Ministri i Punëve të Brendshme, Pançe Toshkovski sot në Fejsbuk kumtoi se nuk ka trimëri në rrezikimin e jetëve për disa sekonda vëmendje në rrjetet sociale.

“Ky rast le të jetë përkujtues se çdo sjellje e pamenduar do të sanksionohet”, porositi Toshkovski.

Pas videos që u shpërnda në rrjetet sociale, Ministria e Punëve të Brendshme kumtoi se janë parashtruar padi kundër dy personave të cilët u tërbuan me automobil nëpër rrugët e Shkupit.

Menjëherë u ndërmorën masa dhe aktivitete, ndërsa personat janë gjetur. Është kryer bisedë zyrtare dhe kundër tyre, siç ceket, do të parashtrohen padi adekuate në pajtim me Ligjin për siguri në trafikun e rrugëve dhe Ligjin për automjete.

“Kundër shoferit S.Z.(29) nga Shkupi sipas nenit 167 paragrafi 2 (për shkak të transportit të personit në pjesët e jashtme të automjetit) dhe nenit 225 paragrafi 9 (drejtim i automjetit pa patent shofer) nga LSTRR dhe nenit 26 paragrafi 10 nga Ligji për automjete (drejtim i automjetit pa patent shofer), si dhe kundër personit që qëndron në pjesën e jashtme të automjetit R.GJ.(19) nga Shkupi sipas nenin 317 paragrafi 14 (ia ka dhënë automjetin personit pa patent shofer) dhe nenit 186 paragrafi 2 (bën venprime me të cialt e rrezikon sigurinë e vet) nga LSTRR. SPB Shkup po ndërmerr edhe masa dhe aktivitete shtesë për ndriçimin e plotët ë rastit”, qëndron në kumtesën e MPB-së.

Advertisement

Federata Ndërkombëtare e Basketbollit (FIBA) e ka dënuar ashpër incidentin që përfshinte thirrje fyese ndaj shqiptarëve në ndeshjen midis Maqedonisë dhe Rumanisë që u zhvillua të shtunën në Kumanovë. Përveç kësaj, Federata informoi se incidenti është objekt i një hetimi nga ana e saj, transmeton Portalb.mk.

“Në këtë fazë, ne po mbledhim raporte dhe deklarata përkatëse në bashkëpunim të ngushtë me federatat kombëtare të përfshira, si dhe me autoritetet lokale dhe agjencitë e zbatimit të ligjit”, tha FIBA, duke shtuar se dënon pa rezerva dhe fuqimisht gjuhën e urrejtjes dhe gjuhën diskriminuese ose raciste në çdo formë.

Kërcimet fyese në ndeshjen e basketbollit u dënuan paraprakisht nga partitë politike dhe udhëheqja shtetërore në vend, si dhe nga Federata Maqedonase e Basketbollit dhe Komuna e Kumanovës, në territorin e së cilës u luajt ndeshja. Policia dhe zyra e prokurorit, nga ana tjetër, informuan se po hetojnë rrethanat e incidentit.

Në Maqedoni të Veriut, në fundjavë, gjatë ndeshjes mes Maqedonisë së Veriut dhe Rumanisë në basketboll u dëgjuan thirrje sikurse “shqiptar i mirë është shqiptar i vdekur”, “dhoma gazi për shqiptarët”, “Maqedoni e pastër”.

Në këtë ngjarje, të pranishëm ishin edhe kryeministri Hristijan Mickoski, zëvendëskryeministri Ivan Stoilkoviq dhe ministri i Punëve të Brendshme, Panço Toshkovski.

Advertisement

Mickoski gjatë një prononcimi për media më 4 gusht tha se edhe pse ishte i pranishëm në sallë, nuk i “vura re” tifozët që brohoritën këto thirrje, pasi tha se “fjalë për një grup të vogël njerëzish”.

“Dua ta shfrytëzoj këtë rast për t’iu bashkuar dënimit të nacionalizmit dhe ksenofobisë – së pari për atë që ndodhi gjatë ndeshjes së basketbollit ndërmjet Maqedonisë [së Veriut] dhe Rumanisë, e më pas për të dërguar një mesazh te të gjitha grupet e tifozëve: të mbështesin në mënyrë sportive, ta përkrahin ekipin e tyre dhe përfaqësuesen kombëtare të Maqedonisë”, tha Mickoski.

Ai tha se thirrjet kundër shqiptarëve “do të jetë objekt hetimi dhe sanksionesh, pa marrë parasysh nga vjen”. Prokuroria maaqedonase ka nisur hetimet për këtë ngjarje.

“Dua të përsëris edhe një herë: e dënoj në mënyrë absolute brohoritjen e pazakontë dhe të papranueshme të disa individëve, të cilët nuk hasën në mbështetje nga asnjë prej të pranishmëve në sallë”, tha ai.

Kurse ministri i Sportit, Borko Ristovski, tha se kjo ministri nuk mund të reagojë konkretisht ndaj kësaj ngjarjeje, “sepse nuk vjen nga ndonjë subjekt sportiv – vjen nga tifozë në tribunë – dhe nuk kemi asnjë kompetencë për të reaguar kur bëhet fjalë për tifozët”.

Advertisement

“Megjithatë, le ta shfrytëzoj këtë rast për të bërë një apel: në Maqedoni nuk ka nevojë për brohoritje të tilla, as nga njëra anë, as nga tjetra, nga askush, nga cilado anë që të vijë”.

Ai shtoi se “nga pozita e Ministrisë së Sportit, nuk mund të bëjmë gjë tjetër përveç se të ndihmojmë në identifikimin e tyre dhe të veprojmë në përputhje me ligjin”.

Kodi Penal i Maqedonisë së Veriut parasheh dënime për thirrjet raciste dhe gjuhën e urrejtjes në disa nene, ndërsa më i rëndësishmi është neni 319, i cili parashikon se kushdo që nxit ose përhap publikisht urrejtje, përçarje apo jotolerancë mbi baza racore, fetare, etnike apo kombëtare, dënohet me burgim nga një deri në pesë vjet.

Kampioni i Maqedonisë, klubi i futbollit Shkëndija e Tetovës,  sonte  në  arenën ‘’Todor Proeski’’ pret kampionët e Azerbajxhanit, ekipin Karabah në kuadër të ndeshjes së parë të raundit të tretë kualifikues për Ligën e Kampionëve.

 Shkëndija e Tetovës sonte me fillim në orën 20:00 do të luaj ndeshjen e parë ndaj Karabahut të Azerbajxhanit në kuadër të xhiros së tretë eliminatore në Ligën e Kampionëve.  Ekipi  që drejtohet nga trajneri Jeton Beqiri pritet  të vazhdon rrugëtimin europian në UEFA Ligën e kampionëve,ku sonte  do në këtë një detyrë e vështirë përballë një ekipi që luan në vazhdimësi në Kupat  Evropiane. Nga tabori kuqezi, shihet një atmosferë pozitive para kësaj sfide do të thonim historike andaj shpresojnë edhe në përkrahjen dinjitoze dhe  numër  sa më të madh të tifozerisë kuqezi pasi suksesi eventual që të gjithë e presim do të  hapë  një faqe të re në historinë këtij klubi që me të drejt konsiderohet simboli i futbollit shqiptarë në Maqedoni dhe jo vetëm.

Sa  i përket formacionit që sonte do të zbres në fushën e gjelbër  trajneri Beqiri do të vendos para fillimit të ndeshjes, por më e rëndësishmja është se të gjithë ekipi është  në dispozicion të trajnerit dhe të gatshëm  për  të  dhënë më të mirën nga vetja e tyre.

 Informatat nga terreni thonë se  për  të ndjekur ndeshjen e sotme interesimi i   futboll dashësve është i jashtë zakonshëm sidomos  në rajonin e Pollogut

Ndeshja Shkëndija – Karabah, luhet sonte në arenën ‘’Todor Proeski’’ me fillim në ora 20:00, ndërsa drejtësi do të ndaj arbitri nga Sllovakia, Ivan Kruzhilak.

Advertisement

Shaban Sinani – TV Koha