoi iniciativa e re “Zero” nga Tetova
Një grup të rinjsh nga Tetova të cilët e identifikohen si iniciativa “Zero”, sot para ndërtesës së Gjykatës Themelore dhe Prokurorisë së Tetovës kanë lënë një aparat zjarrfikës për të theksuar në mënyrë simbolike rëndësinë e nevojës për drejtësi në tragjeditë që kanë ndodhur në qytet dhe në vend.
Përfaqësuesit e iniciativës thanë se aparatet kundër zjarrit janë të nevojshme pasi objektet në vend lehtë po vuajnë në zjarre, ndërsa një detyrë e rëndësishme që kanë prokurorët dhe gjyqtarët është të zbardhin të vërtetën.
“Të vihen para drejtësisë dhe të vendosen pas hekurave fajtorët dhe përgjegjësit e vërtetë për tragjedinë e Koçanit ku humbën jetën 59 të rinj. Për zjarrin në spitalin modular në Tetovë ku humbën jetën 14 qytetarët tanë. Për aksidentin me Besa Trans në Bullgari ku humbën jetën 45 qytetarë, për aksidentin me Durmo Turs në Laskarcë, ku humbën jetën 16 qytetarë dhe për shumë tragjedi të tjera për të cilat fatkeqësisht nuk ka asnjë dënim deri më sot. Gjithashtu, është detyra juaj të kërkoni llogari nga gjyqtarët dhe prokurorët që penguan drejtësinë në këto dhe shumë raste të tjera. Qytetarët e këtij vendi duan të kenë drejtësi të vërtetë dhe duan të shohin drejtësi që funksionon vërtet. Para se të detyrohen të marrin drejtësinë në duart e tyre”, deklaroi Blendi Hodai, nga iniciativa “Zero”.
Iniciativa do të ketë aktivitete edhe të hënën.
“E informojmë opinionin se të hënën në orën 12:30 do të mblidhemi para sheshit në Tetovë dhe do të protestojmë në Gjykatën Themelore në Tetovë në shenjë dhe protestë për të gjitha tragjeditë që po ndodhin tani në Koçan, përfshirë zjarrin në spitalin modular, duke kërkuar llogari. Sepse drejtësia nuk mund dhe nuk guxon të jetë në hije, ndërsa duhet të ketë përgjegjësi për të gjitha rastet. Ne si qytetarë të Tetovës do të protestojmë për këtë, sepse është detyrë e jona si qytetarë”, theksoi Hodai.
Përfaqësuesit e iniciativës “Zero” thonë se po iniciojnë aktivitete për parandalimin e tragjedive që të gjitha kanë karakteristikat e përbashkëta të korrupsionit dhe mosndëshkimit nga ana e institucioneve.
Lajme nga vendi
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
Pronari i spitalit privat “Sante Plus”, Bilal Kara, është një prej personave të arrestuar në operacionin e zhvilluar në Maqedonisë së Veriut, në kuadër të një hetimi për abuzime me Fondin e Sigurimeve Shëndetësore.
Ai ishte shpallur në kërkim edhe nga autoritetet shqiptare që prej muajit shtator të vitit të kaluar, me dyshimin se nuk kishte deklaruar të ardhurat e përfituara në vlerën e 1 milion eurove, ndërsa në klinikë u gjetën edhe medikamente, të cilat dyshohet se kishin skaduar, por që përdoreshin nga stafi shëndetësor.
Sipas mediave maqedonase, bashkë me Bilal Kara u arrestuan edhe shtatë persona të tjerë, të cilët dyshohen për përfshirje në abuzime me procedurat e operacioneve në sy. Sipas hetimeve, dyshohet se për këto ndërhyrje kirurgjikale janë kryer pagesa si nga Fondi i Sigurimeve Shëndetësore, ashtu edhe nga vetë pacientët. Mes personave të arrestuar, sipas mediave maqedonase është edhe Geriana Arapi, ish-drejtoresha e spitalit “Sante Plus”, e cila po ashtu ishte në kërkim prej më shumë se një viti nga autoritetet shqiptare, që pas bllokimit të klinikës “International Medicare” në Tiranë. Arrestimi i tyre në Maqedoninë e Veriut pritet të pasohet nga zhvillime të tjera lidhur me procedurat ligjore dhe kërkesën e autoriteteve shqiptare për ta.
Moti sot në Maqedoninë e Veriut do të jetë i ndryshueshëm me vranësira dhe reshje lokale të shiut. Në disa lugina do të ketë kushte për shfaqjen e mjegullës së mëngjesit. Do të fryjë erë e dobët deri mesatare nga veriu.
Temperatura minimale do të jetë në intervalin nga 6 deri në 12 gradë, ndërsa maksimale do të arrijë nga 12 deri në 19 gradë.
Në Shkup, moti do të jetë kryesisht me vranësira, në orët e mëngjesit do të ketë kushte për shfaqjen e mjegullës së lehtë. Do të fryjë erë e dobët deri mesatare nga veriu. Temperatura minimale do të ulet në 10, ndërsa maksimale do të arrijë në 15 gradë.
Komunikacioni në rrugët shtetërore po zhvillohet pa probleme, në rrugë të thata, njofton LAMM. Intensiteti i trafikut në rrugët jashtë zonave urbane është mesatar.
Nuk ka vonesa të gjata në pikat kufitare në anën RMV-së për hyrje dhe dalje nga vendi.
LAMM rekomandon përshtatjen e shpejtësisë së lëvizjes, respektimin e sinjalistikës së vendosur të trafikut dhe menaxhimin e kujdesshëm të automjeteve, veçanërisht në rrugët nëpër lugina, lugina lumenjsh dhe gryka, ku ekziston mundësia e rrëshqitjeve të dheut. Kjo vlen veçanërisht për seksionet Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.
Pamje dramatike/ Babai e harroi mbi çatinë e makinës dhe u nis në rrugë, foshnja në Meksikë shpëton falë ndërhyrjes së motoçiklistit
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
LIGA E DYTË: NDESHJA KAMJANI – TETEKSI NË QENDËR TË VËMENDJES
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni2 months agoFilloi në Hagë seanca për deklaratat përfundimtare ndaj Thaçit dhe të tjerëve
-
Lajme nga rajoni2 months agoKa ndërruar jetë Flora Brovina, një nga figurat e njohura të jetës politike dhe shoqërore në Kosovë
-
Lajme nga rajoni2 months agoThaçi e Krasniqi dënohen me nga 25 vjet burgim, Veseli 18 e Selimi 13