Lajme nga vendi
Qeveria do të ndjekë penalisht ish-drejtorin e Entit Shtetëror të Statistikave, Apostol Simoski dhe zëvendësin e tij të atëhershëm
Qeveria do të kërkojë përgjegjësi penale nga ish-drejtori i Entit Shtetëror të Statistikave, Apostol Simoski, dhe zëvendësi i tij Ilmi Selami, pasi Gjykata Kushtetuese vendosi dje se gjatë regjistrimit të vitit 2021, qytetarët u ndanë në popullsi “rezidente” dhe “jorezidente”, në kundërshtim me Kushtetutën.
Zëvendëskryeministri për Qeverisje të Mirë, Arben Fetai, akuzoi BDI-në se përmes zëvendësdrejtorit të Entit të Statistikës po zbatonte idenë e saj për futjen në mënyrë jokushtetuese të këtyre dy kategorive me qëllim që të tregojë se ka më pak shqiptarë në vend sesa ka në realitet, dhe në këmbim të kësaj, Selamit iu premtua pozicioni i ambasadorit.
“Për këtë shërbim që bëri, ai u shpërblye me premtim për t’u bërë ambasador, ne e penguam atë propozim nga BDI si qeveri e re, që nga fillimi i qeverisjes, dhe ai do të duhet të japë llogari për shkeljen e ligjit dhe kushtetutës. Ne presim komente nga autoritetet hetimore në lidhje me përgjegjësinë e tij penale”, tha Arben Fetai, Zëvendëskryeministër për Qeverisje të Mirë.
Kryeministri Mickoski, duke iu përgjigjur pyetjes së gazetarëve mbi këtë temë, tha se përgjegjësinë politike për kryerjen e regjistrimit e ka marrë koalicioni i mëparshëm në opozitë, ndërsa do të duhet të verifikohet nëse ka baza për përgjegjësi penale.
Edhe pse e kërkuam Ilmi Selamin, ai nuk iu përgjigj thirrjeve dhe mesazheve tona, ndërsa ish-drejtori Apostol Simoski tha në bisedë të shkurtër telefonike se nuk dëshironte të komentonte vendimin e Gjykatës Kushtetuese në këtë moment, por se së shpejti do ta deklaronte publikisht qëndrimin e tij.
Gjatë periudhës kur Gjykata Kushtetuese vendosi të ndërmarrë iniciativë për këtë çështje, Simoski në një intervistë për Alsat kishte mbrojtur futjen e këtyre kategorive duke pretenduar se kushtetuta nuk ishte shkelur dhe se institucioni po respektonte vetëm rregullat e konventave të të cilave ne jemi nënshkrues.
“Ne jemi të detyruar si anëtar i Kombeve të Bashkuara të respektojmë atë që është përcaktuar brenda kornizës së kësaj organizate, pra jemi të detyruar, të gjitha ato konventa kanë statusin e ligjit në këtë vend dhe ato duhet të respektohen. Ne nuk e shkelëm kushtetutën në asnjë mënyrë. Ky nuk është operacion që është i lidhur vetëm me një vend, ky është operacion që është i lidhur me të gjitha vendet në botë dhe të gjithë duhet t’i respektojnë këto standarde. Këto janë rregulla, nëse quhen rekomandime në atë dokument, kështu quhet dokumenti, por ato janë të detyrueshme”, kishte thwnw Apostol Simoski, ish-drejtor i Entit Shtetëror të Statistikave.
Mbetet për t’u parë nëse Simoski dhe Selami do të ndiqen penalisht, pasi Prokuroria u përgjigj se ende nuk e kanë marrë zyrtarisht vendimin nga Gjykata Kushtetuese dhe as nuk kanë marrë ndonjë denoncim kundër ish-drejtuesve të Entit Shtetëror të Statistikave. / Alsat.mk
Lajme nga vendi
‘Fitonin’ 34 mijë euro me mallverzimeve gjatë shit-blerjes së veturave të konfiskuara
Drejtoria e Policisë Financiare ngriti kallëzim penal në Prokurorinë Themelore Publike në Shkup kundër personave N.I., B.G. në cilësinë e tyre si drejtues të personave juridikë, kundër dy personave juridikë, si dhe kundër pesë personave të punësuar në Agjencinë për Menaxhimin e Pasurisë së Sekuestruar F.A., G.A., P.K., F.J. dhe A.B., për shkak të ekzistencës së bazave të dyshimit për kryerjen e veprës penale “Keqpërdorim i procedurës për thirrjes publike, dhënie të kontratës së prokurimit publik ose partneritetit publik-privat” sipas nenit 275-c të Kodit Penal të Republikës së Maqedonisë së Veriut.
Të denoncuarit N.I. dhe B.G., si drejtues të dy personave juridikë, gjatë vitit 2021 me vetëdije dhe me qëllim të paracaktuar kanë shkelur rregulloret e procedurës për thirrje publike dhe dhënie të kontratës së prokurimit publik, me marrëveshje paraprake dhe veprime të koordinuara kanë shkelur konkurrencën në procedurën për shitjen e automjeteve të shkatërruara – skrap metali, të organizuar nga Agjencia për Menaxhimin e Pasurisë së Sekuestruar. Një person juridik u paraqit si konkurrent formal, dhe gjatë ankandit publik u paraqit një ofertë me një gabim teknik të qëllimshëm në një shumë monetare joreale, e cila i pengoi pjesëmarrësit e tjerë të vazhdonin më tej me ofertat.
Të pandehurit G.A., P.K. dhe F.J., si anëtarë të komisionit për zbatimin e procedurës, në kundërshtim me dispozitat ligjore të parashikuara në Ligjin për Menaxhimin e Pronës së Konfiskuar, Përfitimit Pasuror dhe Objekteve të Sekuestruara në Procedurën Penale dhe Kundërvajtje, dhe bazuar në një akt nënligjor dhe mendim ligjor të përgatitur nga A.B., me vetëdije ndihmuan në zbatimin e kësaj skeme të dakorduar dhe mundësuan lidhjen e një marrëveshjeje për shitjen e automjeteve të sekuestruara të shkatërruara si skrap metali midis Agjencisë për Menaxhimin e Pronës së Sekuestruar, të përfaqësuar nga F.A., dhe personit juridik të menaxhuar nga N.I., gjë që i mundësoi personit juridik të fitonte përfitim pasuror të paligjshëm në shumën prej 2.128.352 denarë.
Lajme nga vendi
Siljanovska: Balancuesi krijoi pushtet të korruptuar, ligjet duhet të miratohen me procedurë të rregullt
Presidentja Gordana Siljanovska Davkova sot deklaroi se heqja e balancuesit ishte e domosdoshme për shkak të rreziqeve korruptuese që i ka krijuar, duke theksuar njëkohësisht se çështjet e shtetësisi jorezidente, marrëdhëniet me Bullgarinë dhe politikat energjetike janë komplekse dhe duhet të zgjidhen përmes parimeve kushtetuese, debatit publik dhe respektimit të standarE madhee njerëzore dhe ekologjike.
Në një deklaratë për mediat pas hapjes së “Fundjavës për pastrim të përgjithshëm”, presidentja Gordana Siljanovska Davkova deklaroi se i a.q. balancuesi, në formatin që ka ekzistuar, në thelb çoi në korrupsion dhe kriminalizim.
Në lidhje me çështjen për shtetësinë jorezidente, ajo u përgjigj se zgjidhja duhet të miratohet përmes argumenteve.
“Çështja është komplekse. Ka vende ku ekziston shtetësia e dyfishtë, ka vende ku nuk ekziston. Sot të gjithë po përballemi me një eksod dhe mungesë të fuqisë punëtore, dhe po flasim për qenie njerëzore që kanë edhe të drejtën e jetës”, tha presidentja, duke shtuar se zgjidhjet duhet të merren pas një debati të gjerë publik dhe duke peshuar argumentet “pro” dhe “kundër”.
Lidhur me pritjet e saj për marrëdhëniet me qeverinë e re të Bullgarisë, Siljanovska Davkova deklaroi se pritjet duhet të drejtohen nga qeveria e re bullgare dhe kryeministri Rumen Radev, duke theksuar se populli bullgar pret stabilitet, reforma dhe luftë kundër korrupsionit dhe krimit.
Lidhur me kërkesat e organizatave joqeveritare për të vënë veton ndaj Ligjit për Burimet Minerale, presidentja theksoi se ato kanë një rol të rëndësishëm në shoqëri dhe meritojnë, siç e tha ajo, një “vend të gjelbër” në parlament.
Sipas saj, garancitë për mbrojtjen e mjedisit nuk përmbahen në këto ligje.
“Ato ligje, nëse keni parasysh Ligjin për burimet minerale, merren kryesisht me çështjet e energjisë. Ne kemi Kushtetutë, kemi edhe Ligj për mbrojtjen e mjedisit – ky është çelësi i qëndrimit ndaj këtyre ligjeve”, shtoi Siljanovska Davkova.
Ajo theksoi se shteti duhet të përgatitet njëkohësisht për sfidat e ardhshme energjetike dhe të kujdeset për natyrën.
Për ditë me radhë koalicioni VLEN ka ngritur intensitetit e aktivitetit publik duke paralajmëruër Kongresin e Bashkimit.
Sipas tyre e shtuna, do të kurorëzojë përpjekjet për unifikimin e faktorit politik shqiptar.
Koalicioni VLEN, nesër më 9 Maj – në Ditën e Evropës, do të mbajë Kongresin e bashkimit, ku 5 subjekte politike formalisht duhet të miratojnë vendimin për të vepruar si subjekt i vetëm politik në kuadër të bllokut politik shqiptar në vend. Në prag të Kongresit, VLEN doli me mesazhin se procesi i bashkimit ka qenë i gjatë dhe përplot me sfida politike, dyshime dhe tentativa për të parandaluar këtë process. Sipas VLEN-it, ky bashkim ka peshë historike dhe se ky është premtimi që VLEN ua dha shqiptarëve. Por, si e shohin qytetarët, këtë Kongres dhe këtë bashkim të VLEN-it?
“Çdo bashkim është i mirë. Madje unë kisha thënë se që të bashkohen të gjitha partitë”
“Edhe atë gajle do ia mbajë VLEN-it, unë jam plak”
“Më mirë me u bashkuar”
“Më mirë është. Deri tani Bilall Kasami ka punuar mirë. Jam i gëzuar”
“Mendoj se është mirë. Bilall Kasami duhet të jetë Kryetar”
“Është më mirë për shqiptarët. Cili të jetë Kryetar vet le ta vlerësojnë”
“Normalisht se është mirë. Sa më të bashkuar aq më mirë. Vet si do të vendosin organmet partiake, mendoj se Izeti do të ishte më mirë”
Pas Kongresit, VLEN, si pjesë e Qeverisë, do të duhet të përballet me shumë sfida që prekin drejtpërdrejtë qytetarët.
Situata ekonomike, migrimi i të rinjve, pozita e shqiptarëve, gjuha shqipe, eurointegrimet evropiane e shumë çështje tjera duhet që nga premtimet të shndërrohen në rezultate të prekshme./Tv Koha/
‘Fitonin’ 34 mijë euro me mallverzimeve gjatë shit-blerjes së veturave të konfiskuara
Siljanovska: Balancuesi krijoi pushtet të korruptuar, ligjet duhet të miratohen me procedurë të rregullt
KONGRESI I VLEN – QYTETARËT MIRËPRESIN BASHKIMIN!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
