Ministria e Ekonomisë dhe Punës, si institucion përgjegjës edhe për sektorin e hetelierisë, që nga dita e parë e kësaj ngjarjeje tragjike ka qenë e gatshme për bashkëpunim të plotë me organet kompetente. Si Ministri, kemi ofruar mbështetje të plotë në të gjitha procedurat ligjore, duke siguruar që çdo shkelje e ligjit dhe çdo keqpërdorim të sanksionohet siç duhet, njoftoi sot ministri Besar Durmishi.

Ai infirmoi për të gjitha kompetencat që ka Ministria e Ekonomisë dhe Punës në lëshimin e licencave, si dhe për masat dhe zgjidhjet ligjore që do të ndërmerren dhe që janë në kompetencën tonë.

Në pjesën e lëshimit të licencave, sipas Ligjit për Veprimtarinë Hotelierike, për të funksionuar si klub nate, kabare, disko-klub apo disko-klub në hapësirë të hapur, është e detyrueshme të posedohet licencë valide. Këtë licencë e lëshon Ministria e Ekonomisë dhe Punës pas paraqitjes së kërkesës për lëshimin e licencës, në formularin për pagesën e tarifës për shërbime.

Durmishi theksoi se bashkë me kërkesën, duhet të dorëzohet edhe dokumentacioni në vijim:

1.Vendimi për regjistrim në Regjistrin Qendror të Republikës së Maqedonisë së Veriut (origjinal, jo më i vjetër se 6 muaj);

Advertisement

2.Vendimi i këshillit komunal për përcaktimin e tarifës për kabare, klub nate, disko-klub dhe disko-klub në hapësirë të hapur;

3.Aplikacioni për përmbushjen e kushteve minimale teknike për zhvillimin e veprimtarisë hoteliere (kopje);

4.Pëlqimi nga organi i administratës shtetërore kompetent për punët nga sfera e punëve të brendshme, që konfirmon përmbushjen e kushteve për mbrojtjen e rendit dhe qetësisë publike, si dhe sigurinë e trafikut (origjinal).

Ministria e Ekonomisë dhe Punës, duke vepruar mbi kërkesën e dorëzuar, shqyrton dokumentacionin që përmban akte dhe dokumente të lëshuara nga institucione të tjera dhe, bazuar në to, nëse plotësohen kushtet, është e obliguar të lëshojë Licencën për ushtrimin e veprimtarisë hoteliere për klub nate, kabare, disko-klub dhe disko-klub në hapësirë të hapur, me afat vlefshmërie prej 1 (një) viti.

Ministria e Ekonomisë dhe Punës, shtoi ministri nuk është kompetente dhe nuk ka mekanizëm për të kryer inspektim, mbikëqyrje apo kontroll në objektin ku do të ushtrohet veprimtaria. Sa i përket shumës së tarifës që duhet të paguajë ushtruesi i veprimtarisë, atë e përcakton këshilli komunal.

Advertisement

Tarifa paguhet 50 për qind në llogarinë e komunës dhe 50 për qind në Buxhetin e Republikës së Maqedonisë së Veriut.

Si shtojcë e kërkesës, formulari i quajtur “Aplikacion për përmbushjen e kushteve minimale teknike për ushtrimin e veprimtarisë hoteliere” është një dokument që subjekti juridik e plotëson me të dhënat bazë të kërkuara, duke përfshirë informacionin për subjektin, veprimtarinë, hapësirat sanitare për mysafirët, dispozitat e veçanta për të punësuarit, kapacitetin e hapësirës së shërbimit, sistemin e ventilimit, numrin e daljeve të emergjencës dhe kritere të tjera të rëndësishme.

Me këtë, subjekti deklaron se të dhënat e dhëna në aplikacion janë të vërteta dhe formularin e dorëzon në njësinë rajonale të Inspektoratit Shtetëror të Tregut.

Sa i përket Pëlqimit nga organi kompetent i administratës shtetërore për punët e brendshme, që konfirmon përmbushjen e kushteve për mbrojtjen e rendit dhe qetësisë publike si dhe sigurinë e trafikut, aplikuesi mund të paraqesë kërkesë për këtë pëlqim në Ministrinë e Punëve të Brendshme. Nëse nuk e dorëzon vetë, Ministria e Ekonomisë dhe Punës, me detyrim zyrtar, do t’i drejtohet MPB-së me kërkesë për mendim.

Pas pranimit të mendimit nga MPB, Ministria e Ekonomisë dhe Punës përgatit Licencën për të cilën është paraqitur kërkesa.

Advertisement

Nëse nga MPB merret një mendim negativ në lidhje me përmbushjen e kushteve të lartpërmendura, Ministria e Ekonomisë dhe Punës do të nxjerrë një Vendim për refuzimin e kërkesës dhe licenca e kërkuar nuk do të lëshohet.

Nëse gjatë periudhës së vlefshmërisë së Licencës (1 vit), MPB konstaton se një subjekt i caktuar ka ndryshuar ose nuk i përmbush kushtet për të cilat është kompetent të kryejë kontroll dhe mbikëqyrje, do të njoftojë Ministrinë e Ekonomisë dhe Punës, pas së cilës ministria do të nxjerrë Vendim për revokimin e Licencës së lëshuar.

“Çdo subjekt juridik, pavarësisht nga veprimtaria për të cilën është i regjistruar, përfshirë të gjitha objektet hoteliere, para fillimit të punës është i detyruar të dorëzojë Aplikacion ose Njoftim për fillimin e punës tek: Kryetari i komunës, Inspektorati i Punës, Drejtoria për Mbrojtje dhe Shpëtim, Agjencia për Ushqim dhe Veterinari (nëse përgatit dhe shërben ushqim), Drejtoria e të Ardhurave Publike dhe institucione të tjera kompetente, të përcaktuara me ligjet pozitive në Republikën e Maqedonisë së Veriut”, potencoi Durmishi.

Pas dorëzimit të këtij dokumentacioni të detyrueshëm, subjekti mund të paraqesë kërkesë për marrjen e Licencës për ushtrimin e veprimtarisë hoteliere në një klub nate, kabare, disko-klub dhe disko-klub në hapësirë të hapur.

Ministri Dumishi theksoi se dëshiron të informoj se në mbledhjen e qeverisë të mbajtur më 18 mars, Ministria e Ekonomisë dhe Punës u ngarkua të fillojë përgatitjet për ndryshime dhe plotësime të Ligjit për Veprimtarinë Hoteliere.

Advertisement

“Këto ndryshime do të mundësojnë që verifikimi i kushteve minimale teknike për punë të kryhet përpara lëshimit të licencës për punë. Me këtë, Aplikacioni për përmbushjen e kushteve minimale teknike për ushtrimin e veprimtarisë hoteliere, para se të dorëzohet si dokument shoqërues në kërkesën për licencë, do të duhet të ketë konfirmim për vërtetësinë e tij nga Inspektorati Shtetëror i Tregut”, shtoi ai.

Në fund, theksoi se dëshiron të përcjell mesazhin se Ministria e Ekonomisë dhe Punës është e përkushtuar të sigurojë respektimin e ligjit dhe se çdo person që ka shkelur ligjin duhet të mbajë përgjegjësi.

“Qytetarët kanë të drejtë të jenë të informuar në mënyrë të saktë dhe të kërkojnë llogaridhënie. Përgjegjësia ka emër dhe mbiemër, dhe pres që të gjithë personat përgjegjës të ndëshkohen. Drejtësia duhet të vihet në vend”, shtoi ai.