Lajme nga vendi
SHKOLLA E SELLCËS ME KUSHTE MESJETARE
Për dhjetë vjet numri I nxënësve në Sellcë të Tetovës ka rënë për më shumë se 200 nxënës, ndërsa në shkollat periferike të kësaj shkolle në Llacë dhe Vicë numri I nxënësve është përgjysmuar. Kjo shkollë edhe ndërtuar në vitin 1954 dhe kushtet në të cilat mësojnë nxënësit nuk I plotësojnë as kushtet elementare.
MUHAMER ASANI – DREJTOR I SHKOLLËS RILINDJA
“ Të ju them të drejtë është e dhimbshme të thuhet por nga 580 nxënës që kemi pas nga viti 2006- 2014 kemi rënë në 367 nxënës. Në këtë shkollë kushtet janë mizerie, nuk kemi as kushte elementare , shkolla është ndërtuar në vitin 1954 me gurë edhe baltë,ka pasur riparime të herë pas hershme por aq mund të qëndrojë një objekt që afatin e ka të skaduar.”
Për Asanin objekti i ri do të ishte shpëtim sepse presin që objekti të mbaroj sa më shpejtë.
MUHAMER ASANI – DREJTOR I SHKOLLËS RILINDJA
“ Neve na gëzon fakti se në bazë edhe të bisedave që kemi pasur, e kanë vizituar edhe objektin, është bërë një punë shumë kualitative dhe flitet se së shpejti por afat të caktuar nuk kemi. Ne presim me padurim të kyçemi në objekt të ri dhe nxënësit ti gëzohen një infraktukture që do ti plotësoj të gjitha standardet.”
I pyetur për këtë objekt kryetari i komunës së Tetovës Bilall Kasami lëshoi akuza ndaj BDI, sepse sic tha BDI e ka lënë këtë shkollë në këtë gjendje.
“ Shembulli më tipik i keqpërdorimit dhe korrupsionit të qeveris paraprake të BDI-së që e dini që një objekt mbeti skelet dhe tani u ndërrua lokacioni. Tani punohet në objekt të ri në bashkëpunim me ministrin e arsimit punohet intensivisht që ky objekt të përfundohet në kohë. Edhe pse pati disa probleme administrative gjatë tenderimit, furnizimit, unë besoj se ata shpejtë do të tejkalohen dhe ajo shkollë do të përfundohet dhe do të jetë ndër projektet e radhës që do ta promovojmë si një objekt të ri shkollor.”
Ndërsa ministrja e Arsimit dhe Shkencës Vesna Janevska aq që e kishte idenë se si qëndron problemi me këtë shkollë por tha se qeveria për një vit aq ka mundur të bëjë.
VESNA JANESVSKA – MINISTRE E ARSIMIT
“Për fat të keq në kohën që lamë pas qeveria e kaluar nuk ka treguar shumë mirëkuptim për temat e nxehta, vazhdimisht investohet siç edhe vet e shihni me ardhjen e qeverisë së re e këndej dhe me ardhjen e qeverisjes së re lokale e kënde investohet në infrastrukturë dhe unë vazhdimisht e them se është me rëndësi ta dini, se për një vit aq mund të bëhet dhe kështu me radhë.”
Në Sellcë një objekt u fillua në vitin 2000 ndërsa i njëjti u ndërpre për shkak se i njëjti rrezikonte të shembej nga rrëshitja e dheut. Ndërsa objekti që po ndërtohet u fillua në vitin 2023, por i njëjti akoma nuk është përfunduar.
Dhjetëra shtëpi të vërshuara, oborre të kthyera në liqene, por edhe rrugë të bllokuara dhe rrëshqitje dheu në disa vende. Ky është bilanci nga reshjet e dendura të shiut dhe dalja e lumenjve nga shtrati në rajonin e Pollogut. Komunat e Tetovës, Gostivarit dhe Zhelinës kanë filluar me formimin e komisioneve për vlerësim dhe evidentim të dëmeve, e në disa pika, edhe dislokim të banorëve nga objektet e banimit, si pasojë e rrezikut nga përmbytjet.
“Aktualisht po realizohen analiza të detajuara të rrezikshmërisë me qëllim që banorët e zonave ku siguria është cenuar, të zhvendosen në hapësira më të sigurta, dhe paralelisht po bëhet edhe evidentimi i objekteve të rrezikuara për të vërtetuar edhe statusin e tyre juridik. Sa i përket infrastrukturës rrugore, në rrugën e Banjës janë evidentuar rrëshqitje të mëdha të dheut dhe ekipet e komunës kanë ndërhyrë menjëherë për pastrim dhe normalizim të qarkullimit. Ndërhyrje janë realizuar edhe në Gjermë ku situata është më kritike”, tha Besarta Ramdani, zëdhënëse e Komunës së Tetovës.
“Zonat më të prekura në Komunën e Gostivarit kanë qenë, fshati Forinë, fshati Llakavicë, fshati Turçan i Vogël dhe disa lagje të qytetit, por ne si komunë, kemi bashkëpunuar me banorët dhe nga gjitha të dhënat që përmendëm më kritike ka qenë Forina. Për vlerësimin e dëmit, tani do formojmë një komision dhe do dalim në terren për të vlerësuar dëmet në fshatin Forinë dhe banorëve që janë prekur nga vërshimet”, u shpreh Safet Asani, komisioni për mbrojtje dhe shpëtim Komuna e Gostivarit.
Zona e fundit ku pati përmbytje një ditë më parë ishte fshati Strimnicë.
“Në këtë lagje afërsisht 12 shtëpi kanë dëme materiale që iu ka hy uji nëpër bodrume. Ne si ekipe e komunës ishim afër qytetarëve dhe u ndihmuam sa mundëm, andaj shpresoj që Ministria e Ekologjisë dhe institucionet më lartë të marrin masa që ky problem të përfundoj”, deklaroi Suad Alili, Ndërmarrja Publike Komuna e Zhelinës.
Sipas udhëheqësve të komunave dhe Drejtorisë për Mbrojtje dhe shpëtim përmbytjet janë si pasojë e mos pastrimit në kohë të shtretërve të lumenjve, dhe hedhjes së pakontrolluar të mbeturinave nëpër lumenj. /Alsat.mk
PROTESTË NË 18-VJETORIN E PAVARËSISË SË KOSOVËS
“Vërshimet”, Tetova, Gostivari e Zhelina formojnë komisione për vlerësimin e dëmeve
Kosova, 18 vjet shtet i pavarur, krerë shtetesh urojnë Kosovën
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
