Lajme nga vendi
Ribalanci i buxhetit në mbledhje të Qeverisë, paralajmërohen më shumë mjete për komunat dhe për paga më të larta
Në mbledhje të Qeverisë sot do të shqyrtohet ribalanci i Buxhetit, paralajmëroi kryeministri Hristian Mickoski, i cili u përgjigj në pyetje ku do të shkurtohet dhe ku do të ketë më shumë para me ribalancin e ri. Ai theksoi se në ribalancin e ri të buxhetit do të ketë më shumë para për komunat, paga më të mëdha, pensione, si dhe për shëndetësinë.
“Aty janë mjetet për ato projekte, të cilat janë në kuadër të njësive të vetëqeverisjeve lokale, mjete për më shumë subvencione, paga më të larta, pensione, etj, dhe shëndetësi. Por, pastaj të themi pas miratimit të Propozim-buxhetit në lexim të parë në kuadër të mbledhjes së qeverisë kjo supozoj do të sqarohet para mediave”, deklaroi Mickoski.
I pyetur për raportin e Entit Shtetëror të Statistikave në lidhje me bujqësinë, ku janë shënuar inpute më të mëdha dhe autpute më të mëdha dhe është pozitive për bujqit dhe çka mund të presin nga ribalanci i buxhetit, Mickoski u përgjigj se kjo është absolutisht e saktë, ka rritje të çmimeve ndaj blerësve dhe më shumë para për bujqit në investime të reja.
“Absolutisht kjo është e saktë dhe këtë e tregon Raporti i ri i Entit Shtetëror të Statistikave dhe kemi rritje dyshifrore të autputit, gjegjësisht rritje të çmimeve ndaj blerësve, që në përgjithësi shkon për eksport dhe do të thosha të parëndësishëm prej 1,2 për qind input të rritur, kjo në shpenzimet, në anën e shpenzimeve të bujqve dhe kjo është tashmë disa muaj dhe kjo është e shkëlqyer, parametër i shkëlqyer. Kjo nënkupton më shumë para për investime, më shumë para për bujqit”, tha Mickoski.
Sa i përket mbështetjes të cilën e jep Qeveria, kryeministri Mickoski theksoi se vitin e kaluar është dhënë mbështetje për bujqit më shumë se 8,6 miliardë denarë.
Çmimi i naftës në Maqedoninë e Veriut do të shtrenjtohet sërish pas mesnate, përcjell TV21. Pas shtrenjtimit të djeshëm për 2,5 denarë, sot Komisioni Rregullator për Energjetikë ka vendosur që çmimi i naftës të rritet edhe për 2 denarë shtesë. Sipas vendimit të KRRE-së, një litër naftë pas mesnate do të kushtojë 72 denarë.
Çmimet e derivateve pas mesnate:
Nafta – 72,0 den/l
Vaji ekstra i lehtë – 70,0 den/l
Benzina BS-95 – 76,0 den/l
Benzina BS-98 – 78,0 den/l
Gazi 42,0 den/l
Metani 61,0 den/l
Mbrëmë rreth orës 23:00, në rrugën Bulevardi Turistike në Ohër, pranë Mini Marketit, ndodhi një aksident i rëndë trafiku. Një shofer i veturës Golf me targa të Ohrit humbi kontrollin mbi automjetin dhe goditi direkt dy këmbësorë.
Nga forca e përplasjes, të dy personat pësuan lëndime të rënda kërcënuese për jetën. Njëri prej tyre, i lindur në vitin 1980, ndërroi jetë nga plagët e marra, gjë që u konfirmua nga mjekët në spitalin “Shën Erazmo” në Ohër. Personi tjetër ka pësuar fraktura në tre brinjë dhe lëndime të tjera të rënda trupore.
Jozyrtarisht, shkaku i aksidentit dyshohet të ketë qenë një sulm epileptik i shoferit, i cili shkaktoi tragjedinë.
Tre liderët Ahmeti, Sela dhe Taravari zyrtarizojnë bashkëpunimin për zgjedhjet lokale që pritet të nënshkruhet ditëve në vijim.
Ali Ahmeti, Ziadin Sela dhe Arben Taravari do të garojnë të bashkuar në zgjedhjet lokale të tetorit të këtij viti. Marrëveshja e arritur mes tyre parashikon kandidatë të përbashkët dhe lista të përbashkëta në të gjitha komunat, me synimin për një fitore absolute të Frontit Europian.
Sipas informacioneve zyrtare që portali TS ka mësuar nga tre partitë politike, është finalizuar edhe ndarja e komunave ku secila do të udhëheqë garën:
BDI do të ketë kandidatët në:
Tetovë, Çair, Kërçovë, Bogovinë, Bervenicë, Zhelinë, Studeniçan, Likovë, Dollnen, Pllasnicë dhe Çashkë (10 komuna)
ASH – Sela në:
Strugë, Dibër dhe Haraçinë (3 komuna)
ASH – Taravari në:
Gostivar, Vrapçisht, Saraj dhe Tearcë (4 komuna)
Sipas sondazheve të fundit, ky bashkëpunim pritet të sigurojë një fitore të bindshme dhe rezultat të paprecedentë në nivel kombëtar për Frontin Europian.
Pas mesnate sërish do të rritet çmimi i naftës në Maqedoni
Një i vdekur dhe një i lenduar në Ohër
Arrihet marrëveshja, ja ndarja e komunave midis BDI dhe ASH për zgjedhjet lokale?!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve