Lajme nga vendi
Fazliu: Ligjin e përfaqësimit nuk e bënë dot me kryeministër shqiptar, tani e kundërshtojnë!
Ish-deputeti i PDSH-së, Bekim Fazliu, ka reaguar përmes një statusi në Facebook lidhur me miratimin e Ligjit për Përfaqësim të Drejtë dhe Adekuat nga Qeveria, duke kritikuar ashpër ish-qeverisjen e BDI-së për paaftësinë dhe mungesën e vullnetit politik për ta zgjidhur këtë çështje themelore për shqiptarët.
Fazliu shkruan se, megjithëse për 20 vjet BDI kishte në dorë gjithë pushtetin, përfshirë edhe kryeparlamentarin dhe kryeministrin e parë shqiptar, asnjëherë nuk e sollën një ligj të tillë. Ai thekson se tani kur ky ligj kalon nga një qeveri me shumë më pak pushtet, të njëjtët individë që heshtën për dy dekada, dalin kundër. “Tani, kur dikush tjetër, me shumë më pak pushtet, siç e pranoni ju, e kalon këtë ligj në Qeveri, ju nuk bëheni pjesë për ta përmirësuar. Përkundrazi, ngriheni dhe thoni: ‘Nuk kalon!’ Jo pse mendoni se ligji nuk është i mirë, por sepse ju nxjerr zbuluar. Sepse ky ligj ua kujton paaftësinë dhe heshtjen tuaj 20-vjeçare përballë një kërkese të drejtë të shqiptarëve”, shkruan Fazliu.
Ai sjell një krahasim të ashpër mes periudhës së qeverisjes së kaluar dhe asaj aktuale, duke thënë se më parë përmendeshin afera të montuara, burgje të mbushura me shqiptarë, kazino dhe korrupsion, ndërsa sot flitet për ligje të rëndësishme si ai për përfaqësimin e drejtë, përdorimin e gjuhës shqipe dhe përpjekjet për luftë kundër korrupsionit.
“Ka ndryshim të madh ndërmjet kazinos dhe korrupsionit që çojnë në shkatërrim, dhe Ligjit për Gjuhën Shqipe, afrimit me Kosovën, përfaqësimit të drejtë, që çojnë në zhvillim, dinjitet dhe një rrugë të drejtë”.
Në fund të reagimit, Fazliu pranon se ligji mund të ketë mangësi, por thekson se është një përpjekje e vlerësueshme pas dy dekadash heshtjeje. Ai u bën thirrje të gjithëve që të kontribuojnë për përmirësimin e tij, dhe jo të pengohet për arsye politike.
Statusin e përmbyll me një mesazh simbolik nga Arbën Xhaferi: “Më mirë një ligj sesa një post”.
Kryetari i PDSH-së, Menduh Thaçi sot njoftoi se bisedimet me kryetarin e BDI-së, Ali Ahmeti kanë dështuar.
“Të dielën besoj se Kuvendi i partisë do të merr konkluza të sakta për të ardhmen.
Me keqardhje mund të konstatoi se bisedimet me Ali Ahmetin kanë dështuar”, tha Thaçi.
Për të konstatuar këtë tha se të dielën do të merr vendim edhe organet partiake.
Trembëdhjetë vjet më parë u nda nga jeta politikani shqiptar nga Tetova, Arbën Xhaferi. Ali Ahmeti, kreu i BDI-së në Maqedoni të Veriut, e ka kujtuar Xhaferin, duke thënë se mungesa e tij ndjehet edhe sot.
“Edhe pse kanë kaluar 13 vjet nga ndarja e tij nga jeta, mungesa e Arbën Xhaferit ndjehet njësoj”, shkroi Ahmeti.
Më pas, ai kujtoi se si gjatë luftës së vitit 2001, “kur kombi kishte nevojë për unitet, ai ishte aty për të bashkërenduar veprimet tona”.
Ahmeti tha se edhe pas luftës, takimet dhe bashkëpunimi mes tyre nuk u ndal.
“Shpesh më thoshte: ‘Më konsidero si vëlla të madh’. Dhe, ashtu ishte, një vëlla i madh, një mik i urtë dhe një mendje e kthjellët që e donte kombin mbi gjithçka”.
“I përjetshëm kujtimi për Arbën Xhaferin”, shkroi Ahmeti.
Arbën Xhaferi u nda nga jeta pasditen e 15 gushtit 2012 në moshën 64-vjeçare pas një hemorragjie cerebrale në tru.
Zëvendëskryeministri i Parë dhe Ministër i Mjedisit Jetësor dhe Planifikimit Hapësinor, z. Izet Mexhiti, gjatë vizitës në Laboratorin qendror të kwsaj ministrie ka theksuar se do të ketë monitorim të përforcuar të ndotjes së ajrit me pajisje dhe teknologji të reja.
Laboratori është pajisur me aparaturë të avancuar ICP-MS në vlerë prej 160 000 eurosh, e financuar nga UNOPS-i që do të mundësojë analizimin e saktë të metaleve të rënda në tokë, ujë dhe ajër. Gjithashtu, ka përfunduar me sukses edhe procesi i riakreditimit dhe Laboratori ka siguruar një certifikatë të re katërvjeçare që mbulon 20 metoda analitike, përfshirë matjen e zhurmës mjedisore dhe analizat e ujërave të ndotura.
“Në kuadër të projektit “EU for Clean Air”, laboratori është pajisur me aparaturë të avancuar ICP-MS në vlerë prej 160 000 eurosh, e financuar nga UNOPS-i, që do të mundësojë analizimin e saktë të metaleve të rënda në tokë, ujë dhe ajër” ka theksuar Mexhiti.
Ai gjithashtu ka njoftuar se instalimi i aparaturës dhe trajnimi i stafit do të realizohet gjatë muajit shtator, duke e cilësuar këtë si një hap të rëndësishëm drejt rritjes së kapaciteteve teknike dhe përmirësimit të cilësisë së të dhënave mjedisore.
Mexhiti informoi se gjatë periudhës së ardhshme Laboratori do të pajiset me akreditimin e metodave të reja që do tëpërforcojnë me tej kapacitetet e tij.
Laboratori Qendror i Ministrisë së Mjedisit Jetësor është kyç në sistemin e mbrojtjes dhe menaxhimit të mjedisit në vend dhe shërben si një institucion teknik dhe shkencor në realizimin e detyrave ligjore dhe strategjike për monitorimin e ndotjes dhe mbrojtjen nga komponentët mjedisorë.
Thaçi: Bisedimet me Ali Ahmetin kanë dështuar
CONFERENC LEAGUE: DINAMO CITY ELIMINOI HAJDUK-in E SPLITIT
Ali Ahmeti përkujton fjalët e Arbën Xhaferit: Më thoshte, “më konsidero si vëlla”
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi3 years ago
Kovaçevski paralajmëroi drejtor të ri të Drejtorisë për Zbatimin e Sanksioneve