Sport
LIGA E DYTË: KF ARSIMI NJË HAPË DREJTË SUKSESIT HISTORIK
Pesë fitore të skuadrave vendase, dy barazime dhe një fitore e mysafirëve me 21 gola të shënuar është epilogu i ndeshjeve të javës së 27 në ligën e dytë të futbollit vendor. Arsimi i Çegranit me tre pikët kundër Bregallnicës është një hapë pranë suksesit historik kualifikim në elitë, ndërsa Bashkimi me barazimin kundër KF Skopjes në Kumanovë zhgënjeu tifozët e vet.
Në një atmosferë impozante që para fillimit të ndeshjes që kishin përgatitur banorët e Çegranit, të shtunën u zhvillua ndeshja derbi me Bregallnicën e Shtipit, ndeshja e cila doli të pas fitores 2-1 doli të shpallet si ndeshje e historike, pasi ekipin e Arsimit e ndajnë vet⌂m edhe nj⌂ hapë drejtë realizimit të ëndrrës 50 vjeçare për kualifikim në elitën e futbollit vendor aty ku janë Shkëndija, Struga, Trim Lum, Shkupi, Besa .Deri në fund të kampionatit për çegranasit kanë mbetur edhe tre ndeshje finale për tu ngjitur në maje. Pas fitores me Bregallnicën ekipi festoi bashkë me tifozët, ndërsa njeriu më meritor për këto suksese trajneri Vildan Saliju i emocionuar deklaroi
“Është një fitore shumë e madhe , një fitore me shumë vlera, një fitore që na bënë një hapë afër asaj ëndrrës të cilën e potencova ditë më parë. Unë dua të përgëzoj vetëm lojtarët e mi për angazhimin , seriozitetin dhe disiplinës. Ne ishim të vetëdijshëm se na pret një përballje shumë e rëndësishme ose derbi me faktin se Bregallnica është një ekip e cila ka një traditë shumë të madhe në futbollin vendor, por ne ishim me një vetëbesim shumë të lartë, motivim shumë të lartë dhe të gjithë lojtarët ishin në maksimum për ti zbatuar detyrat edhe pse rezultati është i ngushtë 2-1, por me lojën që treguam besoj se duheshe të ishte më thellë. Sigurisht të gjitha rastet mund me u konkretizua por me rëndësi janë tre pikët, angazhimi i gjithë lojtarëve dhe na jemi shumë të kënaqur , shumë të lumtur që një ëndërr jemi gati me e bë realitet” deklaroi trajneri Vildan Saliju
Sa i përket ndeshjes së ardhshme kundër Borecit në Veles që luhet të martën, trajneri Vildan Saliju tha se kundërshtarin e vlerësojmë lartë por shpreson se nga Velesi të kthehen me tre pikë
“Ndeshja e radhës me Borecin në Veles ku ajo ekip e cila matematikisht e ka konfirmuar rënien nga kategoria. Po ne nuk do na bënë pengesë kjo do motivohemi në maksimum do ta vlerësojmë lojën lartë si çdo ndeshje të cilën e kemi vlerësua do ta japim maksimumin dhe ishalla do të kthehemi me tre pike edhe nga atje” tha trajneri Saliju
Por skuadra e Bashkimit që konsiderohej njëra nga tre ekipet favorite për kualifikim në elitë të shtunën para tifozëve vendas zhgënjeu me barazimin 1-1 me Skopjen dhe tani duke u bazuar në orarin e ngjeshur do ta ketë rëndë për të mbetur në dy vendet e para
Rezultatet e javës së 27: Arsimi – Bregallnica 2-1, Bashkimi – Skopje 1-1, Bellasica – Detonit Plaçkovica 1-2, Kamenica Sasa – Vardari 4-2 , Makedonija Gj.P – Boreci 3-0, Novaci – Vardarski 3-0, Ohri – Kozhufi 1-0, Pobeda – Osogova 0-0.
Pas javës së 27 tabelën e kryesojnë Makedonija Gj.P me 60 pikë, Arsimi me 58 dhe Bashkimi 57 pikë
Në xhiron e 28-të, që luhet të martën me fillim në ora 17:00 takohen: Boreci – Arsimi, Bregallnica – Bellasica, Detonit Plaçkovica – Ohri, Skopje – Pobeda, Kozhufi – Bashkimi, Osogova – Novaci , Vardari (Neg) – Makedonija Gj.P dhe Vardarski – Kamenica Sasa
Shaban Sinani – TV KOha
Ekipi nga Nju Jorku fitoi ndeshjen e 5-të në transfertë me rezultatin 94-90, pas plot 53 viteve u shpall kampion i NBA . Seria e fitoreve në finale është 4-1 për Knicks, Titullin kampion gjatë natës e kanë festuar banorëe e Nju Jorkut.
Me ndeshjen finale mes ekipit NjuJork Knicks dhe San Antonio Spurs zyrtarisht mbyllet sezoni 2025/2026 i kampionatit amerikan të basketbollit NBA.
Kampion i këtij sezoni është skuadra e Nju Jork e cila në ndeshjen e pestë finale në transfertë mundi San Antonion 94-90 dhe me serinë e fitoreve të përgjithshme 4-1 fitoi titullin kampion të NBA-së për herë të parë që nga viti 1973.
Të udhëhequr nga një performancë “magjike” e Jalen Brunson, i cili u shpall MVP i Finales me 45 pikët e tij në ndeshjen e 5-të, Nju Jork Knicks bëri një tjetër rikthim të fuqishëm për të mposhtur ekipin San Antonio.
Pas sirenës së fundit, festa shpërtheu në të gjithë Nju Jork City.
Simboli i qytetit, Empire State Building, u ndriçua me ngjyrat portokalli dhe blu të Knicks, ndërsa mijëra tifozë u mblodhën pranë Madison Square Garden për të festuar rikthimin e shumëpritur të skuadrës së tyre në majën e basketbollit amerikan.
Një triumf që mbyll një rrugëtim emocionues në play-off dhe që do të mbetet gjatë në kujtesën e tifozëve të Knicks.
Pesë herë kampioni botës Brazili në ndeshjen e raundit të parë nxori vetëm barazim 1-1 kundër Marokut. Australia shtangu Turqinë, fiton edhe Bregu i Fildishtë kundër Ekuadorit
Pas katër ditëve nga hapja solemne e kampionatit Botërorë të futbollit që zhvillohet në SHBA, Kanada dhe Meksikë janë zhvilluara 12 ndeshje të raundit të parë në Grupet A, B, C. E, F dhe G, prej të cilave tre kanë përfunduar me barazim, ndërsa janë shënuar gjithsejt 38 gola që mund të thuhet se është një efikasitet i kënaqshëm, por nuk munguan as edhe befasitë.
Surpriza e parë erdhi me Katarin e cila barazoi me Zvicrën. Një befasi edhe më e madhe ndodhi edhe në përballjen Brazili – Maroku që gjithashtu përfundoi me barazim 1-1.
Fitore minimale por mjaft të rëndësishme ka regjistruar Skocia në përballjen me Haitin, ndërsa befasi konsiderohet edhe fitorja e Australisë kundër Turqisë 2-0.
Gjermania nuk lejoi befasi kundër Kurasao, duke fituar me rezultat të thellë 7-1.
Holanda botërorin e nisi me barazim 2-2 me Japoninë, Bregu i Fildishtë shënoi fitore minimale 1-0 kundër Ekuadorit, ndërsa Suedia nisi fuqishëm duke e mposhtur 5-1 Tunisin
Kampionati botërorë i futbollit vazhdon sonte dhe nesër me ndeshje interesante të grupit G dhe H me ndeshjet Spanja – Kepi i Gjelbër, Belgjika – Egjipti, Arabia Saudite – Uruguai, Irani – Zelanda e Re dhe Franca – Senegali.
Legjendat e Shkëndijës edhe në xhiron e katërt të kampionatit e Ligës së Veteranëve të Maqedonisë së Veriut kanë regjistruar fitore të sigurt 2 -0 në sete kësaj radhë kundër 11 Oktomvrit .
Për kuqezinjtë tetovar ishte kjo fitorja e katërt me radhë dhe janë duke udhëhequr tabelën me pikë maksimale së bashku me Borecin e Velesit.
Kapiteni Durim Luma gjatë një prononcimi për TV Koha shpreson që të vazhdojë kjo ecuri pozitive.
“Turneu i katërt në kampionatin e veteranëve të Maqedonisë së Veriut u zhvillua në Shkup, ndërsa ne për kundërshtarë kishin ekipin e Prilepit të cilën e fituam bindshëm 2-0 në sete 25-13 dhe 25-19, ku të gjithë lojtarët kishin rastin që të angazhohen në këtë ndeshje në mungesë të lojtarit tonë kryesor Habil Ajeti zhvilluam ndeshje shumë të mirë. Me aktivizimin e Naim Abazit i cili ishte figurë qendrore dhe kryesore e ndeshjes ne fituam bindshëm këtë ndeshje në këtë turne’’ deklaroi kapiteni Durim Luma
Në dy ndeshjet tjera të xhiros së katërt janë regjistruar këto rezultate Gjevgjelia – Skopje 0-2 dhe Strumica – Boreci 0-2.
Pas katër xhirove të zhvilluar tabelën e kryesojnë Shkëndija dhe Boreci me nga katër fitore maksimale.
Kampionati vazhdon më 4 tetor me ndeshjet e xhiros së pestë që organizohet në Tetovë, ku takohen Shkëndija – Boreci, 11 Oktomvri – Skopje dhe Strumica – Tetova.
Shaban Sinani – TV Koha
Mexhiti: Shkupi vazhdon të mbetet vatër e traditës së lavdishme të mundjes
KASAMI PREMTON RREGULLIMIN E KALIMIT TË HEKURUDHËS PËR NË FALISHTË
NBA: NEW YORK KNICKS KAMPION PAS 53 VITEVE!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
