Lajme nga vendi
Ramadani narrativi për bashkëpunim me BDI-në është një narrativë që na vishet
Ramadani nga ASH-Taravari ka theksuar se narrativi për bashkëpunim me BDI-në është një narrativë që na vishet, pasi ASH nuk ka asnjë bashkëpunim me BDI-në. Kjo narrativë na vishet sepse ne kemi krijuar kanale komunikimi me të gjithë, dhe ASH ka komunikime zyrtare me BDI-në. Nëse flasim për ndryshim, atëherë si mund të sjellësh ndryshim në Dollnen pa pasur komunikim me BDI-në dhe subjektet e tjera?
Arben Fetai është në vijë me politikat e Arben Taravarit, thotë sekretari Ramadani
Blerant Ramadani, në emisionin e sotëm në “Daily Click”, u pyet rreth statusit të fundit në Facebook nga ana e zëvendëskryeministrit Fetai. Ramadani theksoi se deri në këtë moment Arben Fetai është në një vijë me politikat e Arben Taravarit. Sa i përket postimit të tij, ai është një qëndrim personal, sepse në ASH ka demokraci të brendshme dhe ato që ka thënë, besoj se do t’i sqarojë edhe në kuvend.
Ramadani: Jemi të gatshëm të bashkohemi me kolegët tanë nga ana tjetër
Sekretari i përgjithshëm Blerant Ramadani, i pyetur rreth një mundësie për t’u bashkuar me ASH-Sela, theksoi se ai personalisht ka miq dhe komunikon me ta. Madje, gjatë kampanjës zgjedhore kemi kontaktuar dhe kemi pirë kafe. Si ASH, jemi të gatshëm të bashkohemi dhe nëse ka një kërkesë të tillë nga poshtë, nga anëtarësia e ASH-së, organet partiake do të përgjigjen ndaj kësaj kërkese.
Ramadani: Nuk është VLEN ajo që përcakton nëse ASH mbetet ose del nga qeveria
Sekretari i ASH-së, Blerant Ramadani, theksoi se praninë e ASH-së në qeveri ose jo nuk e përcakton VLEN, por ASH-ja dhe partneri i koalicionit. Nëse mandatari nuk e sheh të arsyeshme bashkëpunimin me ASH-në, atëherë ne nuk kemi problem të kalojmë në opozitë.
Ramadani: VLEN nuk e solli vet ndryshimin, pa ASH-ne do te ishte e pamundur
Blerant Ramadani, sekretar i Aleancës për Shqiptarët, duke kritikuar performancën e koalicionit VLEN, tha se ai nuk ka sjellë ndryshimin e pritur nga qytetarët. Në një intervistë për TV21, Ramadani tha se disa vendime në skenën politike nuk duhet të udhëhiqen nga emocioni, por nga urtësia dhe përgjegjësia. “Është koha të sillemi me maturi, me shenja që i takojnë një lidershipi të vërtetë,” theksoi ai, duke bërë apel deri te bashkëpartiakët e tij në VLEN. Ai shtoi se qytetarët presin sjellje të denjë nga përfaqësuesit politikë, jo retorikë përçarëse.
Ramadani: Kryesia e ASH-së e ka autorizuar Arben Fetain të gjejë një modus – besoj se në mbledhjen e ardhshme do të na brifojë
Sekretari i përgjithshëm i Aleancës për Shqiptarët, Blerant Ramadani, ka theksuar se për zgjedhjet lokale – të cilat dallojnë nga ato parlamentare – në mbledhjen e fundit, “kryesia e ASH-së e ka autorizuar pikërisht Arben Fetain që të gjejë një modus, dhe besoj se në mbledhjen e ardhshme do të na brifojë se deri ku kanë shkuar bisedimet,” tha Ramadani.
Ramadani: ASH do të kandidojë me lista të veçanta që kështu të mund të matemi
Sekretari i përgjithshëm i ASH-Taravari, Blerant Ramadani, gjatë një interviste në “Daily Click”, ka theksuar se vendimi i ASH-së ka qenë që në muajin tetor dhe për këtë më nuk do të diskutohet. Partnerët e VLEN kanë qenë të njoftuar. Ai më tej shton se në këto zgjedhje do të shohim se sa e fuqishme dhe sa peshon ASH-ja te populli.
Ramadani drejtuar Selës: Ne nuk kemi gabuar dhe s’kemi pse të kërkojmë falje
I pyetur rreth deklaratës së fundit të kryetarit Ziadin Sela, që Taravari duhet të kërkojë falje që të mund të kemi një bashkëpunim eventual, Ramadani shtoi se Arben Taravari nuk ka gabuar dhe nuk ka arsye për të kërkuar falje, sepse Taravari dëgjoi zërin e qytetarit. “Ne nuk kemi hatërmbetje, ne kemi më shumë arsye për të bashkërenduar aktivitet me shokët tanë sesa për të mos i bashkërenduar,” tha Ramadani.
Ramadani: Nëse anëtarësia dhe kryesia vendosin, jam i gatshëm të ofrohem si kandidat në Saraj
Sekretari i përgjithshëm i ASH-Taravari, Blerant Ramadani, në emisionin “Daily Click”, u pyet nëse ai mund të jetë kandidat i mundshëm për komunën e Sarajit. Ramadani theksoi se nëse anëtarësia e ASH-së në atë komunë e kërkon këtë dhe nëse kryesia e partisë vendos, atëherë është i gatshëm t’u ofrohet qytetarëve që ata të vlerësojnë nëse kandidatura e tij është e mirëpritur për ta.
Lajme nga vendi
“Ligji në letër, diskriminim në praktikë”/ Nis protesta për provimin në gjuhën shqipe në Maqedoninë e Veriut, studentët “pushtojnë” Shkupin
Njëri nga organizatorët e protestës, Mevlan Ademi tha se studentët nuk do të dorëzohen deri sa të ketë drejtësi për ata sepse “nuk ka barazi pa gjuhën shqipe”.
Besar Sejdiu tha se studentët kërkojnë zbatimin e Kushtetutës dhe ligjeve.
Besjan Rexhepi tha se protesta nuk është kundër askujt, por, thirrje për respekt ndaj drejësisë.
Jon Selimi tha mos ua mohojnë studentëve shqiptar të drejtat e garantuara me ligj.
Marshi ariti para Ministrisë së Drejtësisë. Dorëheqje kërkohet nga ministri. “Mos rri në dritare ministër” bërtasin ata.
Numri i studentëve është rritur. Kërkojnë të drejtën e tyre për të folur shqip. Ata u nisën drejt Ministrisë së Drejtësisë, duan dorëheqje nga ministri i djejtësisë, Igor Filkov.
“Studentët nuk tolerojnë”, “Ministër dorëheqje”, “Drejtësi, barazi!” “Nuk ka shtet pa rini”, “Ne flasim shqip” bërtasin ata mbi Urën e Gurit.
Protesta ka marrë mbështetje edhe nga individë, funksionarë dhe shoqata tjera nga RMV-ja, Shqipëria dhe Kosova.
Por, e njëjta ka nxitur edhe përplasje midis dy blloqeve politike shqiptare në RMV, VLEN dhe BDI.
Kryeministri i vendit Hristijan Mickoski përsëri u garantoi studentëve se do ju gjejë zgjidhje, ndërsa u bëri apel që të mos bëhen vegël e BDI-së.
“Unë i garantoj studentët se siç janë gjetur shumë zgjidhje për shumë sfida dhe shumë lëshime nga e kaluara, ashtu edhe për këtë do të gjendet zgjidhje përkatëse. Unë mendoj se atë tanimë e dinë dhe apeli im është që të mos lejojnë të jenë vegël në duart e partisë politike që ende jeton në kujtimet e së kaluarës, gjegjësisht në kohën e shekullit të kaluar”, tha me 5 prill Hristijan Mickoski.
Çështja e provimit të jurisprudencës në gjuhën shqipe po përcillet me bujë të madhe periudhën e fundit pasi 385 studentë shqiptarë nga tre fakultete të juridikut (UT, UEJL, UNT) në Maqedoninë e Veriut përmes një peticioni kërkuan nga institucionet që provimi i jurisprudencës të jepet edhe në gjuhën shqipe, në gjuhën në të cilën i kryejnë studimet, pasi siç thonë, u takon me ligj.
Në Ligjin për Provimin e Jurisprudencës nuk ekziston dispozitë ligjore në të cilin thuhet se ky provim mund të mbahet vetëm në gjuhë maqedonase.
Ministria e Drejtësisë me në krye Igor Fillov vazhdimisht ka insistuar se provimi i jurisprudencës nuk mund të mbahet në gjuhën shqipe pavarësisht Ligjit për përdorimin e gjuhëve. Ndërsa inspektimin e Inspektoratit për Përdorimin e Gjuhëve e kanë quajtur si presion.
Në ndërkohë, Inspektorati për Përdorimin e Gjuhëve pas mbikëqyrjes së jashtëzakonshme ia tërhoqi vërejtjen Ministrisë së Drejtësisë në krye me Igor Fillkovin se nuk e kanë mundësuar dhënien e provimit të jurisprudencës në gjuhën shqipe pavarësisht detyrimit ligjor dhe kushtetues.
Ministria e Drejtësisë nuk e ka ndërmend t’i zbatojë rekomandimet, por ka parashtruar ankesë ndaj këtij vendimi.
Edhe Avokati i Popullit përmes lëndës që e hapi për këtë çështje, doli me propozim konkret për Qeverinë ku i kërkon që përmes ministrisë së Drejtësisë, të fillojë procedurë për ndryshimin tre ligjeve: Jurisprudencës, Noterinë dhe Përmbarimin, që të njëjtat të harmonizohen me Ligjin për përdorimin e gjuhëve, që ky provim të jepet edhe në shqip.
Tre fitore të skuadrave vendase një barazim dhe dy fitore të ekipeve mysafire me gjithsejt 25 gola të shënuar është epilogu i javës së 25-të të kampionatit në Ligën e parë të futbollit vendor. Në këtë xhiro ndodhën edhe dy beasi të mëdha. Shkëndija u mposht në Tetovë nga Pelisteri kurse Struga Trim Lum në Strugë nga Rabotniçki.
Pelisteri ndali serinë pozitive të fitoreve të Shkëndisë në sezonin pranveror duke u bërë një shërbim të madh rivalëve të “përbetuar” Vardarit.
Për Shkëndinë kjo humbje mbase erdhi në momentin më të duhur duke ndezur “alarmin” që në 8 xhirot e fundit cdo ndeshje të jetë – ndeshje finale.
“Kuqezinjtë” thonë se disfata nga Pelisteri gjithsesi se do të ndikojë në motivimin e ekipit në ndeshjet e radhës
‘’Unë besoj që Shkëndija ka treguar shumë herë se dinë të kthehet edhe pas rezultateve negative ose pas ndonjë humbje . Ne do mundohemi të rikthehemi në maksimumin e mundshëm tonin që të fitojmë ndeshjen e ardhshme dhe të luftojmë deri në fund të kampionatit’’ deklaroi trajneri Jeton Beqiri
Rabotniçki është shndërruar në hitin e sezonit pranveror. “Romantikët” hap pas hapi po largohen nga zona e rrezikut. Të dielën në Strugë mposhtën Struga Trim Lum duke bërë një hap të madh në “betejën” për ekzistencë në Ligën e Parë.
Në tetë xhirot e fundit, Vardari dhe Shkëndija mbeten dy konkurrentët kryesor për titullin kampion, kurse Struga Trim Lum me 53 pikë pothuajse ka të siguruar daljen në Evropë.
Tetë xhirot e fundit do të sjellin edhe ndeshje “për jetë a vdekje” për skuadrat në fundin e tabelës.
Derisa Shkupi tashmë ka rënë në kategorinë e dytë, për Arsimin, Pelisterin, Rabotniçkin dhe Makedonija Gjorçe Petrovin cdo ndeshje do të jetë me rëndësi të vecantë dhe cdo pikë e fituar do të ketë vlerë të madhe.
Shaban Sinani – TV Koha
Dje, në orën 13:30 në Tetovë, zyrtarët policorë kanë privuar nga liria një 47-vjeçar nga Tetova. Paraprakisht, në orën 12:40 në Stacionin Policor të Tetovës, babai i tij 76-vjeçar ka denoncuar se për një periudhë të gjatë kohore ai dhe bashkëshortja e tij janë viktima të dhunës në familje nga ana e djalit të tyre. Sipas denoncimit, 47-vjeçari, në gjendje të dehur, çdo ditë ka thyer sende në shtëpi dhe ka drejtuar kërcënime serioze për jetën e tyre. Pas privimit nga liria, te ai janë matur 2,14 promilë alkool në gjak dhe ai është ndaluar në stacionin policor për procedurë të mëtejshme, ndërsa pas dokumentimit të rastit do të dorëzohet kallëzimi përkatës.
……Dje në orën 15:30 në një fshat të Gostivarit, zyrtarët policorë kanë privuar nga liria një 27-vjeçar i cili ishte denoncuar nga ish-partnerja e tij jashtëmartesore se pasi ajo kishte ndërprerë lidhjen, ai kishte shkuar para shtëpisë së prindërve të saj me automjetin e udhëtarëve “BMV” dhe u kishte drejtuar kërcënime serioze për jetën.
……Dje, në orën 15:40 në Stacionin Policor të Tetovës, një 30-vjeçar nga Tetova ka denoncuar se në rrugën “Ilinden”, derisa po lëvizte me bashkëshorten e tij, është sulmuar fizikisht nga vëllai i tij 26-vjeçar. Pas dokumentimit të plotë të ngjarjes do të dorëzohet parashtresa përkatëse.
…..Dje në orën 16:30 në rrugën rajonale Tetovë-Jazhincë, në fshatin Tearcë, zyrtarët policorë nga Stacioni Policor për Siguri në Trafikun Rrugor Tetovë kanë privuar nga liria një 69-vjeçar nga i njëjti fshat. Ai po drejtonte automjetin “BMË” me shpejtësi prej 114 km në orë, në një vend ku kufizimi i shpejtësisë është 50 kilometra në orë. Ai është ndaluar në stacionin policor dhe pas dokumentimit të rastit do të vijojë parashtresa përkatëse.
……Dje, në orën 14:55, në SPB Tetovë është denoncuar se në Spitalin Klinik të Tetovës është pranuar një fëmijë 10-vjeçar, i cili sipas denoncimit, kishte pirë një sasi të madhe ilaçesh. Është njoftuar prokurori publik dhe Qendra për Punë Sociale dhe po ndërmerren masa për zbardhjen e rastit.
Dje, zyrtarët policorë kanë privuar nga liria një 49-vjeçar nga një fshat i komunës së Bërvenicës, pas denoncimit nga bashkëshortja e tij, me të cilën janë në procedurë divorci, se ai i kishte drejtuar kërcënime për jetën.
…….Sot pas mesnate rreth orës 01:30, në Stacionin Policor të Tetovës, një 31-vjecare nga Tetova ka denoncuar se është sulmuar fizikisht nga vëllai i saj 26-vjecar në afërsi të qendrës rekreative “Banjishtë”. Ai është privuar nga liria, ndërsa gjatë kontrollit tek ai është gjetur marihuanë.
……Dje, në orën 15:10 në stadiumin e futbollit në fshatin Tearcë, në ndeshjen midis ekipeve të KF Tearca nga fshati Tearcë dhe KF Dardania nga fshati Neproshten, zyrtarët policorë të Njësisë Policore të Tearcës kanë arrestuar një 27-vje nga fshati Tearcë, i cili është sjellë në mënyrë agresive dhe në disa raste ka tentuar të sulmojë fizikisht lojtarët e ekipit mysafir. Ai është ndaluar në stacionin policor dhe pas dokumentimit të rastit do të vijojë parashtresa përkatëse.
…….Dje në orën 19:15, zyrtarët policorë nga Stacioni Policor për Mbikëqyrje Kufitare Rogaçevë kanë privuar nga liria një 47-vjecar nga Tetova. Gjatë kontrollit tek ai është gjetur dhe konfiskuar një lëndë pluhur me ngjyrë kafe. Ai është ndaluar në stacionin policor dhe pas dokumentimit të rastit do të vijojë parashtresa përkatëse.
……Sot në mëngjes në orën 02:45, zyrtarët policorë nga Stacioni Policor për Mbikëqyrje Kufitare Kodra e Diellit kanë privuar nga liria personin një 24-vjecar nga fshati Poroj. Gjatë kontrollit tek ai është gjetur dhe konfiskuar marihuanë.
“Ligji në letër, diskriminim në praktikë”/ Nis protesta për provimin në gjuhën shqipe në Maqedoninë e Veriut, studentët “pushtojnë” Shkupin
LIGA E DYTË: KRYESOJNË OHRI DHE SHKËNDIJA (H)
LIGA E PARË: XHIROJA E 25-të, JAVA E BEFASIVE NË TETOVË E STRUGË!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga rajoni2 weeks agoZbardhet dëshmia e autorit të vrasjes së Liridonës, Plava: Kisha marrëveshje me Murselin, më tha se Behgjet Pacolli ka qenë në dijeni
-
Lajme nga bota2 weeks ago“Do jem makthi i Iranit”, Trump ‘kërcënon’ sërish: Nëse nuk ulen në negociata, bombardimet do të shtohen
-
Lajme nga vendi2 months ago20-vjecari nga fshati Novo Sellë е Tetovës drejtonte mjetin pa leje i sekuestohet përkohësisht “BMV”