Sport
LIGA E PARË: REZULTATE BEFASUESE NË JAVËN e 27-të ?!
Tre fitore të ekipeve vendase, një barazim dhe dy fitore të skuadrave mysafire me 21 gol të shënuar është epilogu i ndeshjeve të xhiros së 27 në elitën e futbollit vendor. Dy skuadrat kryesuese Shkëndija dhe Sileksi shënuan fitore të thella kundër Voska Sportit gjegjësisht Besa të Dobërdollit .
Ekipi kuqezi në stadiumin e qytetit në Tetovë me tribuna të shprasta me golat që realizuan Ademi, Tanba, Ibraimi dhe Jakupi, mundën ekipin e Voska Sport me rezultatin 4-0, duke regjistruar fitoren e 17 sezonale . Me këto tre pikë Shkëndija vazhdon të kryeson tabelën me 59 pikë duke mbajtur epërsinë e katër pikëve kundrejt ekipit të dytë që ka 55. Trajneri Jeton Beqiri pas ndeshje tha ekipi dominoi ndeshjen por nuk shfrytëzoj edhe disa raste të qind për qindta.
“Mendoj se ishte dominuam, kontrolluam shënuam katër gola, por ndoshta pengu i vetëm i ndeshjes humbëm shumë raste të pastërta sy më sy me portierin. Por megjithatë kur është rezultati im lartë edhe koncentrimi është më i ulët në momente të veçanta por nëpër gjithësi jam i kënaqur me angazhimin e futbollistëve” deklaroi trajneri Jeton Beqiri
Sa i përket angazhimit të sidomos të disa lojtarëve që kthehen në formën e tyre të duhur si Ademi, Latifi, Tamba, trajneri Beqiri n thotë se këto janë momente të rëndësishme për ekipin
“ Edhe këto futbollistët që përmendet ju shënuan apo asistuan kjo është e mirë për skuadrën. Gjithashtu është e rëndësishme rikthimi Qakës, si rikthimi i Shalës apo i Vebsterit i cili ka pas lëndime të vogla dhe tani janë qind për qind me skuadrën edhe disa minuta. E rëndësishme është që ekipi të funksionoj edhe nga ndeshja në ndeshje të dukemi më të sigurt dhe normalisht të mundohemi të qëndrojmë në vendin aty ku jemi në këto momente “ tha Beqiri
Silkesi në Kratovë edhe kësaj radhe ishte e pamëshirshme ndaj ekipit Besa duke mundur me rezultat të thellë 5-0. Autor të golave ishin Gjorgjievski 3 gola, Aliq dhe Dodev nga një gol. Sileksi me 55 pikë vazhdon sigurt të mbanë pozitën e dytë në tabelë, ndërsa Besa me 24 pikë mbetet në pozitën e 10-të.
Rabotniçki me disfatën kundër kampionit në fuqi Struga Trim Lum 0-1 para tifozëve vendas përfundimisht humbë të gjitha gjasat për titullin kampion dhe dalje në Evropë, ndërsa Struga Trim Lum I afrohet vendit të tretë. Golin e vetëm për këtë fitore të madhe e realizoi Ukpa në minutën 54-të.
Gostivari pas disa dështimeve sot iu kthye fitores dhe atë kundër Shkupit 3-1, Autor të golave ishin Glishiq, Ajdini dhe Li Ervin për vendasit dhe Imeri për Shkupin. Pelisteri zhgënjeu tifozët vendas me disfatën kundër AP Brera 1-2. Vardari edhe njëherë I shpëton disfatës me gol në sekondat e fundit duke barazuar 2-2 me Tikveshin në ndeshjen që u zhvillua në kampin stërvitor të FFM-së
Pas javës së 27 krzeson Shkëndija me 59 pikë e ndjekur nga Sileksi që ka 55, Rabotniçki me 49, Gostivari me 47 dhe Struga Trim Lum me 45 pikë.
Rezultatet e xhiros së 27-të:
Shkëndija – Voska Sport 4-0
Sileksi – Besa e Dobèrdollit 5-0
Rabotniçki – Struga Trim Lum 0-1
Gostivari – Shkupi 3-1
Vardari – Tikveshi 2-2
Pelisteri – AP Brera 1-2
TABELA: 1. Shkëndija 59 pikë, 2.Sileksi 55, 3.Rabotniçi 49, 4. Gostivarii 47, 5.Struga Trim Lum 45, 6.Shkupi 38, 7. Vardari 29 , 8.Pelisteri 29 , 9. AP Brera 24 ,10. Besa 24, 11.Tikveshi 23, 12. Voska Sport 22 pikë
Në javën e 28-të, takohen: Besa – Shkëndija, Rabotniçki – Pelisteri, Shkupi – Sileksi, Struga Trim Lum – Gostiovari, Voska Sport – Vardari dhe Tikveshi –AP Brera.
Konflikti Valverde – Çuameni kishte nisur që të mërkurën. Gjithçka filloi në fushë, vazhdoi edhe në zhveshtore, ku debati përfundoi në përleshje fizike.
Sipas raportimeve, gjatë konfliktit Valverde ra dhe goditi kokën në një tavolinë në zhveshtore. Për shkak të seriozitetit të goditjes, mesfushori uruguaian u dërgua menjëherë në spital për ekzaminime shtesë.
Edhe pse lojtari është liruar për trajtim në shtëpi dhe ndodhet në gjendje stabile, protokollet mjekësore kërkojnë pushim të detyrueshëm prej 10 deri në 14 ditësh. Kjo do të thotë se Valverde do ta humbasë me siguri “El Clasicon” e së dielës në “Camp Nou”, ndeshje në të cilën Barcelona mund ta sigurojë matematikisht titullin në La Liga.
Përmes një deklarate zyrtare, Valverde ka mohuar përplasjen fizike.
Në reagimin zyrtar, “klubi mbretëror” theksoi se nuk do të tolerojë sjellje të tilla:
“Real Madridi njofton se pas ngjarjeve të ndodhura këtë mëngjes është hapur procedurë disiplinore ndaj lojtarëve tanë Federico Valverde dhe Aurelien Tchouameni. Klubi do të informojë publikun pas përfundimit të procedurave të brendshme.”
Ky incident shihet si vazhdim i atmosferës së tensionuar brenda skuadrës madrilene.
Kohët e fundit janë raportuar edhe konflikte të tjera mes lojtarëve, përfshirë përplasje ku janë përmendur Antonio Rudiger dhe Kylian Mbappe.
Sipas mediave spanjolle, drejtori i përgjithshëm Jose Angel Sanchez është shokuar nga sjellja e futbollistëve vetëm pak ditë para ndeshjes më të rëndësishme të sezonit.
Në prag të El-Klasikos, tema kryesore tek tifozët e Real Madridit është peticioni online që kishte nisur më herët, nëse duan që Kilian Mbappe të largohet nga “Mbretërit”. Qëllimi ishte të arrihen 200.000 nënshkrime, por peticioni u bë më viral se sa që pritej dhe tashmë ka 2.8 milion nënshkrime, të tifozëve që pajtohen që Mbappe të largohet nga “Santjago Bernabeu”.
Mësohen ekipet finaliste edhe në Ligën Europa dhe të Konferencës.
Në finale të Europa Ligës me 20 maj në Stamboll do të përballen Freiburg – Aston Vila, ndërsa në atë të Konferencë Ligës më 27 maj në Lajpcig do të përballen Rayo Vajekano – Crystal Palas.
Aston Vila dhe Freiburgu janë dy finalistet e sezonit 2025/2026 në Ligën e Europës. Dy duelet e kthimit të raundit gjysmëfinal, prodhuan plot 8 gola, teksa skuadra e Unai Emeri, mposhti 4 – 0 Notingham Forestin, duke përmbysur kështu rezultatin e sfidës së pare.
Mbrëmje historike edhe për Freiburgun, që fitoi me rezultatin 3 me 1 ndaj Bragës. Aston Vila i dha fund serisë prej tre humbjesh radhazi dhe siguroi kualifikimin në finalen e dytë europiane në historinë e klubit, ku do të përballet me Freiburgu, 44 vite pas finales së parë.
Ndeshja finale e Europa Ligës Freiburg – Aston Vila zhvillohet më 20 maj në Stamboll
Në Konferencë Liga, Rajo Vajekano ka shkruar historinë duke siguruar për herë të parë kualifikimin në një finale të kupave europiane, pasi mposhti francezët e Strasburgut 1-0.
Në finale është kualifikuar edhe Crystal Palace, ekip e cila eliminoi Shakhtar Donetskun me rezultatin 2-1. Edhe për klubin anglez kjo do të jetë finalja e parë europiane në histori, ndërsa synimi do të jetë fitimi i trofeut të dytë madhor në më shumë se 120 vite ekzistencë profesionale.
Ndeshja finale mes Rayo Vajekano – Crystal Palas do të zhvillohet më 27 maj në Lajpcig.
Tanimë kur dihen të gjitha ekipet finaliste në garat evropiane të UEFA-së, nga gjashtë të skuadrat finaliste të garave evropiane, katër trajnerë janë spanjollë, Luis Enrike si trajner i PSG-së dhe Mikel Arteta i Arsenalit, do të kërkojnë trofeun e Ligës së Kampionëve.
Unai Emeri me Aston Vilën synon trofeun e Europa League dhe Inigo Perez me Rajo Vajekanon, synon trofeun e Ligës së Konferencës.
Të shtunën dhe të dielën me fillim në program janë ndeshjet e javës së 31-të të kampionatit në Ligën e parë të futbollit vendor. Kjo javë mund të jetë edhe vendimtare sa i përket titullit kampion por edhe për ekipet që luftojnë për mbijetesë në elitën e futbollit vendor.
Kuqezinjtë tetovar pas dy dështimeve të fundit, disfatës nga Bashkimi në Tetovë dhe barazimit me Sileksin në Kratovë, pothuajse kanë humbur gjasat se mund të mbrojnë titullin kampion.
Derisa matematikisht ende ekzistojnë gjasat, Shkëndija në ndeshjen e nesërme duhet të jetë në nivelin e duhur pasi ekipi nga Struga ka matematikat e veta.
Ndeshje interesante do të zhvillohet edhe në Shkup aty ku lideri në renditjen e tabelës Vardari është nikoqire e Sileksit.
Me fitore eventuale Vardari do të ishte edhe një hap pranë titullit kampion .
Nesër në program është edhe ndeshja në Manastir mes Pelisterit dhe Shkupit, ku vendasit janë favorite absolute.
Të tre ndeshjet e së shtunës fillojnë ora 16:00.
Tre ndeshjet tjera të javës së 31-të zhvillohen të dielën me fillim në ora 16:00, takohen: Arsimi – Bashkimi, Makedonija Gj.P – Tikveshi dhe AP Brera- Rabotniçki.
‘Fitonin’ 34 mijë euro me mallverzimeve gjatë shit-blerjes së veturave të konfiskuara
Siljanovska: Balancuesi krijoi pushtet të korruptuar, ligjet duhet të miratohen me procedurë të rregullt
KONGRESI I VLEN – QYTETARËT MIRËPRESIN BASHKIMIN!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
