Lajme nga vendi
Në fshatin Poroj përkujtohet dëshmori Mujdin Aliu (video)
Në fshatin Poroj të Tetovës, me nderime dhe homazhe është përkujtuar në përvjetorin e 26 të rënies së tij, dëshmori I kombit Mujdin Aliu. Me këtë rast, përfaqësues të Shoqatës së Veteranëve të Ushtrisë Çlirimtare Kombëtare, fillimisht kanë bërë homazhe tek busti i Mujdin Aliut në qendër të fshatit Poroj. Gjatë nderimeve që ju bënë u nënvizua fakti se Mujdin Aliu, edhe pse ishte djalë i vetëm i kësaj familje, megjithatë nuk hezitoi që t`I bashkohet Ushtrisë Çlirimtare të Kosovës, në betejën e Koshares, ku edhe ra heroikisht. Në ndërkohë, homazhe janë bërë edhe në vendprehjen e Mujdin Aliut, në varrezat e dëshmorëve në fshatin Poroj, ku janë vendosur kurora dhe lule të freskëta për të nderuar figurën e Mujdin Aliut. Ndërkaq, dy vite më vonë, me fillimin e luftës në Maqedoni, brigada 112 që veproi nga Tetova e deri në Jazhincë mori emrin e Mujdin Aliut. Gjatë homazheve Hazbi Lika ish komandanti i Brigadës 112 Mujdin Aliu, tha se sot nderohet dhe lartësohet në veçant figura e Mujdinit, krahas veprës së dëshmorëve tjerë. “Mujdin Aliu përveçse një luftëtar i Kosovës i cili dha jetën për atë vend, ka qenë frymëzues edhe për këtë pjesën këndej, ku një pjesë bukur e madhe e rinisë u mobilizua për të vazhduar rrugën që e kishte trasuar Mujdin Aliu dhe në vitin 2001, Ushtria Çlirimtare Kombëtare arriti të korrë fitore në bazë të motiveve prej Mujdin Aliut por edhe dëshmorëve tjerë që ranë në Kosovë dhe atyre që lanë gjurmë siç la edhe vet Mujdin Aliu”, tha Hazbi Lika, isha komandant.Në ndërkohë, në fshatin Poroj, në organizim të shkollës fillore “Gjergj Kastroti Skënderbeu”, u organizua “Krosi Pranveror Mujdin Aliu”, i cili mbahet për 21 vite me radhë, me rastin e ditës së rënies së dëshmorit të kombit Mujdin Aliu. Në këtë aktivitet ishte i pranishëm edhe kryetari i Komunës së Tetovës Bilall Kasami. “Ky aktivitet nuk është vetëm një garë sportive, por një event që përkujton veprën e njërit prej heronjve më të denjë të vendit tonë, i cili me guxim dha jetën e tij për lirinë e popullit dhe pavarësinë e Kosovës. Ky nuk është thjesht një aktivitet sportiv. Është një marshim i kujtesës. Është një nderim për një nga bijtë më të guximshëm të kombit tonë. Mujdin Aliu nuk garoi për medalje – ai luftoi për lirinë tonë. Ai nuk kërkoi duartrokitje , ai dha jetën që ne sot të mund të ecim me kokën lart. Prandaj, çdo hap që bëjnë nxënësit në këtë kros, është një hap mbi gjurmët e sakrificës së tij. Dhe çdo frymëmarrje e tyre është vazhdim i betimit që Mujdini bëri me jetën e vet për liri, drejtësi, dhe atdhe për të gjithë”, tha kryetari i Komunës së Tetovës Bilall Kasami. I pranishëm në këtë organizim ishte edhe rektori i Universitetit të Tetovës Jusuf Zejneli dhe ish rektori I Universitetit “Nënë Tereza” Izet Zeqiri.
Lajme nga vendi
Fillon faza e zbatimit konkret të Strategjisë 2025–2028 për Hetime Financiare dhe Konfiskim të Pasurisë në RMV
Pas mbledhjes konstituive të Këshillit Nacional për Hetime Financiare dhe Konfiskim të Pasurisë, të mbajtur më 2 shkurt 2026, sot shënohet hyrja në fazën vendimtare të zbatimit konkret të Strategjisë për periudhën 2025–2028 dhe Planit të Veprimit 2025–2026, njoftojnë nga kabineti i zv. kryeministrit Arben Fetai.
“Me Vendimin e Qeverisë të datës 9 shtator 2025 dhe me emërimin e anëtarëve më 28 tetor 2025, është konsoliduar struktura e plotë institucionale për koordinimin dhe monitorimin e kësaj strategjie.
Megjithatë, siç theksoi Zëvendëskryeministri për Qeverisje të Mirë, Arben Fetai, struktura në vetvete nuk prodhon rezultate, rezultatet arrihen përmes veprimit të koordinuar, përgjegjësisë së qartë institucionale dhe llogaridhënies konkrete.
Këshilli Nacional përcakton drejtimin politik, ndërsa Komisioni Nacional ka për detyrë të sigurojë që ky drejtim të përkthehet në rezultate të matshme në praktikë. Raporti i parë vjetor evidenton progres normativ, por faza aktuale kërkon angazhim të shtuar operacional, disiplinë në raportim dhe reagim tëmenjëhershëm ndaj pengesave sistemike.
Në këtë kontekst, Komisioni Nacional do të funksionojë si mekanizëm aktiv i zbatimit dhe monitorimit, me fokus në:
-zbatimin e plotë të përgjegjësive institucionale;
-identifikimin dhe adresimin e pengesave reale në sistem;-raportim me integritet, transparencë dhe pa kalkulime politike;
-ndërhyrje të menjëhershme në rast vonesash apo mungese kapacitetesh”, thuhet në njoftim.
Gjatë takimit, theksojnë nga atje, u promovua dokumenti i përgatitur në bashkëpunim me United Nations Office on Drugs and Crime (UNODC), “Checklist për lehtësimin e kthimit të pasurisë”, si instrument praktik për standardizimin dhe fuqizimin e proceseve të rikuperimit të aseteve. Ky dokument përfaqëson një hap konkret drejt forcimit të kapaciteteve teknike dhe harmonizimit me standardet ndërkombëtare.
Lajme nga vendi
Ndërpritet bojkoti i mësimit në Vaksincë! Suspendohet arsimtarja deri në ekzaminimet mjekësore
Pas një muaji të plotë bojkot, ka rifilluar mësimin në filloren e Vaksincës. Pas raportimit të vazhdueshëm të TV21 për mos reagim në kohë të institucioneve, më në fund drejtoria e shkollës mori vendim për suspendim të arsimtares së anglishtes S.S. për të cilën dyshohet se ka probleme shëndetësore. Drejtori i Sh. F. “Rilindja” përmes telefonit e konfirmoi se arsimtaren në fjalë e kanë larguar nga puna 3 muaj deri sa të kryhen procedurat administrative dhe ekzaminimet shëndetësore te Instituti i mjekësisë së punës.
Nga Komuna e Likovës thanë se kanë urdhëruar drejtorinë që ta zëvendësojnë përkohësisht me një arsimtare tjetër të anglishtes në mënyrë që mësimi të mos ngecë, ndërsa gjatë pushimit pranveror dhe veror do të kompensohen 4 javët e humbura mësimore. Nga Inspektorati shtetëror i arsimit thonë se brenda afateve ligjore presin raportin e drejtorisë për ekzaminimet mjekësore për të vendosur nëse arsimtarja S.S. i plotëson kushtet për tu rikthyer në mësim ose për përjashtim të përhershëm nga puna.
Fillon faza e zbatimit konkret të Strategjisë 2025–2028 për Hetime Financiare dhe Konfiskim të Pasurisë në RMV
Ndërpritet bojkoti i mësimit në Vaksincë! Suspendohet arsimtarja deri në ekzaminimet mjekësore
Vatikani refuzon ftesën e Trump për ‘Bordin e Paqes’/ The Independent: Mbështet OKB-në për zgjidhjen e krizave globale
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
