Lajme nga vendi
Llogaridhënie për punën e bërë në vitin e parë të Qeverisë
Llogaridhënie për punën e bërë në vitin e parë të Qeverisë do të mbajnë sonte përfaqësuesit qeveritar në Shkup.
Kryeministri Hristijan Mickoski dje në profilin e tij në Fejsbuk kumtoi se për një vit kanë rritur pensionet dhe pagat, po ndërtojnë rrugë, kanë siguruar mbi 1.2 miliardë euro investime të huaja dhe kanë punësuar 1000 nëpunës policor dhe theksoi se zhvillimi është i mundur dhe i arritshëm, ndërsa më e mira ende nuk ka ardhur, frytet e punës së Qeverisë do të ndihen më tej.
“Kemi ende shumë punë për të bërë, të vetëdijshëm për sfidat e jetës së përditshme dhe problemet reale të qytetarëve, ashtu siç e dimë se ju jeni të vetëdijshëm për atë që kemi trashëguar, se mrekullitë nuk janë të mundura brenda natës dhe se nuk është e lehtë, por me këmbëngulje, unitet, përpjekje dhe një plan të qartë të bazuar në themelet e zhvillimit që kemi hedhur vitin e kaluar, zhvillimi është i mundur dhe i arritshëm, më e mira ende nuk ka ardhur, frytet e punës sonë do të ndihen ende. Gjithmonë pranë njerëzve dhe për qytetarët. Shihemi nesër në llogaridhënien për vitin e parë të Qeverisë së ndryshimeve në orën 20:00. Një vit nga fillimi i ri, një vit ndërtimi themelesh, një vit për ju! Koha e Maqedonisë po vjen! Po ndërtojmë themelet e ndryshimit, theksoi dje Mickoski.
Siç theksoi, për herë të parë pas shtatë viteve, viti shkollor 2024-2025 ka filluar me tekste shkollore të dorëzuara, mbi një milion kopje u vendosën në bankat shkollore, në ditën e parë të shkollës pavarësisht afatit të shkurtër. Janë siguruar, përmendi, 680 milionë denar buxhet për shkencë në vitin 2025, dyfish më shumë se në vitin 2024.
“Janë miratuar 229 milionë denarë për projekte nga fusha e mjedisit jetësor, 500 milionë euro për biznesin dhe projekte kapitale për komunat. Ekonomia e Maqedonisë renditet e katërta në Evropë për sa i përket rritjes së PBB-së në tremujorin e parë dhe është menjëherë pas Irlandës, Danimarkës dhe Polonisë… dhe shumë gjëra të tjera. Ende kemi shumë punë për të bërë, të vetëdijshëm për sfidat e jetës së përditshme dhe problemet reale të qytetarëve, siç e dimë se ju jeni të vetëdijshëm për atë që trashëguam, se mrekullitë nuk janë të mundshme brenda natës dhe se nuk është e lehtë, por me këmbëngulje,unitet, përpjekje dhe një plan të qartë të bazuar në themelet e zhvillimit që kemi hedhur vitin e kaluar, zhvillimi është i mundur dhe i arritshëm, më e mira ende nuk ka ardhur, frytet e punës sonë do të ndihen ende, shkroi Mickoski në Fejsbuk.
Kuvendi më 23 qershor të vitit të kaluar, me 77 vota “pro” dhe 22 vota “kundër” e zgjodhi Qeverinë, në krye me Mickoskin. Koalicioni qeveritar përbëhet nga VMRO-DPMNE, partitë nga koalicioni VLEN dhe ZNAM. Kundër Qeverisë votuan deputetët e LSDM-së dhe e Majta, ndërsa Fronti Evropian e braktisi seancën pak para përfundimit të saj.
Në Qeveri ka gjithsej 20 ministri. Përveç Kryeministrit, ka 23 zëvendëskryeministra dhe ministra. Në përbërjen qeveritare ka vetëm tre gra, ministret e Financave, Arsimit dhe Shkencës dhe Energjetikës, Minierave dhe Burimeve Minerale, Gordana Dimitrieska Koçoska, Vesna Janevska dhe Sanja Bozhinovska.
Hristijan Mickoski është Kryeministri i 13-të, që e udhëheq qeverinë e 20-të që nga pavarësia e vendit.
Për nder të Pavarësisë së Kosovës, mbrëmë në Shkup, në skenën e Operës dhe Baletit Kombëtar, u dha premierë opera “Goca e Kaçanikut” opera e parë kosovare e kompozitorit të njohur Rauf Dhomi, duke u shndërruar në një ngjarje të madhe kulturore dhe thellësisht emocionale.
“Goca e Kaçanikut” u prit me interes të madh nga publiku, duke dëshmuar se arti mbetet një nga mënyrat më të forta për ta ruajtur dhe për ta përcjellë historinë tonë.
Kjo premierë në Shkup ishte edhe një dëshmi e lidhjes së gjallë kulturore mes shqiptarëve si dhe një urë e rëndësishme bashkëpunimi ndërmjet institucioneve artistike.
Salla u mbush me emocion, ndërsa publiku ndoqi një vepër që nuk ishte thjesht art, por një rrëfim i gjallë për historinë, qëndresën dhe identitetin kombëtar.
“Goca e Kaçanikut” solli në skenë frymën e Kaçanikut dhe jetën e shqiptarëve ndër breza, duke e kthyer muzikën në kujtesë kolektive dhe skenën në një dëshmi të gjallë të asaj që jemi dhe çfarë kemi kaluar.
Agjencia e lajmeve INA mëson se mbrëmë në Qeveri ka pasur takim të përfaqësuesve të studentëve të peticionit për provimin e jurisprudencës në gjuhën shqipe me Kryeministrin Mickoski dhe Zëvendës-Kryeministrin Sali ku mes tjerash është rënë dakord që të formohet një grup pune i ekspertëve të së drejtës kushtetuese për hartimin e zgjidhjes juridike të kësaj çështjeje.
INA ekskluzivisht i mëson dy emrat e profesorëve që do të jenë pjesë e këtij grupi të punës: Jeton Shasivari profesor i së drejtës kushtetuese në UEJL dhe Denis Preshova profesor i së drejtës kushtetuese në UKIM.
Përndryshe profesor Shasivari njihet në opinion si “thyes i barrierave gjuhësore” sepse siç kemi raportuar më herët, në shtator të vitit të kaluar e “theu akullin” para Gjykatës Kushtetuese duke folur për herë të parë në histori plotësisht në gjuhën shqipe duke treguar se shqipja e ka vendin e merituar para gardianit të kushtetutës.
Kujtojmë se më parë, politikani si Talat Xhaferi kishte filluar fjalimin shqip në këtë institucion, por për mungesë të përkthimit kishte vazhduar në maqedonisht.
Lajme nga vendi
Sindikata e hotelerisë mbështet ligjin e ri për duhanin, por kërkon masa për ruajtjen e vendeve të punës
Ligji i ri për duhanin sërish hap debatin për balancën mes shëndetit publik dhe efekteve ekonomike mbi hotelierinë, gastronominë dhe turizmin.
Sindikata e punëtorëve të këtyre sektorëve paralajmëron vërejtje ndaj ndryshimeve të propozuara, por nuk është kundër Ligjit. Ata duan të parandalojnë zvogëlimin shtesë të kuadrit tashmë deficitare në sektor.
Nga Sindikata e hotelieri-turizmit porosisin se e mbështesin miratimin e Ligjit, por paralajmërojnë se zbatimi i tij mund të ketë pasoja ekonomike nëse nuk parashihen mekanizma mbrojtës për vendet e punës.
“Duhet të gjenden mënyra dhe masa që i njëjti të mos kontribuojë në uljen e numrit të punëtorëve në këtë sektor. E dimë se këta dy sektorë janë deficitare me kuadër, përveç pagave të ulëta, një pjesë e punëtorëve po largohen jashtë vendit. Kështu që konsiderojmë se edhe kjo do të jetë një lloj goditjeje e vogël për po ashtu uljen e numrit të punëtorëve në këta dy sektorë”, tha Stojançe Kashikovski.
Sipas Sindikatës, hotelieria dhe turizmi edhe tani përballen me mungesë fuqie punëtore. Një pjesë e punëtorëve largohen jashtë vendit për shkak të pagave të ulëta, ndërsa çdo restriksion shtesë që do të ndikonte në qarkullimin e objekteve mund të nënkuptojë edhe goditje të re ndaj punësimit. Pikërisht për këtë arsye, propozimi i tyre shkon në drejtim të një zgjidhjeje të ngjashme me zgjidhjen e mëparshme ligjore.
“E dimë se edhe në Ligjin e deritanishëm që parashihte hapësira të caktuara për duhanpirësit ose të ashtuquajturat veranda, parashihte pra një pjesë të tillë ku duhanpirësit do të jenë në mundësi të gëzojnë thjesht atë kënaqësinë e tyre”, deklaroi Stojançe Kashikovski.
Nga sindikata theksojnë se verandat ose pjesët e veçanta për duhanpirës janë pjesë kyçe për biznesin, por kyç është edhe zbatimi i qëndrueshëm dhe kontrollet e shtuara inspektuese.
Mesazhi i sindikatës është mbështetje për një ligj që do ta mbrojë shëndetin publik, por me zgjidhje të dizajnuara me kujdes që nuk do të shkaktojnë largim shtesë të kuadrit dhe mbyllje të vendeve të punës në një sektor që edhe ashtu përballet me sfida serioze. /tv21
“GOCA E KAÇANIKUT”: SHKUPI SKENË E KULTURËS SHQIPTARE!
Ekskluzive: Qeveria formon grup pune për provimin e jurispudencës në gjuhën shqipe
Sindikata e hotelerisë mbështet ligjin e ri për duhanin, por kërkon masa për ruajtjen e vendeve të punës
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
